వేదన్యూస్ – ఆదిలాబాద్

తెలంగాణ రాష్ట్రంలోని ఆదిలాబాద్ జిల్లాలో విమానాశ్రయం ఏర్పాటుకు కేంద్రం గ్రీన్ సిగ్నల్ ఇచ్చింది. ఇందులో భాగంగా ఆదిలాబాద్ ఎయిర్ పోర్టుకు భారత వాయుసేన అనుమతిచ్చింది. ఫౌర విమాన సేవలను ప్రారంభించేందుకు అవసరమైన అనుమతులను జారీ చేసింది.

ఈ సందర్భంగా మంత్రి కోమటిరెడ్డి వెంకటరెడ్డి మాట్లాడుతూ ” కేవలం ఆరు నెలల వ్యవధిలోనే రాష్ట్రానికి రెండు ఎయిర్ పోర్టులు ఏర్పాటుకు అనుమతి రావడం ప్రభుత్వ కృషికి నిదర్శనం అని అన్నారు. అక్కడ త్వరలోనే వాయు శిక్షణా కేంద్రాన్ని కేంద్రం ఏర్పాటు చేసే ఆలోచనలో ఉన్నట్లు మంత్రి తెలిపారు.

జాయింట్ ఎయిర్ ఫీల్డ్ గా అభివృద్ధి చేయాలని రాష్ట్ర ప్రభుత్వానికి వాయుసేన లేఖ రాసిందని కూడా ఆయన పేర్కొన్నారు. దీనికి అవసరమైన భూమి.. మౌలిక వసతుల కల్పనతో కూడిన వివరాల నివేదికను కేంద్రానికి పంపుతామని మంత్రి కోమటిరెడ్డి చెప్పారు.

The post తెలంగాణ ప్రజలకు కేంద్రం శుభవార్త..! appeared first on VEDHA NEWS.

•  బీసీ యువజన సంఘం ఆసిఫాబాద్ జిల్లా అధ్యక్షుడు ఆవిడపు ప్రణయ్ కుమార్

వేద న్యూస్, హైదరాబాద్ :

పట్టభద్రులు తమ ఓటును నమోదున చేసుకోవాలని బీసీ యువజన సంఘం జిల్లా అధ్యక్షుడు ఆవిడపు ప్రణయ్ కుమార్ అన్నారు. రానున్న పట్టభద్రుల ఎన్నికల్లో పోటీ చేయనున్న ఆల్ ఫోర్స్ సంస్థల అధినేత నరేందర్ రెడ్డి మద్దతుగా బీసీ యువజన సంఘం ఆధ్వర్యంలో శుక్రవారం వాంకిడి మండలం బండారలోని డిగ్రీ కళాశాలలో ఉచిత ఎన్‌రోల్‌మెంట్ కార్యక్రమాన్ని చేపట్టారు.

ఈ సందర్భంగా ఆవిడపు ప్రణయ్ మాట్లాడుతూ జిల్లా వ్యాప్తంగా ఉన్న పట్టభద్రుడు పూర్తిస్థాయిలో ఓటర్ నమోదు చేసుకోవాలని రానున్న ఎన్నికల్లో నిరుద్యోగులకు అండగా ఉంటూ ఉద్యోగుల సమస్యల పట్ల పోరాటం చేసే ఉత్తమ నాయకున్ని ఎన్నుకోవాలని సూచించారు.

ఓటర్ నమోదు కోసం ఫోన్ నెంబర్ 9440070884,9010785499
ను సంప్రదించాలని తెలిపారు. ఈ కార్యక్రమంలో జిల్లా నాయకులు బొట్టుపల్లి సాయి కృష్ణ ,కళాశాల ప్రిన్సిపాల్ కనకయ్య, అధ్యాపకులు విలాస్, మల్లేశం, స్వామి, రామచందర్, కవిత తదితరులున్నారు.

The post పట్టభద్రులు ఓటు నమోదు చేసుకోవాలి appeared first on VEDHA NEWS.

• ఆదిలాబాద్ ఎంపీ గొడం నగేశ్ కు బీసీ యువజన సంఘం జిల్లా అధ్యక్షులు ఆవిడపు ప్రణయ్ కుమార్ వినతి

వేద న్యూస్, ఆసిఫాబాద్:

కొమరం అసిఫాబాద్ జిల్లాలో అగ్రికల్చర్ యూనివర్సిటీ ఏర్పాటు చేయాలనీ బీసీ యువజన సంఘం జిల్లా అధ్యక్షులు ఆవిడపు ప్రణయ్ కుమార్, ఆసిఫాబాద్ మాజీ జడ్పీటీసీ అరిగేల నాగేశ్వర రావు తో కలిసి ఆదిలాబాద్ పార్లమెంట్ ఎంపీ గోడం నగేష్ కు వినతి పత్రం అందజేసారు. 

ఈ సందర్బంగా ఆవిడపు ప్రణయ్ మాట్లాడుతూ మన కొమరం భీమ్ ఆసిఫాబాద్ జిల్లా ఉన్నత విద్య విషయంలో చాలా వెనుకబడి ఉందని చెప్పారు. డిగ్రీ పూర్తి చేసిన విద్యార్థులకు ఆ పై చదువులకి ఏ ఒక్క ఉన్నత విధ్యా సంస్థ కూడా లేదని, అదే విధంగా జిల్లాలో చాలా వరకు వ్యవసాయం పై ఆధారపడే కుటుంబాలే ఎక్కువ వారి పిల్లలు చదువుకుంటూ కూడా వ్యవసాయం పై ఆసక్తి చూపిస్తారని వెల్లడించారు.

జిల్లాలో వ్యవసాయ విశ్వవిద్యాలయం ఉంటే ఇక్కడ విద్యార్థులకు వ్యవసాయం పై పూర్తి అవగాహన ఉన్నందువల్ల వాళ్ళు వ్యవసాయం విశ్వవిద్యాలయంలో ఉన్నత చదువులు చదివి వ్యవసాయం లో సాంకేతిక అదునాతన పద్ధతులని నేర్చుకొని ఇక్కడి రైతులకి కొంత వరకు మేలు చేసే అవకాశం ఉందని వివరించారు.  ఇక్కడ అగ్రికల్చర్ యూనివర్సిటీ ఏర్పాటు అవసరం ఉన్నది కాబట్టి ఎంపీ జిల్లా లో అగ్రికల్చర్ యూనివర్సిటీ ఏర్పాటు కోసం చొరవ తీస్కొని కృషి  చేయాలని కోరారు. కార్యక్రమంలో బీసీ యువజన సంఘం నాయకులు గజ్జల లక్ష్మణ్, యువ నాయకులు బొట్టుపల్లి సాయి కృష్ణ సామజిక కార్యకర్త కల్లూరి ప్రశాంత్, టొమ్రే శ్రీకాంత్ తదితరులు ఉన్నారు

The post కొమురం భీం ఆసిఫాబాద్ జిల్లాలో అగ్రికల్చర్ వర్సిటీ ఏర్పాటు కోసం కృషి చేయాలి appeared first on VEDHA NEWS.

• సామాజిక సేవలోనూ ముందున్న యువనాయకుడు
• లోక్‌సభ టికెట్ ఆశావాహుల్లో ముందు వరుసలో అభినవ్
• కేంద్ర స్థాయిలో బీజేపీ అగ్రనేతలతో టచ్..సినీ పెద్దల మద్దతు
•  కమలం పార్టీ హై కమాండ్ పరిశీలనలో అభినవ్ సర్దార్
• ఆదిలాబాద్ ఎంపీ బరిలో యువ నేత అభినవ్

వేద న్యూస్, ఆసిఫాబాద్:
‘‘చాయ్ వాలా’’..దేశ రాజకీయాలలో ఈ పదం సృష్టించిన సంచలనం గురించి ప్రత్యేకంగా చెప్పనక్కర్లేదు. అలాంటి మరో ‘చాయ్ వాలా’ ఉమ్మడి అదిలాబాద్ జిల్లాలో పార్లమెంట్ పార్లమెంట్ బరిలో దిగేందుకు సిద్ధమవుతున్నారు. ‘చాయ్’ వ్యాపారాన్ని ప్రారంభించి అంచంచెలుగా ఎదుగుతూ రాష్ట్రవ్యాప్తంగా చాయ్ వ్యాపార సామ్రాజ్యాన్ని నిర్మించిన “హైదరాబాది చాయ్ అడ్డా” ఫౌండర్, చైర్మన్ కేతావత్ అభినవ్ సర్దార్ అదిలాబాద్ రాజకీయాలలోకి ఎంట్రీ ఇచ్చేందుకు సుముఖత వ్యక్తం చేస్తున్నారు. రాబోయే పార్లమెంట్ ఎన్నికలలో అధిష్టానం ఆశీస్సులతో తన అదృష్టాన్ని పరీక్షించుకోవాలని భావిస్తున్నారు.

 

బీజేపీ నుంచి సిట్టింగ్ ఎంపీ ఉన్నప్పటికీ తన ప్రయత్నాల్లో అభినవ్ తలమునకలవుతున్నారు. గతేడాది జరిగిన అసెంబ్లీ ఎన్నికల్లో రాష్ట్రవ్యాప్తంగా హస్తం పార్టీకి పవనాలు వీచినా..ఆదిలాబాద్ జిల్లా లో మాత్రం కమలం పార్టీ మెజారిటీ స్థానాల్లో నిలిచి గెలిచింది. ఈ నేపథ్యంలో ఆదిలాబాద్ ఎంపీ సీటు కోసం ఆశావహుల మధ్య తీవ్ర పోటీనే నెలకొని ఉంటుంది. ఈ స్థానం నుంచి కమలం పార్టీ తరఫున బరిలో దిగితే గెలుపు తమదే అని ఇప్పటికే పలువురు ఆశావహులు, బీజేపీ నేతలు అంచనా వేసుకుంటున్నారు.

మహబూబ్ నగర్ కు చెందిన అభినవ్ సర్దార్ మంగవత్ ప్రస్థానం విషయానికొస్తే..తన పాఠశాల విద్యాభ్యాసాన్ని విజయనగరంలోని కోరుకొండ సైనిక్ స్కూల్ లో పూర్తి చేశారు. ఎన్ఐటీ వరంగల్ లో ఇంజనీరింగ్, తమిళనాడు లోని ఎన్ఐటీ తిరిచి నుండి ఎంబీఏ కంప్లీట్ చేసి..ఆ తర్వాత కోకకోలా సంస్థలో మార్కెటింగ్ మేనేజర్ గా స్థిరపడ్డారు.

2006 లో అదిలాబాద్ జిల్లా ఉట్నూర్ మండలం హస్నాపూర్ గ్రామానికి చెందిన శ్రీవేణి ను వివాహం చేసుకున్నారు. 15 సంవత్సరాల పాటు వివిధ సంస్థలలో వివిధ హోదాలలో పనిచేసిన సర్దార్ టీ వ్యాపారానికి సంబంధించి వినూత్న ఆలోచనతో 2015 లో ‘హైదరాబాది చాయ్ అడ్డా’ పేరుతో కేఫే ను ప్రారంభించారు. అనతి కాలంలోనే హైదరాబాద్ నగరంలో ‘హైదరాబాది చాయ్ అడ్డా’ మంచి పేరు ప్రఖ్యాతలను సంపాదించింది. రాష్ట్రవ్యాప్తంగా తన వ్యాపారాన్ని విస్తరించారు అభినవ్ సర్దార్. ఇదే కాకుండా ప్రస్తుతం రియల్ ఎస్టేట్ వంటి అనేక వ్యాపార రంగాలలో తనదైన శైలిలో రాణిస్తున్నారు అభినవ్ సర్దార్.

వ్యాపార రంగంతో పాటు సినీ రంగంలోనూ అభినవ్ పేరు ప్రఖ్యాతులను సంపాదించుకున్నారు. సినీ నటుడిగా ‘తేజం’ మూవీతో ఇండస్ట్రీ ఎంట్రీ ఇచ్చిన అభినవ్..ఆ తర్వాత పలు సినిమాల్లో నటించారు. నిర్మాతగానూ పలు చిత్రాలకు వ్యవహరించారు. కడు పేదరికంలో జన్మించిన అభినవ్ సర్దార్ కష్టపడి తన జీవిత ఆశయాలను పూర్తి చేసి ఉన్నత స్థాయికి చేరుకున్నారు.

సామాజిక సేవలోనూ ముందున్న ఈ సినీ నటుడు..అభివృద్ధికి ఆమడ దూరంలో ఉన్న సమాజానికి సేవ చేయాలని నిశ్చయించుకున్నారు. నిస్వార్థంగా పని చేసే ఎన్విరాన్ మెంట్ బీజేపీలో ఉంటుందని భావించి.. ఈ ఏడాది జనవరిలో బీజేపీలో చేరిన అభినవ్..కేంద్రమంత్రి, బీజేపీ స్టేట్ చీఫ్ కిషన్ రెడ్డి ఆశీస్సులతో పార్టీలో ముందుకు సాగుతున్నారు. తన అత్తగారి ఊరున్న జిల్లాను తన రాజకీయ క్షేత్రంగా ఎంచుకున్నారు.

తెలంగాణ రాష్ట్రం మొత్తంలో అత్యంత వెనుకబడిన ప్రాంతం, ఇప్పటికీ కనీస అభివృద్ధికి నోచుకోని ప్రాంతం ఉమ్మడి అదిలాబాద్ జిల్లా అని తాను గుర్తించానని, అందుకే అదిలాబాద్ జిల్లాలోనే న్యాయంగా పని చేసి అభివృద్ధి చేసే అవకాశం ఉందని భావించానని అభినవ్ వెల్లడించారు. బీజేపీ అధిష్టానం అవకాశమిస్తే ..తాను అభివృద్ధి చేసి చూపిస్తానని తెలిపారు.

ఎంపీ టికెట్‌కు సంబంధం లేకుండా బీజేపీలో జెండా మోస్తు కష్టపడతానని, ఏది ఏమైనప్పటికీ అదిలాబాద్ జిల్లాను సైతం విడవబోనని అభినవ్ సర్దార్ ప్రకటించడం విశేషం. ఇప్పటి వరకు తాను అనుకున్న ఆశయాలు వేటిని మధ్యంతరంగా విడిచిపెట్టలేదని, అదే విధంగా అదిలాబాద్ జిల్లాలో తాను చేయాలనుకున్న సమాజసేవ, అభివృద్ధి ని పూర్తి చేసే వరకు విడిచిపెట్టేది లేదని అభినవ్ సర్దార్ వెల్లడించారు. ఎంపీ టికెట్ వచ్చినా, రాకపోయినా ఆదిలాబాద్ జిల్లాను విడిచిపెట్టేది లేదని స్పష్టం చేశారు.

The post రాజకీయాల్లోకి మరో ‘చాయ్ వాలా’ appeared first on VEDHA NEWS.