వేద న్యూస్, హుజూరాబాద్ ప్రతినిధి:

ప్రత్యేక తెలంగాణ రాష్ట్రం ఏర్పడిన తర్వాత టీఆర్ఎస్ పవర్‌లోకి రాగా, తొలి ఆర్థిక శాఖ మంత్రిగా పని చేసిన ఈటల రాజేందర్.. అప్పటి సీఎం కేసీఆర్.. రాష్ట్రాన్ని ఆర్థికంగా దివాలా తీయిస్తుంటే.. ఏ రోజు ఎదురుచెప్పలేదని వీణవంక మండల కాంగ్రెస్ మాజీ అధ్యక్షుడు ఎండీ సాహెబ్ హుస్సేన్, నేతలు విమర్శించారు. నాడు కేసీఆర్‌కు ఏరోజు ఎదురుచెప్పని ఈటల రాజేందర్.. ఈరోజు రాష్ట్ర పరిస్థితి గురించి మాట్లాడటం విడ్డూరంగా ఉందన్నారు. 

శుక్రవారం వారు మీడియాతో మాట్లాడారు. సీఎం రేవంత్, మంత్రివర్గంపై మల్కాజిగిరి ఎంపీ ఈటల అనుచిత వ్యాఖ్యలు చేయడంపై ఆగ్రహం వ్యక్తం చేశారు. రాష్ట్రంలో నేటి ఆర్థిక దుస్థితికి కారకుడైన వ్యక్తి తొలి ఆర్థిక శాఖ మంత్రి ఈటల రాజేందర్ అని ఆరోపించారు.  కార్యక్రమంలో నాయకులు ఎండీ సాహెబ్ హుస్సేన్, గంగాడి రాజిరెడ్డి, కర్ర తిరుపతి రెడ్డీ, చదువు జైపాల్ రెడ్డీ, ఈదునూరి పైడి కుమార్, మ్యాక వీరయ్య, మసాడి చొక్కా రావు, సమ్మిరెడ్డి, మల్లయ్య తదితరులు పాల్గొన్నారు. 

అప్రమత్తతే మేలు..  ఎండలతో తస్మాత్ జాగ్రత్త!: డాక్టర్ ఊడుగుల సురేశ్

The post రాష్ట్రం ఆర్థిక దివాలాకు ఈటల రాజేందరే కారణం: కాంగ్రెస్ నేతలు appeared first on VEDHA NEWS.

వేద న్యూస్, జమ్మికుంట:

గత ప్రభుత్వం నిర్మించిన ‘డబుల్’ ఇండ్లను పంపిణీ చేసేందుకు ప్రస్తుతం సర్కారు ముందుకు రావాలని, ఈ విషయమై స్థానిక ఎమ్మెల్యే చొరవ తీసుకోవాలని జమ్మికుంట మాజీ జడ్పీటీసీ డాక్టర్  శ్రీరామ్ శ్యామ్  కోరారు.  ఈ మేరకు ఆయన ఆదివారం ఒక పత్రికా ప్రకటన విడుదల చేశారు.

హుజురాబాద్ నియోజకవర్గంలో మాజీ మంత్రి ఈటల రాజేందర్  వందల సంఖ్యలో ‘డబుల్’ ఇండ్లు నిర్మించారని, కానీ, ఇప్పటివరకు  వాటిని నిరుపేదలకు పంచలేదని, దాంతో  అనేక మంది నిరుపేదలు కిరాయి ఇళ్లల్లో జీవనం కొనసాగిస్తున్నారని వివరించారు.

జమ్మికుంట పట్టణంలో ధర్మారం, కొత్త మార్కెట్ వద్ద వందల కొద్ది డబుల్ బెడ్ రూమ్ ఇండ్లు నిర్మించారని వాటిని పంపిణీ చేయకపోవడం వల్ల అవి అసాంఘిక కార్యకలాపాలకు అడ్డాగా మారాయని ఆవేదన వ్యక్తం చేశారు.  ప్రస్తుత సర్కారు అయినా వాటిని పంపిణీ చేయాలని, అందుకు స్థానిక ఎమ్మెల్యే చొరవ తీసుకోవాలన్నారు.  జమ్మికుంట పట్టణ, మండల అధికారుల ఆధ్వర్యంలో నిరుపేద కుటుంబాల నుండి దరఖాస్తులు తీసుకున్నప్పటి కూడా వాటికి మోక్షం లభించలేదని చెప్పారు. 

The post ‘డబుల్’ ఇండ్లు పంపిణీ చేయాలి appeared first on VEDHA NEWS.