వేద న్యూస్, మరిపెడ:
డోర్నకల్ నియోజకవర్గం మరిపెడ మండల కేంద్రంలో
లంబాడీల హక్కుల పరిరక్షణ కమిటీ ఆధ్వర్యంలో  లంబాడీ ఆత్మ గౌరవ సభ నిర్వహించారు. ఈ మీటింగ్ లో మహబూబాబాద్ మాజీ ఎంపీ,  జిల్లా గులాబీ పార్టీ అధ్యక్షులు  మాలోత్ కవిత నృత్యం చేసి సభలో జోష్ నింపారు. లంబాడీ ల కోసం బీ ఆర్ ఎస్ పని చేస్తున్నట్టు చెప్పారు.

వారి వెంట నాయకులు గుగులోత్ వెంకన్న , రాంబాబు గ, రవీందర్ , రాజు నాయక్ ,బోజు ,రవి నాయక్ , రాము తదితరులు ఉన్నారు.

The post సభా వేదికపై చిందేసి.. జోష్ నింపిన కవిత appeared first on VEDHA NEWS.

వేద న్యూస్, హైదరాబాద్:

బీఆర్ఎస్ పార్టీ ప్రాథమిక సభ్యత్వానికి, నిజామాబాద్ స్థానిక సంస్థల ఎమ్మెల్సీ పదవికి గులాబీ పార్టీ  అధినేత కేసీఆర్ తనయ కవిత రాజీనామా చేశారు.ఈ క్రమంలో ఆమెకు ప్రజాశాంతి పార్టీ అధ్యక్షుడు కేఏపాల్ ఆఫర్ ఇచ్చారు. 

ఈ మేరకు కేఏపాల్ సోషల్ మీడియా వేదికగా విడుదల చేసిన వీడియో సోషల్ మీడియాలో తెగ వైరలవుతోంది. బీఆర్ఎస్ నుంచి సస్పెన్షన్ వేటు పడిన నేపథ్యంలో తాజాగా కవిత బీఆర్ఎస్ కు రాజీనామా చేశారు. ఈ నేపథ్యంలో జూబ్లీహిల్స్ ఉప ఎన్నికలో బరిలో దిగాలని, ప్రజాశాంతి పార్టీ తరఫున మద్దతు ఇస్తామని కేఏపాల్ ప్రకటించారు. చూడాలి మరి.. ఏం జరుగుతుందో..

The post జూబ్లీహిల్స్ నుంచి పోరాడుదాం.. కవితకు ప్రజాశాంతి పార్టీ ఆఫర్ appeared first on VEDHA NEWS.

వేద న్యూస్, హైదరాబాద్:

బీసీలపై బీఆర్ఎస్ పార్టీ మొసలి కన్నీరు కారుస్తోందని కాంగ్రెస్ సీనియర్ నాయకుడు కొలిపాక శ్రీనివాస్ విమర్శించారు. ఆదివారం ఆయన హైదరాబాద్‌లో అంబేడ్కర్ సెక్రెటేరియట్‌ వద్ద తెలంగాణ తల్లి విగ్రహం ఎదుట మీడియాతో మాట్లాడారు. కాంగ్రెస్‌ను ఉద్దేశించి బీఆర్ఎస్ ఎమ్మెల్సీ కల్వకుంట్ల కవిత ‘సవతి తల్లి మీది.. తెలంగాణ తల్లి మాది’ అని చేసిన వ్యాఖ్యలను ఖండించారు. 

తెలంగాణ రాష్ట్ర సమితి(టీఆర్ఎస్)గా ఉన్న పార్టీ పేరును బీఆర్ఎస్(భారత రాష్ట్ర సమితి)గా కేసీఆర్ మార్చిన సంగతి కవితకు గుర్తు చేస్తున్నట్టు వెల్లడించారు. దేశరాజధాని ఢిల్లీలో లిక్కర్ స్కామ్‌లో దొరికిపోయి తిహాడ్ జైలులో ఉన్న ఎమ్మెల్సీ.. ఇప్పుడు బీసీలపై ప్రేమ కనబరుస్తూ.. పూలే విగ్రహం ఏర్పాటు చేయాలంటూ కొత్త నాటకం తెరమీదకు తెస్తోందని విమర్శించారు. 

బీసీల అభ్యున్నతికి సీఎం రేవంత్ రెడ్డి సర్కారు పాటు పడుతోందని వివరించారు. ‘రాజీవ్ యువ వికాసం’ స్కీమ్ ద్వారా నిరుద్యోగ యువతికి ఉపాధి కల్పించేందుకు కృషి చేస్తున్నారని స్పష్టం చేశారు. ఇప్పటి వరకు ఆన్ లైన్ ద్వారా 16 లక్షల మంది సదరు స్కీమ్ కు అప్లయ్ చేసుకున్నారని వెల్లడించారు.  బీసీలకు స్థానిక సంస్థల్లో 42 శాతం రిజర్వేషన్ కోసం రాష్ట్ర సర్కారు బిల్లు పెట్టిందని చెప్పారు. వచ్చే పదేండ్లు తెలంగాణలో అధికారంలో ఉండబోయేది కాంగ్రెస్ పార్టీనేనని ధీమా వ్యక్తం చేశారు.  

The post బీసీలపై బీఆర్ఎస్ మొసలి కన్నీరు.. కవిత వ్యాఖ్యలను ఖండించిన కొలిపాక శ్రీనివాస్ appeared first on VEDHA NEWS.

వేద న్యూస్, డెస్క్:

తనపై పెట్టింది మనీలాండరింగ్ కాదని, పొలిటికల్ లాండరింగ్ కేసు అని ఎమ్మెల్సీ కల్వకుంట్ల కవిత అన్నారు.తనను  తాత్కాలికంగా జైలుకు పంపొచ్చు కానీ, ఆత్మస్థైర్యాన్ని దెబ్బతీయలేరన్నారు.ఈ కేసులో ఒక నిందితుడు ఇప్పటికే బీజేపీలో చేరారని, ఇంకోక్కరికి లోకసభ ఎన్నికలలో బీజేపీ టికెట్ ఇచ్చిందని ఆమె తెలిపారు.

ఈడీ మంగళవారం కవితను కోర్టులో హాజరుపర్చేందుకు తీసుకువచ్చిన సందర్భంగా కవిత మాట్లాడారు.అలాగే,మూడో నిందితుడు కేసు నుంచి బయటపడేందుకు రూ. 50 కోట్లు ఎలక్ట్రోరల్ బాండ్ల రూపంలో బీజేపీకి అందజేశారని పేర్కొన్నారు.తనపై చట్టవిరుద్ధంగా తప్పుడు కేసు బనాయించారని,న్యాయపోరాటం చేసి కడిగిన ముత్యం మాదిరిగా బయటకు వస్తానని కవిత స్పష్టం చేశారు.

The post కడిగిన ముత్యంలా బయటకు వస్తా : ఎమ్మెల్సీ కవిత appeared first on VEDHA NEWS.