•  నిబంధనలకు విరుద్ధంగా పుస్తకాల విక్రయం

వేద న్యూస్, ఎల్లారెడ్డిపేట :

ఎల్లారెడ్డిపేట మండల కేంద్రంలో నిబంధనలకు విరుద్ధంగా పుస్తకాలను విద్యార్థులకు అధిక ధరలకు అమ్ముతూ ఎంఈఓ ఆఫీస్ పక్కనే ఓ ఇంట్లో పుస్తకాల డంపును ఏర్పాటు చేయగా డి వై ఎఫ్ ఐ విద్యార్థి నాయకులు పట్టుకొని ఎంఈఓ కు, మీడియాకు సమాచారం అందించారు. శ్రీ చైతన్య పాఠశాల యాజమాన్యం.. మాజీ జెడ్పిటిసి కార్యాలయం పక్క షట్టర్లో పుస్తకాలను డంపు చేసి విద్యార్థులకు వారే స్వయంగా అధిక ధరలకు అమ్ముతున్నట్లు డివైఎఫ్ఐ జిల్లా అధ్యక్షులు గాంతుల మహేష్ మండిపడ్డారు.

శ్రీ చైతన్య యాజమాన్యంపై వెంటనే కఠిన చర్యలు తీసుకోవాలని జిల్లా అధికారులను కోరారు. అదేవిధంగా ఎంఈఓ ఆఫీసుకు కూత వేటు దూరంలో పుస్తకాలు అమ్ముతుండడం అధికారులకు ఎందుకు తెలియడం లేదని ప్రశ్నించారు.

వెంటనే పుస్తకాల స్టోర్ ను సీజ్ చేసి విద్యాసంస్థ పై చర్యలు తీసుకోవాలని డిమాండ్ చేశారు. గతంలో రెండుసార్లు నోటీసులు ఇచ్చినప్పటికీ సంబంధిత అధికారులు పట్టించుకోలేదని పేర్కొన్నారు.

The post పక్కనే విద్యాశాఖ అధికారి ఆఫీసు.. అయినా శ్రీ చైతన్య యాజమాన్యం.. పుస్తకాలు అమ్మకాలు.. పట్టుకున్న డి వై ఎఫ్ ఐ appeared first on VEDHA NEWS.

• సదరు వ్యక్తిపై చట్టపరమైన చర్యలు తీసుకోవాలని వినతి

వేద న్యూస్, ఎల్కతుర్తి:
రాష్ట్ర సీఎం ఏ.రేవంత్ రెడ్డిపై అనుచిత వ్యాఖ్యలు చేసిన బాల్క సుమన్ అనే వ్యక్తిపై చర్యలు తీసుకోవాలని యూత్ కాంగ్రెస్ నాయకులు కోరారు. యూత్ కాంగ్రెస్ ఎల్కతుర్తి మండల అధ్యక్షులు హింగె శ్రీకాంత్ మంగళవారం ఎల్కతుర్తి పోలీస్ స్టేషన్ లో ఈ విషయమై పోలీసులకు కంప్లయింట్ చేశారు.

మంచిర్యాలలో జరిగిన ఓ మీటింగ్ లో మాజీ ఎమ్మెల్యే బాల్క సుమన్ తెలంగాణ సీఎం రేవంత్ రెడ్డిని చెప్పుతో కొడతా అని అసభ్య పదజాలంతో దూషించి..తెలంగాణ మెజారిటీ ప్రజల మనోభావాలను దెబ్బతీసేవిధంగా వ్యాఖ్యలు చేశారని ఫిర్యాదులో పేర్కొన్నారు.

రెచ్చగొట్టే వ్యాఖ్యలు చేస్తూ..రాష్ట్రంలోని శాంతి భద్రతలను విచ్ఛిన్నం చేసే విధంగా వ్యాఖ్యలు చేసిన సదరు వ్యక్తిపై చట్టపరంగా చర్యలు తీసుకోవాలని యూత్ కాంగ్రెస్ నాయకులు కోరారు. ఫిర్యాదు చేసిన వారిలో యూత్ కాంగ్రెస్ సభ్యులు ఈర భీమ్ రాజ్, అంబాల శ్రీకాంత్, గొడిశాల నరేశ్, ప్రదీప్, అంబాల ప్రభాస్, పల్లెపోగు ప్రణయ్, అంబాల యువరాజు, వీణవంక రమేశ్ ఉన్నారు.
 

The post బాల్క సుమన్‌పై పీఎస్‌లో యూత్ కాంగ్రెస్ నేతల ఫిర్యాదు appeared first on VEDHA NEWS.

స్వచ్ఛంద సంస్థలకు, మానవతావాదులకు, ప్రముఖులకు, పర్యావరణవేత్తలకు, ప్రకృతి ప్రేమికులకు అందరికీ మనవి. అగ్రి బయోడైవర్సిటీ నాశనానికి తీసుకున్న చర్యలకు వ్యతిరేకంగా ఉద్యమిస్తున్న అగ్రికల్చర్ విద్యార్థులకు సహకరించాలని పేరుపేరునా విజ్ఞప్తి.

ఎంతో గొప్ప చరిత్ర కలిగిన హైకోర్టు భవనాలను పురానాపూల్ నుండి ఎంతో ఘన చరిత్ర కలిగిన ఈ హైకోర్టు సముదాయాలను వ్యక్తుల ప్రయోజనం కోసం..ప్రభుత్వం తమ స్వార్థం కోసం ఎందరినో కష్టపెడుతూ ఇటు అడ్వకేట్లను గాని అటు కోర్టుకు వచ్చే వాళ్లను ఇబ్బంది పెడుతూ..చాలా దూరం ఉండి ఎంతో కఠినమైన వ్యయ ప్రయాణ ప్రయాసలకు గురిచేస్తూ, హైదరాబాద్ నుంచి రాజేంద్రనగర్ లో ఉన్న అగ్రి బయోడైవర్సిటీ పార్కుకు తరలించి అక్కడున్న అగ్రికల్చర్ యూనివర్సిటీ అస్తిత్వాన్ని నాశనం చేసేందుకు తీసుకొచ్చిన జీవో 55 ను నిర్వీర్యం చేయాలి. ప్రభుత్వ నిర్ణయానికి వ్యతిరేకంగా అగ్రికల్చర్ యూనివర్సిటీలో ఉద్యమం పెద్ద ఎత్తున జరుగుతోంది.

దీని కిమనందరి సహాయ సహకారాలు ఉండాలని, మీరందరూ కూడా తమవంతగా ఏదో ఒక రోజు నిర్ణయించుకుని వారికి మళ్లీ ఒకసారి మద్దతు పలికి అక్కడ వారికి ధైర్యాన్ని ఇవ్వాలని కోరుతున్నారు. తద్వారా మన రాష్ట్రంలో ఉన్న ఈ అగ్రికల్చర్ యూనివర్సిటీ దేశానికే అన్నపూర్ణ గా ఉంటుంది. కాబట్టి దాని అస్తిత్వాన్ని కాపాడుకొని, ప్రైవేటు వ్యక్తుల లేదా ప్రభుత్వం దుర్మార్గపు ఆలోచనలను ఖండిస్తూ ఆ జీవో 55 ను వెనక్కి తీసుకోవాలని విన్నవిస్తున్నా. అందరూ ఈ విషయమై ముందుకు రావాలని, ఉద్యమాన్ని ఇంకా ఉధృతం చేయాలని కోరుకుంటున్నా.

అవసరానికి తగ్గట్టుగా అభివృద్ధిని ఎవరు కాదనలేము. అది నిజమే. కానీ, ఆల్రెడీ అభివృద్ధి చెందిన అగ్రికల్చర్ యూనివర్సిటీని, ఆ బయోడైవర్సిటీ ఈ పార్క్ ను నాశనం చేస్తూ అక్కడ ఒక్కొక్కరికి ఎకరాల చొప్పున ఇండ్లు కట్టించి అక్కడ ఒక ప్రత్యేకమైన అనవసరపు ఆహ్లదాన్ని స్వార్థపూరితంగా చేయాలని అనుకుంటున్నారు. అది సరికాదు. నిజంగా వారికి చిత్తశుద్ధి ఉంటే అదే హైకోర్టు భవనాలను అగ్రికల్చర్ యూనివర్సిటీకి ఎదురుగా ఉన్న ప్రభుత్వ ఖాళీ భూములలో కట్టవచ్చు. ఈ ఆలోచనను అందరూ గమనించాలి..! ఎందుకంటే అభివృద్ధిని మనం కోరుకోవాలి. కానీ, అభివృద్ధి జరిగిన ప్లేస్ ను నాశనం చేసి మళ్లీ అభివృద్ధి చేయడమనేది ప్రజల సొమ్మును, అదేవిధంగా ప్రకృతి వనరులను నాశనం చేస్తున్నట్లే..

“ప్రభుత్వం జీవో నెం.55 నుంచి అగ్రి బయోడైవర్సిటీ పార్క్ రక్షించే విద్యార్థుల ఉద్యమానికి ఊపిరినిద్దాం”

– రవిబాబు పిట్టల, పర్యావరణ వేత్త, హైదరాబాద్.

The post అగ్రి బయోడైవర్సిటీ ఉద్యమానికి ఊపిరినిద్దాం appeared first on VEDHA NEWS.