వేద న్యూస్, నాగర్  కర్నూల్ :

నాగర్‌కర్నూల్ జిల్లా కొల్లాపూర్ మండలం అండ్ రేంజ్ ముక్డికిగుండం గ్రామ పరిసర ప్రాంతంలో  అమ్రాబాద్  ఫారెస్ట్ భూమిని కొందరు ఆక్రమిస్తుండగా, అటవీ శాఖ సిబ్బంది అడ్డుకోగా సదరు సిబ్బందిపై దాడి జరిగిన నేపథ్యంలో అటవీ శాఖ సీరియస్‌గా సమాధానం చెప్పింది. 

ఒక ఉద్యోగిపై దాడికి నిరసనగా వందమందికి పైగా అటవీశాఖ సిబ్బంది గురువారం కవాతు నిర్వహించి మొక్కలు నాటారు. అక్రమార్కులకు ఆట కట్టడికి తగ్గేదేలే అనే సంకేతాన్ని పంపింది. 

ఫారెస్ట్ డిపార్ట్ మెంట్ సిబ్బందిపై దాడి చేసిన వారిపై చర్యలు తీసుకోవాలని పోలీస్ స్టేషన్ లో కంప్లయింట్ చేయగా, స్పందన సరిగా రాలేదు. తూతూ మంత్రంగా పోలీసుల వ్యవహారం ఉండటంతో..అటవీ శాఖ వారు 150 మందికిపై ఫోర్స్  తో వచ్చి.. సదరు గ్రామంలోనే కవాతు చేయడం తో అక్రమార్కుల గుండెల్లో రైళ్లు పరిగెత్తేలా చేశారు. 

డీఎఫ్‌ఓ రోహిత్ గోపిడి ధైర్యసాహసాలతో అక్కడికి సిబ్బందితో కలిసి వెళ్లి 50 ఎకరాలకు పైగా భూమిని తిరిగి స్వాధీనం చేసుకున్నారు. గతంలో ఆక్రమణ జరిగిన ఫారెస్ట్ భూమిని కూడా తిరిగి స్వాధీనపరచుకున్నారు.  300 ఎకరాల అటవీ శాఖ భూమిని రికవరీ చేయుటకు ప్రణాళిక సిద్ధం చేశారు.  

50 ఎకరాలకు పైగా అటవీ భూమి తిరిగి స్వాధీనం.. డీఎఫ్‌వో‌కు సెల్యూట్

The post అక్రమార్కుల ఆటకట్టు..అటవీ సిబ్బంది ఒక్కరిపై దాడి..150 మందితో అక్కడే కవాతు(వీడియో) appeared first on VEDHA NEWS.

 వేద న్యూస్, నాగర్‌కర్నూల్:

నాగర్‌కర్నూల్ జిల్లా కొల్లాపూర్ మండలం అండ్ రేంజ్ ముక్డికిగుండం గ్రామ పరిసర ప్రాంతంలో ఫారెస్ట్ భూమిని కొందరు ఆక్రమిస్తుండగా, అటవీ శాఖ సిబ్బంది అడ్డుకోగా వారిపై దాడి జరిగిన సంగతి తెలిసిందే. కాగా, బుధవారం అక్కడికి డీఎఫ్‌వో వెళ్లారు.

ఫారెస్ట్ సిబ్బందిపై దాడి చేసి ఆక్రమించిన అటవీ భూములలోకి నాగర్‌కర్నూల్ డీఎఫ్‌ఓ రోహిత్ గోపిడి 100 మంది సిబ్బందితో అక్కడికి చేరుకొని.. 50 ఎకరాలకు పైగా భూమిని స్వాధీనపరచుకున్నారు. ఆ ల్యాండ్‌లో మొక్కలు నాటి సీపీటీలు త్రవ్వించారు.

. గతంలో ఆక్రమణ జరిగిన ఫారెస్ట్ భూమిని కూడా తిరిగి స్వాధీనపరచుకున్నారు. డీఎఫ్‌వో ఇంకా 300 ఎకరాల అటవీ శాఖ భూమిని రికవరీ చేయుటకు ప్రణాళిక వేసినట్టు తెలుస్తోంది.

ఒక వారం పాటు ఇందుకు సంబంధించిన ప్రోగ్రామ్ ఏర్పాటు చేశారని సమాచారం. ఇక ల్యాండ్‌లో మొక్కల కోసం ప్రత్యేకంగా ఒక నీటి ట్యాంకర్ ను ఏర్పాటు చేయడంతో పాటు ప్రత్యేక సిబ్బందిని రాత్రి, పగలు ఉండేలా ఏర్పాటు చేశారు.

The post 50 ఎకరాలకు పైగా అటవీ భూమి తిరిగి స్వాధీనం.. డీఎఫ్‌వో‌కు సెల్యూట్ appeared first on VEDHA NEWS.