• వైభవంగా పౌర్ణమి వేడుకలు

వేద న్యూస్, ఆసిఫాబాద్ :

ఆసిఫాబాద్ మండలం రాజుర గ్రామంలో మంగళవారం రాత్రి ఆశ్వయుజ పౌర్ణమి వేడుకలు వైభవంగా జరుపుకున్నారు.

మహిళలు యువతులు పెద్దఎత్తున పాల్గొని డీజే పాటలకు నృత్యాలు చేశారు. చుట్టు  పక్కల గ్రామాల వారు తరలి వచ్చి తిలకించారు.

ప్రతి ఏటా ఆశ్వయుజ పౌర్ణమి నాడు ఇదే విధంగా ఆడి పాడుతూ సంబరంగా పౌర్ణమి వేడుకలు జరుపుకుంటారని గ్రామస్తులు తెలిపారు. కాగా దీపావళి కి ఈ గ్రామంలో బులాయి వేడుకలు జరుగుతాయి . జిల్లాలోనే అత్యంత వైభవంగా బులాయి వేడుకలు జరుపుతారని రాజుర గ్రామాని కి పేరుంది.

The post మంగళవారం రాత్రి ఆశ్వయుజ పౌర్ణమి వేడుకలు.. ఎక్కడంటే? appeared first on VEDHA NEWS.

• ఘనంగా సద్దుల బతుకమ్మ వేడుకలు

వేద న్యూస్, ఇల్లంతకుంట:

రాజన్న సిరిసిల్ల జిల్లా ఇల్లంతకుంట మండలం కందికట్కూర్ గ్రామంలో గ్రామపంచాయతీ వద్ద ‘‘పోయిరా బతుకమ్మ…. మల్ల అచ్చే ఏడాది మళ్లీ రావమ్మా…’’ అంటూ మహిళలు సద్దుల బతుకమ్మ సంబరాలు ఘనంగా సోమవారం నిర్వహించారు.

తొమ్మిది రోజుల బతుకమ్మ సంబరాలు నిర్వహించారు. గ్రామాలలో మహిళలు రంగు రంగుల పూలు గునుగు, తంగేడు ,పట్టుకుచ్చు, బంతి, చామంతి పూలతో బతుకమ్మలను భక్తి శ్రద్ధలతో పేర్చి మొదట వివిధ కూడళ్ల వద్ద బతుకమ్మను ఆడారు.

అనంతరం వాగుల వద్ద, బతుకమ్మ తెప్ప వద్దకు బారులు తీరి వాగులో ప్రవహిస్తున్న నీటితోపాటు తెప్పలో బతుకమ్మలను నిమజ్జనం చేసి ‘‘పోయిరా గౌరమ్మ పోయిరా’’ అంటూ పాటలు పాడుతూ తెలంగాణ సంస్కృతి సాంప్రదాయాలను కళ్ళకు కట్టినట్లు చూపించారు.

అంతకుముందు వారి ఇండ్లలో గౌరీ దేవిని పూజించిన ఆడపడుచులు పసుపు కుంకుమలు వాయినాలు ఇచ్చి పుచ్చుకున్నారు. సనాతనంగా వస్తున్న సాంప్రదాయంలో భాగంగా నిమజ్జనానికి తమ వెంట తెచ్చుకున్న పిండి పదార్థాలను ఒకరికొకరు ఇచ్చి పుచ్చుకున్నారు.

యువతుల దాండియా, కోలాటాలు, బతుకమ్మ పాటలతో చూపరులను విశేషంగా ఆకట్టుకున్నాయి. మండలంలోని వివిధ గ్రామాలలో సద్దుల బతుకమ్మ వేడుకలు ఘనంగా నిర్వహించారు.

The post పోయిరా బతుకమ్మ… మళ్లొచ్చే ఏడాది మళ్లీ రావమ్మా.. appeared first on VEDHA NEWS.

 వేద న్యూస్, చొప్పదండి:
పట్టణంలోని గీత విద్యాలయం పాఠశాలలో ముందస్తు శ్రీకృష్ణ జన్మాష్టమి వేడుకలను గురువారం ఘనంగా నిర్వహించారు. సందర్భంగా పాఠశాల డైరెక్టర్ లింగారావు మాట్లాడుతూ శ్రీకృష్ణుడు భగవద్గీతలో అర్జునుడికి మార్గదర్శకంగా ఉపదేశించిన మాటలలో కొన్నింటిని.. ధర్మ నిర్వహణ, ధర్మం, జ్ఞానం మొదలైన విషయాల గురించి చెప్పారు. ప్రతి ఒక్కరూ అదే మార్గంలో నడవాలని సూచించారు. కార్యక్రమంలో చైర్మన్ ఆనంద రెడ్డి, ఉపాధ్యాయిని ఉపాధ్యాయులు, విద్యార్థుల తల్లిదండ్రులు పాల్గొన్నారు.

The post ధర్మమార్గంలో ప్రతి ఒక్కరూ నడవాలి.. ‘గీత’ విద్యాలయంలో కృష్ణాష్టమి వేడుకలు appeared first on VEDHA NEWS.

•   వినూత్న శైలిలో సెలబ్రేషన్స్ ‘బృందావనం’ స్పెషాలిటీ
•  ప్రజలు కోరిన రీతిలో చక్కగా ఈవెంట్స్ నిర్వహణ
   

వేద న్యూస్, జమ్మికుంట:

ప్రతీ ఈవెంట్‌ను ఉత్సవంలా.. వినూత్న శైలిలో ప్రజలు కోరిన రీతిలో ‘బృందావనం ఈవెంట్స్’ వారు నిర్వహిస్తున్నారు. ఈవెంట్స్ నిర్వహణలో సుమారు 8 ఏండ్లకు పైగా అనుభవం కలిగిన నిర్వాహకులు వై.శ్రీనాథ్.. ఇప్పటి వరకు చాలా శుభకార్యాలను అంగరంగ వైభవంగా నిర్వహించారు.

జమ్మికుంట పట్టణవాసులు, సమీప పరిసర ప్రాంత ప్రజలకు అందుబాటులో ఉండేలా ఆయన తన ఆఫీసును జమ్మికుంట పట్టణంలోని మురళీ థియేటర్ ఎదురుగా ఇటీవల ప్రారంభించారు. 24/7 ప్రజలకు అందుబాటులో ఉంటూ.. జనం ప్రతీ ఈవెంట్‌ను వేడుకలా సెలబ్రేట్ చేయడానికి రెడీగా ఉన్నట్టు శ్రీనాథ్ వెల్లడించారు.

అందరు ఆదరించేలా ఏర్పాట్లు

వేడుకల్లో సంప్రదాయతకు ఆధునికతను జోడించి అందరినీ ఆకట్టుకునేలా జాగ్రత్త వహిస్తున్నారు.
e-తరం యువతను ఆకట్టుకునేలా ప్రత్యేకంగా ఏర్పాట్లు చేస్తున్నారు. వినియోగదారుల ఆలోచన, సూచన మేరకు తగు రీతిలో బడ్జెట్ డిసైడ్ చేసుకుని వారు కోరిన విధంగా ఏర్పాట్లు చేస్తున్నారు.

వారి బడ్జెట్ పరిధిలోనే చక్కటి ఏర్పాట్లు చేసి వారి మెప్పు పొందుతున్నారు. పాండాస్, హౌజ్ లైటింగ్, హల్దీ మంగళ స్నానాలు, గుర్రపు బగ్గీలు, లైటింగ్, రష్యన్ భామలతో వెల్‌కమ్, డిఫరెంట్ ఎంట్రీ కాన్సెప్ట్ తదితరాలన్నింటినీ ‘బృందావనం ఈవెంట్స్’ వారు చేపడుతున్నారు.

వేడుక.. పది కాలాల పాటు గుర్తుండేలా ఈవెంట్స్ నిర్వహణ : నిర్వాహకులు శ్రీనాథ్

ప్రతీ ఒక్కరి జీవితంలో జరిగే ఈవెంట్స్‌ను ఉత్సవంలా సెలబ్రేట్ చేసి ఆ మధుర క్షణాలను తమ మదిలో వారు పదిలపరుచుకునే విధంగా వైభవోపేతంగా వేడుకలు నిర్వహిస్తాం. బడ్జెట్‌ను బట్టి వారు కోరిన రీతిలో అన్ని ఏర్పాట్లు చేస్తాం. ఏ టు జెడ్ అన్ని రకాల ఏర్పాట్లు చేయడం బృందావనం ఈవెంట్స్ స్పెషాలిటీ.. ప్రతీ ఒక్కరి జీవితంలో ఉండే మధుర క్షణాలను, ముఖ్యంగా వేడుకలను పదికాలాల పాటు గుర్తుండిపోయేలా చక్కగా ఈవెంట్స్ నిర్వహించడమే మా లక్ష్యం. ఏదైనా ఫ్యామిలీ ఫంక్షన్స్ లేదా ఈవెంట్స్‌ను ఉత్సవంలా ‘బృందావనం ఈవెంట్స్’ ఆధ్వర్యంలో నిర్వహించుకోవాలనుకునే వారు 99498 81130 ఫోన్ నంబర్‌ను సంప్రదించొచ్చు.

The post ‘ఉత్సవం’లా అన్ని శుభకార్యాలు @ బృందావనం ఈవెంట్స్ appeared first on VEDHA NEWS.

• ఘనంగా గులాబీ పార్టీ హనుమకొండ జిల్లా అధ్యక్షుడి బర్త్ డే

వేద న్యూస్, ఓరుగల్లు:

వరంగల్ పశ్చిమ మాజీ ఎమ్మెల్యే, బీఆర్ఎస్ హనుమకొండ జిల్లా అధ్యక్షుడు వినయ్ భాస్కర్ ను   శుక్రవారం కేటీఆర్ సేన వరంగల్ జిల్లా అధ్యక్షుడు మైనాల నరేష్ మర్యాదపూర్వకంగా కలిశారు. వినయ్ భాస్కర్ జన్మదినం సందర్భంగా ఆయన కు పూల మొక్క అందజేశారు.  ఈ సందర్భంగా యువనేత నరేష్  వినయ్ భాస్కర్‌ కు జన్మదిన శుభాకాంక్షలు తెలిపారు.

ఈ సందర్భంగా నరేశ్ మాట్లాడుతూ.. వరంగల్ పశ్చిమ నియోజకవర్గ అభివృద్ధికి తనవంతుగా కీలక పాత్ర పోషించిన లీడర్, ఉద్యమకారుడు వినయ్ భాస్కర్ అని కొనియాడారు. ప్రత్యేక తెలంగాణ రాష్ట్ర సాధన కోసం జరిగిన ఉద్యమంలో వినయ్ భాస్కర్ ఓరుగల్లు గడ్డపైన క్రియాశీలక పోరాటాలు చేశారని వెల్లడించారు.

బీఆర్ఎస్ అధినేత కేసీఆర్ నాయకత్వంలో వినయ్ భాస్కర్ గులాబీ జెండాను ఎగురవేశారని తెలిపారు. కేసీఆర్ నాయకత్వమే తెలంగాణ రాష్ట్రానికి శ్రీరామరక్ష అని వెల్లడించారు.  

The post బీఆర్ఎస్ మాజీ ఎమ్మెల్యే వినయ్ భాస్కర్‌కు యువనేత నరేశ్ శుభాకాంక్షలు  appeared first on VEDHA NEWS.

వేద న్యూస్, మరిపెడ:

మరిపెడ ఉన్నత పాఠశాలలో గురువారం భారత తొలి ప్రధాని పండిట్ జవహార్ లాల్ నెహ్రూ  జయంతిని పురస్కరించుకొని “బాలల దినోత్సవాన్ని” ఘనంగా నిర్వహించారు. ఈ సందర్భంగా ప్రధానోపాధ్యాయులు నెహ్రూ చిత్రపటానికి భక్తి శ్రద్ధలతో పూల మాల అలంకరించారు. అనంతరం హెచ్ఎం అనంతరావు  మాట్లాడుతూ విద్యార్థినీ విద్యార్థులు చాచాజీని ఆదర్శంగా తీసుకొని చక్కగా చదువుకొని ఉన్నత శిఖరాలు అధిరోహించాలన్నారు.

విద్యార్థిని విద్యార్థులకు చిత్రలేఖనము, ఉపన్యాసం, వ్యాస రచన, క్విజ్ పోటీలు నిర్వహించారు. అనంతరం సాంస్కృతిక కార్యక్రమాలు నిర్వహించి.. పోటీల విజేతలకు గోల్డ్ మెడల్స్, సర్టిఫికెట్స్ ప్రదానం చేశారు. 

కార్యక్రమంలో ఉపాధ్యాయ కార్యదర్శి రామ్మోహన్ బయగాని , ఉపాధ్యాయులు జనార్ధనా చారి, దేవుల, శ్రీశైలం, నెహ్రూ, స్వప్న, ప్రకాష్, శౌరి, రమేష్ రెడ్డి, ప్రసాదరావు, సారయ్య, జహేదా బేగం, సురేష్, బాబురావు, అనిత, సుధా, మంజుశ్రీ మరియు విద్యార్థినీ విద్యార్థులు పాల్గొన్నారు.

The post మరిపెడ స్కూల్‌లో ఘనంగా బాలల దినోత్సవం appeared first on VEDHA NEWS.

వేద న్యూస్, ఓరుగల్లు:

సీఎం రేవంత్ రెడ్డి జన్మదిన వేడుకలను కాంగ్రెస్ శ్రేణులు ఘనంగా నిర్వహించాయి. శుక్రవారం శాయంపేట మండల పరిధిలోని నర్సింహులపల్లి గ్రామంలో కాంగ్రెస్ పార్టీ గ్రామ ప్రధాన కార్యదర్శి ముస్కు  కృష్ణ ఆధ్వర్యంలో సెలబ్రేషన్స్ ఘనంగా నిర్వహించారు.

ఈసందర్భంగా కేక్ కోసి, మిఠాయిలు పంచి సంబురాలు చేశారు. కాంగ్రెస్ పార్టీని అధికారంలోకి తీసుకురావడంలో టీపీసీసీ చీఫ్ గా నాడు రేవంత్ రెడ్డి కీలక పాత్ర పోషించారని  ఈ సందర్భంగా నేతలు వెల్లడించారు. హస్తం పార్టీలో నూతనోత్తేజం నింపిన డైనమిక్ లీడర్ రేవంత్ రెడ్డి అని కొనియాడారు. గ్రామీణ ప్రాంతం నుంచి వచ్చి ముఖ్యమంత్రి స్థాయికి ఎదిగిన నాయకుడు అని వెల్లడించారు. కార్యక్రమంలో రాజేందర్, నాగరాజు, శ్రీకాంత్, కమలాకర్, కృష్ణ, లక్ష్మణరావు, వంశీ, అంజద్ పాషా తదితరులు పాల్గొన్నారు.

The post నర్సింహులపల్లిలో ఘనంగా సీఎం రేవంత్‌రెడ్డి జన్మదిన వేడుకలు appeared first on VEDHA NEWS.

వేద న్యూస్, వరంగల్:

కాటారం మండలకేంద్రంలో గురువారం బీజేపీ మండల అధ్యక్షుడు బండం మల్లారెడ్డి ఆధ్వర్యంలో ఆ పార్టీ రాష్ట్ర నాయకుడు చల్లా నారాయణ రెడ్డి జన్మదిన వేడుకలు నాయకులు, కార్యకర్తలు ఘనంగా నిర్వహించారు.  అంబేడ్కర్ సెంటర్ లో  కేక్ కట్ చేసి, పలువురికి అరటి పండ్లు పంపిణీ చేశారు. 

బీజేపీ నాయకులు ఈ సందర్భంగా మాట్లాడుతూ బీజేపీ బలోపేతానికి నారాయణరెడ్డి కృషి చేస్తున్నారని తెలిపారు. ఆయన పార్టీలో మరింత  ఉన్నతస్థాయికి ఎదగాలని ఆకాంక్షిస్తున్నట్టు వెల్లడించారు. జన్మదిన వేడుకల్లో బీజేపీ నాయకులు, కార్యకర్తలు, యూత్ సభ్యులు పాల్గొన్నారు. 

The post ఘనంగా బీజేపీ రాష్ట్ర నేత చల్లా నారాయణరెడ్డి జన్మదిన వేడుకలు appeared first on VEDHA NEWS.

వేద న్యూస్, కరీంనగర్:

పూల సింగిడి ‘బతుకమ్మ’ వేడుకలు బుధవారం ఘనంగా ప్రారంభమయ్యాయి. జమ్మికుంట మున్సిపల్ పరిధిలోని కేశవపురం గౌరీ పుత్ర యూత్ ఆధ్వర్యంలో మహిళల సహకారంతో 15వ వార్డులో ఎంగిలిపూల బతుకమ్మ పండుగను మహిళలు ఘనంగా నిర్వహించుకున్నారు. బతుకమ్మ పండుగ సంబురాలకు సహకరించిన ప్రతి ఒక్కరికీ ఈ సందర్భంగా గౌరీ పుత్ర యూత్ కమిటీ సభ్యులు కృతజ్ఞతలు తెలిపారు.

ప్రకృతిని పూజించే గొప్ప సంస్కృతి తెలంగాణ సంస్కృతి అని ఈ సందర్భంగా మహిళలు అభిప్రాయపడ్డారు. ‘‘ఒక్కేసి పువ్వేసి చందమామ’’ అంటూ మహిళలు చక్కగా మొదటి రోజు బతుకమ్మ పాటలు పాడారు. తొలి రోజు నుంచి మొదలు సద్దుల బతుకమ్మ వరకు మహిళలు, చిన్నారులు చక్కగా ఆట పాటతో బతుకమ్మ పండుగను నిర్వహించుకోనున్నారు. 

The post కేశవపురం గౌరీపుత్ర యూత్ ఆధ్వర్యంలో ఘనంగా ఎంగిలిపూల బతుకమ్మ appeared first on VEDHA NEWS.

వేద న్యూస్, వరంగల్:

హన్మకొండ జిల్లా ఎల్కతుర్తి మండల పరిధిలోని చింతలపల్లి గ్రామంలో వేపచెట్ల కింద కొలువు దీరిన గణనాథుడి సన్నిధిలో ఆదివారం గణేశ్ ఉత్సవ కమిటీ సభ్యులు ‘మహాన్నదానం’ ఘనంగా నిర్వహించారు. భక్తులు, గ్రామస్తులు భోళా శంకరుడి తనయుడు విఘ్నేశ్వర మహరాజ్ ను దర్శించుకున్న అనంతరం మహాప్రసాదాన్ని స్వీకరించారు. 

గణేశ్ నవరాత్రి ఉత్సవాలలో భాగంగా మహాన్నదాన కార్యక్రమాన్ని నిర్వహించారు. ఈ సందర్భంగా అందరూ బాగుండాలని, సుఖసంతోషాలతో ఆయురారోగ్యాలతో వర్ధిల్లాలని మూషిక వాహనదారుడు, ముల్లోకాలను ఏలే బొజ్జ గణపయ్యను కోరుకున్నట్టు గణేశ్ ఉత్సవ కమిటీ సభ్యులు వెల్లడించారు. కార్యక్రమంలో గ్రామ యువకులు, పెద్దలు, గ్రామస్తులు పెద్ద ఎత్తున పాల్గొన్నారు. 

The post చింతలపల్లిలో బొజ్జ గణపయ్య సన్నిధిలో ‘మహాన్నదానం’ appeared first on VEDHA NEWS.