వేద న్యూస్,బోయినిపల్లి:

రాజన్న సిరిసిల్ల జిల్లా బోయినిపల్లి మండలం కొదురుపాక గ్రామానికి చెందిన గొర్రె ల కాపర్లు చాల మంది తమ వృత్తిపై ఆధారపడి జీవనం సాగిస్తున్నారు. కోదురుపాక పాత గ్రామం నుంచి ఆరెండర్ కాలనీకి వచ్చిన అనంతరం గొర్రె ల కాపర్లు అనేక వృత్తిపరమైన సమస్యలను ఎదుర్కొంటున్నారు. గడిచిన ఎనిమిదేళ్ల కాలంలో వారి సమస్యలకు ఎలాంటి పరిష్కారం లభించలేదు. ఈ సమస్యలపై ఈరోజు చొప్పదండి ఎమ్మెల్యే మేడిపల్లి సత్యం,ని కాంగ్రెస్ పార్టీ బీసీ సెల్ జిల్లా అధ్యక్షుడు కూస రవీందర్,ఆధ్వర్యంలో కరీంనగర్ లో కలవడం జరిగింది . గొర్రెల మేత కోసం ఐదు ఎకరాల స్థలాన్ని, గొర్రెల మంద కోసం షెడ్లను నిర్మించాలని ఎమ్మెల్యే,ని కోరడంతో వెంటనే జిల్లా కలెక్టర్ తో మాట్లాడటంతో పాటు లెటర్ రాశారు. గ్రామంలో 5 ఎకరాల స్థలాన్ని అతి త్వరలోనే కేటాయించనున్నట్లు ఎమ్మెల్యే తెలిపారు.అలాగే గొర్రె ల కాపర్ల మంద ఏర్పాటు చేసుకోవడానికి షెడ్లను నిర్మించేందుకు చర్యలు తీసుకుంటానని తెలిపారు. గొర్రెల కాపరుల సమస్యల పరిష్కారానికి చొరవ తీసుకొని సానుకూలంగా స్పందించినందుకు ఎమ్మెల్యే మేడిపల్లి సత్యం,కి బీసీ సెల్ జిల్లా అధ్యక్షుడు కూస రవీందర్,కి నాగుల వంశీ గౌడ్, యాదవ సంఘం సభ్యులు.ప్రత్యేక కృతజ్ఞతలు తెలిపారు.

The post ఎమ్మెల్యే మేడిపల్లి సత్యమును కలిసిన గొర్రెల కాపర్ల సంఘం సభ్యులు appeared first on VEDHA NEWS.

యువజన కాంగ్రెస్ సీనియర్ నాయకుడు ఏనుగుల ప్రశాంత్ కుమార్

వేద న్యూస్, బోయినిపల్లి:

రాజన్న సిరిసిల్ల జిల్లా బోయినిపల్లి మండలం విలాసాగర్ యువజన కాంగ్రెస్ సీనియర్ నాయకుడు ఏనుగుల ప్రశాంత్ మాట్లాడుతూ దేశంలో ఏ రాష్ట్రంలో లేని విధంగా బీసీలకు 42 శాతం రాజకీయ, ఉద్యోగ రంగాలలో రిజర్వేషన్లు కల్పించినందుకు బీసీలమంతా కాంగ్రెస్ పార్టీకి రుణపడి ఉంటామని ఇచ్చిన మాట ప్రకారం కాంగ్రెస్ అధినాయకుడు రాహుల్ గాంధీ,తెలంగాణ రాష్ట్ర ముఖ్యమంత్రి రేవంత్ రెడ్డి, చొప్పదండి ఎమ్మెల్యే మేడిపల్లి సత్యం, కాంగ్రెస్ ప్రభుత్వం మాట నెరవేర్చుకున్నారన్నారు,బీసీల హృదయాల్లో చిరస్థాయిగా వారి స్థానం ఉంటుందన్నారు,రానున్న స్థానిక సంస్థల ఎన్నికల్లో బీసీలందరూ మాకుమ్మడిగా కాంగ్రెస్ పార్టీకి ఓటు వేసి ఘన విజయం అందించాలన్నారు,32 శాతం ఉన్న బీసీ రిజర్వేషన్లను 23 శాతానికి తగ్గించి బీసీల నడ్డి విరిచిన బీ.ఆర్.ఎస్ పార్టీని పాతాళంలోకి తొక్కాలన్నారు,బీజేపీ పార్టీ బీసీలను కేవలం ఓట్లు వేసే యంత్రాలుగా చూసి కేంద్రంలో గద్దెనెక్కి బీసీలపై కపట ప్రేమ చూపిస్తుందని ఆరోపించారు,దమ్ముంటే దేశవ్యాప్తంగా బీసీ రిజర్వేషన్లను అమలు చేసి చూపించాలని డిమాండ్ చేసారు.

The post కాంగ్రెస్ పార్టీకి బీసీలమంతా రుణపడి ఉంటాం appeared first on VEDHA NEWS.

వేద న్యూస్, సూర్యాపేట ప్రత్యేక ప్రతినిధి :

సీఎం సహాయనిధి నిరుపేదలకు వరం లాంటిదని పర్యటక అభివృద్ధి కార్పొరేషన్ చైర్మన్ పటేల్ రమేష్ రెడ్డి అన్నారు. శుక్రవారం తన నివాసంలో సీఎం సహాయ నిధి ద్వారా సూర్యాపేట నియోజకవర్గానికి చెందిన వివిధ గ్రామాలకు చెందిన 18 మంది లబ్దిదారులకు 7 లక్షల 81,000 రూపాయల సి.ఎం.ఆర్.ఎఫ్ చెక్కులను పంపిణీ చేశారు.ఈ సందర్భంగా ఆయన మాట్లాడుతూ భారతదేశంలో సిఎం ఆర్ ఎఫ్ పధకం ద్వారా పేదల ఆరోగ్యానికి అత్యదిక ప్రాధాన్యత ఇస్తున్న ప్రభుత్వం తెలంగాణ ప్రభుత్వం అని స్పష్టం చేశారు. ముఖ్యమంత్రి రేవంత్ రెడ్డి రాష్ట్రంలో వైద్యం, విద్యకు ప్రభుత్వం పెద్దపీట వేస్తోందని అన్నారు. కాంగ్రెస్ ప్రభుత్వం సూర్యాపేట నియోజకవర్గంలో 55 మంది లబ్ధిదారులకు ఇప్పటివరకు 24,70,500 సీఎం రిలీఫ్ ఫండ్ నిధులను ఇచ్చిందని కానీ పది సంవత్సరాలలో బిఆర్ఎస్ ప్రభుత్వం ఇవ్వలేదని విమర్శించారు.సిఎంఆర్ఎఫ్ పథకం అనారోగ్యంతో బాధపడుతున్న వారు చికిత్స కోసం తమను సంప్రదిస్తే ఈ పథకం ద్వారా సహాయం చేస్తామని చెప్పారు. ఈ కార్యక్రమంలో కాంగ్రెస్ నాయకులు పాల్గొన్నారు.

The post సీఎం సహాయనిధి నిరుపేదలకు వరం appeared first on VEDHA NEWS.

– కేయూ విద్యా సంఘాల ఐక్యకాచరణ కమిటీ

వేద న్యూస్, హన్మకొండ :

కాకతీయ యూనివర్సిటీలో విద్యార్థి సంఘాల ఆధ్వర్యంలో ఇంటిగ్రేటెడ్ పాఠశాలను స్వాగతిస్తున్నామని కాకతీయ యూనివర్సిటీ వీ.సి వైస్ చాన్సర్ కి వినతి పత్రం ఇవ్వడం జరిగింది. ఈ సందర్భంగా విద్యార్థి సంఘాల నాయకులు మాట్లాడుతూ పేద విద్యార్థుల భవిష్యత్తు కోసం అంతర్జాతీయ ప్రమాణాలతో తీసుకొస్తున్న ఇంటిగ్రేటెడ్ పాఠశాలను అడ్డుకుంటే ఊరుకునేది లేదన్నారు. బీఆర్ఎస్వీ విద్యార్థి సంఘం పేద విద్యార్థుల భవిష్యత్తు ను పక్కనపెట్టి ఇంటిగ్రేటెడ్ స్కూల్ పై రాజకీయం చేసి అడ్డుకోవాలని చూస్తే ఊరుకునేది లేదన్నారు. యూనివర్సిటీలను నిర్వీర్యం చేసి యూనివర్సిటీ భూములను కబ్జాలు జరిగింది బిఆర్ఎస్ ప్రభుత్వం సమయంలోనే జరిగిందన్నారు. ప్రైవేట్ యూనివర్సిటీలు తీసుకొచ్చి ప్రభుత్వం యూనివర్సిటీలను నిర్వీర్యం చేసిన ఘనత బి ఆర్ఎస్ పార్టీది అన్నారు. ఇన్ని ఘనకార్యాలు చేసిన పార్టీ అనుబంధ విద్యార్థి సంఘానికి యూనివర్సిటీల గురించి మాట్లాడే నైతిక హక్కు లేదన్నారు. ఇప్పటికైనా వారి పద్ధతిని మార్చుకొని పేద విద్యార్థుల భవిష్యత్ కోసం అంతర్జాతీయ ప్రమాణాలతో తీసుకొస్తున్న ఇంటిగ్రేటెడ్ స్కూలు స్వాగతించాల్సిందిగా వారు కోరారు. తక్షణమే ఇంటిగ్రేటెడ్ పాఠశాలకు యూనివర్సిటీ అధికారులు స్థలం కేటాయించి పనులు ప్రారంభించాలని విద్యార్థి సంఘాల ఐక్యకారి చరణ కమిటీ తరఫున డిమాండ్ చేశారు. ఈ కార్యక్రమంలో విద్యార్థి సంఘాల నాయకులు సారయ్య, వంశీ కృష్ణ, మేడ రంజిత్ కుమార్, రాజునాయక్, కన్నం సునీల్, బొట్ల మనోహర్, కడపాక రాజేందర్, సాయి, కృష్ణ, బీసీ సంఘం కేతపాక ప్రసాద్, ప్రదీప్, రవి,అలువల కార్తీక్, రాకేష్, కృష్ణ, లోక్ నాయక్, సౌరం రాహుల్ వర్ధన్, నాగరాజు, కాంగ్రెస్ పార్టీ సీనియర్ నాయకులు డాక్టర్ తీగల ప్రేమ్ కుమార్, మరియు కాకతీయ యూనివర్సిటీ పరిశోధక విద్యార్థులు పీజీ విద్యార్థులు పాల్గొన్నారు.

The post ఇంటిగ్రేటెడ్ పాఠశాలను అడ్డుకోవాలని ఊరుకునేది లేదు appeared first on VEDHA NEWS.

•  మహిళలు ఆర్థిక స్థిరత్వం సాధించాలి
• జమ్మికుంట మున్సిపల్ వైస్ చైర్ పర్సన్ దేశిని స్వప్న

వేద న్యూస్, కరీంనగర్:
జమ్మికుంట పట్టణంలోని కొండూరి కాంప్లెక్స్ వద్ద ఇందిరా మహిళా శక్తి క్యాంటీన్ ను మెప్మా ప్రాజెక్ట్ డైరెక్టర్ స్వరూప రాణి జమ్మికుంట మున్సిపల్ వైస్ చైర్ పర్సన్ దేశిని స్వప్న కోటి, మహిళా సంఘం సభ్యులతో కలిసి శుక్రవారం ప్రారంభించారు. ఈ సందర్భంగా స్వరూప రాణి మాట్లాడుతూ రాష్ట్ర ప్రభుత్వ ఆదేశానుసారం కోటి మంది మహిళలను కోటీశ్వరలను చేయడంలో భాగంగా ఇందిరా మహిళా శక్తి క్యాంటీన్ ను ప్రారంభించినట్టు వెల్లడించారు.

జమ్మికుంట పట్టణ పరిధిలో ఈ క్యాంటీన్ ను మరింత ముందుకు తీసుకెళ్లాలని మహిళా సంఘం సభ్యులకు సూచించారు. బ్యాంకు నిధులతో పాటు స్త్రీ నిధి మహిళా సంఘ సభ్యుల సెల్ఫ్ కాంట్రిబ్యూషన్ తో క్యాంటీన్లు ఏర్పాటు చేసుకోవచ్చని తెలిపారు.

ప్రైమ్ ఏరియాలో హాస్పిటల్స్ కు సమీపాన ఉన్న ఇందిరా మహిళా శక్తి క్యాంటీన్ లో కస్టమర్లకు అన్ని రకాల సదుపాయాలతో.. నాణ్యత ప్రమాణాలు ఉన్న ఆహార పదార్థాలను అందించి మంచి పేరు సంపాదించాలని ఆకాంక్షించారు. మహిళా సంఘ సభ్యులకు గ్రూపుల వారీగా, వ్యక్తిగతంగా బ్యాంకర్ల సాయంతో నిధులను అందిస్తున్నట్టు వివరించారు.

వ్యక్తిగతంగా రూ.2.25 నుంచి రూ. 3.5 లక్షల వరకు, గ్రూపుల వారీగా రూ. 40 లక్షల వరకు ఫండ్స్ ను అందించనున్నట్టు స్పష్టం చేశారు. గ్రూప్ యాక్టివిటీస్ లో భాగంగా ఫుడ్ ప్రాసెసింగ్, ఈవెంట్ మేనేజ్ మెంట్ వంటి వాటిని ప్రోత్సహిస్తున్నట్టు పేర్కొన్నారు. జమ్మికుంట పట్టణంలో గ్రూప్ యాక్టివిటీస్- 9 , వ్యక్తిగతంగా ప్రోత్సాహం-15 టార్గెట్ ను నిర్దేశించుకున్నట్టు చెప్పారు. మహిళా స్వయం సహాయక సంఘాలను మరింత బలోపేతం చేయడంలో భాగంగా రాష్ట్ర ప్రభుత్వం దృష్టి సారించినట్టు వెల్లడించారు.

జమ్మికుంట మున్సిపల్ వైస్ చైర్ పర్సన్ దేశిని స్వప్న కోటి మాట్లాడుతూ రేవంత్ రెడ్డి నాయకత్వంలోని రాష్ట్ర సర్కారు మహిళా సంఘాలను మరింత బలోపేతం చేయడానికి కృషి చేస్తున్నట్టు వెల్లడించారు. మహిళా సంఘాల సభ్యులు ఆర్థికంగా బలోపేతం కావడానికి రుణాలను అందిస్తున్నట్టు తెలిపారు. మహిళా సంఘాలు వీటిని సద్వినియోగం చేసుకోవాలని సూచించారు.

మహిళా సంఘాలు ఏర్పాటు చేసే ఈ క్యాంటీన్ల ద్వారా ఆర్థికంగా నిలదుకపోవడంతో పాటు మరి కొంతమందికి ఉపాధి ఇచ్చే స్థాయికి మహిళా సంఘాలు ఎదుగుతున్నాయని చెప్పారు. కార్యక్రమంలో మెప్మా జిల్లా కోఆర్డినేటర్ శ్రీవాణి, ఇన్ చార్జి టీఎంసీ మానస, డిపిఓ సతీష్ , కౌన్సిలర్ సాయిని రమ, జమ్మికుంట మున్సిపల్ మేనేజర్ రాజిరెడ్డి తదితరులు పాల్గొన్నారు.

The post జమ్మికుంట పట్టణంలోని కొండూరి కాంప్లెక్స్ వద్ద ఇందిరా మహిళా శక్తి క్యాంటీన్ ప్రారంభం appeared first on VEDHA NEWS.