వేద న్యూస్, రుద్రూర్ :

స్థానిక సంస్థల ఎన్నికలకు సంబంధించి నామినేషన్ ల స్వీకరణలో భాగంగా ఏర్పాటు చేసిన నామినేషన్ కేంద్రాలలో తొలిరోజు రుద్రూర్ మండలంలోని 11 గ్రామపంచాయతీలకు గాను గురువారం సర్పంచ్ పదవులకు 10 నామినేషన్లు దాఖలు అయ్యాయని ఎంపీడీవో బాలగంగాధర్ తెలిపారు.

వివరాలు ఇలా ఉన్నాయి. అక్బర్ నగర్- 2, అంబం -2, బొప్పాపూర్- 1, చిక్కడపల్లి -1, రాయకూర్ -1, రాయకూర్ క్యాంపు-1, రాణంపల్లి -1, రుద్రూర్ – 1 నామినేషన్ లు దాఖలు అయ్యాయని వివరించారు.

 వార్డు మెంబర్లకు 3 నామినేషన్ల దాఖాలు..

అక్బర్ నగర్ -1,బొప్పాపూర్-1, రాణంపల్లి-1 మొత్తం 03 నామినేషన్లు దాఖలు అయినట్లు పేర్కొన్నారు.

The post పల్లె పోరు..షురూ.. రుద్రూర్‌లో 11 జీపీలకు తొలిరోజు 10 నామినేషన్లు దాఖలు.. appeared first on VEDHA NEWS.

•  మేడ్చల్ పోలీస్ ట్రైనింగ్ కాలేజీలో ఒక రోజు శిక్షణ

వేద న్యూస్, మేడ్చల్:

దేశాభివృద్ధిలో సైబర్‌, సాంకేతికత వినియోగం పెరుగుతున్న నేపథ్యంలో.. అంతర్జాలాన్ని అస్త్రంగా మార్చుకుని అమాయక ప్రజలను మోసం చేస్తున్న సైబర్‌ నేరగాళ్లపై ఉక్కుపాదం మోపాల్సిన ఆవశ్యకత పెరిగింది. 2023-24 సంవత్సరంలోనే సైబర్‌ నేరగాళ్లు దాదాపు రూ. 23 వేల కోట్ల మేర ప్రజల సొమ్మును దోచుకున్నట్లు సైబర్‌ నేరాల నివేదికలు వెల్లడిస్తున్నాయి.

ఈ నేపథ్యంలో అంతర్జాతీయ సైబర్‌ నేరాల అవగాహన దినోత్సవం సందర్భంగా, హైదరాబాద్ సమీపంలోని మేడ్చల్ పోలీస్ ట్రైనింగ్ కాలేజీ (పిటిసి)లో “సైబర్‌ మేధ-ఏఐ-2025” అనే అంశంపై ఒక రోజు అవగాహన శిక్షణ కార్యక్రమాన్ని బుధవారం నిర్వహించారు.

ఈ శిక్షణకు ఇంపాక్ట్ సంస్థకు చెందిన 652 మంది సభ్యులు హాజరయ్యారు. సైబర్‌ నేరాలు ఎలా జరుగుతున్నాయి, వాటిని ఎలా నిరోధించాలి, బాధితులను ఎలా రక్షించాలో శిక్షణలో తెలుసుకున్నారు. తాము నేర్చుకున్న ఈ అవగాహనను సమాజంలో అందరికీ తెలియజేస్తామని ఇంపాక్ట్ సభ్యులు తెలిపారు.

గోల్డెన్ అవర్స్‌ ఆవశ్యకత

‘గోల్డెన్ అవర్స్’ (బంగారు గంటలు)లో సైబర్‌ నేరం జరిగిన వెంటనే 1930 టోల్ ఫ్రీ నంబరుకు ఫోను చేసి ఎలా ఫిర్యాదు చేయాలో ట్రైనర్‌లు అనుభవపూర్వకంగా వివరించారు. పరిచయం లేని వ్యక్తులకు వ్యక్తిగత డేటా, ఓటీపీలు, మొబైల్స్, కంప్యూటర్లు ఇవ్వడం ఎంత ప్రమాదకరమో ప్రయోగాత్మకంగా, ఆన్‌లైన్ లింకులతో సహా ఉదాహరణలిచ్చారు.

“డిజిటల్ అరెస్ట్” పేరిట భారత్‌లో ఎలాంటి అరెస్టులు ఉండబోవని, సైబర్‌ నేరగాళ్లు డేటాను తస్కరించి అతి తెలివితో చేసే మైండ్‌ గేమ్ మాత్రమే అని, ఇలా కోట్లల్లో డబ్బులు కొట్టేస్తున్నారని హెచ్చరించారు.

దక్షిణ భారతదేశంలోనే సైబర్‌ నేరాల బాధితులు ఎక్కువగా ఉన్నారని ఈ సందర్భంగా ఆవేదన వ్యక్తం చేశారు. వ్యక్తిగత రక్షణ కోసం తరచుగా పాస్‌వర్డ్‌లు మారుస్తుండాలని నిపుణులు హితవు పలికారు.

ఉన్నతాధికారుల కృషితో.. నిపుణుల భాగస్వామ్యం
పోలీస్ ట్రైనింగ్ కాలేజీ, మేడ్చల్, ప్రిన్సిపాల్ మధుకర్ స్వామి ఈ కార్యక్రమాన్ని రూపొందించారు. ప్రముఖ వ్యక్తిత్వ వికాస నిపుణులు లయన్ గంప నాగేశ్వర్ రావు, ప్రముఖ సైబర్‌ నేరాల అవగాహన నిపుణులు ప్రవీణ్ అర్జున్, పోలీస్ ట్రైనర్ ఉపాధ్యాయులు నిఖిల్ లు వివిధ రకాల సైబర్‌ నేరాలు జరిగే పద్ధతులు, వాటి నివారణ, నిర్వీర్యం చేసే విధానాలపై శిక్షణ ఇచ్చారు. ప్రైవేట్ బ్యాంకుల అధికారులు సైతం బ్యాంకు ఖాతాల నుండి డబ్బులు ఎలా వెళ్తాయో మెలకువలపై అవగాహన కల్పించారు.

సైబర్ నేరాల అవగాహనను ప్రజల్లోకి పూర్తిస్థాయిలో తీసుకెళ్లాల్సిన బాధ్యత అందరిపైనా ఉందని మధుకర్ స్వామి పిలుపునిచ్చారు. ఈ పిలుపునకు స్పందిస్తూ, ఇంపాక్ట్ ట్రైనర్లు తమ చుట్టూ ఉన్న సమాజంలో సైబర్‌ నేరాల అవగాహన కల్పించే బాధ్యతను ముందుండి నిర్వహిస్తామని తెలిపారు.

ఈ శిక్షణలో పాల్గొన్న ఇంపాక్ట్ ట్రైనర్లకు, ఇతర ట్రైనీలకు ఉన్నత పోలీసు అధికారుల చేతుల మీదుగా సర్టిఫికెట్లతో పాటు తిరుమల తిరుపతి లడ్డు ప్రసాదం, 2026 తిరుమల తిరుపతి దేవస్థాన డైరీని బహుమానంగా అందజేశారు.

సహభాగస్వామ్యంలో భాగంగా ఈ కార్యక్రమంలో పోలీస్ ట్రైనింగ్ సెంటర్ మేడ్చల్, ఇంపాక్ట్ ట్రైనింగ్ సంస్థ, లయన్స్ క్లబ్ స్వచ్ఛంద సంస్థ, టి-షీల్డ్ మరియు స్కిల్ వేద అనే సంస్థలు పాలుపంచుకున్నాయి.

The post ‘సైబర్ మేధ-ఏఐ-2025’పై నిపుణుల శిక్షణ.. సైబర్ నేరాలపై ఉక్కుపాదం appeared first on VEDHA NEWS.

వేద న్యూస్, ఇల్లంతకుంట:

రాజన్న సిరిసిల్ల జిల్లా ఇల్లంతకుంట మండలం కందికట్కూర్ గ్రామంలో ఎంగిలిపువ్వు బతుకమ్మ నిమజ్జనం వద్ద వీధి దీపాలు లేక మహిళలు ఇబ్బందులకు గురయ్యారు. ఆదివారం మహిళలు బతుకమ్మ ఆడిన తర్వాత..

బతుకమ్మ వాగు వద్ద కు వెళ్లగా, అక్కడ ఎలాంటి వీధి దీపాలు లేకపోవడంతో వాపోయారు. చీకట్లో బతుకమ్మ ను వాగులో నిమర్జనం చేయాలా? అని ఆవేదన వ్యక్తం చేశారు. 

 గ్రామపంచాయతీ కార్యదర్శి ఏర్పాట్లలో నిర్లక్ష్యం వహించారని విమర్శించారు.గతంలో మిడ్ మానేరు వాగులో పలువురు గల్లంతయినట్టు  పేర్కొన్నారు. బతుకమ్మ వేసే సమయంలో ఎలాంటి లైటింగ్ లేకుండా వాగు వద్దకు వెళ్లడం చాలా ఇబ్బందిగా మారినట్టు చెప్పారు.

గ్రామంలో ఒకరు మరణించడం ద్వారా వారు చితి మంట వెలుగులో బతుకమ్మ నీ వాగుకు తీసుకెళ్లడం చాలా బాధాకరం, ఇబ్బంది అని వెల్లడించారు. చితిమంట వెలుగులో బతుకమ్మ నిమర్జనం చేయాల్సి వచ్చింది అని ఆవేదన వ్యక్తం చేశారు. వెంటనే పై అధికారులు బతుకమ్మకు సంబంధించిన ఏర్పాట్ల విషయంలో నిర్లక్ష్యం వహించిన వారిపై చర్యలు తీసుకోవాలని కోరారు.

The post చితిమంట వెలుతురులో బతుకమ్మ నిమర్జనం..! ఏర్పాట్లు చేయడంలో గింత నిర్లక్ష్యమా? appeared first on VEDHA NEWS.

• అన్నదానం మహాదానం

 వేద న్యూస్,వరంగల్: 

 గణపతి నవరాత్రుల ఉత్సవాల సందర్భాన్ని పురస్కరించుకొని ఆటో నగర్ లోని బాల గణపతి యూత్ అసోసియేషన్ ఆధ్వర్యంలో మంగళవారం అన్నదాన కార్యక్రమాన్ని నిర్వహించారు. అన్నదాతలు ముద్దు రాజు-శారదా కుటుంబం సభ్యులు అన్నదానం నిర్వహించారు.

అన్ని దానాలలోకెల్లా అన్నదానం మహాదానమని, భగవంతుడి సన్నిధిలో అన్న ప్రసాద స్వీకరణ ఆధ్యాత్మిక భావనను పెంపొందిస్తుందని అన్నదాతలు వెల్లడించారు. లంబోధరుడు, ఏకదంతుడు, తొలి పూజలు అందుకునే భగవంతుడు బొజ్జ గణపయ్యను.. అందరికీ సిద్ధి, బుద్ధి ప్రసాదించాలని వేడుకున్నట్టు ఈ సందర్భంగా తెలిపారు. వినాయక చవితి సందర్భంగా ప్రతి ఒక్కరూ ఆధ్యాత్మిక భావనలో హాయిగా భగవంతుడిని తలుచుకోవడం, గణనాథుడి స్మరణలో సమయం గడపడం చక్కటి విషయమేనని భక్తులు పేర్కొన్నారు.

కార్యక్రమంలో బాల గణపతి యూత్ అసోసియేషన్ సభ్యులు, స్థానిక పెద్దలు, మహిళలు, భక్తులు అధిక సంఖ్యలో పాల్గొన్నారు.

The post ఏకదంతుడి సన్నిధిలో ఘనంగా అన్నసంతర్పణ appeared first on VEDHA NEWS.

వేద న్యూస్, బ్యూరో:

ఈ నెల 16న కృష్ణాష్టమి వేడుకలను ప్రతిఒక్కరూ అత్యంత వైభవోపేతంగా నిర్వహించుకోనున్నారు. ముఖ్యంగా చిన్నారులను శ్రీకృష్ణుడు, గోపికల మాదిరిగా వేషధారణలో అలంకరించి.. హాయిగా.. ‘‘రేపల్లే వాడు, గోపాలుడు, గోపిక’’ అంటూ.. పాటలు పాడిస్తూ.. పాటలకు నృత్యం చేయిస్తూ సంబురపడుతుంటారు. ఈ క్రమంలోనే ‘వేద న్యూస్’ తెలుగు దినపత్రిక చక్కటి అవకాశాన్ని ప్రజలకు ఇస్తోంది.

కృష్ణుడు, గోపికల వేషధారణలో ఉన్న చిన్నారుల ఫొటోలను ‘వేద న్యూస్’ కు పంపిస్తే.. చక్కటి ఫొటోలను సెలక్ట్ చేసి శ్రీకృష్ణజన్మాష్టమి నాడు ‘వేద న్యూస్’ తెలుగు దినపత్రికలో ప్రచురించనుంది. ప్రజలు తమ చిన్నారుల పేరు, ఊరుతో పాటు సుందరమైన ఫొటోలను 97019 20379 నంబర్‌కు పంపించగలరు. ఫొటోల ఎంపికలో ‘వేద న్యూస్’ టీమ్‌దే ఫైనల్ డెసిషన్‌గా ఉండనుంది. 

The post కృష్ణుడు, గోపిక వేషధారణలోని చిన్నారుల ఫొటోలు పంపండి.. ‘వేద న్యూస్’ కృష్ణాష్టమి సంచికలో అందిస్తాం! appeared first on VEDHA NEWS.

వేద న్యూస్, మఠంపల్లి:

భారతీయ జనతా పార్టీ సూర్యాపేట జిల్లా మాజీ అధ్యక్షులు బొబ్బా భాగ్యరెడ్డి జన్మదిన వేడుకలు ఆదివారం మండల కేంద్రమైన మఠంపల్లి లో గిరిజన మోర్చా జిల్లా నాయకులు బానోతు రంగా నాయక్ ఆధ్వర్యంలో భారత రాజ్యాంగ నిర్మాత డాక్టర్ బి ఆర్ అంబేద్కర్ విగ్రహం వద్ద ఘనంగా నిర్వహించారు.

ఈసందర్బంగా రంగా నాయక్ మాట్లాడుతూ పేదల పెన్నిద్ది, అన్నా అంటే నేనున్నా అంటూ అందరి వాడిగా ఉన్న భాగ్యరెడ్డి నిండు నూరేళ్లు ఆయురారోగ్యాలతో జీవించాలని అన్నారు.

ఈకార్యక్రమంలో బి జె పి మండల ప్రధాన కార్యదర్శి రావుల హస్సేన్ గౌడ్, మైనారిటీ మోర్చా నాయకులు ఎస్ డి రసూల్, ఎస్సి మోర్చా మండల అధ్యక్షులు ఆరాల సైదులు, ఆరాల అంజి, కేతేపల్లి జోష్, కొమ్ము కోటి తదితరులు పాల్గొన్నారు.

The post ఘనంగా బొబ్బా భాగ్యరెడ్డి జన్మదిన వేడుకలు  appeared first on VEDHA NEWS.

వేద న్యూస్, బ్యూరో:

భూమ్మీద మానవాళి కంటే ముందే ఎన్నో వన్యప్రాణుల మనుగడ ఉంది. అలా అడవిలో ఉన్న జంతువులన్నింటిలో ‘‘పులి’’ డిఫరెంట్ ప్లస్ యూనిక్ యానిమల్. ప్రపంచంలో ఉన్న పులులల్లో మూడో వంతు భారతదేశంలోనే ఉండటం విశేషం. భారతదేశ జాతీయ జంతువు కూడా ‘‘పులి’’యే. 2023 వరకు ఉన్న అధికారిక ఎన్‌టీసీఏ(నేషనల్ టైగర్ కంజర్వేషన్ అథారిటీ) లెక్కల అంచనా ప్రకారం భారతదేశంలో 3,682 పులులు ఉన్నట్టు తెలుస్తోంది.

పులిని సాధారణంగా క్రూర జంతువుగా అభివర్ణిస్తారు. కానీ, పులి సాధు జంతువునేనని పర్యావరణ ప్రేమికులు, నిపుణులు వివరిస్తున్నారు. పర్యావరణ సమతుల్యానికి జీవగర్ర అయిన ‘‘పులి’’ ఆత్మరక్షణ కోసం మాత్రమే దాడి చేస్తుందని, ప్రత్యేక పరిస్థితుల్లో మాత్రమే పులి ప్రవర్తన సాధారణం కంటే భిన్నంగా ఉంటుందని పేర్కొంటున్నారు.

అంతర్జాతీయ పులుల దినోత్సవ చరిత్ర

అంతర్జాతీయ పులుల దినోత్సవం చరిత్ర రష్యాలో 2010 సెయింట్ పీటర్స్ బర్గ్ టైగర్ సమ్మిట్ నుంచి ప్రారంభమైంది. భారత్, రష్యా, చైనాతో సహా అనేక దేశాలు పులులను రక్షించడానికి ప్రతిజ్ఞ చేశాయి. 1915లో ప్రపంచంలో పులుల సంఖ్య లక్ష ఉండేది. కానీ, క్రమంగా వాటి సంఖ్య తగ్గుతూ వస్తున్నది. గ్లోబల్ టైగర్ ఫోరం, వరల్డ్ వైల్డ్‌ లైఫ్ ఫండ్ ప్రకారం ప్రపంచం మొత్తం మీద 6 వేల పులులు మాత్రమే ఉన్నాయట. అంటే మరో వందేండ్లలో 97 శాతం పులులు అంతరించే పోయే ప్రమాదం పొంచి ఉన్నది.

పులి చర్మం, ఎముకలు ఇతర శరీర భాగాలను సంప్రదాయ మెడిసిన్స్ తయారీకి వాడుతారు. వేట, ఆటల కోసం పులులను కొందరు వేటాడుతుండటం, అడవులు తగ్గిపోవడం వంటి కారణాల వల్ల పులుల సంఖ్య క్రమంగా రోజురోజుకూ తగ్గిపోతోంది. గత నెలలో కర్ణాటకలో ఓ తల్లి పులి, నాలుగు కూనలు మృతి చెందాయి. గుర్తు తెలియని వ్యక్తులు విషం పెట్టడం వల్లే పులులు మరణించాయని స్థానికులు ఆరోపిస్తున్నారు. దీనిపై విచారణ చేస్తున్నట్టు ఆ రాష్ట్ర అటవీశాఖ మంత్రి వెల్లడించారు. కాగా, పులులకు వేట ముప్పు అయితే పొంచి ఉన్నది. పులి సంరక్షణ కోసం కేంద్ర, రాష్ట్ర ప్రభుత్వాలు సంయుక్తంగా, విస్తృతంగా అవగాహన కల్పించాల్సిన అవసరం ఎంతైనా ఉంది.

పులి వెరీ పవర్ ఫుల్

ప్రపంచంలో పులి రకాల్లో చాలా రకాల జాతులున్నాయి. అందులో ఈ 6 జాతులు ప్రత్యేకం సైబేరియన్, బెంగాల్, ఇండోచైనీస్ , మలయన్, సుమత్రన్, సౌత్ చైనా. ఇక పులి ఆహారచక్రంలో రెండు కాళ్ల మానవుడు లేడని పర్యావరణ నిపుణులు చెబుతున్నారు. నాలుగు కాళ్ల జంతువును మాత్రమే పులి దాడి చేస్తుందని స్పష్టం చేస్తున్నారు.

పులి మనిషిపైన సాధారణంగా దాడి చేయబోదు. ఒకవేళ చేస్తే అది వెనక నుంచే చేస్తుందని, అందుకే అడవిలో ఎక్కడా కింద కూర్చకూడోదని, వెనక్కి క్యాప్ ధరించాలని సూచిస్తున్నారు. ఇక పులికి మనిషి ఎదురుపడినపుడు..నిశ్చల స్థితిలో కదలకుండా అలానే నిలబడితే పులి వెళ్లిపోతుందని అటవీశాఖ నిపుణులు వెల్లడించారు. సాధారణంగా పులికి తనకు ఎదురుగా ఉన్న వస్తువు లేదా మనిషి ఏదైనా చూడగానే చాలా పెద్దగా కనిపిస్తుందని, ఒక వేళ దానికి ఆ వస్తువు చలనం కనిపిస్తే అది దాడి చేయడానికి అవకాశాలు ఏర్పడుతాయని వివరిస్తున్నారు.

పులి పంజా చాలా పవర్ ఫుల్.. ఒకసారి పులి పంజా విసిరితే దాని బలం ఒకటిన్నర టన్నుల వరకు ఉంటుందని అంచనా. అంతటి శక్తిమంతమైన పులి పంజాకు ఎదుటి జంతువు ఏదైనా చీలిపోవాల్సిందే. పులి దాని ఆహార లభ్యతను బట్టి సామ్రాజ్యాన్ని నిర్మించుకుంటుంది. తను నిర్మించిన సామ్రాజ్యపు కోటగా భావించి సదరు పులి (ఆడ లేదా మగ) తన యూరిన్(మూత్రం) ద్వారా చెట్లకు స్ప్రే చేసి టెరిటరీని కంట్రోల్‌లో ఉంచుకుంటుంది.

ఒకవేళ ఇతర పులి ఏదైనా తన సామ్రాజ్యంలోకి ఎంటరైతే సదరు పులితో భీకర ఫైట్ జరుగుతోందట. ఇక ఆ యుద్ధంలో ఎవరు గెలిస్తే వారిదే ఆ సామ్రాజ్యం అన్నట్లుగా పులులు భావిస్తాయి. ఇక అడవులలో ఆహార లభ్యత, పులుల సంఖ్య పెరుగుతున్న క్రమంలో పులులు అడవి దాటి బయటకు కూడా వస్తున్నట్లు స్వచ్ఛంద పరిశోధక సంస్థలు గుర్తిస్తున్నాయి.

పులి కొమ్ములన్న జంతువులపైన దాడి చేయడానికి జంకుతుంది. ముఖ్యంగా ఎలుగుబంటిపైన దాడి చేయాలంటే భయపడుతుంది. ఎందుకంటే ఎలుగుబంటి తన గోర్లతో పులి నాక్కోలేని ప్రదేశంలో గాయం చేస్తుంది. ఫలితంగా అది ఇన్‌ఫెక్షన్ అయి, పులి ప్రాణానికే ప్రమాదం ఏర్పడుతుంది. ఆడ పులి తన ఆయుర్దయ కాలంలో 24 పులులకు జన్మనిస్తుంది.

అందుకే ఆడ పులి సంరక్షణను అటవీ అధికారులు అత్యంత ప్రాధాన్యత కలిగిన అంశంగా భావిస్తారని పర్యావరణవేత్తలు చెబుతున్నారు.పులి, పిల్లి ఒక్కటేనని..ఇవన్నీ క్యాట్ ఫ్యామిలీనేనని పరిశోధకులు చెబుతున్నారు. పులిలో రకాలు పెద్దపులి, చీతా(భారతదేశంలో ఇవి అంతరించిపోయాయి), లెపార్డ్ క్యాట్(ఆకు చిరుత), ప్యూమాలు, ఫిషింగ్ క్యాట్, రస్టిక్ క్యాట్, వైల్డ్ క్యాట్, బ్లాక్ పాంతర్లు. ఇలా పులులలో పలు రకాలున్నాయి.

పెద్దపులి విషయానికొస్తే..ఇది చెట్లు ఎక్కలేదు. కానీ, పెద్దపులి చాలా దూరం జంప్ చేయగలదు. అలా అది మాటు వేసి మాత్రమే తన వేటను కొనసాగిస్తుంది. పులి సంభోగ సమయంలో ప్రత్యేక లక్షణాలను కలిగి ఉండటం విశేషం. ప్రతీ సంవత్సరం సమాగ సమయం (జూలై1 నుంచి సెప్టెంబర్ 30 వరకు) 3 నెలల పాటు పులుల సంభోగానికి సమయం కేటాయిస్తారు. ఆ సమయంలో టైగర్ రిజర్వ్, ఫారెస్ట్ ప్రాంతాల్లో సందర్శనకు అధికారులు అనుమతించబోరు.

ప్రతి పులికి యూనిక్ చారలు

పులి మనిషి కానీ ఇతర ఏదైనా అలికిడి వింటే సంభోగానికి అసలు సిద్ధపడదు. ఆడ పులి అనుమతితో మాత్రమే మగ పులి సంభోగానికి సిద్ధమైతుంది. పులి సాధారణంగా ఏదైనా జంతువుపైన దాడి చేస్తే వెంటనే ఆ జంతువును తినదట. మొదలు మొత్తటి పదార్థాలను భుజిస్తుంది. ఆ తర్వాత ఒక రెండ్రోజులు ఆగి వచ్చి మిగతా పదార్థాలను తింటుంది. ఒకసారి పులి దాదాపు 40 కిలోల మాంసాన్ని తింటుందని అంచనా.

మధ్యప్రదేశ్, కర్నాటక రాష్ట్రాల్లో అధిక సంఖ్యలో ఉన్నట్లు అధికారిక లెక్కల అంచనా. ప్రతీ పులికి యూనిక్ చారలు ఉండటం ప్రత్యేకత. ఆ చారలను బట్టి పులుల గణన చేపడుతారని అధికారులు వివరిస్తున్నారు. పులి కాళ్లు చాలా స్ట్రాంగ్‌గా ఉంటాయి. అది చనిపోయినా కూడా కాళ్లతో నిలబడగలుగుతుందట. పులి 300 కిలోల బరువు ఉంటుందని, దాని మెదడు మాత్రం 300 గ్రాములు ఉంటుందని, పులి 6 కి.మీ. వరకు ఈజీగా స్విమ్ చేయగలదని నిపుణులు పేర్కొంటున్నారు. బెంగాల్ టైగర్ రాత్రి వేళలో అరిస్తే 2 కి.మీ. పరిధి మేరకు వినబడుతుందని వెల్లడిస్తున్నారు.

The post ‘వేద న్యూస్’ ప్రత్యేకం.. పర్యావరణ సమతుల్యానికి జీవగర్ర ‘పులి’ appeared first on VEDHA NEWS.

వేద న్యూస్, హన్మకొండ:

కాకతీయ జులాజికల్ పార్క్ హన్మకొండ నందు అంతర్జాతీయ పులుల దినోత్సవాన్ని బి.మయూరి, ఫారెస్ట్ రేంజ్ అధికారి అధ్యక్షతన, ఓరుగల్లు వైల్డ్ లైఫ్ సొసైటీ ఎన్.జీ.ఓ. సహకారంతో మంగళవారం ఘనంగా నిర్వహించారు. కార్యక్రమంలో అనూజ్ అగర్వాల్ ఐ.ఎఫ్.ఎస్, ఇంఛార్జి జిల్లా అటవీశాఖ అధికారి, హనుమకొండ, జనగాం పాల్గొని, పులులు సంఖ్య అంతరించిపోతుందని వాటినీ సంరక్షించే బాధ్యత ప్రతి ఒక్కరిపై ఉందని తెలియజేశారు.

విద్యార్థులకు నిర్వహించిన ప్రతిభా పోటీలలో గెలుపొందిన, పాల్గొన్న విద్యార్థిని, విద్యార్థులకు బహుమతులు, ప్రశంసా పత్రాలు అందజేశారరు. కార్యక్రమంలో  కె. కృష్ణమాచారి, ఎఫ్.డి.ఓ, ఫ్లయింగ్ స్క్వాడ్, భద్రాద్రి సర్కిల్ , డాక్టర్ ఆచార్య రవికుమార్ కేర్ అండ్ క్యూర్ ఫౌండర్, నార్కోటిక్స్ , పి వెంకటేశ్వరరావు, ఆల్ ఇండియా ఎల్పిజి గ్యాస్ ఫెడరేషన్ అధ్యక్షులు హనుమకొండ , ఇందారపు నాగేశ్వరరావు ఓరుగల్లు వైల్డ్ లైఫ్ సొసైటీ సంస్థాగత అధ్యక్షులు, పిట్టల రవిబాబు గారు ఓరుగల్లు వైల్డ్ లైఫ్ సొసైటీ, జాయింట్ సెక్రటరీ, ఔల్స్ సభ్యులు సునీల్ మారపాక పాల్గొని అడవుల క్షేత్ర రక్షణ, అందులో ముఖ్యంగా పులుల ప్రాధాన్యత పై మాట్లాడారు.

ఈ “సేవ్ టైగెర్స్ – సేవ్ నేచర్” ప్రోగ్రాం లో పెద్దపులుల ఛాయాచిత్ర ప్రదర్శన గాలరి విద్యార్థులను ఎంతో ఆకర్శించింది. ఈ సందర్భంగా జూ పార్క్ సిబ్బంది తదితరులు పాల్గొన్నారు.

‘వేద న్యూస్’ ప్రత్యేకం.. పర్యావరణ సమతుల్యానికి జీవగర్ర ‘పులి’

The post సేవ్ టైగర్స్, సేవ్ నేచర్.. కాకతీయ జూ పార్కులో ఘనంగా పులుల దినోత్సవం appeared first on VEDHA NEWS.

• స్వచ్ఛ వరంగల్ ఉట్టి మాటలేనా?
• పరిసరాలపై కనీస పట్టింపు ఎవరికీ లేదా?
• పోలీస్ స్టేషన్ కు కూత వేటు దూరంలోనే ఇదీ దుస్థితి..

వేద న్యూస్, వరంగల్:

స్వచ్ఛ వరంగల్ అంటూ ప్రభుత్వాలు చేసే ప్రకటన ఉట్టి మాటేనా? అని గ్రేటర్ వరంగల్ వాసులు ఆవేదన వ్యక్తం చేసేలా పరిస్థితులు ఏర్పడ్డాయనీ చెప్పొచ్చు. గ్రేటర్ వరంగల్ మున్సిపల్ కార్పొరేషన్ పరిధిలో ఇంతే జార్ గంజ్ పోలీస్ స్టేషన్ కు కూత వేటు దూరంలో ప్రధాన కూడలి వద్ద చెత్త ఇబ్బడి ముబ్బడిగా పడి ఉండటం చూస్తే.. “స్వచ్ఛ వరంగల్” , “స్మార్ట్ సిటీ” అంటే ఇలాగేనా? ఉండేది అనే ఆందోళన చెందాల్సిందే. ఇష్టమొచ్చినట్టుగా చెత్తను పడేసి ఉన్న దృశ్యాలు “వేద న్యూస్ ” తెలుగు దినపత్రిక కెమెరాకు చిక్కాయి.

 

జి డబ్ల్యూ ఎం సి వారు ఏర్పాటు చేసిన చెత్త సేకరణ బాక్సులలో కాకుండా బయట రోడ్డు మీదే చెత్తాచెదారాన్ని ఇష్టమొచ్చినట్టుగా… నిర్లక్ష్య వైఖరితో పడేస్తున్నారు. సదరు ప్రాంతానికి అతి సమీపంలోనే ట్రాఫిక్ కంట్రోలింగ్ పాయింట్ కూడా ఉండటం గమనార్హం.

గత కొద్ది రోజులుగా సదరు ప్రాంతంలో చెత్త పేరుకుపోతున్నప్పటికీ పట్టించుకోవడం అనేది మరిచినట్టుగా కనబడుతోందని వాహనదారులు ఆందోళన వ్యక్తం చేస్తున్నారు. ప్రస్తుత వానాకాలం నేపథ్యంలో సీజనల్ డిసీజెస్ ముప్పు పొంచి ఉన్నది. ఈ సందర్భంలో నిర్లక్ష్య వైఖరితో చెత్తను ఇష్టమొచ్చినట్టుగా రోడ్డుమీద పడేయడం సరికాదని పలువురు అభిప్రాయపడుతున్నారు. వెంటనే సంబంధిత శాఖ వారు స్పందించి తగు చర్యలు తీసుకోవాలని వాహనదారులు, నగరవాసులు విజ్ఞప్తి చేస్తున్నారు.

The post పోలీస్ స్టేషన్‌కు సమీపంలో ఇబ్బడి ముబ్బడిగా చెత్త.. పట్టించుకునే వారే లేరా? appeared first on VEDHA NEWS.

• స్వచ్ఛ వరంగల్ ఉట్టి మాటలేనా?
• పరిసరాలపై కనీస పట్టింపు ఎవరికీ లేదా?
• పోలీస్ స్టేషన్ కు కూత వేటు దూరంలోనే ఇదీ దుస్థితి..

వేద న్యూస్, వరంగల్:

స్వచ్ఛ వరంగల్ అంటూ ప్రభుత్వాలు చేసే ప్రకటన ఉట్టి మాటేనా? అని గ్రేటర్ వరంగల్ వాసులు ఆవేదన వ్యక్తం చేసేలా పరిస్థితులు ఏర్పడ్డాయనీ చెప్పొచ్చు. గ్రేటర్ వరంగల్ మున్సిపల్ కార్పొరేషన్ పరిధిలో ఇంతే జార్ గంజ్ పోలీస్ స్టేషన్ కు కూత వేటు దూరంలో ప్రధాన కూడలి వద్ద చెత్త ఇబ్బడి ముబ్బడిగా పడి ఉండటం చూస్తే.. “స్వచ్ఛ వరంగల్” , “స్మార్ట్ సిటీ” అంటే ఇలాగేనా? ఉండేది అనే ఆందోళన చెందాల్సిందే. ఇష్టమొచ్చినట్టుగా చెత్తను పడేసి ఉన్న దృశ్యాలు “వేద న్యూస్ ” తెలుగు దినపత్రిక కెమెరాకు చిక్కాయి.

 

జి డబ్ల్యూ ఎం సి వారు ఏర్పాటు చేసిన చెత్త సేకరణ బాక్సులలో కాకుండా బయట రోడ్డు మీదే చెత్తాచెదారాన్ని ఇష్టమొచ్చినట్టుగా… నిర్లక్ష్య వైఖరితో పడేస్తున్నారు. సదరు ప్రాంతానికి అతి సమీపంలోనే ట్రాఫిక్ కంట్రోలింగ్ పాయింట్ కూడా ఉండటం గమనార్హం.

గత కొద్ది రోజులుగా సదరు ప్రాంతంలో చెత్త పేరుకుపోతున్నప్పటికీ పట్టించుకోవడం అనేది మరిచినట్టుగా కనబడుతోందని వాహనదారులు ఆందోళన వ్యక్తం చేస్తున్నారు. ప్రస్తుత వానాకాలం నేపథ్యంలో సీజనల్ డిసీజెస్ ముప్పు పొంచి ఉన్నది. ఈ సందర్భంలో నిర్లక్ష్య వైఖరితో చెత్తను ఇష్టమొచ్చినట్టుగా రోడ్డుమీద పడేయడం సరికాదని పలువురు అభిప్రాయపడుతున్నారు. వెంటనే సంబంధిత శాఖ వారు స్పందించి తగు చర్యలు తీసుకోవాలని వాహనదారులు, నగరవాసులు విజ్ఞప్తి చేస్తున్నారు.

The post పీఎస్ కు సమీపంలో ప్రధాన కూడలిలో ఇబ్బడి ముబ్బడిగా చెత్త.. పట్టింపేది? appeared first on VEDHA NEWS.