• దళిత జర్నలిస్టుల ఐక్యవేదిక జిల్లా కన్వీనర్ కట్కూరి ప్రసాద్

వేద న్యూస్, మరిపెడ:

రాష్ట్రంలో దళిత జర్నలిస్టులు ఎదుర్కొంటున్న సమస్యలను ప్రభుత్వం స్పందించి పరిష్కరించాలని దళిత జర్నలిస్టుల ఐక్యవేదిక మహబూబాబాద్ జిల్లా కన్వీనర్ కట్కూరి ప్రసాద్ అన్నారు. మరిపెడ మండల కేంద్రంలో స్థానిక ఎంపీడీవో కార్యాలయం ఆవరణంలో సోమవారం జరిగిన సమావేశంలో ఆయన ముఖ్యఅతిథిగా పాల్గొన్నారు.

ఈ సందర్భంగా ఆయన మాట్లాడుతూ గత బిఆర్ఎస్ ప్రభుత్వం పాలనలో దళిత జర్నలిస్టులకు శిక్షణ శిబిరాలు పెట్టి సర్టిఫికెట్లు ఇచ్చి ఆర్థిక సహకారం అందించకుండా చేతుల్లో చేసిందని, దళిత బంధు విషయంలో దళిత జర్నలిస్టులను మభ్యపెట్టి మోసం చేసిందని ఆయన మండిపడ్డారు.

కాంగ్రెస్ ప్రభుత్వం లో అధికారంలోకి వచ్చిన తర్వాత ప్రవేశపెడుతున్న సంక్షేమ పథకాలలో దళిత జర్నలిస్టులకు ప్రాధాన్యత కల్పించాలని డిమాండ్ చేశారు.

అంతేగాక సోషల్ మీడియా అభివృద్ధి చెందిన తర్వాత విలేకరులపై దాడులు దౌర్జన్యాలు పెరుగుతున్నాయని. తర్వాత కలిగిన వర్కింగ్ జర్నలిస్టు లందరికీ అక్రిడేషన్ కార్డులు అందించాలని కోరారు. 

దళిత జర్నలిస్టుఐక్యవేదిక మరిపెడ మండల కమిటీ ఎన్నిక..

అధ్యక్షులుగా: మెరుగు సంజీవ , ప్రధాన కార్యదర్శిగా: చింత వెంకన్న , కోశాధికారిగా: తప్పెట్ల సురేష్

దళిత జర్నలిస్టుల ఐక్యవేదిక మరిపెడ మండల నూతన కమిటీ జిల్లా కన్వీనర్ కట్కూరి ప్రసాద్, కో కన్వీనర్ జిన్నా లచ్చయ్య, అంబాల కుమారుల ఆధ్వర్యంలో ఎన్నుకున్నారు.

గౌరవ అధ్యక్షులుగా వంకాయలపాటి తిరుమలరావు,నూతన అధ్యక్షులుగా మెరుగు సంజీవ, ప్రధాన కార్యదర్శిగా చింత వెంకన్న, కోశాధికారిగా తప్పెట్ల సురేష్, ఉపాధ్యక్షులుగా బి సోమన్న, సహాయ కార్యదర్శిగా గంగుల వెంకటేష్, కార్యవర్గ సభ్యులుగా పోస్ట్ వెంకన్న తదితరులు ఉన్నారు.

దళిత జర్నలిస్టుల ఐక్యత కోసం కృషి చేయాలన్నారు. త్వరలో జరగనున్న జిల్లా మహాసభలను విజయవంతం చేయాలని ప్రసాద్ కోరారు.

The post జర్నలిస్టుల సమస్యలను పరిష్కరించాలి appeared first on VEDHA NEWS.

వేద న్యూస్, హైదరాబాద్/ ముషీరా బాద్:

గ్రేటర్ హైదరాబాద్ జర్నలిస్ట్స్ మ్యూచువల్లీ ఎయిడెడ్ కో-ఆపరేటీవ్ హౌసింగ్ సొసైటీ సర్వసభ్య సమావేశం ఈనెల 27వ తేదీ మంగళవారం ఉదయం 10 గంటలకు చిక్కడపల్లి లోని త్యాగరాయ గానసభలో జరుగుతుందని సొసైటీ అధ్యక్షుడు మామిడి సోమయ్య, కార్యదర్శి బొల్లం శ్రీనివాస్ తెలిపారు.

ఈ సమావేశానికి రాష్ట్ర సమాచార పౌర సంబంధాలు, రెవెన్యూ, గృహ నిర్మాణ శాఖల మంత్రి పొంగులేటి శ్రీనివాసరెడ్డి, రాష్ట్ర బీసీ సంక్షేమ, రవాణా శాఖల మంత్రి పొన్నం ప్రభాకర్ ముఖ్య అతిథులుగా హాజరవుతారని, టీ జేఏసీ నాయకులు ప్రొఫెసర్ కోదండరాం, రిజిస్ట్రార్ ఆఫ్ సొసైటీస్ అధికారులు పాల్గొంటారని తెలిపారు.

గ్రేటర్ హైదరాబాద్ పరిధిలో వివిధ ప్రింట్, ఎలక్ట్రానిక్ మీడియాల్లో పని చేస్తున్న దాదాపు వెయ్యిమంది జర్నలిస్టులు సొసైటీలో సభ్యులుగా ఉన్నారని, 2008 లో ఏర్పడిన ఈ సొసైటీలో ఎంతో మంది సీనియర్ జర్నలిస్టులు సభ్యత్వం పొంది గత పదిహేను సంవత్సరాలుగా ఇళ్ళస్థలాల కోసం ఎదురు చూస్తున్నారని పేర్కొన్నారు.

ఉమ్మడి ఆంధ్రప్రదేశ్ రాష్ట్రంలోనే కాకుండా తెలంగాణ రాష్ట్రం ఏర్పడిన తర్వాత కూడా ఇళ్ళస్థలాల కోసం పలు మార్లు ప్రభుత్వాన్ని కోరినప్పటికీ సొసైటీ సభ్యులైన జర్నలిస్టులకు ఇళ్ళస్థలాలు ఇవ్వకుండా తీవ్ర జాప్యం చేసిందని ఆరోపించారు.

తెలంగాణ ఉద్యమంలో కీలకపాత్ర పోషించిన జర్నలిస్టులను కేసీఆర్ ప్రభుత్వం పూర్తిగా విస్మరించిందని, తెలంగాణ ఉద్యమానికి, ప్రత్యేక రాష్ట్ర సాధనకు జర్నలిస్టులను వాడుకున్న కేసీఆర్… అధికారంలోకి వచ్చిన తర్వాత పదేళ్ళుగా పట్టించుకోలేదని ధ్వజమెత్తారు.

ప్రస్తుతం ప్రజా పాలన లక్ష్యంతో అధికారంలోకి వచ్చిన కాంగ్రెస్ ప్రభుత్వం అయినా జర్నలిస్టులకు న్యాయం చేయాలని,తమ గ్రేటర్ హైదరాబాద్ జర్నలిస్ట్స్ హౌసింగ్ సొసైటీకి స్థలం కేటాయించి అర్హులైన జర్నలిస్టులందరికీ ఇళ్ళస్థలాలిచ్చి ఆదుకోవాలని కోరారు. ఈనెల 27న జరిగే సొసైటీ సర్వసభ్య సమావేశానికి సొసైటీ సభ్యులందరూ హాజరు కావాలని వారు విజ్ఞప్తి చేశారు.

జర్నలిస్టుల సమస్యలను త్వరలోనే పరిష్కరిస్తామని ముఖ్యమంత్రి రేవంత్ రెడ్డి హామీ ఇవ్వడం పట్ల హర్షం వ్యక్తం చేస్తూ ఆయనకు అభినందనలు తెలియజేస్తున్నామని అన్నారు.

The post 27న గ్రేటర్ జర్నలిస్టుల హౌసింగ్ సొసైటీ సమావేశం  appeared first on VEDHA NEWS.