• హుజూరాబాద్ నియోజకవర్గ పరిధిలోని ప్రభుత్వ ఆస్పత్రుల్లో గుండె వైద్య నిపుణులను నియమించండి
• హెల్త్ మినిస్టర్ దామోదర రాజనర్సింహకు సామాజికవేత్త వెంకట్ వినతి
• త్వరలో కార్డియాలజిస్టులను నియమిస్తామని వైద్యారోగ్యశాఖ మంత్రి  హామీ

వేద న్యూస్, హైదరాబాద్:

హుజురాబాద్ నియోజకవర్గ  పరిధిలో సమస్యలపై  ప్రముఖ సామాజికవేత్త, మల్టీ నేషనల్ కంపెనీ ‘జెన్ ప్యాక్ట్’ గ్లోబల్ వైస్ ప్రెసిడెంట్ సబ్బని వెంకట్ తన గళం వినిపిస్తున్నారు. సెగ్మెంట్ పరిధిలో  విద్య, వైద్యం, ఉపాధి  కల్పనకు తన వంతుగా కృషి చేస్తూనే… ప్రభుత్వాల పరంగా చేయాల్సిన విషయాలపై సామాజికవేత్త తన వాయిస్ వినిపిస్తున్నారు. 

ప్రజల పక్షాన ప్రభుత్వం దృష్టికి  సమస్యలను  తీసుకెళ్తూ.. పరిష్కారానికి తన వంతు కృషి చేస్తున్నారు. ఇటీవల జమ్మికుంట సివిల్ హాస్పిటల్ ను సందర్శించి వసతుల కల్పన, వైద్య నిపుణుల కొరత గురించి వాకబు చేశారు. 

హుజూరాబాద్ నియోజకవర్గంలో గుండె వైద్య నిపుణుల కొరత, ఆవశ్యకత గురించి తెలుసుకుని రాష్ట్ర వైద్య శాఖ మంత్రి దామోదర రాజ నర్సింహా ని కలిసి మంగళవారం వినతి పత్రం సమర్పించారు. తనతో ఉన్న సన్నిహిత్యం కారణంగా మంత్రి కూడా సానుకూలంగా స్పందించి.. త్వరలో అధికారులతో మాట్లాడి గుండె వైద్య నిపుణులను నియమిస్తానని హామీ ఇచ్చారని సబ్బని వెంకట్ వెల్లడించారు.

The post సమస్యలపై సబ్బని వెంకట్ గళం appeared first on VEDHA NEWS.

• అయ్యా..ఈ నీళ్లు మీరు తాగుతారా?

వేద న్యూస్, ఎంజీఎం:

గ్రేటర్ వరంగల్ నగరంలోని ఎంజీఎం ఆస్పత్రిలో మంచి నీళ్లు తాగాలంటే..రోగులు, రోగుల బంధువులు వణికిపోతున్నారు. తాగు నీరు ఏర్పాటుచేసిన ప్రాంతంలో చుట్టూ మురుగునీరు చేరడంతో తాగునీరు కలుషితంగా, విధంగా మారుతోంది. దీంతో ఆ నీరు తాగాలంటే జనాలు జంకుతున్నారు. 

ఎంజీఎం ఆస్పత్రికి వరంగల్ జిల్లా చుట్టూ 50 నుంచి60 కిలోమీటర్ల దూరం నుంచి వచ్చేవారు ఎక్కువగా ఉండడంతో దిక్కుతోచని స్థితిలో అదే నీరు తాగుతున్నారు. అయితే ఎంజీఎం సిబ్బంది,డాక్టర్లు కూడా ఇదే నీళ్లు త్రాగుతారా? అని పలువురు ప్రశ్నిస్తున్నారు.

డ్రింకింగ్ వాటర్ అందించే చోట పరిశుభ్రంగా ఉంచాలని ఆస్పత్రి సిబ్బందిని, అధికారులను వేడుకుంటున్నారు. ఉత్తర తెలంగాణ ప్రజానీకానికి ఆరోగ్య వరప్రదాయినిగా, పెద్ద ఆసుపత్రిగా పేరుగాంచిన ఎంజీఎం ఆస్పత్రిలో కనీసం గా తాగు నీటి సదుపాయం సరిగా లేకపోతే ఎలా? అని రోగుల బంధువులు అడుగుతున్నారు. తాగునీరు కలుషితమయమై విషపూరితంగా మారుతుండడం పట్ల విస్మయం వ్యక్తం చేస్తున్నారు.

The post హే.. గాంధీ!.. వరంగల్ ఎంజీఎంలో తాగునీరు కాలకూట విషం! appeared first on VEDHA NEWS.