• ఓ రైతు వినూత్న ఐడియా
• మొక్కజొన్న పంటకు రక్షణగా ప్రధాని మంత్రి కటౌట్
• ఆసక్తిగా తిలకిస్తున్న ప్రజలు

వేద న్యూస్, వరంగల్:

‘‘మొక్కజొన్న చేనుకు మోడీ కాపలా!’’ అవునండీ.. మీరు చదివింది నిజమే.. మొక్కజొన్న పంటకు కాపలాగా భారత ప్రధాన మంత్రి ఉన్నట్టున్నారు!.. భారత ప్రధాన మంత్రి కటౌట్ ను మొక్క జొన్న పంటకు రక్షణగా ఉండేలా అమర్చారు ఓ రైతు.

 

బీజేపీ జెండాలతో పాటు ప్రధాన మంత్రి నరేంద్ర మోడీ కటౌట్‌లను ఓ అన్నదాత తన మొక్కజొన్న పంటక్షేత్రంలో మూడు వైపులా పెట్టుకున్నారు. 

జయశంకర్ భూపాలపల్లి జిల్లా కొత్తపల్లిగోరి మండల పరిధిలోని చిన్నకోడెపాక గ్రామానికి చెందిన ఓ రైతు తన వ్యవసాయ భూమిలో మొక్కొజొన్న సాగు వేశాడు.

ఈ క్రమంలో పంట రక్షణకు కోతులు, ఇతర జంతువుల నుంచి రక్షణకు గానూ మూడు వైపులా బీజేజీ కాషాయ జెండాలతో పాటు ప్రధాన మంత్రి నరేంద్ర మోడీ ఫొటోలను కటౌట్ గా పెట్టారు. దీంతో అటు వైపుగా ఆ దారి గుండా వెళ్లే వారు, ప్రజలు ఆసక్తిగా తిలకిస్తున్నారు. 

ఈ రైతు ఐడియా అదుర్స్ అని కొందరు అంటున్నారు. ఏకంగా ప్రధాన మంత్రి నరేంద్ర మోడీనే పంటకు రక్షణగా నిలుస్తున్నట్టు చక్కటి కటౌట్ లను పెట్టారని కొందరు రైతులు పేర్కొంటున్నారు.

వాహ్.. వాట్ యాన్ ఐడియా ఫార్మర్ జీ అని మరి కొందరు ముక్కున వేలేసుకుంటూ సంతోషం వ్యక్తం చేస్తున్నారు. మొత్తంగా పంటకు రక్షణ కవచంలాగా ప్రధాని నరేంద్ర మోడీ కటౌట్ లు ఉండటం ఒకరకంగా సంచలనమేనని ఇంకొందరు సరదాగా కామెంట్స్ చేస్తున్నారు. 

 

ఒళ్లు గగుర్పొడిచే వీడియో..ఆటోపై నుంచి దూసుకెళ్లిన లారీ.. ఇద్దరు మృతి

The post మొక్కజొన్న చేనుకు మోడీ కాపలా(వీడియో)..వాహ్ పీఎం సాబ్! appeared first on VEDHA NEWS.

వేద న్యూస్, డెస్క్ :

మేడారం సమ్మక్క – సారలమ్మ జాతర ప్రారంభోత్సవం సందర్భంగా భారత ప్రధాని నరేంద్ర మోదీ తెలంగాణ రాష్ట్ర ప్రజలకు శుభాకాంక్షలు తెలిపారు. గిరిజనుల అతి పెద్ద పండుగల్లో సమ్మక్క – సారలమ్మ జాతర ఒకటి అంటూ ప్రధాని నరేంద్ర మోదీ అన్నారు.

మేడారం జాతర భక్తి, సంప్రదాయం, సమాజ స్ఫూర్తిల గొప్ప కలయిక అంటూ హర్షం వ్యక్తం చేశారు. మనమంతా ఆ వన దేవతలకు ప్రణమిల్లాలని సూచించారు. వారు అభివ్యక్తీకరించిన ఐక్యతా స్ఫూర్తిని, పరాక్రమాన్ని గుర్తు చేసుకుందామని ఎక్స్​ వేదికగా ప్రధాని నరేంద్ర మోదీ ట్వీట్​ చేశారు.

The post సంప్రదాయం, సమాజ స్ఫూర్తిల కలయిక మేడారం : ప్రధాని మోడీ  appeared first on VEDHA NEWS.