వేద న్యూస్, వరంగల్:

వరంగల్‌కు చెందిన గొల్లపల్లి రమేశ్ థర్మకోల్‌తో అయోధ్య రామమందిరాన్ని తయారు చేసి అబ్బురపరిచారు. విభిన్న కళాకృతుల తయారీలో దాదాపు 25 ఏండ్ల అనుభవం కలిగిన రమేశ్.. 20 రోజుల్లో రామమందిరాన్ని తయారు చేశారు. 

అయోధ్యలోని రామమందిర కళాకృతిని అచ్చుదించినట్టుగా తయారు చేయడానికి శ్రద్ధ వహించి తయారు చేసినట్టు రమేశ్ పేర్కొన్నారు. ఈ కళాకృతి తయారీకి సామగ్రి సమకూర్చుకోవడానికి కాస్త ఎక్కువ సమయం పట్టిందని పేర్కొన్నారు. 

థర్మకోల్ అట్టలతోనే ఆకృతిని తయారు చేసినట్టు స్పష్టం చేశారు. రమేశ్ నైపుణ్యం చూసి స్థానికులు మెచ్చుకున్నారు. ప్రభుత్వం ఇలాంటి కళాకారులను గుర్తించి వారి సేవలను విస్తృతంగా ఉపయోగించుకోవాలని పలువురు సూచిస్తున్నారు. 

The post థర్మకోల్‌తో అయోధ్య రామమందిరం..గొల్లపల్లి రమేశ్ నైపుణ్యం appeared first on VEDHA NEWS.

మనోహరమైన దివ్య స్వరూపము లో
రామా ! తుమ్మెదలాంటి గిరజాల జుట్టుతో,
మిల -మిల కాంతుల కాయముతో,
మువ్వల సవ్వడి అడుగుల తో,
మైమరపించే తొలి తొలి పలుకులతో…..
తన్మయత్వమైనది ఈమది “ఓ బాలరామ”

సూర్యవంశం వరించిన వంశోద్ధారకుడు ,
సుసంపన్న సుగుణాల ధీరుడవై,
దివ్య తేజస్సు కిరణమై వెలుగుతూ .‌…
.సత్యలోలుడవై పితృవాక్య పాలనలో,
రామా ! భూమండలంలో నీ శతకోటి ప్రాణి
హృదయాల్లో నిలిచినావయ్య ” ఓరఘురామ”

అత్యున్నత జ్ఞానశీలి విశ్వామిత్రుని ఆజ్ఞతో ,
రాజాధిరాజులను, అసురులను ఓడించి.
శివధనస్సు అవలీలగా ఎక్కుపెట్టి ,
అందాలరాశి ,మృదుస్వభావిలాంటి
మనోహరీయమైన సాధ్వీమణి సీతమ్మను
పరిణయమాడిన ” ఓ సీతారామ”

“ఎంతని వర్ణించనయ్య కోదండ పాణి,
మాటలు రావడం లేదయ్యా !!!!!
నీ పావన రూపంతో ,అంతులేని ఆనందం కలిగించి నా హృదయములో కొలువై
నా జన్మ ధన్యము చేసినావు తండ్రీ,
“ఓ అయోధ్య రామ” ” కారుణ్య రామ”
” సద్గుణరూప ” సీతామనోభిరామ”
రామ రామ జయరాజారామా…. శ్రీ రామ!!

కవి: విశ్వనాధ్ సరిత,
చరవాణి :99662 69950
ఊరు: వరంగల్.

The post “అయోధ్య రామ” appeared first on VEDHA NEWS.

వేద న్యూస్, ఎలిగేడు:
పెద్దపెల్లి జిల్లా ఎలిగేడు మండల పరిధిలోని లాలపల్లి గ్రామంలో శ్రీరామమందిర ప్రారంభోత్సవం సందర్భంగా శోభాయాత్రను వైభవంగా నిర్వహించారు. ఈ యాత్రలో గ్రామస్తులు, రామ భక్తులు ‘‘జై శ్రీరామ్, జై శ్రీరామ్’’ అంటూ నినాదాలు పెద్ద ఎత్తున చేశారు.

దశాబ్దాల కల నెరవేరిందని ఈ సందర్భంగా పలువురు గ్రామస్తులు అభిప్రాయపడ్డారు. కార్యక్రమంలో ఆలయ కమిటీ సభ్యులు గుర్రం మల్లారెడ్డి, సామ రాజేశ్వర్ రెడ్డి, బద్దం మల్లారెడ్డి, పెద్ది రాజేశం, ఏలేటి మల్లారెడ్డి, గడ్డం శ్రీనివాస్ రెడ్డి, సర్పంచ్ సింగిరెడ్డి ఎల్లవా, నాయకులు శ్రీనివాస్ రెడ్డి, మైపాల్ రెడ్డి, తిరుపతి రెడ్డి తదితరులు పాల్గొన్నారు.
 

The post లాలపల్లిలో ఘనంగా శోభాయాత్ర appeared first on VEDHA NEWS.

• ఎన్నో సంవత్సరాల కల నెరవేరింది
• లంబాడి ఐక్యవేదిక మండల కోఆర్డినేటర్ బానోతు ప్రవీణ్ నాయక్

వేద న్యూస్, మరిపెడ:
అయోధ్యలోనే శ్రీరామ జన్మభూమి పూజిత అక్షింతలను మరిపెడ మండలంలో ఎలమంచిలి తండా గ్రామపంచాయతీ లో ఇటుకలగడ్డ గ్రామాలలో రామభక్తులు ఇంటింటికీ పంపిణీ చేశారు. ముందుగా శ్రీరామ జన్మభూమి తీర్ధక్షేత్ర ట్రస్ట్ నుంచి గ్రామాలకు చేరుకున్న పూజిత అక్షింతలను ఆలయాలలో ప్రత్యేక పూజలు సోమవారం నిర్వహించారు. అనంతరం ‘‘జైశ్రీరాం,జై జై శ్రీరామ్’’ అని నినాదాల నడుమ రామభక్తులు,తండావాసులు ప్రతీ ఇంటింటికి వెళ్లి శ్రీ రాముడి అక్షింతలను అందజేశారు.

శ్రీరాముడి విగ్రహ ప్రతిష్ట సందర్భంగా తండ, గ్రామపంచాయతిలో ఇంటింటికీ వెళ్లి భక్తిశ్రద్ధలతో రాముడి అక్షింతలను పంపిణీ చేశారు. ఎన్నో సంవత్సరాల కల ఈరోజు నెరవేరినందుకు ఎంతో సంతోషిస్తున్నామని రామ భక్తులు ఆనందపడ్డారు.

ప్రతీ ఒక్కరూ శ్రీరామనమాన్ని జపిస్తూ భక్తిశ్రద్ధలతో రాముని అక్షింతలు తీసుకోవాలని లంబాడి ఐక్యవేదిక మండల కోఆర్డినేటర్ బానోతు ప్రవీణ్ నాయక్ తెలిపారు. శ్రీరాముని అక్షింతలు ప్రతీ గడపకు చేరడం అనేది ఎంతో సంతోషంగా ఉందని వెల్లడించారు.

కార్యక్రమంలో ఎలమంచిలి తండా గ్రామ సర్పంచ్ పార్వతి మంగీలాల్, గ్రామ మాజీ అధ్యక్షుడు బద్రు నాయక్, బానోతు ప్రవీణ్ నాయక్, రమేష్ వెంకన్న, మహేందర్, సతీష్ ,రెడ్డి ,అఖిల్, సికిందర్, హుస్సేన్, గణేష్, మహేందర్, లాల్ సింగ్ రామభక్తులు పాల్గొన్నారు.

The post ఇంటింటికీ అయోధ్య రాముడి అక్షింతల పంపిణీ appeared first on VEDHA NEWS.

వేద న్యూస్, వరంగల్ టౌన్:

అయోధ్యలో బాల రాముని ప్రతిష్ట జరుగుతున్న సమయంలో వరంగల్ నగరంలోని భక్తులందరూ శోభయాత్రలు నిర్వహించి మహా అన్నదానాలు నిర్వహించారు. వరంగల్ నగరం రామనామ స్మరణతో మార్మోగింది.

 

వరంగల్  తూర్పు నియోజకవర్గం లోని అండర్ బ్రిడ్జి ప్రాంతంలో నమో నమః సేవాసమితి ఆధ్వర్యంలో మహా అన్నదాన కార్యక్రమాన్ని ఘనంగా నిర్వహించారు.

ఈ అన్నదాన కార్యక్రమానికి వరంగల్ పోలీస్ కమిషనర్ అంబర్ కిషోర్ ఝా ముఖ్యఅతిథిగా హాజరయ్యారు. ఈ సందర్భంగా భక్తులు రామనామ స్మరణతో శ్రీరాముని స్మరిస్తూ మహా అన్నదాన కార్యక్రమాన్ని విజయవంతం చేశారు.

The post  నమో నమః సేవాసమితి ఆధ్వర్యంలో ఘనంగా మహా అన్నదానం appeared first on VEDHA NEWS.

వేద న్యూస్, ఆసిఫాబాద్:
తెలంగాణ రాష్ట్ర హై కోర్టు న్యాయమూర్తి జస్టిస్ సురేపల్లి నంద, రిటైర్డ్ జస్టిస్ మాధవరావు దంపతులకు హైదరాబాద్ లోని వారి నివాసంలో ఆసిఫాబాద్ బార్ అసోసియేషన్ అధ్యక్షులు బోనగిరి సతీష్ బాబు ఆధ్వర్యంలో నాయకులు ఆదివారం మర్యాదపూర్వకంగా కలిశారు.

అనంతరం అయోధ్య శ్రీరాముని అక్షింతలను బీసీ యువజన సంఘం కుమురం భీమ్ ఆసిఫాబాద్ జిల్లా అధ్యక్షులు ఆవిడపు ప్రణయ్ కుమార్..హై కోర్టు జడ్జి సురేపల్లి నంద కు అందజేశారు. ఈ సందర్బంగా వారు ఎంతో ఆనందంగా అక్షింతలను స్వీకరించి రాముని కృపతో దేశం సస్యశ్యామలంగా ఉండాలని ఆకాంక్షించారు.

The post రాష్ట్ర హైకోర్టు న్యాయమూర్తికి అయోధ్య అక్షింతలు అందజేసిన ప్రణయ్ appeared first on VEDHA NEWS.

వేద న్యూస్,వరంగల్ :
చిన్నారులలో రాముని పట్ల భక్తి భావన పెంపొందించేందుకు బాల రాముని వేషధారణ పోటీలు ఎంతో ఉపయోగపడతాయని మురుగన్ యాడ్స్ అధినేత రవీందర్ అన్నారు. వరంగల్ నగరంలోని సుశీల్ గార్డెన్స్ లో అయోధ్య రాముని ప్రాణ ప్రతిష్ట ఆరంభ వేడుకల్లో భాగంగా శ్రీరామ సీతాదేవి హనుమాన్ వేషధారణలో చిన్నారులకు పోటీలు నిర్వహించారు.

రాముని యొక్క తత్వాన్ని రాజుగా సుపరిపాలన అందించిన గొప్ప యుగపురుషుని జీవిత గాధ పిల్లలకు తల్లిదండ్రులు బోధించడం ఎంతో అవసరమని అన్నారు.

అనంతరం ఈ బాల రాముని వేషధారణల పోటీలలో పాల్గొన్న చిన్నారులకు బహుమతులతో పాటు అయోధ్య నుంచి వచ్చిన శ్రీరాముని అక్షింతలను అందజేశారు.కాగా ఈ పోటీలలో సుమారు 200 మంది చిన్నారులు పాల్గొనడం విశేషంగా చెప్పుకోవచ్చు.

The post మురుగన్ యాడ్స్ ఆధ్వర్యంలో బాలరాముని వేషధారణ పోటీలు appeared first on VEDHA NEWS.

వేద న్యూస్, జమ్మికుంట:
జమ్మికుంట పట్టణంలో రాములవారి టెంపుల్ లో అయోధ్య రాములోరి అక్షింతలకు శనివరాం ప్రత్యేక పూజలు చేశారు. అనంతరం జమ్మికుంట పట్టణంలోని 27వ వార్డు, 25 వార్డ్, 29 వ వార్డు లో ఇంటింటికీ పంపిణీ చేశారు.

జమ్మికుంట పట్టణ సంయోజకులు జీడి మల్లేష్, మాజీ మున్సిపాలిటీ చైర్మన్ శీలం శ్రీనివాస్ ఈ సందర్భంగా మాట్లాడుతూ ఈ నెల 22న అయోధ్యలో బాల రాముల విగ్రహ ప్రాణ ప్రతిష్ఠ జరుగుతున్న సమయంలో ప్రతి ఇంట్లో దీపావళి పండుగలా జరుపుకొని..సాయంత్రం సూర్యుడు అస్తమిం చిన తరువాత ఇంటి ముందు ఐదు దీపాలు వెలిగించాలని కోరారు.

కార్యక్రమంలో నాయకులు ఠాగూర్ రాజేష్, ఠాగూర్ రాకేష్, మోడం రాజు, బూరుగుపల్లి, రామ్ సదానందం, నాగపురి విజయ్, చిరంజీవి, కిరణ్, శ్రీనివాస్ అధిక సంఖ్యలో భక్తులు పాల్గొన్నారు.

The post రాములోరి అక్షింతల వితరణ appeared first on VEDHA NEWS.

వేద న్యూస్, డెస్క్ :

భారత దేశంలో జనవరి 22 వెరీ స్పెషల్ డే గా చెప్పుకోవచ్చు. ఎందుకంటే ఆ రోజున అయోధ్య రామమందిరంలో భగవాన్ శ్రీరాముడి ప్రాణ ప్రతిష్ఠ జరగబోతోంది. ఈనేపథ్యంలో జనవరి 22న ఉత్తరప్రదేశ్‌లో సెలవు ప్రకటించారు. ఆ రోజున పలు విదేశాల్లో కూడా ప్రత్యేకంగా సెలబ్రేట్ చేసుకుంటున్నారు. స్పెషల్ ఈవెంట్స్ నిర్వహిస్తున్నారు. మారిషస్ ప్రభుత్వం జనవరి 22న మధ్యాహ్నం రెండు గంటల నుంచి హిందూ అధికారులకు ప్రత్యేక సెలవు ప్రకటించింది.

దీంతో వారు కూడా సమీపంలోని ఆలయాల్లో ప్రత్యేక పూజల్లో పాల్గొనే వీలు కలిగింది. మారిషస్ ప్రధాని ప్రవింద్ కుమార్ జుగ్నాథ్ నేతృత్వంలోని మారిషస్ క్యాబినెట్ శుక్రవారమే దీనిపై నిర్ణయాన్ని తీసుకుంది. ‘‘భారతదేశంలోని అయోధ్య రామ మందిర ప్రారంభోత్సవం  హిందూ అధికారులకు ఒక కీలకమైన ఘట్టం. శ్రీరాముడి ప్రాణ ప్రతిష్ఠ ఎంతో ముఖ్యమైన కార్యక్రమం’’ అని మారిషస్ క్యాబినెట్ ప్రకటించింది.

ఇక అమెరికా, కెనడా, బ్రిటన్‌, థాయ్‌లాండ్, నేపాల్, భూటాన్‌లలోని హిందూ ఆలయాల్లోనూ జనవరి 22న ప్రత్యేక కార్యక్రమాలను నిర్వహించనున్నారు. అయోధ్య రామమందిరం ప్రారంభోత్సవం నేపథ్యంలో అక్కడి పలు కంపెనీలు జనవరి 22న మధ్యాహ్నానికి ముందే ఆఫీసు నుంచి వెళ్లిపోయే వెసులుబాటును హిందూ వర్గానికి చెందిన ఉద్యోగులకు కల్పించాయి. కొన్ని చోట్ల స్కూళ్లకు కూడా హాలిడే ఇచ్చారు.

కాగా శ్రీరాముడి విగ్రహాన్ని ప్రధానమంత్రి నరేంద్ర మోడీ జనవరి 22న అయోధ్య రామాలయ గర్భగుడిలో ప్రతిష్టించబోతున్నారు. అయోధ్యలోని మహా ఆలయ ప్రారంభోత్సవానికి అన్ని రంగాలకు చెందిన పలువురు నేతలు, ప్రముఖులను ఆహ్వానించారు.  కోట్లాది మంది రామభక్తులు ఈ కార్యక్రమాన్ని టీవీ ఛానళ్లలో వీక్షిస్తారు. ఈనేపథ్యంలో ఉత్తరప్రదేశ్‌లోని యోగి ఆదిత్యనాథ్ ప్రభుత్వం జనవరి 22వ తేదీని ప్రభుత్వ సెలవు దినంగా ప్రకటించింది. ఈ మేరకు ప్రకటన విడుదల చేసింది.

దీంతోపాటు రాష్ట్రవ్యాప్తంగా ఆ రోజున మద్యం దుకాణాలను మూసివేయాలని ఉత్తర్వులు జారీ చేసింది. జనవరి 22వ తేదీన మద్యం దుకాణాలను మూసివేయాలని రాష్ట్రంలోని అందరు ఎక్సైజ్ కమిషనర్లు, జిల్లా మేజిస్ట్రేట్‌లకు ఎక్సైజ్ శాఖ లేఖ రాసింది.

కాగా, అయోధ్యలో శ్రీరామ ప్రాణ ప్రతిష్ఠ జరిగే 22న సెలవుదినంగా ప్రకటించాలని తెలంగాణ ప్రాంత ఉపాధ్యాయ సంఘం (టీపీయూఎస్‌) రాష్ట్ర ప్రభుత్వానికి విజ్ఞప్తి చేసింది. ప్రతి గ్రామంలో ఆ రోజున పండుగ వాతావరణం ఉంటుంది కాబట్టి సెలవు ఇవ్వాలని సంఘం అధ్యక్షుడు కే హనుమంతరావు, ప్రధాన కార్యదర్ళి నవత్‌ సురేశ్‌ కోరారు.

The post జనవరి 22న హాలిడే..! appeared first on VEDHA NEWS.

వేద న్యూస్, జమ్మికుంట:
జమ్మికుంట పట్టణంలో అయోధ్య రాములోరి అక్షంతలు వితరణ కార్యక్రమం బుధవారంచేపట్టారు. రాములవారి టెంపుల్ లో ప్రత్యేక పూజలు చేసిన అనంతరం పట్టణంలోని 16 వ వార్డు, 10 వార్డ్ లో ఇంటింటికీ రామజన్మభూమి అక్షింతలు పంపిణీ చేశారు. అయోధ్య నుంచి వచ్చిన అక్షింతలను రాములోరి కరపత్రాలను ప్రత్యేక పూజలు నిర్వహించి..రాముని ఫొటోను ప్రతీ ఇంట్లోకి తీసుకెళ్లారు.

ఈ సందర్భంగా జమ్మికుంట పట్టణ సంయోజకులు జీడి మల్లేష్ మాట్లాడుతూ ఈ నెల 1 నుంచి 15 వరకు అక్షింతలు ఇవ్వడం జరుగుతుందని తెలిపారు. 22న అయోధ్యలో శ్రీ బాల రాముల విగ్రహ ప్రాణ ప్రతిష్ఠ జరుగుతున్న సమయంలో ప్రతి ఇంట్లో దీపావళి పండుగలా జరుపుకొని..సాయంత్రం సూర్యుడు అస్తమిం చిన తరువాత ఇంటి ముందు ఐదు దీపాలు వెలిగించాలని కోరారు.

కార్యక్రమంలో నాయకులు జీడి మల్లేష్, పల్లపు రవి, శ్రీనిధి, ఇటికల స్వరూప, మోతే స్వామి, గండికోట సమ్మయ్య, తిరుపతి, శ్రీను, పల్లపు పృథ్విరాజ్, రాచర్ల రవి, రోజా, మహిపాల్, కృష్ణ, రజిత తదితరులు అధిక సంఖ్యలో భక్తులు పాల్గొన్నారు.

The post రాములోరి అక్షింతల వితరణ appeared first on VEDHA NEWS.