వేద న్యూస్, వరంగల్:

హనుమకొండ లోని నయీమ్ నగర్ లోని జాగృతి కాలనీ, లోటస్ కాలనీ ఉత్సవ కమిటీ ఆధ్వర్యంలో మహా మట్టి గణపతి కి రెండో బహుమతి లభించింది. గణపతి నవరాత్రి ఉత్సవ సమితి ఆధ్వర్యంలో గణపతి మండపాల నిర్వాహకులకు కాళోజి కళాక్షేత్రంలో బహుమతుల ప్రదానం గురువారం జరిగింది.

ముఖ్య అతిథులుగా హాజరైన వరంగల్ పోలీస్ కమిషనర్ సన్ ప్రీత్ సింగ్, వరంగల్ పశ్చిమ ఎమ్మెల్యే నాయిని రాజేందర్ రెడ్డి చేతుల మీదుగా నిర్వాహకులు ఈ అవార్డు అందుకున్నారు.

అధ్యక్షులు అంచూరి విజయకుమార్ ,కార్యదర్శి బింగి సతీష్ , లోటస్ కాలనీ, జాగృతి కాలనీ అధ్యక్షులు నల్ల సత్యనారాయణ, గౌరవాధ్యక్షులు కర్ర రాజా మల్లారెడ్డి , దోనకొండ రమణారెడ్డి, గుజ్జుల రమణారెడ్డి , కర్ర రమణారెడ్డి , మాధవ రెడ్డి , శనిగరపు విజయ్ కుమార్ తదితర ప్రముఖులు, కాలనీవాసులందరూ ప్రత్యేకంగా పాల్గొన్నారు.

The post ‘జాగృతి’ మట్టి గణపతికి అవార్డు appeared first on VEDHA NEWS.

•  అంబేడ్కర్ ఎక్స్‌లెన్స్ అవార్డ్స్‌లో భాగంగా ప్రదానం
•  ఇండిపెండెన్స్ డే సెలబ్రేషన్స్ సందర్భంగా అందజేసిన హ్యూమన్ రైట్స్ కౌన్సిల్

వేద న్యూస్, ఎల్కతుర్తి:
హనుమకొండ జిల్లా ఎల్కతుర్తి మండలకేంద్రానికి చెందిన యువకుడికి బెస్ట్ సోషల్ సర్వీస్ అవార్డు వచ్చింది. సేవా విభాగంలో సదరు యువకుడు అందించిన సేవలకు అవార్డుతో పాటు సర్టిఫికెట్‌ను సోషల్ జస్టిస్ ఫర్ వరల్డ్ హ్యూమన్ రైట్స్ కౌన్సిల్ వారు గురువారం హైదరాబాద్‌లో అందజేశారు.

స్వాతంత్ర్య దినోత్సవ వేడుకల సందర్భంగా సోషల్ జస్టిస్ ఫర్ వరల్డ్ హ్యూమన్ రైట్స్ కౌన్సిల్ వారు ఎల్కతుర్తికి చెందిన యువకుడు అంచనగిరి వెంకటరమణ మానవతా దృక్పథంతో చేసిన సేవలను గుర్తిస్తూ అవార్డును ప్రదానం చేశారు.

హైదరాబాద్‌లోని తెలంగాణ సారస్వత భవన్‌లో జరిగిన కార్యక్రమంలో అవార్డుతో పాటు సర్టిఫికెట్‌ను అందజేశారు. సమాజ శ్రేయస్సు కోసం వెంకటరమణ చేసిన సేవలను అభినందించారు. భవిష్యత్తులోనూ సేవలను మరింత విస్తృతంగా కొనసాగించాలని ఆకాంక్షించారు.

The post అంచనగిరి వెంకటరమణకు బెస్ట్ సోషల్ సర్వీస్ అవార్డు appeared first on VEDHA NEWS.

• ప్రతి ఇంటికి ఒక రక్తదాత తయారవ్వాలి:సైదులు

వేద న్యూస్, మిర్యాలగూడ ప్రతినిధి :

అనుముల మండలం హలియాలో సుమంగల్ ఫంక్షన్ హాల్ నందు ఆదివారం తల సేమియా బాధిత పిల్లల కోసం ఏర్పాటుచేసిన రక్తదాన శిబిరంలో కొత్తపల్లి సైదులకు రక్తదాత సుఖీభవ అవార్డును ప్రదానం చేసి సన్మానించారు.

ఈ సందర్భంగా ఆయన మాట్లాడుతూ తాను రక్తదానం చేస్తూ,తన మిత్రులతో,తెలిసిన రక్తదాత సోదరులతో రక్తదానం చేయించినందుకు గాను గుర్తింపుగా రక్తదాత సుఖీభవ అవార్డును ప్రధానం చేయడం జరిగిందన్నారు.ఈ అవార్డు రావడంతో నాపై మరింత బాధ్యతను పెంచిందని,నాతోపాటు చుట్టుప్రక్కల ఉన్న ప్రతీ ఒక్కరికి రక్తదానం పట్ల అవగాహన కల్పిస్తానని,అత్యవసర సమయంలో రక్తం తక్కువయ్యి చనిపోకుండా కాపాడతానని, ప్రతి ఇంటికి ఒక రక్త దాత తయారు కావాలని కోరారు.

ఈ అవార్డులను అందజేసిన అమిర్ ఆలీ ఫౌండేషన్ చైర్మన్ అమిర్ ఆలీ కి ప్రత్యేక ధన్యవాదములు తెలిపారు.ఈ కార్యక్రమంలో రక్తదాన శిబిరాన్ని సీనియర్ కాంగ్రెస్ నేత,మాజీ మంత్రి కుందూరు జానారెడ్డి ప్రారంభించారు,వారి చేతుల మీదుగా అవార్డులు ప్రధానం చేయడం జరిగింది.

ప్రముఖ సామాజిక వేత్త శంషాబాద్ సిద్దు రెడ్డి చేతుల మీదుగా నటుడు ఇంద్రసేన (ఫిల్మ్ హీరో) మరియు డా. మునిర్ తదితర ప్రముఖులు పాల్గొనగా వారి చేతులమీదుగా రక్తదాతలను సన్మానించడం జరిగింది.

The post కొత్తపల్లి సైదులకు రక్తదాత సుఖీభవ అవార్డు  appeared first on VEDHA NEWS.

వేద న్యూస్, జమ్మికుంట:

జమ్మికుంట మండలం కోరపల్లి గ్రామానికి చెందిన పుల్లూరి కుమార్ ను దళిత రత్న అవార్డు వరించింది. ఆయన జీవితం అనేక దళిత విప్లవోద్యమాలతో ముడిపడి ఉంది. గతంలో అనేక ఉద్యమాలలో పాల్గొని, మాదిగ వర్గీకరణ కోసం నిరంతరం అలుపెరుగని పోరాటం చేశారు.

డాక్టర్ బి.ఆర్ అంబేద్కర్ 134వ జయంతి ఉత్సవాల కమిటీ చైర్మన్ ఇటుక రాజు మాదిగ, జాన్ను కనకరాజు మాదిగచేతుల మీదుగా సికింద్రాబాద్ సెంట్రల్ ఫంక్షన్ హాల్ లో దళిత రత్న అవార్డు ప్రదానం చేశారు. ఉద్యమాల హుజురాబాద్ గడ్డకు మరోసారి దక్కిన అరుదైన గౌరవం ఇది అని ఈ సందర్భంగా పలువురు అభిప్రాయపడ్డారు.

దళిత రత్న అవార్డు గ్రహీత పుల్లూరికుమార్ మాట్లాడుతూ.. ఈ అవార్డు రావడం
తనపై మరింత బాధ్యత పెరిగిందన్నారు. దళితుల జనాభా పెరిగినందున రిజర్వేషన్ పెరుగుదలకు భవిష్యత్తులో డాక్టర్ బి.ఆర్ అంబేద్కర్ చూపించిన మార్గంలో మరిన్ని పోరాటాలు చేసి
విద్య ఉద్యోగ ఉపాధి రంగాలలో దళితుల కోసం నిరంతరం పోరాటం చేస్తానని తెలిపారు.

తెలంగాణ మాదిగ హక్కుల దండోరా కరీంనగర్ జిల్లా అధ్యక్షుడిగా ఉన్న కుమార్ కు ఈ అవార్డు వరించడం పట్ల గ్రామస్తులు, శ్రేయోభిలాషులు సంతోషం వ్యక్తం చేశారు

The post పుల్లూరి కుమార్ కు దళిత రత్న అవార్డు appeared first on VEDHA NEWS.

వేద న్యూస్, హన్మకొండ :

75వ భారత రాజ్యాంగం దినోత్సవం సందర్భంగా నయిం నగర్ షైన్ స్కూల్ విద్యార్థిని ఎండి. సన అఫ్రీన్ వ్యాసరచన పోటీలో ఉత్తీర్ణత పొందింది. అందుకు గాను అమర సవిధాన్.. హమర్ సమయన్ హైదరాబాద్ రాష్ట్రపతి నిలయ్ అవార్డు గ్రహీతగా ఎంపికైంది. ఈ సందర్భంగా షైన్ స్కూల్ డైరెక్టర్ యుగాల కుమార్, ప్రిన్సిపాల్ కవిత రాణి విద్యార్థినికి అభినందనలు తెలిపారు.

The post వ్యాసరచన పోటీలో షైన్ స్కూల్ విద్యార్థిని ప్రతిభ appeared first on VEDHA NEWS.

వేద న్యూస్ , జమ్మికుంట:

మోత్కూలగూడెం కు చెందిన పొనగంటి సంపత్ పటేల్ రెండవ సారి రాష్ట్ర స్థాయి అవార్డు అందుకున్నారు.పెద్దపల్లి జిల్లా డి ఎం హెచ్ ఓ కార్యాలయంలో టి . బి ల్యాబ్ సూపర్ వైజరగా విధులు నిర్వహిస్తున్న కరీంనగర్ జిల్లా హుజూరాబాద్ నియోజకవర్గo జమ్మికుంట మున్సిపల్ పరిధి మోత్కులగూడెం కు చెందిన పొనగంటి సంపత్ పటెల్ వారు అందించిన సేవలకు గాను ప్రపంచం క్షయ నివారణ దినోత్సవం సందర్భంగా మార్చి 24న హైదరాబాద్ గాంధీ ఆసుపత్రి ఆవరణములో ఏర్పాటు చేసిన కార్యక్రమములో రాష్ట్రస్థాయి అవార్డు అందజేశారు.

తెలంగాణ రాష్ట్ర డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ ఫెయిర్ అధికారి రవీందర్ నాయక్,  తెలంగాణ రాష్ట్ర ఎపిడెమియాలజిస్ట్ డాక్టర్ సుమలత ఆధ్వర్యములో తెలంగాణ రాష్ట్ర టి. బి జాయింట్ డైరెక్టర్ డాక్టర్ రాజేశం చేతుల మీదుగా టి. బి ల్యాబ్ సూపర్ వైజరగా పొనగంటి సంపత్ రెండవసారి రాష్ట్ర స్థాయి ఉత్తమ అవార్డును అందుకున్నారు.

సంపత్ పటేల్ చేస్తున్న సేవకు ఇది నిదర్శనమని, ప్రతి కేసును ఇంటిపేరుతో సహా గుర్తుంచుకొని ప్రత్యేక శ్రద్దతో కృషి చేస్తారని పెద్దపల్లి జిల్లా ఆరోగ్య శాఖాధికారి డాక్టర్ కె. ప్రమోద్ కుమార్ , డా.సుధాకర్ రెడ్డి(ఎన్టీఈపీ) కొనియాడారు.జిల్లా వైద్య, ఆరోగ్య శాఖ ఆధ్వర్యములో వారిని ఘనంగా సన్మానించారు.

తమ గ్రామ నివాసి ఇలా రెండవ సారి రాష్ట్రస్తాయి అవార్డు పొందడం చాలా సంతోషదాయకమని, సంపత్ సేవలు ప్రశంస నియమని మోత్కూలగూడెం చెందిన డాక్టర్ ఊడ్గుల సురేష్, డాక్టర్ కామిశెట్టి కిషోర్,  పలువురు గ్రామ పెద్దలు,తోటి మిత్రులు,కుటుంబ సభ్యులు సంపత్ పటేల్ కు అభినందనలు తెలిపారు. సంపత్ పటేల్ రెండవసారి రాష్ట్రస్తాయి అవార్డు అందుకోవడం మాలాంటి ఉద్యోగులకు స్ఫూర్తి దాయకమని ‘సన్మిత్ర ‘ ఉద్యోగ, ఉపాధ్యాయ సంఘం సభ్యులు హర్షం వ్యక్తం చేస్తూ సంపత్ పటేల్ కు అభినందనలు తెలిపారు.

The post మోత్కూలగూడెం వాసికి రాష్ట్ర స్థాయి అవార్డు appeared first on VEDHA NEWS.