వేద న్యూస్, మరిపెడ:

గత కొద్ది రోజుల క్రితం మరిపెడ మున్సిపాలిటీ కేంద్రానికి చెందిన బాసిపంగు వీరబాబు రోడ్డు ప్రమాదంలో గాయపడిన విషయం తెలుసుకున్న బిఆర్ఎస్ పార్టీ మరిపెడ మున్సిపాలిటీ నాయకులు ఆయన్ను పరామర్శించారు.

మరిపెడ మున్సిపాలిటీ ఎస్టీ సెల్ బిఆర్ఎస్ పార్టీ అధ్యక్షులు,బాలాజీ నాయక్,బిఅర్ఎస్ పార్టీ నాయకులు పానుగోతు వెంకన్న,వెంకు రవి తదితరులు వీరబాబు నివాసానికి వెళ్లి పరామర్శించారు. వీర బాబు త్వరగా కోలుకోవాలని ఆకాంక్షించారు.

The post బీఆర్ఎస్ నాయకుల పరామర్శ appeared first on VEDHA NEWS.

– 20కి బీఆర్ఎస్ కుటుంబాలు హస్తం గూటికి

ఖమ్మం రూరల్‌/కూసుమంచి : గ్రామ పంచాయతీ ఎన్నికల సమయం దగ్గరపడుతుండటంతో పాలేరు నియోజకవర్గ రాజకీయాలు మరింత వేడెక్కాయి. ఈ క్రమంలో అధికార కాంగ్రెస్‌ పార్టీలోకి ఖమ్మం రూరల్‌, కూసుమంచి మండలాల నుంచి ఇరవై కుటుంబాలు బీఆర్‌ఎస్‌ను వీడి కాంగ్రెస్‌లో మంగళవారం చేరాయి.

– *తీర్థాల నుంచి 10 కుటుంబాల చేరిక*
ఖమ్మం రూరల్‌ మండలం తీర్థాల గ్రామానికి చెందిన పది కుటుంబాలు బీఆర్‌ఎస్‌ను వీడి కాంగ్రెస్‌ కండువా కప్పుకొన్నాయి. బోడా వెంకన్న ఆధ్వర్యంలో ఈ చేరికలు జరిగాయి. చేరిన వారిలో భూక్యా బాస్‌ నాయక్‌, భూక్యా మోతిలాల్‌, సీతల అనంతరాములు, సీతల వీరన్న, సీతల నాగరాజు, సీతల శంకర్‌, భూక్యా బాస్‌, తేజావత్‌ శివ, తేజావత్‌ సురేష్‌ తదితరులు ఉన్నారు. వీరికి ఖమ్మంలోని మంత్రి పొంగులేటి శ్రీనివాసరెడ్డి క్యాంపు కార్యాలయంలో క్యాంపు కార్యాలయ ఇన్‌చార్జి తుంబూరు దయాకర్‌ రెడ్డి కండువా కప్పి ఆహ్వానించారు.

*మంగళిబండ తండా నుంచి ఉప సర్పంచ్‌ సహా…*
అదేవిధంగా కూసుమంచి మండలం మంగళితండా నుంచి కూడా బీఆర్‌ఎస్‌కు చెందిన ఉప సర్పంచ్‌ తేజావత్‌ బాలకృష్ణ సహా మరో పది కుటుంబాలు కాంగ్రెస్‌ తీర్థం పుచ్చుకొన్నారు. తేజావత్‌ సుబాస్‌, తేజావత్‌ నరేష్‌, బానోత్‌ శ్రీను, తేజావత్‌ శోభన్‌, తేజావత్‌ కృష్ణ, తేజావత్‌ గోపి, బానోతు సింహాద్రి తదితరులు కాంగ్రెస్‌లో చేరారు. వీరికి కూడా క్యాంపు కార్యాలయంలో తుంబూరు దయాకర్‌ రెడ్డి వారికి కాంగ్రెస్‌ కండువా కప్పి ఆహ్వానించారు. ఈ కార్యక్రమంలో తేజావత్‌ వెంకట్‌, తేజావత్‌ రాజు తదితరులు పాల్గొన్నారు.

The post పాలేరులో కాంగ్రెస్ జోరు… appeared first on VEDHA NEWS.

వేద న్యూస్, మహబూబ్ నగర్:

పెబ్బేరు మండలం పాతపల్లి గ్రామము నుండి ఎనుముల చైతన్య భారతి ఆధ్వర్యములో కాంగ్రెస్ పార్టీ నుండి 50మంది మాజీ మంత్రి సింగిరెడ్డి నిరంజన్ రెడ్డి సమక్షంలో బిఆర్ యస్ పార్టీలో చేరారు. వారికి పార్టీ కండువాలు కప్పి మాజీ మంత్రి సింగిరెడ్డి నిరంజన్ రెడ్డి సాదరంగా ఆహ్వానం పలికారు. ఈ సందర్భంగా చైతన్య భారతి మాట్లాడుతూ కాంగ్రెస్ పార్టీలో మాకు ఎటువంటి అభివృద్ధికాని,వ్యక్తిగత పనులు కూడా జరగలేదని అందుకే బిఆర్ ఏస్ పార్టీతో అభివృద్ధి సాధ్యం అని నమ్మి పార్టీలో చేరుతున్నాం అని చైతన్య భారతి అన్నారు. మాజీ మంత్రి సింగిరెడ్డి నిరంజన్ రెడ్డి మాట్లాడుతూ గతములో పాతపల్లి గ్రామ అభివృద్ధిపై ప్రత్యేక దృష్టి పెట్టీ అభివృద్ధి చేశామని నాపై నమ్మకంతో కాంగ్రెస్ పార్టీ నుండి వచ్చినందుకు మీకు అండగా ఉండి మరింత అభివృద్ధి చేస్తానని హామీ ఇచ్చారు. ఐకమత్యంతో గ్రామ సర్పంచిగా చైతన్య భారతిని అత్యధిక మెజారిటీతో గెలిపించాలని అన్నారు. ఈ కార్యక్రమములో జిల్లా అధ్యక్షులు గట్టు యాదవ్,నందిమల్ల అశోక్,ఆవుల రమేష్,చిట్యాల రాము గ్రామ నాయకులు వెంకటయ్య,గోవిందు,ఎం.నాగేష్,కరుణాకర్,శ్రీనివాసులు,ఆశన్న,ఆంజనేయులు తదితరులు పాల్గొన్నారు.

The post బీఆర్ఎస్ లోకి చేరికలు appeared first on VEDHA NEWS.

వేద న్యూస్, హైదరాబాద్:

బీ ఆర్ ఎస్ అధినేత కేసీఆర్ తనయ కవిత పై ఆ పార్టీ చర్యలు తీసుకుంది. ఆమెని పార్టీ నుంచి సస్పెండ్ చేస్తున్నట్టు అధికారికంగా వెల్లడించిన ది. ఈ మేరకు అధికారిక ప్రకటన రిలీజ్ చేసింది.

The post బీ ఆర్ ఎస్ ఎమ్మెల్సీ కవితపై వేటు appeared first on VEDHA NEWS.

వేద న్యూస్, మెట్ పల్లి ప్రతినిధి/కోరుట్ల:

జగిత్యాల జిల్లా కోరుట్ల మండలం అయిలాపూర్ రైతు వేదిక వద్ద కాంగ్రెస్ , బీఆర్ఎస్ శ్రేణుల మధ్య తీవ్ర వాగ్వాదం చోటు చేసుకుంది.  కోరుట్ల బీఆర్ఎస్ ఎమ్మెల్యే కల్వకుంట్ల సంజయ్.. రైతులకు యూరియా అందించే విషయంలో తప్పుడు ప్రచారం చేస్తున్నారంటూ..  రైతు వేదిక వద్ద మాట్లాడదాం చర్చకు రా.. అంటూ కాంగ్రెస్ నాయకులు జువ్వాడి కృష్ణారావు సవాల్ విసిరారు. దీంతో శనివారం పెద్ద ఎత్తున గులాబీ పార్టీ శ్రేణులు అక్కడికి తరలి రావడం తో తీవ్ర ఉద్రిక్త వాతావరణం నెలకొంది.

డీఎస్పి అడ్లూరి రాములు పర్యవేక్షణలో బిఆర్ఎస్,కాంగ్రెస్ శ్రేణులను చెదరగొట్టారు.ఈ చర్చకు కోరుట్ల నియోజకవర్గం ఎమ్మెల్యే కల్వకుంట్ల సంజయ్ హాజరు కాకపోవడంతో కాంగ్రెస్ నాయకులు జువ్వాడి కృష్ణారావు  వెనుదిరిగారు.

బీఆర్ఎస్ నాయకులు మాట్లాడుతూ… కోరుట్ల నియోజకవర్గంలో కాంగ్రెస్ పార్టీ దిగజారిపోయిందని కాంగ్రెస్ పార్టీ కార్యకర్త స్థాయి వ్యక్తికి సమాధానం చెప్పాల్సిన అవసరం లేదని ఎమ్మెల్యే కాలి గోటితో కృష్ణరావు సమానమని బిఆర్ఎస్ శ్రేణులు ఎద్దేవా చేశారు.

బీఆర్ఎస్ నాయకులను ఎక్కడికక్కడ పోలీసులతో అరెస్టులు చేయించినప్పటికీ వెనుకడుగు వేయకుండా భారీ ఎత్తున తరలి రావడంతో కాంగ్రెస్ నాయకులు భయంతో వెనుతిరిగారని బిఆర్ఎస్ నాయకులు అన్నారు. ఇది నియోజకవర్గంలో కాంగ్రెస్ పార్టీకి చెంపపెట్టు లాగా సమాధానం చెప్పినట్లు రుజువైందని బిఆర్ఎస్ నాయకులు అన్నారు.

కాంగ్రెస్ పార్టీ నాయకులు కృష్ణారావు మాట్లాడుతూ… సుమారు గంటసేపు వేచి చూసినప్పటికీ చర్చకు ఎమ్మెల్యే హాజరు కాకపోవడంతో వెనుదిరిగి వెళ్లినట్టు కృష్ణారావు తెలిపారు.

The post బీఆర్ఎస్, కాంగ్రెస్ శ్రేణుల మధ్య ఘర్షణ.. ఇరువర్గాలపై పోలీసులు లాఠీచార్జ్ appeared first on VEDHA NEWS.

వేద న్యూస్, సూర్యాపేట ప్రతినిధి :

సూర్యాపేట బిఆర్ ఎస్ పార్టీ నాయకులు వెన్న రవితేజ రెడ్డి తమ్ముడు వెన్న నిఖిల్ రెడ్డి చిన్న వయసులోనే రోడ్డు ప్రమాదంలో మరణించడం అత్యంత భాధాకరమని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్ రెడ్డి అన్నారు. మంగళవారం నాడు కాసరబాద్ సమీపంలోని వారి వ్యవసాయ క్షేత్రం లో వెన్న నిఖిల్ రెడ్డి ప్రథమ వర్దంతి సందర్భంగా ఆయన విగ్రహాన్ని, స్మారక వనాన్ని జగదీష్ రెడ్డి ప్రారంభించారు. నిఖిల్ రెడ్డి విగ్రహానికి పూలమాలలు వేసి ఘనంగా నివాళులు అర్పించారు.

ఈ సందర్భంగా ఆయన మాట్లాడుతూ వెన్న నిఖిల్ రెడ్డి కుటుంబ సభ్యులకు తన ప్రగాఢ సానుభూతి తెలియజేశారు. భగవంతుడు ఆయన తల్లిదండ్రులు, కుటుంబ సభ్యులను చల్లగా చూడాలని అన్నారు. ఈ కార్యక్రమంలో నిఖిల్ రెడ్డి తల్లిదండ్రులు వెన్న సతీష్ రెడ్డి మాధవిలు, సోదరుడు రవితేజ రెడ్డి లు పాల్గొని నిఖిల్ రెడ్డి విగ్రహానికి పూలమాలలు వేసి ఘనంగా నివాళులు అర్పించారు.

ఈ కార్యక్రమంలో బిఆర్ ఎస్ పార్టీ నాయకులు నిమ్మల శ్రీనివాస్ గౌడ్, గండూరి ప్రకాష్, ఆకుల లవకుశ, ఉప్పల ఆనంద్, మొరిశెట్టి శ్రీనివాస్, జీడి భిక్షం, నెమ్మది భిక్షం, సవరాల‌ సత్యనారాయణ, తహెర్ పాషా, బూర బాలసైదులు, వల్దాసు జాని, బత్తుల జాని, గాలి సాయి కిరణ్, ఈదుల యాదగరి, కుటుంబ సభ్యులు, బంధువులు పాల్గొన్నారు.

The post నిఖిల్‌రెడ్డి విగ్రహన్ని ఆవిష్కరించిన మాజీ మంత్రి జగదీశ్‌రెడ్డి appeared first on VEDHA NEWS.

వేదన్యూస్ – గజ్వేల్

బీఆర్ఎస్ పార్టీ ఆవిర్భవించి 25 వసంతాల సందర్భంలో జరుపుకుంటున్న రజతోత్సవ మహా సభ నిర్వహణ బాధ్యతలను తమ జిల్లాకు అప్పగించినందుకు వరంగల్ జిల్లా పార్టీ.. అధినేత కేసీఆర్ కి ధన్యవాదాలు తెలిపింది.ఈ నెల 27న జరిగే బీఆర్ఎస్ రజతోత్సవ మహాసభకు సంబంధించి, వరంగల్ జిల్లా ముఖ్య నాయకులంతా కలిసివచ్చి ఎర్రవెల్లి నివాసంలో పార్టీ అధినేత కేసీఆర్ తో సమావేశమయ్యారు. సభా నిర్వహణకు సంబంధించి అధినేత నుంచి పలు సలహాలు సూచనలు తీసుకున్నారు.ఈ కార్యక్రమంలో బీఆర్ఎస్ పార్టీ వర్కింగ్ ప్రెసిడెంట్ కేటీఆర్ తో పాటు, మండలి డిప్యూటీ చైర్మన్ బండ ప్రకాష్, మండలి ఎల్వోపి ఎమ్మెల్సీ మధుసూదనా చారి, ఎమ్మెల్సీలు తక్కళ్లపల్లి రవీందర్ రావు, పోచంపల్లి శ్రీనివాస్ రెడ్డి, ఎమ్మెల్యే పల్లా రాజేశ్వర్ రెడ్డి, మాజీ మంత్రులు ఎర్రబెల్లి దయాకర్ రావు, తాటికొండ రాజయ్య, సత్యవతి రాథోడ్, మాజీ ఎంపీ మలోత్ కవిత, మాజీ ఎమ్మెల్యేలు పెద్ది సుదర్శన్ రెడ్డి, దాస్యం వినయ భాస్కర్, చల్లా ధర్మా రెడ్డి, రెడ్య నాయక్, శంకర్ నాయక్, గండ్ర వెంకట రమణ రెడ్డి, నన్నపునేని నరేందర్, పార్టీ జిల్లా అధ్యక్షుడు లక్ష్మణ్ రావు, గండ్ర జ్యోతి, నాగ జ్యోతి ఇతర వరంగల్ ముఖ్యనేతలతో పాటు మాజీ ఎంపీ సంతోష్ కుమార్, మాజీ ఎమ్మెల్యే ఎ. జీవన్ రెడ్డి, పార్టీ రాష్ట్ర ప్రధాన కార్యదర్శి గ్యాదరి బాలమల్లు, వంశీధర్ రావు తదితరులు పాల్గొన్నారు.

ఈ సందర్బంగా వరంగల్ నేతలు మాట్లాడుతూ..అధినేత ఆదేశాలతో ఉద్యమ సమయంలో కూడా అనేక భారీ సభలను సమర్థవంతంగా నిర్వహించి విజయవంతం చేసినామని అన్నారు. వరంగల్ లో సభా నిర్వహణ పార్టీకి కలిసొచ్చే అంశమని తమ ఆనందం వ్యక్తం చేశారు.రజతోత్సవ మహా సభ నిర్వహణ కోసం ఇప్పటికే వరంగల్ మీపంలోని ఎల్కతుర్తి వద్ద 1,213 ఎకరాల స్థలాన్ని మహా సభకు అనువుగా తీర్చిదిద్దుతున్నామని తెలిపారు. ఇందులో 154 ఎకరాలు మహా సభ ప్రాంగణం ఉంటుందన్నారు. పార్కింగ్ కోసం 1,059 ఎకరాలు కేటాయించినట్లు తెలిపారు ఇందులో దాదాపు 50,000 ఎకరా వాహనాలు పార్కింగ్ చేసుకునే వీలుంటుంది అన్నారు.పార్టీ ఆవిర్భవించి 25 ఏళ్ల రజతోత్సవ సందర్భం కావడంతో కనీవినీ ఎరుగని రీతిలో మహసభను నిర్వహించనున్నట్టు వరంగల్ జిల్లా నేతలు తెలిపారు.రాష్ట్రం నలుమూలల నుండి పార్టీ కార్యకర్తలు కేసీఆర్ అభిమానులు తెలంగాణ వాదులు, ప్రజలు భారీ ఎత్తున తరలివస్తారని తెలిపారు. సభకు తరలివచ్చే ప్రజలకు ఎటువంటి ఇబ్బందులు లేకుండా అన్ని రకాల చర్యలు చేపట్టినట్టు తెలిపారు.రజతోత్సవ మహాసభకు తరలివచ్చే ప్రజల కోసం 10 లక్షల మజ్జిగ ప్యాకెట్లను, 10 లక్షల నీళ్ల బాటిళ్లను సిద్ధంగా వుంచనున్నట్టు తెలిపారు. ట్రాఫిక్ తదితర ఏర్పాట్లకు ఎటువంటి ఆటంకం కలగకుండా 1,500 మంది వాలంటీర్లను నియమించనున్నారు. అత్యవసర వైద్య సేవలను, అంబులెన్స్లు అందుబాటులో ఉంచనునున్నారు.

నాటి ఉద్యమ రథసారథి కేసీఆర్  నాయకత్వంలో తెలంగాణ స్వరాష్ట కోసం సాగిన శాంతియుత పోరాటంలో అనేక సభలను నిర్వహించుకున్న ఘనత వరంగల్ గడ్డకు ఉన్నదని జిల్లా నేతలు తెలిపారు.ఆనాటి ఉద్యమ సమయంలో నిర్వహించిన విశ్వరూప మహాసభ విజయవంతమైన స్ఫూర్తితో రజతోత్సవ మహాసభను విజయవంతం చేసుకుంటామని వరంగల్ జిల్లా నేతలు ధీమా వ్యక్తం చేశారు. వరంగల్ గడ్డ ముద్దుబిడ్డలు మహాకవి కాళోజీ నారాయణరావు, తెలంగాణ భావజాల వ్యాప్తి కోసం తన జీవితాన్ని అర్పించిన ప్రొఫెసర్ జయశంకర్ సార్లు అందించిన ఉద్యమ స్ఫూర్తితో తిరిగి పార్టీ కోసం ప్రజల కోసం తమ కార్యాచరణను అమలు చేస్తామన్నారు.తెలంగాణ సాధన అనంతర కాలంలో కేసీఆర్ ఆధ్వర్యంలో సాగిన తొలి తెలంగాణ ప్రభుత్వ పదేళ్ల ప్రగతి ప్రస్థానంలో దేశంలో కనీవినీ ఎరుగని రీతిలో అభివృద్ధిని సంక్షేమాన్ని తెలంగాణ ప్రజలకు అందించిన ఘనత నాటి కేసీఆర్ ప్రభుత్వానిదేనని వరంగల్ జిల్లా నాయకులు తెలిపారు.తెలంగాణ కైనా వరంగల్ కైనా కేసీఆరే శ్రీరామ రక్ష అనే విషయం మరోసారి నిరూపితమైపోయిందన్నారు.నాడు పదేళ్ల పాలనలో వరంగల్ ఉమ్మడి జిల్లా అభివృద్ధి కోసం అనేక కార్యక్రమాలను బీఆర్ఎస్ ప్రభుత్వం అమలు చేసిందని వారు గుర్తు చేశారు.రెండు వేల ఎకరాల్లో కాకతీయ మెగా టెక్స్టైల్ పార్క్ ఏర్పాటు చేసి, తెలంగాణ నేతన్నలకు ఉద్యోగ ఉపాధి కల్పించడమే కాకుండా, అంతర్జాతీయ స్థాయిలో తెలంగాణ వస్త్ర పరిశ్రమకు ఊతమిచ్చే దిశగా చర్యలు చేపట్టామని తెలిపారు.

హైదరాబాదులో ఉన్న సూపర్ స్పెషాలిటీ దవాఖానాలకు పోటీనిచ్చే రీతిలో 24 అంతస్తుల మల్టీ స్పెషాలిటీ హాస్పిటల్ నిర్మాణం తమ పార్టీ ప్రభుత్వం హయాంలో వరంగల్లో ప్రారంభం కావడం గొప్ప విషయం అని తెలిపారు. ప్రపంచ ప్రఖ్యాతిగాంచిన రామప్ప ఆలయానికి యునెస్కో గుర్తింపును తీసుకొచ్చిన ఘనత కేసీఆర్ ప్రభుత్వానిదేనిని తెలిపారు. వరంగల్ ను స్మార్ట్ సిటీగా అభివృద్ధి చేయడం దగ్గర నుంచి అనేక అభివృద్ధి కార్యక్రమాలను అమలు చేశామని తెలిపారు. వరంగల్ హనుమకొండ జంట నగరాలను అభివృద్ధి పరుస్తూనే జిల్లాలోని మారుమూల ప్రాంతానికి అభివృద్ధిని విస్తరించిన అంశాలను వారు గుర్తు చేశారు.అభివృద్ధిలో హైదరాబాద్ తో పోటీపడి విధంగా వరంగల్లును తీర్చిదిద్దన ఘనత కేసీఆర్ గారిదేనని వారన్నారు.అంతే కాకుండా..సాగునీటి ప్రాజెక్టుల్లో కాళేశ్వరం ప్రాజెక్టు, దేవాదుల పూర్తి, సమ్మక్క బరాజ్.. నిర్మాణం, హైదరాబాద్ తర్వాత తొలి ద్వితీయ శ్రేణి ఐటీ నగరంగా తీర్చిదిద్దటం, కాళోజీ కళా కేంద్ర నిర్మాణం, వరంగల్ కు పోలీస్ కమిషనరేట్ హోదా, ఉమ్మడి జిల్లాను పాలనా సౌలభ్యం కోసం ఆరు జిల్లాలు గా ఏర్పాటు, చెరువుల పునరుద్ధరణ కోసం చేపట్టిన బృహత్తర పథకానికి మిషన్ కాకతీయ గా పేరు, రాజముద్ర లో కాకతీయ కళా తోరణం మొదలైనవి ఉన్నాయన్నారు.

ఇట్లా చెప్పుకుంటూ పోతే ఎన్నో రకాలుగా వరంగల్ గడ్డకు కేసీఆర్ ప్రభుత్వం చేసిన కృషి మరువలేమన్నారు. తిరిగి కేసీఆర్ పాలనను తెలంగాణ ప్రజలకు అందించడం ద్వారా వరంగల్ జిల్లా కేసీఆర్ రుణం తీసుకోబోతుందని స్పష్టం చేశారు కేసీఆర్ ను తిరిగి ముఖ్యమంత్రిగా చేసుకొని గాడిదప్పిన తెలంగాణ రైతన్నల సంక్షేమాన్ని అభివృద్ధిని తిరిగి గాడిలో పెట్టడానికి వరంగల్ జిల్లా బిడ్డలంగా ముందు వరసలో ఉంటామని ప్రతినబూనారు.రాష్ట్రంలో ఎన్నికలు ఎప్పుడు వచ్చినా ఉమ్మడి జిల్లా వ్యాప్తంగా ఉన్న 12 అసెంబ్లీ నియోజకవర్గాల్లో బీఆర్ఎస్ అభ్యర్థులను గెలిపించి అధినేతకు బహుమతిగా అందజేస్తామని వరంగల్ జిల్లా పార్టీ ముక్త కంఠంతో ప్రకటించింది.

The post తెలంగాణ కైనా వరంగల్ కైనా కేసీఆరే శ్రీరామ రక్ష..! appeared first on VEDHA NEWS.

•  బీఆర్ఎస్ కార్పొరేటర్లు

వేద న్యూస్, వరంగల్:

గ్రేటర్ వరంగల్ నగర మేయర్ కు బడ్జెట్ సమావేశం నిర్వహించే అర్హత లేదని,కమిషనర్ స్వయంగా నిర్వహించాలని వరంగల్ బీఆర్ఎస్ కార్పొరేటర్ లు గ్రేటర్ వరంగల్ మున్సిపల్ కార్పోరేషన్ కమిషనర్ కు వినతిపత్రం అందజేశారు. ఆ వినతి పత్రంలో బీఆర్ఎస్ కార్పొరేటర్ గా గెలిచి మేయర్ అయిన గుండు సుధారాణి ప్రస్తుతం కాంగ్రేస్ పార్టీలో జాయిన్ అయ్యారని తెలిపారు.

మేయర్ కు గురువారం నిర్వహించే బడ్జెట్ సమావేశంలో పాల్గొనే హక్కు లేదని పార్టీ ఫిరాయింపుల చట్టం ప్రకారం ఆమె సభ్యత్వాన్ని రద్దు చేయాలని పేర్కొన్నారు. కావున ఆమె సమావేశం నిర్వహించలేదని,ఆ సమావేశాన్ని కలెక్టరేట్, లేదా కమిషనర్ ఆధ్వర్యంలో నిర్వహించాలని వరంగల్ కు చెందిన 19 మంది కార్పొరేటర్ల సంతకాలతో వినతిపత్రం అందజేశారు.

The post మేయర్ కు బడ్జెట్ సమావేశం నిర్వహించే అర్హత లేదు appeared first on VEDHA NEWS.

• ప్రజలకు పెద్దపల్లి మాజీ ఎమ్మెల్యే దాసరి మనోహర్ రెడ్డి పిలుపు 
• కాంగ్రెస్ ప్రభుత్వం ప్రజలను ఇబ్బందులకు గురి చేస్తోందని విమర్శ 
• ఎలిగేడు మండలంలో బీఆర్ఎస్ పార్టీ లీడర్లతో విస్తృత స్థాయి సమావేశం 

వేద న్యూస్, ఎలిగేడు:

పెద్దపల్లి ఎంపీగా బీఆర్ఎస్ పార్టీ అభ్యర్థి కొప్పుల ఈశ్వర్ ను భారీ మెజారిటీతో గెలిపించాలని పార్లమెంట్ నియోజకవర్గ ప్రజలను మాజీ ఎమ్మెల్యే దాసరి మనోహర్ రెడ్డి కోరారు. శుక్రవారం పెద్దపల్లి జిల్లా ఎలిగేడు మండలకేంద్రంలో బీఆర్ఎస్ పార్టీ లీడర్లు, కార్యకర్తల విస్తృతస్థాయి సమావేశం జరిగింది.

పెద్దపల్లి ‘గులాబీ’ ఎంపీ అభ్యర్థి కొప్పుల ఈశ్వర్ కు మద్దతుగా మీటింగ్ నిర్వహించారు. దాసరి ఈ సందర్భంగా మాట్లాడారు.  హస్తం పార్టీ ఇచ్చిన హామీలు ఏ ఒక్కటి కూడా అమలు పరచకుండా షరతులు విధిస్తూ ప్రజలను నానా ఇబ్బందులకు గురి చేస్తున్నదని విమర్శించారు. హామీలు సరిగా అమలు కావాలంటే కొప్పుల ఈశ్వర్ నిను అధిక మెజారిటీ తో గెలిపించాలని ప్రజలను కోరారు. కార్యక్రమంలో ఎంపీ అభ్యర్థి ఈశ్వర్,ఎంపీపీ తనిపర్తి స్రవంతి మోహనరావు, మండల అదక్షుడు బైరెడ్డి రాంరెడ్డి నాయకులు జగన్, రాజేశం, పోచలు, తిరుపతి , మల్లారెడ్డి ,శ్రీధర్ తదితరులు పాల్గొన్నారు.

The post పెద్దపల్లి ఎంపీగా కొప్పుల ఈశ్వర్‌ను భారీ మెజారిటీతో గెలిపించండి appeared first on VEDHA NEWS.

• హుజురాబాద్‌ను ఇక ఆ నేత వదిలినట్లేనా?
• మారనున్న ఈటల రాజేందర్ ఇలాకా!
• దేశంలోనే అతి పెద్ద నియోజకవర్గం నుంచి బరిలో రాజేందర్
• ఇటీవల ఆ స్థానానికి ముఖ్యమంత్రి ఎనుముల రేవంత్ రెడ్డి రాజీనామా
• మల్కాజ్ గిరి నుంచి లోక్ సభ పోటీలో అదృష్టాన్ని పరీక్షించుకోనున్న బీజేపీ నేత
• బీజేపీ మల్కాజ్ గిరి లోక్ సభ అభ్యర్థిగా తాజాగా జాబితాలో చోటు దక్కించుకున్న ఈటల రాజేందర్

వేద న్యూస్, కరీంనగర్:

తెలంగాణ రాష్ట్ర రాజకీయాల్లో ఆ మాటకొస్తే..ఆ‘నాటి’ ఉమ్మడి ఏపీతో పాటు దేశ రాజకీయాల్లో ‘ఈటల రాజేందర్’ ఒక చరిత్ర అని చెప్పొచ్చు. దాదాపు 20 ఏండ్ల పాటు ‘హుజురాబాద్’ నియోజకవర్గం నుంచి శాసన సభ్యులుగా ప్రాతినిథ్యం వహించి సమకాలీన రాజకీయాల్లో తన మార్క్ వేసిన నాయకుడు ఈటల. రాష్ట్ర రాజకీయాల్లో, ప్రత్యేక తెలంగాణ రాష్ట్ర సాధనకు ఉద్యమం జరిగిన సమయంలో ఉద్యమ నేతగా, సీజన్డ్ పొలిటీషియన్ గా ప్రత్యేక గుర్తింపు పొందారు.

గులాబీ పార్టీలో ఆ‘నాడు’ అధినేత కేసీఆర్ తర్వాత నెం.2 స్థానంలో ఉన్న ఈటల రాజేందర్..ఉమ్మడి ఏపీ అసెంబ్లీలో టీఆర్ఎస్ ఫ్లోర్ లీడర్ గా పార్టీ వాదనను బలంగా వినిపించారు. ‘ముఖం ఎక్కడ పెట్టుకుంటావ్ రాజేంద్రా’ అంటూ నాటి సీఎం వైఎస్ రాజశేఖరరెడ్డి ఈటలను ఉద్దేశించి చేసిన వ్యాఖ్యలు ప్రజలకు విదితమే. అలా ఆనాటి టీఆర్ఎస్ అధినేత కేసీఆర్ తో సత్సంబంధాలు కలిన ఈటల రాజేందర్..ప్రత్యేక తెలంగాణ రాష్ట్ర ఏర్పాటు తర్వాత గులాబీ పార్టీలోకి అధికారంలోకి రావడం.. ప్రభుత్వం ఏర్పాటు చక చకా జరిగిపోయాయి. కాలం గిర్రున తిరిగింది.

గులాబీ పార్టీలో లుక లుకలు మొదలయ్యాయి. ‘ఉద్యమ గులాబీ జెండా’కు ఓనర్లు ఎవరన్న వాదన బయలుదేరగా, అప్పుడే సొంత పార్టీపైన తిరుగుబాటు స్వరం వినిపించారు ఈటల రాజేందర్. ఇక ఆ తర్వాత అవినీతి ఆరోపణలు తదితర రాజకీయ పరిణామాల నేపథ్యంలో పార్టీ మారారు. గులాబీ పార్టీ నుంచి బీజేపీ లో చేరి కమలం తరఫున ఉప ఎన్నికల బరిలో నిలిచిన క్రమంలో ఈటల రాజేందర్ ను ఎన్నికల క్షేత్రంలో ఓడించేందుకు నాటి పింక్ సర్కార్ సర్వశక్తులను ఒడ్డింది. రాజ్యం(నాటి రాష్ట్ర ప్రభుత్వం) మొత్తం హుజురాబాద్ లో టార్గెట్ చేసి మరీ ఈటల రాజేందర్ ఓటమికి ప్రయత్నించింది. అయినా ఈటల రాజేందర్ 25 వేల పై చిలుకు మెజారిటీతో బరి గీసి కొట్లాడి..ప్రజల మద్దతుతో గెలుపొందారు. కానీ, గతేడాది జరిగిన అసెంబ్లీ ఎన్నికల్లో మాత్రం అనూహ్యంగా ఓటమి చెందారు.

తనను ఇంతగా ఆదరించి..పెంచి పెద్దవాడిని చేసిన హుజురాబాద్ నియోజకవర్గ ప్రజలు 2023 ఎన్నికల్లో ఓడించినా..వారికి అండగా ఉంటానని ఈటల రాజేందర్ పలు సందర్భాల్లో పేర్కొన్నారు. 2004 నుంచి 2021 వరకు కమలాపూర్, హుజురాబాద్ నియోజకవర్గ ప్రజలు అప్రతిహతంగా ఈటల రాజేందర్ కు పట్టం కడుతూనే వచ్చారు.

ఆదిలాబాద్ నుంచి అలంపూర్ వరకు రాజకీయాల్లో ఓనమాలు నేర్చుకున్న ప్రతీ ఒక్కరికి ఈటల రాజేందర్ అనే వ్యక్తి గురించే తెలిసేలా చేసిన..తన ఇలాకా ‘హుజురాబాద్’ ను ఈటల రాజేందర్ మరిచిపోరనేది వాస్తవం. కానీ, ఆయన ఆ స్థానాన్ని వదిలిపెడుతున్నారా? అనే ప్రశ్నకు సమాధానం మాత్రం స్పష్టంగా అవుననే అర్థమవుతోంది. బీజేపీ తాజాగా విడుదల చేసిన లోక్ సభ అభ్యర్థుల జాబితాలో ఈటల రాజేందర్ పేరు ఉంది. మల్కాజ్ గిరి బరిలో బీజేపీ అభ్యర్థిగా ఈటల రాజేందర్ తన అదృష్టాన్ని పరీక్షించుకోనున్నారు. కాగా, ఇన్నాళ్ల పాటు దాదాపు 20 ఏండ్లుగా ‘హుజురాబాద్’ నియోజకవర్గంతో పెనవేసుకున్న ‘పేగు బంధాన్ని’ ఇక ఆయన తెంచేసుకున్నట్లేనని అభిప్రాయాలు వ్యక్తమవుతున్నాయి. హుజురాబాద్ అంటే ‘ఈటల ఇలాకా’ అనే అభిప్రాయం ఇక ఉండబోదనే పలువురు అంటున్నారు.

‘హుజురాబాద్’ నియోజకవర్గ ప్రజలతో ఈటల అనుబంధం అనిర్వచనీయమనదే. అయినప్పటికీ ప్రజాక్షేత్రంలో ఎన్నికల యుద్ధంలో గెలుపునకు మాత్రమే ప్రాధాన్యత ఉంటుంది. కాబట్టే మారిన రాజకీయ పరిస్థితులలో దేశంలోనే అతి పెద్ద నియోజకవర్గం అయిన మల్కాజ్ గిరి లోక్ సభ బరిలో ఈటల పోటీకీ ఇక సై అంటున్నారు.

బీజేపీ అధిష్టానం సైతం ఆశీస్సులు అందించింది. దాంతో ఈటల ఇలాకా ఇక హుజురాబాద్ కాదని, భవిష్యత్తులో ‘మల్కాజ్ గిరి’ కావాలని ఆయన అనుయూయులు, వర్గీయులు కోరుకుంటున్నారు. ఇటీవల మల్కాజ్ గిరి స్థానానికి ప్రస్తుత తెలంగాణ ముఖ్యమంత్రి ఎనుముల రేవంత్ రెడ్డి రాజీనామా చేశారు.

ఈ స్థానం నుంచి బీఆర్ఎస్, కాంగ్రెస్ పార్టీల అభ్యర్థులుగా ఎవరు బరిలోకి నిలుస్తారనేది కూడా కీలకం కానుంది. బీజేపీ తరఫున మాజీ మంత్రి, బీజేపీ నేత ఈటల రాజేందర్ పేరు లోక్ సభ అభ్యర్థిగా కన్ఫర్మ్ కాగా, ఇక బీజేపీ ఎన్నికల ప్రచారంలో అన్ని రాజకీయ పార్టీల కంటే ముందే దూసుకెళ్లే అవకాశాలు కనబడుతున్నాయి. చూడాలి మరి..సమీప భవిష్యత్తులో ఈటల రాజేందర్ ఇలాకాగా ‘మల్కాజ్ గిరి’ మారుతుందో..లేదో..

The post ‘పేగు బంధం’ తెగినట్టేనా? appeared first on VEDHA NEWS.