వేద న్యూస్, కొత్తకొండ/ఎల్కతుర్తి:

హనుమకొండ జిల్లా భీమదేవరపల్లి మండలం కొత్తకొండ వీరభద్ర స్వామి దేవస్థానంలో వచ్చే నెల 6వ తేదీ(మంగళవారం) నుంచి సెప్టెంబర్ 2 (సోమవారం) వరకు వీరభద్ర నక్షత్ర దీక్ష మాలాధారణ భక్తులు చేయవచ్చని ఆలయ అర్చకుడు రాంబాబు సోమవారం తెలిపారు. ఈ దీక్షను నక్షత్ర సంఖ్యను బట్టి 27 రోజులుగా నిర్ణయించనిట్టు వెల్లడించారు.

ఈ దీక్ష మాలాధారణ వలన రోగ, శతాధిక, ఆయుష్య, శతృ విమోచన, పుత్ర లాభ, ధన, కనక, ఆయురారోగ్యాలు కలుగునని పేర్కొన్నారు. ఇట్టి దీక్షను హనుమంతుడు కూడా తీసుకున్నట్లు స్కంద పురాణములో చెప్పబడిందని వివరించారు.

భక్తులు ప్రతి శ్రావణ మాసంలో అధిక సంఖ్యలో వీరభద్ర దీక్షను తీసుకొని స్వామివారి కృపకు పాత్రులు కాగలరని కోరారు. దీక్షకు వస్త్రాలు గంధం రంగువి, ఎర్ర చందనం మాలలు తీసుకోవాలన్నారు. వీరభద్ర నక్షత్ర దీక్షకు సంబంధించిన మరిన్ని వివరాలకు వ్యవస్థాపక గురుస్వామి, ముఖ్య అర్చకులు మొగిలిపాలెం రాంబాబును 99636 77927 నంబర్‌లో సంప్రదించొచ్చని దేవాలయ అర్చక సిబ్బంది, కార్యనిర్వహణ అధికారి పేర్కొన్నారు.

The post వచ్చే నెల 6 నుంచి ‘వీరభద్ర నక్షత్ర దీక్ష’ మాలధారణ appeared first on VEDHA NEWS.

వేద న్యూస్, కొత్తకొండ/ఎల్కతుర్తి:
కొత్తకొండ వీరభద్ర స్వామి జాతరలో జిల్లా కలెక్టర్ ఆదేశాల మేరకు భీమదేవరపల్లి మండల ఎమ్మార్వో, ఎంపీడీవో ఆదేశానుసారము గ్రామ పంచాయతీ, మున్సిపల్ సిబ్బంది తూర్పు ద్వారము ఎదుట., ఇంటి మెయిన్ బజార్ ఎదుట సుచి..శుభ్రంగా ఉండేందుకు ప్రతీ రోజు నాలుగు సార్లు శుద్ధి చేశారు. చెత్త పేరుకు పోకుండా పారిశుధ్య కార్మికులు వెంట వెంటనే చెత్తను తొలగించి రోడ్లన్నీ శుభ్రపరిచారు.

భక్తులకు మంచి సౌకర్యవంతంగా ఉండేందుకు రోడ్లను ఊడ్చి వారి ఆరోగ్యానికి తోడ్పాటు అందించిన గ్రామ పంచాయతీ సిబ్బంది, పారిశుధ్య కార్మికులను కొత్తకొండ వీరభద్రస్వామి ఆలయ ప్రధాన అర్చకులు మొగిలిపాలెం రాంబాబు సన్మానించారు. పారిశుధ్య కార్మికులు, సిబ్బంది ఎంతో వ్యయ ప్రయాసలకు ఓర్చుకొని..దుమ్ము దులిలో వారికి చాలీచాలని జీతంతో సేవలందించారని కొనియాడారు.

కష్టజీవుల కష్టాన్ని జాతరలో శ్రమతో ఇబ్బంది పడకుండా ‘‘మానవసేవే మాధవసేవ’’ అనే నానుడికి అనుసంధానంగా గ్రామ పంచాయతీ, మున్సిపల్ సిబ్బంది ఎంతో ఓర్పుతో జాతరలో విసుగు చెందకుండా తమ సేవలు అందించారు.

కష్టమైనా ఓర్పుతో వారికి అప్పజెప్పిన ప్రత్యేక జాతర విధులను నిర్వర్తించిన గ్రామపంచాయతీ సిబ్బందికి తన వంతుగా వాళ్ల కృషిని కొనియాడి.., గుర్తించి శాలువతో సన్మానించినట్లు మొగిలిపాలెం రాంబాబు బుధవారం తెలిపారు. పారిశుధ్య సిబ్బందికి ఆయన స్వామివారి ప్రసాదాన్ని అందజేశారు.

వారు ఆయురారోగ్యాలతో నిండు నూరేళ్లు చల్లగా..ప్రజాసేవలో గ్రామ సేవలో సుభిక్షంగా ఉండాలని, వీరభద్ర స్వామి సమేత భద్రకాళి దేవి ఆశీస్సులు ఉండాలని ఆశీర్వాదములు అందజేశారు.

కొత్తకొండ గ్రామపంచాయతీ మాజీ కార్యదర్శి, స్పెషల్ డ్యూటీ పై జాతరకు వచ్చిన భాస్కర్.. విధులపై శ్రద్ధ వహించారని చెప్పారు. సిబ్బంది వెంట ఉండి ఎప్పటికీ నీటుగా శుభ్రం చేయించే బాధ్యతను తీసుకున్నందుకు వారిని కొనియాడుతూ.. సన్మానించి ప్రసాదం ఇచ్చి ఆశీర్వచనము అందజేశారు.

 

The post పారిశుధ్య కార్మికులకు ముఖ్య అర్చకులు రాంబాబు ఘనసన్మానం appeared first on VEDHA NEWS.