వేద న్యూస్, కరీంనగర్:

తెలంగాణలో మరో రెండు బస్సు ప్రమాదాలు జరిగాయి. రంగారెడ్డి జిల్లా లో టిప్పర్ ఢీ కొని 21 మంది మృతి చెందిన ఘటన మరువక ముందే.. మంగళ వారం రెండు ప్రమాదాలు చోటు చేసుకున్నాయి.

కరీంనగర్ జిల్లా తిమ్మాపూర్ మండలం రేణుకుంట బ్రిడ్జి వద్ద మంగళవారం ఉదయం 5 గంటలకు ముందు వెళ్తున్న ట్రాక్టర్‌ను వెనుక నుండి ఢీకొట్టి మెట్‌పల్లి డిపోకు చెందిన ఆర్టీసీ బస్సుఢీకొట్టినది.

15 మంది ప్రయాణికులకు తీవ్ర గాయాలవ్వడంతో, కరీంనగర్ ఆసుపత్రికి తరలించారు.

మరోవైపు నల్గొండ జిల్లా బుగ్గబావిగూడెం వద్ద, ప్రైవేట్ ట్రావెల్స్ బస్సు ట్రాక్టర్‌ను ఢీకొట్టడంతో, ట్రాక్టర్ లో ఉన్న నలుగురికి తీవ్ర గాయాలు అయ్యాయి. 

The post తెలంగాణలో మరో రెండు బస్సు ప్రమాదాలు (వీడియో) appeared first on VEDHA NEWS.

• ఆర్టీసీ బస్ డ్రైవర్ కండక్టర్ కు గ్రామ ప్రజలకు మధ్య ఘర్షణ!

వేద న్యూస్, బోయినిపల్లి:

రాజన్న సిరిసిల్ల జిల్లా బోయినిపల్లి మండలం కొదురుపాక గ్రామంలోని రౌండప్ బోర్డు దగ్గర లో ఉన్న బస్ స్టాప్ వద్ద చాలామంది మహిళలు, వృద్ధులు, బస్సు కోసం ఆదివారం చాలాసేపు నిలబడి ఉన్నారు. కాగా, ఆర్టీసీ డ్రైవర్లు బస్సులు ఆపకుండా వెళ్లిపోవడంతో విసి గిపోయారు. కొద్దిసేపటికి ఒక బస్సు రావడంతో మహిళలు, బస్సు ఎక్కడానికి ప్రయత్నించగా, బస్ డ్రైవర్ కొంత దూరం వెళ్లి ఆపడంతో మహిళలు, పరుగున వెళ్లి బస్సు లో ఎక్కడానికి ప్రయత్నించగా.. బస్ డ్రైవర్, కండక్టరు.. మహిళలను బస్సులోకి రానియకుండా గొడవకు దిగారు.

ఎందుకు బస్సులోకి రానివ్వడం లేదని మహిళలు అడగడంతో.. డ్రైవర్, కండక్టర్, అసభ్య పదజాలంతో దూషించారని ఆరోపిస్తూ.. గ్రామ యువకులు, పెద్దలు బస్సుకు అడ్డం నిలబడి.. మీరు ఎందుకు బస్సులు ఆపడం లేదని నిలదీశారు. డ్రైవర్, కండక్టరు, గ్రామ ప్రజల మధ్య ఒక రెండు నిమిషాలపాటు మాటల యుద్ధం జరిగింది. ఆ తర్వాత ప్రయాణికులను బస్సులో తీసుకొని బస్సు వెళ్ళిపోయింది. 

కాగా, కొదురుపాకలో రెండు చోట్ల బస్సు స్టాపులు ఉన్న బస్సులు ఆపకపోవడంతో  గర్భిణులు , వృద్ధులు, వేరే ప్రాంతాలకు పనికి వెళ్లే కార్మికులు  తీవ్ర ఇబ్బందికి గురవుతున్నారు.  కాబట్టి స్థానిక చొప్పదండి ఎమ్మెల్యే మేడిపల్లి సత్యం, అలాగే బస్ డిపో మేనేజర్లు, ఈ సమస్యపై చొరవ తీసుకొని ప్రయాణికులకు ఇలాంటి ఇబ్బంది కలగకుండా బస్సులు ఆపేలా చేయాలని గ్రామ ప్రజలు, ప్రయాణికులు కోరుతున్నారు.

The post మహిళా ప్రయాణికులను దూషించిన ఆర్టీసీ బస్సు డ్రైవర్, కండక్టర్!? appeared first on VEDHA NEWS.

వేద న్యూస్, హన్మకొండ : 

బల్దియాకు బకాయి పడి ఉన్న ఆర్ టి సి హన్మకొండ డిపో కు చెందిన ఆస్తి పన్ను రూ.27 లక్షల 81 ల చెక్ ను బల్దియా డిప్యూటీ కమిషనర్ గొడిశాల రవీందర్ కు డిపో మేనేజర్ మంగళవారం ఆర్ టి సి కార్యాలయం లో అందజేశారు.ఈ సందర్భంగా డిప్యూటీ కమిషనర్ మాట్లాడుతూ నగర పరిధి లోని గృహ యాజమాన్యాలు, ప్రభుత్వ అధికారులు వారి ఆస్తి పన్నును ఈ నెల 31 లోపు చెల్లించి 90 శాతం రిబేట్ పొందవచ్చని ఇట్టి అవకాశం కేవలం ఐదు రోజులు మాత్రమే ఉన్నందున ప్రతి ఒక్కరు ఇట్టి అవకాశాన్ని సద్వినియోగం చేసుకోవాలని ఆయన కోరారు.ఈ కార్యక్రమంలో డిపో మేనేజర్ మోహన్ రావు, రెవెన్యూ అధికారి యూసుఫోద్దిన్, రెవిన్యూ ఇన్స్పెక్టర్ శ్రీకాంత్, బిల్ కలెక్టర్లు తదితరులు పాల్గొన్నారు.

The post ఆస్తి పన్ను చెల్లించిన ఆర్టీసి అధికారులు appeared first on VEDHA NEWS.