వేద న్యూస్, జమ్మికుంట:

మానవుడి శరీరంలో అత్యంత కీలకమైన అవయవాల్లో కిడ్నీలు కీలకం. కాగా, కిడ్నీల విషయంలో నిర్లక్ష్యం చేయకూడదని నిపుణులు సూచిస్తున్నారు. ఈ నేపథ్యంలో కిడ్నీల రక్షణకు తీసుకోవాల్సిన జాగ్రత్తలను సంజీవని మల్టీ స్పెషాలిటీ ఆస్పత్రి వైద్యుడు, ఐఎంఏ హుజూరాబాద్ జమ్మికుంట శాఖ ప్రధాన కార్యదర్శి, ప్రముఖ డాక్టర్ ఊడుగుల సురేశ్ వివరించారు. అవేంటో తెలుసుకుందాం. 

చాలా వరకు కిడ్నీ రోగాలు చాలా ప్రమాదకరమైనవి.. వాటిని సరైన సమయములో చికిత్స చేయకపోతే, ఆ చికిత్స ప్రభావం కనపడదు. క్రానిక్ కిడ్నీ ఫెయిల్యూర్ లాంటి నయమవ్వలేని రోగములు, వాటి అంతిమ చరనములో చేసే ఉపచారము, డయాలసిస్, కిడ్నీ ట్రాన్స్ ప్లాన్ట్ చాలా ఖర్చుతో కూడిన విషయము. ఈ సౌకర్యాలు అన్ని చోట్ల లభించవు. అందుచేత “ప్రివెన్షన్ ఈజ్ బెటర్ దెన్ క్యూర్” అనే దాని ప్రకారం.. కిడ్నీలు పాడవకుంటే రక్షించుకునే జ్ఞానము ప్రతి వ్యక్తికి ఉండవలసిన అవసరము ఎంతో ఉంది. 

ప్రతి రోజు 3 లీటర్ల కంటే ఎక్కువ నీళ్లు (10-12 గ్లాసులు) నీళ్లు తాగాలి (ఎవరికైతే శరీరములో వాపు ఉండదో అలాంటి వారికి మాత్రమే).

నియమిత పద్ధతిలో వ్యాయామం చేయడము, శరీరము బరువు హద్దులలో ఉంచడము.

40 ఏండ్ల వయస్సు తర్వాత ఆహారములో ఉప్పు పరిమాణము తగ్గించడము.

పొగ త్రాగడము, కిళ్లీ వేసుకోవడము, వక్కపొడి, సారా (శరాబ్) సేవించడము లాంటి అలవాట్లు మానివేయడము.

వైద్యుని సలహా లేకుండా అనవసరమైన మందులు తీసుకోకుండా ఉండటం ఉత్తమం.

The post కిడ్నీల ఆరోగ్యానికి ఈ సూచనలు పాటించండి: డాక్టర్ సురేశ్ appeared first on VEDHA NEWS.

•  ఉచిత వైద్య శిబిరానికి విశేష స్పందన
•  ప్రపంచ ఆరోగ్య దినోత్సవం సందర్భంగా..
•  300 మంది పై చిలుకు పేషెంట్స్‌కు వైద్య పరీక్షలు, మందుల పంపిణీ

వేద న్యూస్, జమ్మికుంట:
వ్యాపార దృక్పథంతో అందిన కాడికి డబ్బులు దండుకుంటున్న కొన్ని ఆస్పత్రుల నిర్వాకం గురించి ప్రత్యేకంగా చెప్పనక్కర్లేదు. ఇలాంటి తరుణంలో ‘వైద్యో నారాయణ హరి’ అన్న నానుడికి నిజమైన అర్థం చెప్పేందుకు తమ వంతు ప్రయత్నం చేస్తున్నారు ‘సంజీవని’ మల్టీ స్పెషాలిటీ ఆస్పత్రి యాజమాన్య నిర్వహణలోని వైద్యులు. ఉచితంగా మెగా వైద్య శిబిరం నిర్వహించడమే కాకుండా ఉచితంగా మందులను అందజేస్తుండటం విశేషం.

జమ్మికుంట పట్టణంలోని సంజీవని మల్టీ స్పెషాలిటీ ఆస్పత్రి ఆధ్వర్యంలో ప్రపంచ ఆరోగ్య దినోత్సవం సందర్భంగా ఆదివారం ‘ఉచిత మెగా వైద్య శిబిరం’ నిర్వహించారు. సంజీవని ఆస్పత్రి వైద్యులు ఎం.ప్రణీత, ఎం.సురేశ్, యు.అనిత, యు.సురేశ్, కె.కిషోర్ ఆధ్వర్యంలో పేషెంట్స్‌కు ట్రీట్‌మెంట్ అందించారు. సిబ్బంది ఉచితంగా వైద్య పరీక్షలు నిర్వహించి మందులు పంపిణీ చేశారు. దాదాపు 300కు పైగా మంది ప్రజలు ఈ వైద్య శిబిరాన్ని సద్వినియోగం చేసుకున్నారు.

ఎండీ జనరల్ మెడిసిన్ ఊడుగుల సురేశ్ రోగులకు బీపీ, షుగర్ మొదలగు జబ్బులకు సంబంధించి తగు సలహాలు సూచనలు ఇవ్వడంతో పాటు జాగ్రత్తల గురించి వివరించారు. ఎండీ చెస్ట్ ఫిజీషియన్ కిశోర్ కుమార్ కామిశెట్టి ఊపిరితిత్తులకు సంబంధించి దగ్గు, దమ్ము, ఆయాసం, ఆస్తమా, గురక మొదలగు డిసీజెస్ గురించి పేషెంట్స్ కు పూర్తి అవగాహన కల్పించారు.

స్పైరో మీటర్ ద్వారా లంగ్స్ పని తీరు పరిశీలన..
మెగా క్యాంప్ లో సంజీవని ఆస్పత్రిలో స్పైరో మీటర్ ద్వారా రోగుల ఊపిరితిత్తుల పనితీరును పరిశీలించారు. ఆ రిపోర్టు ఆధారంగా లంగ్స్ పని చేసే తీరును తెలుసుకోవచ్చని డాక్టర్ కిశోర్ వెల్లడించారు.

స్మోకర్లు, ఇతర ఆపరేషన్ అయిన వాళ్ల లంగ్స్, శ్వాస కోస గొట్టాల పనితనం, ఊపిరితిత్తుల తాకత్ స్పైరో మీటర్ ద్వారా మాత్రమే అంచనా వేయొచ్చని డాక్టర్ కిశోర్ స్పష్టం చేశారు. ఆస్తమా, డస్ట్ ఇతర అలర్జీ ఉన్న వాళ్ల లంగ్స్ పనితీరు ఈ పరీక్ష ద్వారా స్పష్టంగా కనుగొనవచ్చని వివరించారు. పేషెంట్స్ క్యాంప్ లో ఈ మీటర్ ద్వారా తమ ఊపిరితిత్తుల పనితీరు పరీక్షించుకోగా..వైద్యులు ఆ రిపోర్టు ఆధారంగా మందులు అందజేశారు.

ఆర్థోపెడిక్ సర్జన్ ముషం సురేశ్ ఎముకలు, కీళ్లు, కండరాలు, నరాలకు సంబంధించిన డిసీజెస్ గురించి పేషెంట్స్ కు అవగాహన కల్పించడంతో పాటు తీసుకోవాల్సిన జాగ్రత్తల గురించి వివరించారు. క్యాంప్ లో పేషెంట్స్ కు అవసరమైన పరీక్షలకు రెఫర్ చేయడంతో పాటు అవసరమైన మెడిసిన్స్ డాక్టర్ సురేశ్ రాశారు.

ఇక వైద్యులు అనిత, ప్రణీత మహిళలకు సంబంధించిన అన్ని రకాల సమస్యలపైన అవేర్‌నెస్ కల్పించారు. రొమ్ముగడ్డలు, కంతులు, అపెండిక్స్, థైరాయిడ్, అర్శమొలలు మొదలగు వాటికి జనరల్ సర్జన్ అనిత ట్రీట్‌మెంట్ ఇచ్చారు. ఉచితంగా వైద్య పరీక్షలు నిర్వహించడంతో పాటు అవసరమైన మందులను అందజేశారు. గర్భిణులు, హై రిస్క్ ప్రెగ్నెన్సీ, ఇన్ ఫెర్టిలిటీ, గర్భసంచి తదితర సమస్యలపై డాక్టర్ ముషం ప్రణీత అవగాహన కల్పించారు.

ఆస్పత్రి మేనేజ్‌మెంట్ పడాల కిరణ్ గౌడ్ ఆధ్వర్యంలో నిర్వహించిన కార్యక్రమంలో ‘సంజీవని’ ఆస్పత్రి వైద్య సిబ్బంది, వైద్యులు అధిక సంఖ్యలో పేషెంట్స్ పాల్గొన్నారు.

The post జమ్మికుంట ‘సంజీవని’ ఫ్రీ మెగా క్యాంప్ సక్సెస్ appeared first on VEDHA NEWS.