•  కాంగ్రెస్ పార్టీ హుజురాబాద్ నియోజకవర్గ ఇన్ చార్జి ప్రణవ్

వేద న్యూస్, జమ్మికుంట:

ఆధ్యాత్మిక చింతనతో మానసిక ప్రశాంతత లభిస్తుందని కాంగ్రెస్ పార్టీ హుజురాబాద్ నియోజకవర్గ ఇన్ చార్జి ప్రణవ్ వొడితెల అన్నారు. జమ్మికుంట పట్టణంలోని మారుతీ నగర్ గల అయ్యప్ప స్వామి దేవాలయంలో జరుగుతున్న 25వ వార్షికోత్సవ ద్వితీయ పుష్కర కుంభాభిషేక మహోత్సవంలో భాగంగా పడిపూజ మహోత్సవంలో ఆయన పాల్గొన్నారు.
అత్యంత భక్తిశ్రద్ధలతో పూజలు నిర్వహించి మొక్కులు చెల్లించుకున్నారు.

ఈ సందర్భంగా ప్రణవ్ మాట్లాడుతూ జమ్మికుంట పట్టణంలోని ఈ మార్గము గుండా చాలాసార్లు ప్రయాణించానని, అయ్యప్ప స్వామి పుట్టినరోజు నాడు ఆ పడిపూజ కార్యక్రమంలో పాల్గొనే అవకాశం కల్పించినందుకు కృతజ్ఞతలు తెలిపారు. ఆధ్యాత్మిక చింతన తోనే అనుకున్న లక్ష్యాలు కోరికలు నెరవేరుతాయని చెప్పారు. మనిషి జీవితంలో తప్పకుండా భగవంతుని నామస్మరణ చేస్తారని పేర్కొన్నారు.

అయ్యప్ప దీక్ష కఠినమైన నిర్ణయాలతో కూడుకొని ఉండి అత్యంత భక్తిశ్రద్ధలతో పూజా కార్యక్రమాలను జరిగయని, మూడు రోజులపాటు అంగరంగ వైభవంగా ఈ కార్యక్రమాలు నిర్వహించిన అయ్యప్ప కమిటీ సభ్యులకు ప్రత్యేకంగా అభినందనలు తెలిపారు. అయ్యప్ప స్వామి దేవాలయ అభివృద్ధికి దీప దూపా నైవేద్యాలకు తన వంతు సహాయ సహకారాలు అందిస్తానని హామీనిచ్చారు. తాను ఏ స్థాయిలో ఉన్న జమ్మికుంట అయ్యప్పను మరవబోనని చెప్పారు.

The post ఆధ్యాత్మిక చింతనతో మానసిక ప్రశాంతత appeared first on VEDHA NEWS.

• కాంగ్రెస్ పార్టీ నేత అన్నం ప్రవీణ్
• యాదృచ్ఛికంగా జరిగిన ఘటనను చూపి తప్పుదోవ పట్టిస్తున్నారు
• యావత్తు తెలంగాణ సమాజాన్ని అగౌరవరర్చిన చరిత్ర బీఆర్ఎస్‌దేనని విమర్శ

వేద న్యూ్స్, జమ్మికుంట:

‘ప్రజా పాలన’తో ముందుకెళ్తూ..ప్రజల ప్రేమ పొందుతున్న కాంగ్రెస్ పార్టీని చూసి ఓర్వలేక తప్పుడు ప్రచారాలు చేస్తే చూస్తూ ఊరుకోబోమని తెలంగాణ ఉద్యమ విద్యార్థినేత, కాకతీయ యూనివర్సిటీ లా కాలేజీ విద్యార్థి, కాంగ్రెస్ పార్టీ నేత అన్నం ప్రవీణ్ తెలిపారు. అధికారం కోల్పోయాక బీఆర్ఎస్ పార్టీ నాయకత్వం పూర్తిగా మతి స్థిమితం కోల్పోయి వ్యవహరిస్తోందని ఆయన విమర్శించారు.

సోమవారం యాదాద్రిలో యాదృచ్ఛికంగా జరిగిన ఘటనను భూతద్దంలో చూస్తూ తెలంగాణ సమాజాన్ని తప్పుదోవ పట్టించే ప్రయత్నం చేస్తున్నారని, బీఆర్ఎస్ పార్టీ తప్పుడు ప్రచారాన్ని తీవ్రంగా ఖండిస్తున్నామని తెలిపారు. ఈ మేరకు ప్రవీణ్ ఒక ప్రకటన విడుదల చేశారు.

యావత్తు తెలంగాణ సమాజాన్ని తమ పాలనలో బీఆర్ఎస్ పార్టీ నాయకుడు కేసీఆర్ అగౌరవ పర్చారని ఆరోపించారు. కేసీఆర్ పాలనలో నిత్యం ఒంటెద్దు పోకడలతో తెలంగాణ యావత్తు సమాజాన్ని నిర్లక్ష్యం చేసి..ప్రతీ వ్యక్తిని అగౌరవ పరిచిన చరిత్ర కేసీఆర్, గులాబీ పార్టీదని తెలిపారు. బీఆర్ఎస్ వ్యవహార శైలి అందరికీ ఉంటదనుకుంటే ఆ పార్టీ నాయకుల మూర్ఖత్వమేనని అన్నం ప్రవీణ్ ఫైర్ అయ్యారు.

పదేండ్ల అరాచక, అగౌరవ, దౌర్జన్యపు, అన్యాయపు కేసీఆర్ పాలన నుంచి తెలంగాణ ప్రజలు విముక్తి కోరుకున్నారని వివరించారు. తెలంగాణ ప్రజలు బీఆర్ఎస్ పార్టీ నాయకత్వానికి కర్రు కాల్చి వాత పెట్టి ప్రజా ప్రభుత్వాన్ని నిర్మించుకున్నారని వెల్లడించారు. తెలంగాణ సమాజమే తప్పుడు ప్రచారాలు చేసే వాళ్లకు తగిన బుద్ధి చెబుతుందని అన్నం ప్రవీణ్ హెచ్చరించారు.
 

The post తప్పుడు ప్రచారం చేస్తే ఊరుకోబోం appeared first on VEDHA NEWS.

•  సమ్మక్క సారలమ్మ దీవనెలతో..

 
వేద న్యూస్, జమ్మికుంట:
హుజురాబాద్ నియోజకవర్గ పరిధిలోని కన్నూర్, కమలాపూర్, మాదన్నపేట, మర్రిపల్లిగూడెం గ్రామాలలో సమ్మక్క సారలమ్మ దేవతలను హుజురాబాద్ కాంగ్రెస్ పార్టీ నియోజకవర్గ ఇన్ చార్జి వొడితల ప్రణవ్ గురువారం దర్శించుకున్నారు. ఈ సందర్భంగా ప్రణవ్ మాట్లాడుతూ ప్రతి రెండు సంవత్సరాలకు ఒకసారి వచ్చే వనదేవతల పండగ అయిన సమ్మక్క సారలమ్మ జాతర సందర్భంగా భక్తులకు ఎలాంటి ఇబ్బందులు కలవకుండా జాతర కమిటీ సభ్యులు సర్వం సిద్ధం చేయడం జరిగిందన్నారు.

సమ్మక్క సారలమ్మ తల్లుల అనుగ్రహం వల్ల కాంగ్రెస్ ప్రభుత్వం ప్రజల ప్రభుత్వంగానే ముందుకు వెళుతుందని, ప్రజల సమస్యలు తీర్చేందుకు తాము ఎప్పుడూ ముందుంటామని పేర్కొన్నారు. మన దేవతల అనుగ్రహం వల్ల ప్రతి ఒక్క కుటుంబం ఆయురారోగ్యాలు అష్టైశ్వర్యాలతో ఉండాలని కోరుకున్నానని తెలిపారు.

రానున్న రోజుల్లో కాంగ్రెస్ ప్రభుత్వం ఆరు గ్యారెంటీ స్కీములను అమలు చేసి తీరుతుందని ధీమా వ్యక్తం చేశారు. నియోజకవర్గ ప్రజలందరూ సమ్మక్క సార్లమ్మ తల్లులను దర్శించుకుని సుఖ సంతోషాలతో ఉండాలని కోరుకున్నట్లు వెల్లడించారు. కార్యక్రమంలో కాంగ్రెస్ నాయకులు కమలాపూర్ మండల అధ్యక్షులు చరణ్ పటేల్, తవుటం రవీందర్, బాలసాని రమేష్ గౌడ్, విజయ తదితరులు పాల్గొన్నారు.
 

The post అందరూ సుఖసంతోషాలతో ఉండాలి : వొడితల ప్రణవ్  appeared first on VEDHA NEWS.