వేద న్యూస్, వరంగల్:

ఓరుగల్లు శ్రీ భద్రకాళి దేవాలయంలో కృష్ణాష్టమి వేడుకలు వైభవంగా జరిగాయి. శ్రీ కృష్ణాష్టమి సందర్భంగా శ్రీ భద్రకాళి అమ్మవారిని ఆలయ అర్చకులు శ్రీ కృష్ణుడి అలంకారంలో శనివారం  అలంకరించి ప్రత్యేక పూజలు నిర్వహించారు. గోపాలకృష్ణుడి అలంకరణంలో దర్శనమిచ్చిన భద్రకాళి అమ్మవారిని ఓరుగల్లు ప్రజలతో పాటు రాష్ట్ర నలుమూలల నుంచి భక్తులు భారీగా తరలివచ్చి అమ్మవారిని దర్శించుకున్నారు.

The post శ్రీకృష్ణాష్టమి ప్రత్యేకం.. గోపాలుడి అలంకరణలో భద్రకాళి అమ్మవారు appeared first on VEDHA NEWS.

వేద న్యూస్, హన్మకొండ:

హనుమకొండ అటవీ రేంజ్ అధికారి పెంటా బిక్షపతి  పదవి విరమణ ఆత్మీయ సన్మానం గురువారం జరిగింది. ఓరుగల్లు వైల్డ్ లైఫ్ సొసైటీ(ఔల్స్) వారు ఈ ప్రోగ్రామ్ లో పాల్గొని వారిని ఆత్మీయంగా ఘనంగా సన్మానించారు.  ఓరుగల్లు వైల్డ్ లైఫ్ సొసైటీ తో గత 8 ఏండ్లుగా ఎన్నో అటవీ సంరక్షణ కార్యక్రమాలను ఆయన కలిసి చేశారు.

అదే విధంగా హనుమకొండకు దగ్గరలో ఉన్న ఇనుపరాతి గుట్టలను రక్షించుటలో స్వచ్ఛంద సంస్థలను భాగస్వామ్యం చేసుకొని ఎఫ్ఆర్ఓ భిక్షపతి గారు ముందుకు నడిచారు. ఆ రకంగా ఇప్పుడు ఉన్న ఇనుపరాతి గుట్టలను రక్షించుటలో ఆయన ముఖ్యపాత్ర వహించారని, తమను కూడా రక్షించడంలో అవకాశం కల్పించి ఇనపరాతి గుట్టలను ఇప్పటివరకు కాపాడగలరని ఔల్స్ వారు ఈ సందర్భంగా తెలిపారు.  

 

ఈ కార్యక్రమానికి ముఖ్య అతిథిగా సీసీఎఫ్. భద్రాద్రి కొత్తగూడెం సర్కిల్ డాక్టర్ డి.బీమా నాయక్ ఐ.ఎఫ్.ఎస్. సర్కిల్ , జిల్లా అటవీ అధికారి కొత్తగూడెం కిష్టాగౌడ, ఐ.ఎఫ్.ఎస్, హనుమకొండ, వరంగల్, జనగాం జిల్లాల అటవీ అధికారి అనుజ్ అగర్వాల్, ఐఎఫ్ఎస్, హనుమకొండ జిల్లా అటవీ అధికారిణి బి.లావణ్య, ఐఎఫ్ఎస్, భద్రాద్రి సర్కిల్ ఫ్లైయింగ్ స్వాడ్ కృష్ణమాచారీ, హార్టికల్చర్ ఆఫీసర్ రమేష్, రేంజ్ ఆఫీసర్లు, బీట్ ఆఫీసర్లు, అటవీ శాఖ సిబ్బంది, బంధుమిత్రులు తదితరులు హాజరయ్యారు. 

The post ఫారెస్ట్ అధికారి  భిక్షపతికి ‘ఔల్స్’ ఘన సన్మానం  appeared first on VEDHA NEWS.

వేద న్యూస్, వరంగల్:

ప్రస్తుత జెన్ జెడ్(జనరేషన్ జెడ్) పాశ్చాత్య సంస్కృతికి ఆకర్షితులవుతున్న తరుణంలో ఓ విదేశీ యువతి తెలంగాణ యువకుడిని భారతదేశ సంస్కృతీ సంప్రదాయాల ప్రకారం మనువాడింది. ఇందుకు సంబంధించిన వీడియోను ‘వేద న్యూస్’ ప్రత్యేకంగా అందిస్తోంది. 

ఖండాంతరాలు దాటిన ప్రేమను పెళ్లిగా మార్చుకున్న నవ వధూవరుల పెళ్లి మహోత్సవానికి వరంగల్ వేదికయింది. 

వరంగల్ పోచమ్మ మైదానికి చెందిన డాక్టర్ అశోక్ సునీతల కుమారుడైన రితేష్ అమెరికాలోని పిట్స్ బర్గ్ చెందిన జూలీయాన్ అమ్మాయితో గురువారం వెంకటేశ్వర గార్డెన్లో ప్రేమ వివాహాన్ని అత్యంత ఘనంగా బంధుమిత్రులు కుటుంబ సమేతంగా నిర్వహించారు.

వివాహ తంతును అమెరికా అమ్మాయి కుటుంబ సభ్యులు ఆద్యంతం ఆనందంగా.. జరుపుకోవడం పెళ్లికి విచ్చేసిన అందర్నీ ఆకట్టుకుంది.

పోచమ్మ మైదాన్ టు అమెరికా.. ఖండాంతరాలు దాటిన ప్రేమ పెళ్లి

The post సంప్రదాయ పద్ధతిలో తెలంగాణ యువకుడిని మనువాడిన విదేశీ యువతి (వీడియో) appeared first on VEDHA NEWS.

వేద న్యూస్, వరంగల్:

“వేద న్యూస్ ” తెలుగు దినపత్రిక కథనానికి స్పందన వచ్చింది. యంత్రాంగం వెంటనే స్పందించి తగు చర్యలు తీసుకున్నది. “స్వచ్ఛ వరంగల్ ఉట్టి మాటేనా?” శీర్షికన వేద న్యూస్ తెలుగు దినపత్రిక ప్రధాన సంచికలో ఆదివారం ప్రచురితమైన స్టోరీకి స్పందించిన యంత్రాంగం.. వెంటనే ఇబ్బడి ముబ్బడిగా ఉన్న ఉన్న చెత్తను ఆ ప్రదేశం నుంచి తొలగించింది. 

ఇంతేజార్ గంజ్ పోలీస్ స్టేషన్ ఎదుట గత కొద్ది రోజులుగా పేరుకుపోయిన చెత్తాచెదారం వల్ల వాహనదారులు, ప్రజలు ఇబ్బందులు పడుతున్నారు. ఈ సంగతిని “వేద న్యూస్”  తెలుగు దినపత్రిక తన కథనంలో ప్రస్తావించింది. పోలీసు స్టేషన్ కు కూ తవేటు దూరంలో, ప్రధాన కూడలి వద్ద చెత్త ఇబ్బడి ముబ్బడిగా పోగై ఉండటంతో.. నగరవాసులకు వ్యాధులు ప్రబలే అవకాశం ఉందని, కనీస పట్టింపు లేకుండా ఉండటం సరికాదని పలువురు పేర్కొన్న విషయాన్ని వివరించింది.

ప్రస్తుత వానాకలం నేపథ్యంలో సీజనల్ డిసీజెస్ ముప్పు పొంచి ఉండగా, వెంటనే చెత్తను తొలగించాలని పలువురు కోరారు. ఈ మేరకు ప్రజల సమస్యలను వెలుగులోకి తీసుకురాగా, పరిష్కారం లభించడంతో పలువురు సంతోషం వ్యక్తం చేశారు. “వేద న్యూస్” తెలుగు  దినపత్రిక కి కృతజ్ఞతలు తెలిపా రు.

The post ‘వేద న్యూస్’ కథనానికి స్పందన.. ప్రధాన కూడలి వద్ద చెత్త తొలగింపు appeared first on VEDHA NEWS.

వేద న్యూస్, వరంగల్:

“వేద న్యూస్ ” తెలుగు దినపత్రిక కథనానికి స్పందన వచ్చింది. యంత్రాంగం వెంటనే స్పందించి తగు చర్యలు తీసుకున్నది. “స్వచ్ఛ వరంగల్ ఉట్టి మాటేనా?” శీర్షికన వేద న్యూస్ తెలుగు దినపత్రిక ప్రధాన సంచికలో ఆదివారం ప్రచురితమైన స్టోరీకి స్పందించిన యంత్రాంగం.. వెంటనే ఇబ్బడి ముబ్బడిగా ఉన్న ఉన్న చెత్తను ఆ ప్రదేశం నుంచి తొలగించింది. 

ఇంతేజార్ గంజ్ పోలీస్ స్టేషన్ ఎదుట గత కొద్ది రోజులుగా పేరుకుపోయిన చెత్తాచెదారం వల్ల వాహనదారులు, ప్రజలు ఇబ్బందులు పడుతున్నారు. ఈ సంగతిని “వేద న్యూస్”  తెలుగు దినపత్రిక తన కథనంలో ప్రస్తావించింది. పోలీసు స్టేషన్ కు కూ తవేటు దూరంలో, ప్రధాన కూడలి వద్ద చెత్త ఇబ్బడి ముబ్బడిగా పోగై ఉండటంతో.. నగరవాసులకు వ్యాధులు ప్రబలే అవకాశం ఉందని, కనీస పట్టింపు లేకుండా ఉండటం సరికాదని పలువురు పేర్కొన్న విషయాన్ని వివరించింది.

ప్రస్తుత వానాకలం నేపథ్యంలో సీజనల్ డిసీజెస్ ముప్పు పొంచి ఉండగా, వెంటనే చెత్తను తొలగించాలని పలువురు కోరారు. ఈ మేరకు ప్రజల సమస్యలను వెలుగులోకి తీసుకురాగా, పరిష్కారం లభించడంతో పలువురు సంతోషం వ్యక్తం చేశారు. “వేద న్యూస్” తెలుగు  దినపత్రిక కి కృతజ్ఞతలు తెలిపా రు.

The post ప్రధాన కూడలి వద్ద చెత్త తొలగింపు.. ‘వేద న్యూస్’ ఎఫెక్ట్ appeared first on VEDHA NEWS.

•   ఆసక్తి ఉన్న పాత్రికేయులందరూ ఆహ్వానితులే: కోఆర్డినేటర్స్

వేద న్యూస్, కాశీబుగ్గ :

వృత్తి నైపుణ్యాన్ని మరింత మెరుగుపరుచుకునేందుకు ఒక్కరోజు జర్నలిజం శిక్షణా తరగతులను ఏర్పాటు చేసినట్టు శిక్షణా శిబిరం కో-ఆర్డినేటర్స్ సీనియర్ జర్నలిస్టులు జక్కుల విజయ్ కుమార్, రాజేందర్ దామెర మంగళవారం ఓ ప్రకటనలో తెలిపారు. జర్నలిజంలో అనుభవం కలిగిన సీనియర్ అధ్యాపకులతో వార్తాకథనాలుపై క్లాసెస్ ఉంటాయని వెల్లడించారు.

వార్తలు, స్టోరీలు, వార్తాసేకరణ, శీర్షికలు, లీడ్, సూపర్ లీడ్, వాక్యనిర్మాణం తదితర అంశాలపై ఈ క్లాసులో చర్చించనున్నట్టు పేర్కొన్నారు. నూతనంగా జర్నలిజంలో వచ్చే వారు, ఇప్పటికే కొనసాగుతున్నావారు, గ్రామీణ, పట్టణ విలేకరులు.. ఆసక్తి ఉన్నవారందరూ ఈ క్లాసెస్‌కు ఆహ్వానితులే అని పేర్కొన్నారు.

ఈ క్లాసులు (జూన్ 4) బుధవారం ఉదయం 10 :30 గంటలకు.. స్కాలర్స్ పబ్లిక్ స్కూల్ కాశీబుగ్గ తిలక్ రోడ్డు, వరంగల్‌లో నిర్వహిస్తున్నామని తెలిపారు. ఆసక్తి ఉన్న వారు వెంటనే 94930 87222,
9849565531 నంబర్లను సంప్రదించొచ్చని స్పష్టం చేశారు.
 

The post స్కిల్స్ ఇంప్రూవ్‌మెంట్‌ కోసం.. జర్నలిస్టులకు వన్‌డే క్లాసెస్.. ఎక్కడంటే? appeared first on VEDHA NEWS.

 వేద న్యూస్, మడికొండ:

ఖాకీ దుస్తుల వెనక కాఠిన్యం, కరుకుదనం మాత్రమే ఉంటుందనే అపోహ సాధారణంగా వ్యక్తమవుతుంటోంది. కాగా, అది అసత్యమని నిరూపిస్తూ.. ఖాకీ దుస్తుల వెనక సేవా దృక్పథం ఉంటుందని మాటల్లో కాకుండా చేతల్లో చేసి చూపిస్తున్నారు మడికొండ పీఎస్ హెడ్ కానిస్టేబుల్‌ జయరాజు… 

  గ్రేటర్ వరంగల్ పోలీస్ కమిషనరేట్ పరిధిలోని మడికొండ పోలీస్ స్టేషన్‌లో  హెడ్ కానిస్టేబుల్ గా విధులు నిర్వహిస్తున్న జి. జయరాజు.. ఓ వైపు వృత్తి బాధ్యతలు నిర్వర్తిస్తూనే.. మరో వైపున తన వంతుగా సమాజ సేవలో ముందుకు సాగుతున్నారు. ‘ఎవరో ఒకరు ఎపుడో అప్పుడు నడవరా.. ముందుకు అటో ఇటో ఎటో మరి..’ అని అన్నట్టుగా .. తన వంతుగా శక్తి వంచన లేకుండా హెడ్ కానిస్టేబుల్ జయరాజు.. తోచినంతలో సేవ చేస్తున్నారు. ‘పే బ్యాక్ టు సొసైటీ’ అనే ఆలోచనను ఆచరణలో అమలు చేస్తున్నారు. 

రక్తదానంలో రా‘రాజు’

జయరాజు ప్రతీ పండుగకు ప్రతి నెలా పేద ప్రజలకు నెల సరిపడ కిరాణా సరుకులను అందిస్తున్నారు. ఇప్పటి వరకు 35 సార్లు ఓ నెగెటివ్ రక్తాన్ని దానం చేశారు.  ఇతరులతో రక్తాన్ని దానం చేపించడం, కళ్లను దానం చేయించడం, ప్రతి పాఠశాలలో పెద్దబాలశిక్ష పుస్తకాన్ని అందించడం, ప్రకృతి వైపరీత్యాలు సంభవించినప్పుడు విధి నిర్వహణలో చురుకుగా పాల్గొనడంతో పాటు  ప్రతిరోజూ 20 నుంచి  30 కిలోమీటర్లు సైకిల్ తొక్కుతూ ఉదయం పూట ప్రజలకు అవగాహన కల్పించడం లాంటి వివిధ సేవా కార్యక్రమాలు చేపడుతున్న జయరాజు సేవలను మెగా హెల్పింగ్ ఫౌండేషన్ వారు గుర్తించారు. 

గోల్డ్ స్టార్ సేవా ప్రతిభ అవార్డు 2025 కు హెడ్ కానిస్టేబుల్ జయరాజును ఎంపిక చేశారు. ఈనెల 31వ తేదీన హైదరాబాద్ లోని త్యాగరాయ ఘన సభలో మెగా హెల్పింగ్ ఫౌండేషన్ చైర్మన్ డాక్టర్ శిరీష చేతుల మీదుగా జయరాజు అవార్డు అందుకోనున్నారు. కాగా, ఖాకీ దుస్తులు ధరించి.. ఓ వైపు వృత్తి బాధ్యతలు నిర్వర్తిస్తూనే.. మరో వైపున సేవా మార్గంలో ముందుకు సాగుతున్న జయరాజుకు ఇలాంటి అవార్డులు మరెన్నో రావాలని, ఆయన వృత్తి జీవితంలో ఉన్నతస్థాయికి ఎదగాలని పలువురు ఆకాంక్షించారు. 

The post మడికొండ పీఎస్ హెడ్ కానిస్టేబుల్‌ జయరాజుకు గోల్డ్ స్టార్ అవార్డు appeared first on VEDHA NEWS.

వేద న్యూస్, వరంగల్:

‘‘ప్రణామం ప్రణామం ప్రణామం/ సమస్త ప్రకృతికి ప్రణామం..                                                                        ఎవడికి సొంతమిదంత..?/ ఇది ఎవ్వడు నాటిన పంట/
ఎవడికి వాడు నాదే హక్కని .. చెయ్యేస్తే.. ఎట్టా? /
తరముల నాటి కథంతా../ మన తదుపరి మిగలాలంట
/ కదపక చెరపక.. పదికాలాలిది కాపాడాలంటా../
ప్రేమించే పెద్దమ్మే ఈ విశ్వం/
ఇష్టంగా గుండెకు హత్తకుందాం../ కన్నెర్రై కన్నీరై ఓ కొంచెం../
తల్లడిల్లిందో ఈ తల్లి, ఏ ఒక్కడు మిగలం..’’  అంటూ సాగే ఓ సినీ పాటలో ప్రకృతికి కోపమొస్తే.. భూమ్మీద ఏ ఒక్కరు మిగలబోమని, అందుకే పర్యావరణానికి చేటు చేయొద్దని సూచిస్తూనే.. పరిరక్షణకు పాటు పడాలనే సందేశాన్ని గేయ రచయిత సాంగ్‌లో అందించే ప్రయత్నం చేశారు.

కాగా, ఈ పాటలోని పంక్తులను నరనరాన వంటపట్టించుకున్నట్టుగా మన తదుపరి తరం, మనుషులకు ప్రకృతి మిగల్చడం కోసం.. పర్యావరణ పరిరక్షణకు నడుం బిగించి.. ‘హరిత’ యజ్ఞం చేస్తూ… జంతు, వన్యప్రాణి సం‘రక్షణ’కు విశేషంగా పాటు పడుతున్న వ్యక్తి పిట్టల రవిబాబు అని చెప్పడంలో ఎలాంటి అతిశయోక్తి లేదు. వన్యప్రాణులతో పాటు పర్యావరణ పరిరక్షణలో ‘నేను సైతం’ ఓ సమిధనై ముందుకు సాగుతానని, తన వంతు ప్రయత్నం, కృషి చేస్తున్న పర్యావరణవేత్త పిట్టల రవిబాబుపై ‘వేద న్యూస్’ తెలుగు దినపత్రిక అందిస్తున్న ప్రత్యేక కథనం..

పర్యావరణ హితమే ‘పిట్టల’ అభిమతం

అశేష జీవకోటికి అవసరమైన ప్రాణవాయువు, ఆహారం, నీరు భూమ్మీద ఉన్న ప్రకృతి అందిస్తోంది. కాగా, సకల జీవరాశిలో మానవుడి వాటా అతి స్వల్పం. కానీ, పర్యావరణానికి మనిషి చేసే హాని మాత్రం అత్యంత అధికం. భూమ్మీద జరుగుతున్న విధ్వంసం ఆపకపోతే వినాశనం అతి దగ్గర్లో ఉంటుందని పర్యావరణవేత్తలు హెచ్చరిస్తున్నారు. ఈ క్రమంలోనే పర్యావరణ విద్యపైన అవగాహన కల్పించే ప్రయత్నం కొందరు చేస్తున్నారు. ఈ కోవకు చెందిన వారిలో ముందు వరుసలో నిలిచే వ్యక్తి పర్యావరణవేత్త పిట్టల రవిబాబు.

ప్రకృతితో మమేకమవుతూ.. ప్రజలకు అవగాహన కల్పిస్తూ…

నిద్ర లేచింది మొదలు.. పర్యావరణ పరిరక్షణపై అవగాహనకు ఆ రోజు ఏయే కార్యక్రమాల్లో పాల్గొనాలనే విషయాలపై కార్యాచరణ రూపొందించుకుని.. ఎంత దూరమైనా ప్రయాణం చేసి.. ప్రకృతితో మమేకమవుతూ.. నేచర్ నెసిసిటీని  వివరిస్తూ.. ప్రజలకు అవగాహన కల్పించే ప్రయత్నం ప్రతి రోజూ చేయడం పిట్టల రవిబాబు దినచర్య. భారత రాజ్యాంగంలోని ఆర్టికల్(అధికరణ 51 ఏ(జీ)) ప్రకారం.. ‘‘ప్రకృతి పరిసరాలైన అడవులు, సరస్సులు, నదులు, వన్యప్రాణులు, ఇతర జీవులను సంరక్షించుకోవాలి’’, ‘‘ శాస్త్రీయ దృక్పథాన్ని అలవర్చుకుని, వైజ్ఞానిక విషయాలను పెంపొందించి.. జ్ఞానాభివృద్ధికి పాటు పడాలి’’.. ఇవీ ప్రతి పౌరుడి ప్రాథమిక విధులు.. కాగా, ఈ డ్యూటీస్‌ను త్రికరణ శుద్ధితో నిర్వర్తిస్తున్న పర్సన్ పర్యావరణవేత్త పిట్టల రవిబాబు.

ఉన్నత విద్యావంతుడు పిట్టల రవిబాబు..

 వరంగల్ కాకతీయ యూనివర్సిటీలో ఎన్విరాన్‌మెంటల్‌ సైన్స్‌లో ఎంఎస్సీ పూర్తి చేసిన రవిబాబు పిట్టల..వాటర్ అండ్ ఎన్విరాన్‌మెంట్ టెక్నాలజీ‌లో జేఎన్టీయూ హైదరాబాద్‌లో ఎంటెక్ చేశారు. అదే కాలేజీలో ఎన్విరాన్‌మెంటల్ టెక్నాలజీపై పీహెచ్‌డీ చేస్తున్నారు. సెంటర్‌ ఫర్ వాటర్ రొసోర్సెస్, ఐఎస్టీ, జేఎన్టీయూహెచ్‌లో అసిస్టెంట్ ప్రొఫెసర్‌గా రవిబాబు వర్క్ చేశారు.

జూనియర్, సీనియర్ రీసెర్చ్ స్కాలర్‌గా వివిధ జాతీయ, అంతర్జాతీయ ప్రాజెక్టుల్లో వివిధ వర్సిటీల్లో పని చేశారు. సుమారు 20కు పైగా రీసెర్చ్ పేపర్స్‌ను వివిధ ప్లాట్‌ఫాంలలో జర్నల్స్‌లో, మౌఖికంగా రవిబాబు ప్రజెంట్ చేశారు. వివిధ అంశాలపై 500 కు పైగా ఆర్టికల్స్ రాశారు. సహజ వనరుల క్షీణత, సంరక్షణ, పర్యావరణ పరిరక్షణ వంటి అంశాలపై ప్రజల్లో చైతన్యం తీసుకొచ్చేందుకు తన వంతుగా రవిబాబు పిట్టల విశేషంగా కృషి చేస్తున్నారు.

ఎన్విరాన్‌మెంట్, వైల్డ్ లైఫ్ కన్జర్వేషన్‌పై వివిధ కాలేజీలు, స్కూల్స్, పబ్లిక్‌కు అవగాహన కల్పించేందుకు పిట్టల రవిబాబు..ఆయా సంస్థలతో పాటు తెలంగాణ అటవీశాఖ, తెలంగాణ బయోడైవర్సిటీ బోర్డు, ఇతర ఎన్జీవో‌లతో భాగస్వామి అవుతారు. ఓరుగల్లు వైల్డ్ లైఫ్ సొసైటీ(Orugallu Wildlife Society) ఎన్జీవోకు జాయింట్ సెక్రెటరీ రవిబాబు పని చేస్తున్నారు. పలు జాతీయ, అంతర్జాతీయ సదస్సుల్లో పాల్గొని.. పర్యావరణ పరిరక్షణకు రవిబాబు తన గళం వినిపించారు.

The post పిట్టల ‘హరిత’ యజ్ఞం.. జంతు, వన్యప్రాణి సం‘రక్షణ’కు రవిబాబు విశేష కృషి appeared first on VEDHA NEWS.

• హైదరాబాద్ సెంట్రల్ వర్సిటీ అడవుల జీవవైవిధ్య విధ్వంసం పైన OWLS ఆధ్వర్యంలో రౌండ్ టేబుల్ సమావేశం

వేద న్యూస్, వరంగల్:

తెలంగాణ ప్రభుత్వం గత వారం రోజుల నుంచి రాష్ట్రంలోని హైదరాబాద్ సెంట్రల్ యూనివర్సిటీ (HCU) లో హైదరాబాద్ కు ఊపిరి అందిస్తున్న అడవిని, అడవి జంతువులను, వృక్షాలను, నీటి కుంటలను చట్టవిరుద్ధంగా 400 ఎకరాలను రాత్రికి రాత్రి నాశనం చేయడం దారుణం అని పలువురు పర్యావరణవేత్తలు పేర్కొన్నారు. హైదరాబాద్ సెంట్రల్ యూనివర్సిటీ కి సంబందించిన 400 ఎకరాల అడవి విధ్వంసం గురించి ఓరుగల్లు వైల్డ్ లైఫ్ సొసైటీ(OWLS) ఆధ్వర్యంలో హనుమకొండ నక్కలగుట్టలోని హరిత హోటల్ లో రౌండ్ టేబుల్ సమావేశం నిర్వహించారు.

ఈ చర్చా కార్యక్రమానికి ముఖ్య అతిథిగా మాజీ శాసనసభ్యులు దాస్యం వినయ్ భాస్కర్  హాజరై మాట్లాడుతూ ప్రపంచ స్థాయి ప్రమాణాలు గల హైదరాబాద్ సెంట్రల్ యూనివర్సిటీ లోని 400 ఎకరాల విస్తీర్ణంలో ఉన్న జీవులను ఛిద్రం చేస్తూ, చెట్లను, జీవుల ఆవాసాలను, నీటి వనరులను, పర్యావరణ చట్టాలను, అటవీ చట్టాలను, నీటి చట్టాలను తుంగలో తొక్కి కోర్టు ఆదేశాలను సైతం ఉల్లంఘిస్తూ అక్కడి జీవవైవిధ్యాన్ని నాశనం చేస్తున్న తెలంగాణ రాష్ట్ర ప్రభుత్వం పైన చట్టప్రకారంగా చర్యలు తీసుకోవాలని డిమాండ్ చేశారు.

సామాజిక బాధ్యతతో జీవ వైవిధ్య పరిరక్షణ కోసం పోరాటం చేస్తున్న విద్యార్థులపైన, ఇతరులపైన పెట్టిన అక్రమ కేసులను ఎత్తివేయాలని కోరారు. తాను పర్యావరణ పరిరక్షణ కోసం కట్టుబడి ఉన్నానని తెలిపారు.

మాజీ మేయర్ టి. రాజేశ్వరరావు మాట్లాడుతూ… మనిషి తన అస్తిత్వం కోసం ప్రకృతిని నాశనం చేయడం దారుణం అన్నారు. 400 ఎకరాలల్లో అడగని విధ్వంసం చేయడం ప్రభుత్వ ఏకపక్ష నిర్ణయమేనని పేర్కొన్నారు.  ప్రభుత్వ ప్రజా వ్యతిరేక విధానాలపై పౌర సమాజం పోరాడాలని పిలుపునిచ్చారు.

“ఓరుగల్లు వైల్డ్ లైఫ్ సొసైటీ” సంస్థ సభ్యులు మాట్లాడుతూ ప్రైవేటు వ్యక్తులతో కుమ్మక్కై రాష్ట్రప్రభుత్వం ఎన్నో సంవత్సరాల వయసు కలిగిన చెట్లను పీకివేస్తూ జింకలను, నెమళ్లను,వివిధ రకాల పక్షులను, షెడ్యూల్ 1,2,3,4, జాబితాలో గలిగిన జీవులను,నక్షత్ర తాబేళ్లను, ఉడుములను, పాములను, తొండలను జీవ వైవిధ్యం పరంగా ప్రాధాన్యత కలిగిన వివిధ రకాల జీవులను, నాశనం చేయడం అత్యంత దారుణమని పేర్కొన్నారు. ఈ సందర్బంగా HCU జీవవైవిధ్యం,  ప్రభుత్వం చేపట్టిన విధ్వంసంపై 10 నిమిషాల వీడియో అదేవిధంగా 30 నిమిషాల పవర్ పాయింట్ ప్రెజెంటేషన్ ను ఔల్స్ జాయింట్ సెక్రెటరీ రవిబాబు పిట్టల ప్రజెంట్ చేశారు.

వివిధ NGO’S ప్రతినిధులు మాట్లాడుతూ నీరు, భూమి, ఖనిజాలు, చెట్లు వంటివి పరిమిత వనరులు కాబట్టి  వాటిని బాధ్యతాయుతంగా ఉపయోగించాలన్నారు . సహజ వనరుల సంపద నశిస్తే రాబోయే తరాలకు మనుగడ సాగించడం ఒక సవాల్ గా మారుతుందని వెల్లడించారు.

భూమి ఆరోగ్యంగా ఉండాలంటే, అడవులను సంరక్షించుకోవాలని, ఊపిరితిత్తులు దెబ్బతింటే శరీరానికి ఎలా నష్టం కలుగుతుందో, అదే విధంగా అడవులు నాశనం అయితే వాతావరణ మార్పులు, వాయు కాలుష్యం, నీటి కొరత వంటి సమస్యలు ఏర్పడతాయని చెప్పారు. ఈ సందర్భం గాహైదరాబాద్ యూనివర్సిటీ విద్యార్థుల అక్రమ అరెస్టులను ముక్త ఖంఠంతో ఖండిస్తూ వారిని బేషరుతుగా విడుదల చేస్తూ వారిపైన పెట్టిన కేసులను వెంటలే ఎత్తివేయాలని ప్రభుత్వాన్ని కోరారు.

 కార్యక్రమంలో ఓరుగల్లు వైల్డ్ లైఫ్ సొసైటీ సంస్థ అధ్యక్షులు ఇందారం నాగేశ్వరరావు , సెక్రెటరీ చెల్పూరి శ్యాం సుందర్, జాయింట్ సెక్రెటరీ పిట్టల రవి బాబు, “టార్చ్” వ్యవస్థాపక అధ్యక్షులు అరవింద్ ఆర్య, వన సేవ ప్రతినిధులు పొట్లపల్లి వీరభద్రా రావు, నరేష్, పర్యావరణవేత్త రతన్ సింగ్, డాక్టర్ ప్రసాద్ ,నిమ్మ శ్రీనివాస్, నిఖిత, జేవీవీ సంస్థ ప్రతినిధి పరికిపండ్ల వేణు, కమలాకర్ స్వామి, కుమారి రాపోల్ నిఖిత, విద్యార్థి నాయకులు శరత్, రాకేష్ యాదవ్, బైరపాక ప్రశాంత్, శ్రీకాంత్ చారి, వీరస్వామి, అనిల్ తదితరులు వివిధ ఎన్జీవో సంస్థల ప్రతినిధులు పాల్గొని ఈ రౌండ్ టేబుల్ సమావేశాన్ని విజయవంతం చేశారు.

The post HCUలో 400 ఎకరాల విధ్వంసం దారుణం: పర్యావరణవేత్తలు appeared first on VEDHA NEWS.

వేద న్యూస్, వరంగల్:

వనాలు, వన్యప్రాణుల రక్షణ, సహజవనరుల సంరక్షణ, పర్యావరణ విద్య, ప్రకృతి పరిరక్షణకు ఓరుగల్లు వైల్డ్ లైఫ్ సొసైటీ స్వచ్చంద సంస్థ చేసిన, చేస్తున్న సేవలను గుర్తిస్తూ .. 2025 సంవత్సరానికి గాను ఉగాది పురస్కారాన్ని మాజీ ఎమ్మెల్యే దాస్యం వినయ భాస్కర్ బృందం  హనుమకొండ లోని వారి పార్టీ ఆఫీసులో అందజేశారు.

ప్రకృతి, పర్యావరణం, అటవీ, సహజవనరుల సంరక్షణ సేవ చేయడం చాలా గర్వంగా సంతోషంగా ఉన్నదని ఈ సందర్భంగా OWLS స్వచ్చంద సంస్థ వరంగల్, వ్యవస్థాపక అధ్యక్షుడు ఇందారం నాగేశ్వరరావు పేర్కొన్నారు. తమ సంస్థ సభ్యులందరికీ ఆ అవార్డును అంకితం చేస్తున్నామని తెలిపారు. 

వనాలు, వన్యప్రాణుల రక్షణలో ప్రజలు కలిసిరావాలని పిలుపునిచ్చారు. తమ ప్రయాణంలో మరిన్ని విజయాలు సాధించడానికి అందరి నుంచి మద్దతును ఆశిస్తున్నామని వెల్లడించారు. “టార్చ్ సంస్థ” వ్యవస్థాపకులు, అధ్యక్షుడు అరవింద్ ఆర్యా పకిడె కు ప్రత్యేక వినమ్ర కృతజ్ఞతలు తెలిపారు.  ఇదే సందర్బంగా వివిధ విభాగాలలో “ఉగాది పురస్కారాలు” పొందిన ఇతర గ్రహీతలందరికీ హృదయపూర్వక అభినందనలు తెలిపారు.

The post ఓరుగల్లు వైల్డ్ లైఫ్ సొసైటీకి 2025 ఉగాది పురస్కారం appeared first on VEDHA NEWS.