వేద న్యూస్ ,కాసిపేట:

కాసిపేట మండలంలోని లంబాడి తండా(డీ) గ్రామ పంచాయతీ పరిధిలో గుడుంబా తయారీ, నిల్వ జరుగుతున్నట్టు వచ్చిన సమాచారం మేరకు గురువారం దేవాపూర్ పోలీసులు ఆకస్మిక తనిఖీలు నిర్వహించారు.
దేవాపూర్ ఎస్‌ ఐ గంగారాం తన సిబ్బందితో కలిసి తండాలో పలు చోట్ల గుడుంబా నిల్వ చేసిన స్థావరాలను గుర్తించి దాడులు చేపట్టారు పరిశీలనలో భారీగా నిల్వ ఉంచిన గుడుంబాను పోలీసులు స్వాధీనం చేసుకుని అక్కడికక్కడే ధ్వంసం చేశారు.
స్థానికంగా అక్రమ మద్యం తయారీ, విక్రయం వల్ల సామాజిక సమస్యలు తీవ్రంగా పెరుగుతున్నాయని గుర్తించిన పోలీసులు, ఇలాంటి అక్రమ కార్యకలాపాలపై కఠిన చర్యలు కొనసాగుతాయని ఎస్‌ ఐ గంగారాం హెచ్చరించారు. గ్రామ ప్రజలు కూడా అక్రమ గుడుంబా తయారీ, రవాణా గురించి పోలీసులకు సమాచారం ఇవ్వాలని ఆయన కోరారు.

The post గుడుంబా స్థావరాలపై పోలీసుల దాడులు appeared first on VEDHA NEWS.

– సైబర్ నేరాల నివారణపై పోలీస్ శాఖ కృషి

– వేములపల్లి ఎస్సై డి వెంకటేశ్వర్లు

వేద న్యూస్,నల్లగొండ ప్రత్యేక ప్రతినిధి :

వేములపల్లి మండల వ్యాప్తంగా ప్రజల్లో సైబర్ నేరాలపై అవగాహన పెంచేందుకు తెలంగాణ సైబర్ సెక్యూరిటీ బ్యూరో ఆధ్వర్యంలో, “ప్రాడ్ కా ఫుల్ స్టాప్” పేరుతో 42 రోజుల పాటు ప్రత్యేక కార్యక్రమాలు నిర్వహించుచున్నట్లు వేములపల్లి ఎస్సై డి వెంకటేశ్వర్లు తెలిపారు. బుధవారం వేములపల్లి మండల పరిధిలోని ఆమనగల్లు గ్రామంలో సైబర్ నేరాల పట్ల ప్రజలకు అవగాహన కల్పించారు.ఈ సందర్భంగా ఆయన మాట్లాడుతూ ఈ కార్యక్రమం డిసెంబర్ 2 నుండి జనవరి 12 వరకు ప్రతివారం ఒక్క ప్రత్యేక థీమ్‌తో అవగాహన కార్యక్రమాల రూపంలో చేపట్టబడుతుందని పేర్కొన్నారు.“ప్రాడ్ కా ఫుల్ స్టాప్” పోస్టర్‌ను విడుదల చేశారు.దేశవ్యాప్తంగా ప్రతీ రోజూ సుమారు రూ.2 వేల కోట్లు సైబర్ మోసాల ద్వారా నష్టం జరుగుతోందని అన్నారు. దీనిని నివారించగల మార్గం ప్రజల్లో అవగాహన పెంపుదలేనని చెప్పారు. చదువుకున్న యువత సైబర్ నేరాలపై అవగాహన పెంచుకుంటే తమ కుటుంబ సభ్యులకు, పరిసరాల్లోని ప్రజలకు కూడా తెలియజేసే అవకాశం ఉంటుందని పేర్కొన్నారు. అలాగే సైబర్ నేరగాళ్లు అనుమానాస్పద లింకులు, ఫైళ్ళు పంపిస్తే క్లిక్ చేయవద్దని సూచించారు.ఎవరైనా సైబర్ మోసాలకు గురైతే వెంటనే 1930 కు కాల్ చేసి సమాచారం ఇవ్వాలని (www.cybercrime.gov.in) లో ఫిర్యాదు చేస్తే పోలీస్ స్టేషన్ తక్షణ చర్య తీసుకుంటుందని తెలిపారు.ఈ కార్యక్రమంలో ఆమనగల్లు పంచాయతీ కార్యదర్శి జానీ, కానిస్టేబుల్ కిషన్,రామ నరసయ్య,తదితరులు పాల్గొన్నారు.

The post ప్రాడ్ కా ఫుల్ స్టాప్” కార్యక్రమం ద్వారా సైబర్ నేరాల పట్ల అవగాహన appeared first on VEDHA NEWS.

వేద న్యూస్, వరంగల్ క్రైమ్:

సైబరాబాద్ కమిషనరేట్ పరిధిలోని మేడ్చల్ ట్రాఫిక్ డీసీపీగా పనిచేస్తున్న గుణశేఖర్ ప్రభుత్వ ఉత్తర్వుల మేరకు బదిలీపై సోమవారం వరంగల్ పోలీస్ కమిషనరేట్ క్రైమ్స్ నూతన డీసీపీగా బాధ్యతలు స్వీకరించారు. ఈ సందర్బంగా నూతన డీసీపీని అధికారులు, సిబ్బంది మర్యాదపూర్వకంగా కలుసుకొని పుష్పాగుచ్చాలను అందజేసి అభినందనలు తెలియజేసారు.

The post క్రైమ్స్ డీసీపీ గా బాధ్యతలు చేపట్టిన గుణశేఖర్ appeared first on VEDHA NEWS.