వేద న్యూస్, నల్లగొండ ప్రత్యేక ప్రతినిధి :

వేములపల్లి మండల పరిధిలోని ఆమనగల్లు గ్రామంలో పల్లె ప్రకృతి వనం అసాంఘిక కార్యక్రమాలకు అడ్డాగా మారగా, ఈ విషయమై ‘వేద న్యూస్’ కథనాన్ని ప్రచురించింది.  సదరు వార్తా కథనానికి అధికారులు స్పందించారు. 

బుధవారం ఉదయం సంబంధిత ఆఫీసర్ల ఆదేశాల మేరకు పలువురు పల్లె ప్రకృతి వనం చుట్టూ కట్టుదిట్టమైన కంచె వేసి, గేట్‌కు తాళాలు వేశారు. అసాంఘిక కార్యకలాపాలు పల్లె ప్రకృతి వనంలో చేయకుండా ఎంట్రీ గేట్ క్లోజ్ చేయడంతో స్థానికులు సంతోషం వ్యక్తం చేశారు.  దీంతో ‘వేద న్యూస్’ తెలుగు దిన పత్రిక కు ప్రజలు ప్రత్యేకంగా కృతజ్ఞతలు తెలిపారు.  ప్రజాసమస్యలపై ‘వేద న్యూస్’ మరింత బలంగా తన గళం వినిపించాలని జనం ఆకాంక్షించారు. 

The post ‘వేద న్యూస్’ కథనానికి స్పందన.. పల్లె ప్రకృతి వనానికి తాళం appeared first on VEDHA NEWS.

•  కేంద్ర హోంశాఖ సహాయ మంత్రి బండి సంజయ్ బర్త్ డే సందర్భంగా..
•  కరీంనగర్ పార్లమెంట్ సెగ్మెంట్ పరిధిలో 20వేల సైకిళ్ల పంపిణీ
•  సైకిల్ పై ఓవైపు మోడీ.. మరోవైపు బండి ఫోటోల ముద్రణ

వేద న్యూస్, బోయినిపల్లి:

రాజన్న సిరిసిల్ల జిల్లా ఈనెల 11న కేంద్ర హోంశాఖ సహాయ మంత్రి బండి సంజయ్ కుమార్ జన్మదిన సందర్భాన్ని పురస్కరించుకుని కరీంనగర్ పార్లమెంట్ నియోజకవర్గ పరిధిలో ప్రభుత్వ పాఠశాలలు, రెసిడెన్సియల్ స్కూళ్లలో చదివే టెన్త్ క్లాస్ విద్యార్థినీ, విద్యార్థులతోపాటు భారీ ఎత్తున సైకిళ్లను పంపిణీ చేయనున్నారు. తన పార్లమెంట్ పరిధిలోని జిల్లాల వారీగా చూస్తే కరీంనగర్ జిల్లాలో పదో తరగతి చదువుకునే బాలబాలికలు 3096 మంది ఉన్నారు.

రాజన్న సిరిసిల్లలో 3841, జగిత్యాల జిల్లాలో 1137, సిద్దిపేటలో 783, హన్మకొండ జిల్లాలో 491 మంది వెరసి 9348 మంది బాలబాలికలు టెన్త్ క్లాస్ అభ్యసిస్తున్నారు. అలాగే కరీంనగర్ కార్పొరేషన్ పరిధిలో 66 డివిజన్లు ఉన్నాయి. ఒక్కో డివిజన్ కు 50 చొప్పున సైకిళ్లను పంపిణీ చేయనున్నారు. వీటితోపాటు ఒక్కో మండలానికి వంద చొప్పున సైకిళ్లను అదనంగా పంపిణీ చేస్తారు.

హుజూరాబాద్, జమ్మికుంట, హుస్నాబాద్, సిరిసిల్ల, వేములవాడ, చొప్పదండి, కొత్తపల్లి మున్సిపాలిటీల పరిధిలో ఒక్కో వార్డుకు 50కి చొప్పున పంపిణీ చేస్తారు. ఇక గ్రామ పంచాయతీల వారీగా 10 నుండి 25 సైకిళ్ల చొప్పున పంపిణీ చేయనున్నారు. తన కరీంనగర్ పార్లమెంట్ నియోజకవర్గ పరిధిలో 20 వేల సైకిళ్లను దశలవారీగా పంపిణీ చేసేందుకు సిద్దమయ్యారు.

ఈ మేరకు సైకిళ్ల తయారీలో పేరుగాంచిన ప్రముఖ సంస్థకు నెల రోజుల క్రితమే ఆర్డర్ కూడా ఇచ్చారు. ఇప్పటికే 5 వేల సైకిళ్లు కరీంనగర్ కు వచ్చాయి. తొలి దశలో ఐదు వేల సైకిళ్లను ఈనెల 8 లేదా 9వ తేదీన పంపిణీ చేసేందుకు బండి సంజయ్ సిద్ధమయ్యారు. మిగిలిన సైకిళ్లు కూడా వచ్చిన వెంటనే అసెంబ్లీ నియోజకవర్గాల, మండలాల వారీగా పంపిణీ చేయనున్నారు.

ఇక సైకిళ్ల ఖర్చు వివరాలకు వస్తే ఒక్కో సైకిల్ ను రూ.4 వేల చొప్పున కొనుగోలు చేస్తున్నారు. సైకిల్ రాడ్ కు ఒకవైపు ప్రధానమంత్రి నరేంద్రమోదీ ఇంకోవైపు బండి సంజయ్ ఫోటోను ముద్రించనున్నారు.

టెన్త్ విద్యార్థులకే ఎందుకంటే?

ప్రభుత్వ స్కూళ్లలో చదువుకునే పిల్లలు పేద కుటుంబం నుండి వచ్చిన వాళ్లే ఉంటారనే విషయం తెలిసిందే. తమ ఇంటి నుండి స్కూల్ దాకా వెళ్లడానికి తగిన రవాణా సౌకర్యాల్లేక, ఆటోలు, బస్సులు వెళ్లే స్థోమత లేక ఇబ్బందులు పడుతున్నారు.

ముఖ్యంగా టెన్త్ క్లాస్ విషయానికొచ్చే సరికి స్కూల్ వేళలు ముగిసిన తరువాత స్పెషల్ క్లాస్ లకు హాజరు కావాల్సి ఉంటుంది. దీనివల్ల పొద్దుపోయేదాకా స్కూళ్లోనే ఉండాల్సి వస్తుంది. దీనిని ద్రుష్టిలో ఉంచుకుని టెన్త్ బాలబాలికలకు రవాణా ఇబ్బంది ఉండకూడదనే సదుద్దేశంతో బండి సంజయ్ కుమార్ ప్రధాని మోదీ కానుకగా సైకిళ్లను పంపిణీ చేయనుండటం విశేషం.

The post “పది” స్టూడెంట్స్ కు ‘మోడీ కానుక’గా సైకిళ్లు.. పంపిణీ చేయనున్న బండి సంజయ్ appeared first on VEDHA NEWS.

•  ఆందోళన వద్దు.. అవగాహన పెంచుకోండి
•  ఎండీ జనరల్ ఫిజీషియన్ డాక్టర్ యూ.సురేశ్

వేద న్యూస్, జమ్మికుంట:
వానాకాలం ప్రారంభమైన నేపథ్యంలో సీజనల్ వ్యాధుల ముప్పు పొంచి ఉన్నది. ఫీవర్, నీరసం, దగ్గు, వాంతులు వంటి లక్షణాలతో జనం అవస్థలు పడే చాన్సెస్ ఉంటాయి. పరిసరాల అపరిశుభ్రత కారణంగా వచ్చే వ్యాధులతో పాటు ఆహార కాలుష్యం వల్ల సీజనల్ డిసీజెస్ తో ప్రజలు అనారోగ్యం పాలు అయ్యే అవకాశాలు మెండుగా ఉంటాయి. ఈ నేపథ్యంలో సీజనల్ డిసీజెస్ రాకుండా తీసుకోవాల్సిన జాగ్రత్తలు, వ్యాధుల బారిన పడకుండా ఉండడానికి ఏం చేయాలనే విషయాలపై ఐఎంఏ హుజూరాబాద్, జమ్మికుంట శాఖ ప్రధాన కార్యదర్శి, ‘సంజీవని’ మల్టీ స్పెషాలిటీ ఆస్పత్రి వైద్యుడు, జనరల్ ఫిజీషియన్ డాక్టర్ ఊడుగుల సురేశ్ వివరించారు. అవేంటో మీరూ చదివి తెలుసుకోండి..

వర్షాల వల్ల మురికి నీరు చేరి.. దోమలు ఎక్కువైపోయాయి. పైగా వాతావరణ మార్పులతో సీజనల్ వ్యాధులు అధికమవుతాయి. జ్వరం, కడుపు నొప్పి, వాంతులు, విరేచనాలు, శ్వాసకోశ సమస్యలు, తిన్న ఆహారం జీర్ణంకాక పోవడం వంటివి సీజనల్ వ్యాధులుగా చెప్పుకోవచ్చు. వానాకాలంలో వచ్చే మరి కొన్ని వ్యాధులు ఇన్‌ఫ్లుఎంజా, మలేరియా, డెంగ్యూ జ్వరం, టైఫాయిడ్ జ్వరంతో పాటు హెపటైటిస్- ఏ. ఈ వ్యాధులు ప్రధానంగా వెలుగు చూస్తుంటాయి. ఈ వ్యాధులు బారిన అన్నీ వయసుల వారు పడుతుంటారు.

ఈ వ్యాధులు సోకడానికి ప్రధానంగా కలుషిత ఆహరం, మురికి నీరు. ఎక్కవ కాలం ఒకే ప్రాంతంలో నిలిచి ఉన్న మురుకి నీరు.. వాటి పై వాలే దోమలు ఈ వ్యాధులకు ప్రధాన కారణం అవుతున్నాయి. అంతేకాకుండా ఈ సమయాల్లో చాలా మంది దగ్గుతూ కనిపిస్తారు. ఇలా ఒకరి నుంచి మరోకరికి దగ్గు వ్యాప్తి చెందే అవకాశం ఉంది.

ముఖ్యంగా దోమల వల్ల వ్యాపించే మలేరియా, డెంగ్యూ వంటి వ్యాధులు కొన్నిసార్లు మరింత ప్రమాదకరమైనవిగా మారుతాయి. అందుకే వాటిని ముందుగా గుర్తించి అశ్రద్ధ చేయకుండా.. చికిత్స చేయించుకోవాలి. ఇలాంటి సమయాల్లోనే ‘స్క్రబ్ టైఫస్’ అనే ప్రాణాంతక జ్వరం కూడా దేశ వ్యాప్తంగా వ్యాపిస్తోంది. ఈ జ్వరం కూడా డెంగ్యూ జ్వరాన్ని పోలి ఉంటుంది. కానీ దీని తీవ్రత చాలా ఎక్కువగా ఉంటుంది.

కలుషిత ఆహారం వల్ల వికారం, వాంతులు, విరేచనాలు, కడుపు నొప్పి వచ్చే అవకాశం ఉంది. ఇలాంటి లక్షణాలు కనిపించినట్లయితే నిర్లక్ష్యం చేయకుండా.. వెంటనే డాక్టర్లను సంప్రదించడం ఉత్తమం. అనంతరం వైద్యుల సూచనల మేరకు కామెర్లు మలేరియా, డెంగ్యూ జ్వరం, స్క్రబ్ టైఫస్, లెప్టోస్పిరోసిస్, హెపటైటిస్ పరీక్షలు చేయించుకోవాలి.

సీజనల్ వ్యాధుల నివారణకు తీసుకోవాల్సిన చర్యలు:
 చేతులను శుభ్రంగా కడుక్కోవాలి. ఇలా చేయడం వల్ల కరోనాను అరికట్టడంతో పాటు అతిసార వ్యాధిని, ఇతర సీజనల్ వ్యాధులను కూడా దూరం చేసుకోవచ్చు.
 తీసుకునే ఆహారం, తాగే నీటి విషయంలో జాగ్రత్త వహించాలి. కలుషిత ఆహారం, నీటిని దూరంగా ఉంచడం వల్ల డయేరియా, టైఫాయిడ్ జ్వరం నుంచి రక్షణ పొందవచ్చు.
 డెంగ్యూ, మలేరియాల జ్వరాలు సోకకుండా ఉండాలంటే దోమలు కుట్టకుండా దోమతెరలు, రిపెల్లెంట్లు ఉపయోగించాలి.
 మనం నివసిస్తున్న ప్రాంతాలను పరిశుభ్రంగా ఉంచుకోవాలి. చుట్టుపక్కలా ఎక్కడా మురుగు నీరు నిలిచిపోకుండా చూసుకోవాలి.
 వీలైనంత వరకు తాజా ఆహారాన్ని తీసుకోవడంతో పాటు కాచి చల్లార్చిన నీటిని తీసుకోవడం ద్వారా ఆరోగ్యంగా ఉండొచ్చు.
పానీపూరీ , ఇతర జంక్ ఫుడ్‌కు దూరంగా ఉండాలి.
మాస్క్ ధరించడం వల్ల సాధారణ జలుబు, ఫ్లూ వంటి శ్వాసకోశ వ్యాధుల రాకుండా జాగ్రత్త వహించవచ్చు.

కిడ్నీల ఆరోగ్యానికి ఈ సూచనలు పాటించండి: డాక్టర్ సురేశ్

The post సీజనల్ వ్యాధుల నివారణకు..జాగ్రత్తలే ప్రధానం: డాక్టర్ యూ.సురేశ్ appeared first on VEDHA NEWS.

 వేద న్యూస్, డెస్క్:

ఉమ్మడి కరీంనగర్ జిల్లా చొప్పదండి కాంగ్రెస్ పార్టీ ఎమ్మెల్యే డాక్టర్ మేడిపల్లి సత్యం సతీమణి రూపా దేవి ఆత్మహత్య చేసుకుంది. హైదరాబాద్ అల్వాల్ లోని పంచశిల కాలనిలోని ఇంట్లో గురువారం రాత్రి ఉరేసుకుని ఆత్మహత్యకు పాల్పడింది.

ఆత్మహత్యకు చోటు చేసుకున్న కారణాలను పోలీసులు విచారణ చేపట్టారు. ఇందుకు సంబంధించిన పూర్తి వివరాలు తెలియాల్సి ఉంది.

The post చొప్పదండి కాంగ్రెస్ ఎమ్మెల్యే సత్యం భార్య రూపాదేవి ఆత్మహత్య appeared first on VEDHA NEWS.

•  మాజీ కార్పొరేటర్ బుద్ధ జగన్

వేద న్యూస్, వరంగల్ :

బీఆర్ఎస్ పార్టీ నుండి సస్పెండ్ చేస్తారని..దొడ్డి దారిన కాంగ్రెస్ పార్టీలోకి మేయర్..వచ్చి చేరిందని.. మాజీ కార్పొరేటర్ బుద్ధ జగన్ ఘాటుగా విమర్శించారు.వరంగల్ నగరంలోని రామన్నపేట 29వ డివిజన్లో ముఖ్య కార్యకర్తల సమావేశం ఏర్పాటు చేసి గుండు సుధారాణి చేరికను ఆయన తీవ్రంగా వ్యతిరేకించారు. అందితే జుట్టు లేకపోతే కాళ్ళు పట్టుకునే విపరీత ధోరణి గుండు సుధారాణి అని తన వల్ల బీఆర్ఎస్ పార్టీ లో ఎంతో మంది కార్యకర్తల జీవితాలు నాశనం అయ్యాయి అన్నారు.

నిజంగా ప్రజాదరణ ఉన్న నాయకూరలే అయితే మేయర్ వెంట ఒక్క కార్పొరేటర్ ఎందుకు చేరలేదు అని ప్రశ్నించారు. జిల్లాలో ఒక మంత్రి ఆరుగురు కాంగ్రెస్ ఎమ్మెల్యే లు ఉండగా ఎవరిని కాదని వెళ్లి కండువా కప్పించకుంటే ఇక్కడ ఊరుకునే వారు ఎవరు లేరు ఇప్పటికే చేసిన తప్పును ఒప్పుకొని వెంటనే తిరిగి వెళ్లిపోవాలని హెచ్చరించారు.

ఈ సమావేశంలో డివిజన్ అధ్యక్షుడు ఓరుగంటి పూర్ణ, బూత్ కన్వీనర్లు బొమ్మ సురేష్, గొర్రె మహేష్, నల్లగొండ శ్రీనివాస్, మండల వరుణ్, మహిళా డివిజన్ అధ్యక్షురాలు కొలిపాక పద్మ,కందుకూరి అరుణ, గద్వాల కృష్ణవేణి, రాచర్ల సమ్మయ్య, శ్రీరాముల సురేష్,పాకాల లక్ష్యం కేశవరాజు,నరేష్ చంద్రగిరి రమేష్,దౌడు విజయ్ కుమార్, ఏం.డి రఫి, ఎండి రెహమాన్, ముప్పు సతీష్,ఇల్లందుల శశిధర్, ఎండి యాకుబ్ పాషా, బూత్ కన్వీనర్లు సీనియర్ కాంగ్రెస్ నాయకులు,మహిళలు కార్యకర్తలు పాల్గొనడం జరిగింది.

The post అందితే జుట్టు..లేకపోతే కాళ్లు.. ఇదే సుధారాణి నైజం appeared first on VEDHA NEWS.

•  ఉచిత వైద్య శిబిరానికి విశేష స్పందన
•  ప్రపంచ ఆరోగ్య దినోత్సవం సందర్భంగా..
•  300 మంది పై చిలుకు పేషెంట్స్‌కు వైద్య పరీక్షలు, మందుల పంపిణీ

వేద న్యూస్, జమ్మికుంట:
వ్యాపార దృక్పథంతో అందిన కాడికి డబ్బులు దండుకుంటున్న కొన్ని ఆస్పత్రుల నిర్వాకం గురించి ప్రత్యేకంగా చెప్పనక్కర్లేదు. ఇలాంటి తరుణంలో ‘వైద్యో నారాయణ హరి’ అన్న నానుడికి నిజమైన అర్థం చెప్పేందుకు తమ వంతు ప్రయత్నం చేస్తున్నారు ‘సంజీవని’ మల్టీ స్పెషాలిటీ ఆస్పత్రి యాజమాన్య నిర్వహణలోని వైద్యులు. ఉచితంగా మెగా వైద్య శిబిరం నిర్వహించడమే కాకుండా ఉచితంగా మందులను అందజేస్తుండటం విశేషం.

జమ్మికుంట పట్టణంలోని సంజీవని మల్టీ స్పెషాలిటీ ఆస్పత్రి ఆధ్వర్యంలో ప్రపంచ ఆరోగ్య దినోత్సవం సందర్భంగా ఆదివారం ‘ఉచిత మెగా వైద్య శిబిరం’ నిర్వహించారు. సంజీవని ఆస్పత్రి వైద్యులు ఎం.ప్రణీత, ఎం.సురేశ్, యు.అనిత, యు.సురేశ్, కె.కిషోర్ ఆధ్వర్యంలో పేషెంట్స్‌కు ట్రీట్‌మెంట్ అందించారు. సిబ్బంది ఉచితంగా వైద్య పరీక్షలు నిర్వహించి మందులు పంపిణీ చేశారు. దాదాపు 300కు పైగా మంది ప్రజలు ఈ వైద్య శిబిరాన్ని సద్వినియోగం చేసుకున్నారు.

ఎండీ జనరల్ మెడిసిన్ ఊడుగుల సురేశ్ రోగులకు బీపీ, షుగర్ మొదలగు జబ్బులకు సంబంధించి తగు సలహాలు సూచనలు ఇవ్వడంతో పాటు జాగ్రత్తల గురించి వివరించారు. ఎండీ చెస్ట్ ఫిజీషియన్ కిశోర్ కుమార్ కామిశెట్టి ఊపిరితిత్తులకు సంబంధించి దగ్గు, దమ్ము, ఆయాసం, ఆస్తమా, గురక మొదలగు డిసీజెస్ గురించి పేషెంట్స్ కు పూర్తి అవగాహన కల్పించారు.

స్పైరో మీటర్ ద్వారా లంగ్స్ పని తీరు పరిశీలన..
మెగా క్యాంప్ లో సంజీవని ఆస్పత్రిలో స్పైరో మీటర్ ద్వారా రోగుల ఊపిరితిత్తుల పనితీరును పరిశీలించారు. ఆ రిపోర్టు ఆధారంగా లంగ్స్ పని చేసే తీరును తెలుసుకోవచ్చని డాక్టర్ కిశోర్ వెల్లడించారు.

స్మోకర్లు, ఇతర ఆపరేషన్ అయిన వాళ్ల లంగ్స్, శ్వాస కోస గొట్టాల పనితనం, ఊపిరితిత్తుల తాకత్ స్పైరో మీటర్ ద్వారా మాత్రమే అంచనా వేయొచ్చని డాక్టర్ కిశోర్ స్పష్టం చేశారు. ఆస్తమా, డస్ట్ ఇతర అలర్జీ ఉన్న వాళ్ల లంగ్స్ పనితీరు ఈ పరీక్ష ద్వారా స్పష్టంగా కనుగొనవచ్చని వివరించారు. పేషెంట్స్ క్యాంప్ లో ఈ మీటర్ ద్వారా తమ ఊపిరితిత్తుల పనితీరు పరీక్షించుకోగా..వైద్యులు ఆ రిపోర్టు ఆధారంగా మందులు అందజేశారు.

ఆర్థోపెడిక్ సర్జన్ ముషం సురేశ్ ఎముకలు, కీళ్లు, కండరాలు, నరాలకు సంబంధించిన డిసీజెస్ గురించి పేషెంట్స్ కు అవగాహన కల్పించడంతో పాటు తీసుకోవాల్సిన జాగ్రత్తల గురించి వివరించారు. క్యాంప్ లో పేషెంట్స్ కు అవసరమైన పరీక్షలకు రెఫర్ చేయడంతో పాటు అవసరమైన మెడిసిన్స్ డాక్టర్ సురేశ్ రాశారు.

ఇక వైద్యులు అనిత, ప్రణీత మహిళలకు సంబంధించిన అన్ని రకాల సమస్యలపైన అవేర్‌నెస్ కల్పించారు. రొమ్ముగడ్డలు, కంతులు, అపెండిక్స్, థైరాయిడ్, అర్శమొలలు మొదలగు వాటికి జనరల్ సర్జన్ అనిత ట్రీట్‌మెంట్ ఇచ్చారు. ఉచితంగా వైద్య పరీక్షలు నిర్వహించడంతో పాటు అవసరమైన మందులను అందజేశారు. గర్భిణులు, హై రిస్క్ ప్రెగ్నెన్సీ, ఇన్ ఫెర్టిలిటీ, గర్భసంచి తదితర సమస్యలపై డాక్టర్ ముషం ప్రణీత అవగాహన కల్పించారు.

ఆస్పత్రి మేనేజ్‌మెంట్ పడాల కిరణ్ గౌడ్ ఆధ్వర్యంలో నిర్వహించిన కార్యక్రమంలో ‘సంజీవని’ ఆస్పత్రి వైద్య సిబ్బంది, వైద్యులు అధిక సంఖ్యలో పేషెంట్స్ పాల్గొన్నారు.

The post జమ్మికుంట ‘సంజీవని’ ఫ్రీ మెగా క్యాంప్ సక్సెస్ appeared first on VEDHA NEWS.