• పూర్తి నివేదిక కలెక్టర్ కు సమర్పిస్తాం
• వెల్లడించిన  అధికారులు

వేద న్యూస్, టేక్మాల్:

‘వేద న్యూస్’ తెలుగు దినపత్రిక ప్రచురించిన కథనానికి స్పందన వచ్చింది. ఈ నెల 23న ‘వేద న్యూస్’ తెలుగు దినపత్రిక ప్రధాన సంచికలో ‘అంగన్ వాడీ సరుకులు అంగడిపాలు!’ శీర్షికన కథనం ప్రచురితమయింది. మెదక్ జిల్లా ఆందోల్ నియోజకవర్గం టేక్మాల్ మండల పరిధిలోని కాద్లూర్ గ్రామంలోని అంగన్ వాడీ  కేంద్రం టీచర్ సరుకులను మార్కెట్‌కు ఆటోలో సొమ్ము చేసుకుంటున్నారని స్థానికులు ఆరోపిస్తున్నారని కథనంలో వెల్లడించారు. చిన్నారులు, గర్భిణులకు అందాల్సిన నిత్యావసర సరుకులు పక్కదారి పడుతుండటంపై స్థానికులు ఆగ్రహం వ్యక్తం చేస్తున్న సంగతిని విశదీకరించారు. 

ఈ వార్తకు గ్రేడ్ వన్ సూపర్ వై జర్ నాగమణి, పిడి పద్మావతి స్పందించి విచారణ చేపట్టారు. పిల్లలు, గర్భిణులకు ఇచ్చే గుడ్లు ఇతర నిత్యావసరాలను ఇతరులకు సంబంధించిన రికార్డులను సోమవారం పరిశీలించారు.

రికార్డులు పరిశీలించిన అధికారులు సరుకులకు సంబంధించిన వివరాలను, టీచర్, ఆయా ల వచ్చిన ఆరోపణలు పరిశీలించి పూర్తి నివేదికను కలెక్టర్‌కు  సమర్పిస్తామని వారు తెలిపారు.

The post ‘వేద న్యూస్’ ఎఫెక్ట్.. అంగన్‌వాడీ రికార్డుల పరిశీలన.. సరుకులు అంగడిపాలు చేయడంపై విచారణ appeared first on VEDHA NEWS.

•  జమ్మికుంట ప్రభుత్వ ఆసుపత్రి సూపరిండెంట్ డాక్టర్ శ్రీకాంత్ రెడ్డి

వేద న్యూస్ , జమ్మికుంట:

జమ్మికుంట ప్రభుత్వ ఆసుపత్రి లో సోమవారం ఏర్పాటు చేసిన మీడియా సమావేశంలో ఆస్పత్రి సూపరింటెండెంట్ డాక్టర్ శ్రీకాంత్ రెడ్డి మాట్లాడారు. ఆదివారం మున్సిపల్ పరిధిలోని గణేష్ నగర్ కు చెందిన హరీష్ కావ్య దంపతులు గతంలో ప్రభుత్వ ఆసుపత్రిలో వైద్యం చేయించుకోగా, వారికి మల్టీ విటమిన్ టాబ్లెట్స్ గైనకాలజిస్ట్ సూచన మేరకు ఫార్మసిస్టు వారికి ఇవ్వ,గా అవి కాలం చెల్లిన టాబ్లెట్లుగా హరీష్ గుర్తించి ఆదివారం ఆసుపత్రి ప్రాంగణముకి వచ్చి సిబ్బందికి తెలిపారని, ఇలాంటి టాబ్లెట్స్ ఇవ్వడం వల్ల రోగి ప్రాణాలకు అలాగే ఆమె కడుపులో ఉన్న పాప ప్రాణాలకు అపాయం జరిగితే ఎవరూ బాధ్యులని నిలదీసినట్లు తెలిపారు.

ఆదివారం జరిగిన ఈ ఘటనలో తాను అందుబాటులో లేనని, చొప్పదండిలో నిర్వహిస్తున్న మెగా వైద్య శిబిరంలో పాల్గొన్నానని వెల్లడించారు. దీనిపై సోమవారం ఆస్పత్రిలో మీడియా సమావేశం ఏర్పాటు చేసి వారి సమక్షంలోనే బాధితులను ఫార్మసిస్టులను పిలిపించి, ఇరువర్గాల వాదనలు విన్న తర్వాత ఈ టాబ్లెట్స్ జమ్మికుంట ప్రభుత్వ ఆస్పత్రి లో లేవని, ఈ బ్యాచ్ కి సంబంధించిన టాబ్లెట్స్ మా దగ్గర లేవని స్పష్టం చేశారు. అయినప్పటికీ బాధితులు ఆస్పత్రి సిబ్బంది ఇచ్చారని చెప్పగా, లిఖితపూర్వకంగా ఫిర్యాదు చేస్తే శాఖపరమైన విచారణ జరిపి బాధ్యులపై చర్యలు తీసుకుంటామని పేర్కొన్నారు.

రోగులను కాపాడాల్సిన బాధ్యత ఆసుపత్రి డాక్టర్లతో పాటు సిబ్బంది కి కూడా ఉండాలని, రోగుల పట్ల మర్యాదగా ప్రవర్తించాలని ఆయన సిబ్బందికి సూచించారు.

ఇక్కడ జరిగిన విషయాన్ని ఉన్నత అధికారుల దృష్టికి తీసుకువెళ్లి విచారణ జరిపించి, ఒకవేళ పొరపాటు జరిగితే ఖచ్చితంగా సిబ్బందిపై చర్యలు తీసుకుంటామని, ఇకపై ఇలాంటి ఘటనలు పునరావృతం కాకుండా పటిష్టమైన చర్యలు తీసుకుంటామని శ్రీకాంత్ రెడ్డి తెలిపారు.

నాకు జరిగిన అన్యాయం మరొకరికి జరగకూడదు..:బాధితుడు తాళ్లపల్లి గణేష్

మెరుగైన వైద్యం కోసం జమ్మికుంట ప్రభుత్వ ఆసుపత్రికి వస్తే కాలం చెల్లిన మందులు ఇవ్వడంతో తన భార్య అస్వస్థతకు గురైందని, దీనిపై ఆసుపత్రి సూపర్డెంట్ కు ఫిర్యాదు చేయగా విచారణ చేసి న్యాయం చేస్తానని తెలిపారని గణేష్ పేర్కొన్నారు.

తనకు జరిగిన అన్యాయం మరొకరికి జరగకూడదని, ఈ రోజుల్లో ఎంతో మంది దంపతులు పిల్లలు లేక తల్లడిల్లి పోతున్నారని అలాంటిది గర్భిణులు ఆసుపత్రికి వస్తే.. ఇలా కాలం చెల్లిన మందులు ఇవ్వడం వల్ల కుటుంబాలు నష్టపోతాయని ఇలాంటి ఘటనలు పునరావృతం కాకుండా అధికారులు చర్యలు తీసుకోవాలని కోరారు. ఉన్నత అధికారుల దృష్టికి ఈ సమస్యను తీసుకెళ్తానని గణేష్ పేర్కొన్నారు.

The post మెరుగైన వైద్య సేవలందించడమే లక్ష్యం appeared first on VEDHA NEWS.

•  డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ నుంచి..
•  నివేదిక సైతం పంపాలని హనుమకొండ డీ ఎం.హెచ్ వో కు సూచన

వేద న్యూస్, వరంగల్:

బంధన్ హాస్పిటల్ లో తనకు జరిగిన అన్యాయంపై బాధితుడులింగబత్తిని కృష్ణ ఇచ్చిన ఫిర్యాదు మేరకు బంధన్ హాస్పిటల్ యాజమాన్యం, డాక్టర్ నలిని కృష్ణపై విచారణ జరిపి.. తగు చర్యలు తీసుకోవాలని హనుమకొండ డిఎంఅండ్ హెచ్ వో ను డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ డైరెక్టర్ ఆదేశించారు.

టీ జీ సీ ఈ యాక్ట్(చట్టం) ప్రకారం ఫిర్యాదుదారుకు సైతం సమాచారం అందించి.. సదరు ఆసుపత్రి పై విచారణ అనంతరం తీసుకున్న చర్యలపై నివేదికను డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ ఆఫీసుకు పంపించాలని అడిషనల్ డైరెక్టర్ (ప్లానింగ్) డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ పేర్కొన్నారు.

The post ‘బంధన్’పై విచారణ, చర్యలకు ఆదేశాలు.. ఎవరిచ్చారో తెలుసా? appeared first on VEDHA NEWS.

హనుమకొండ జిల్లా దామెర మండల కేంద్రానికి చెందిన గొర్ల కాపరి సంపత్ .. రోజు మాదిరిగానే గొర్రెలను మేతకు తీసుకెళ్లారు. ఆదివారం శ్రీ హర్ష స్కూల్ పరిసర ప్రాంతాల్లో గొర్రెలను కాస్తున్న సమయంలో.. గుర్తు తెలియని వ్యక్తులు ముగ్గురు వచ్చి ఒక గొర్రెను అపహరించి ఆటోలో తీసుకొని వెళ్లారు. వారిని సంపత్ వెంబడించగా తప్పించుకొని పారిపోయారు. ఈ మేరకు సంపత్ దామెర పోలీస్ స్టేషన్ లో ఫిర్యాదు చేయగా ఎస్సై అశోక్ కేసు నమోదు చేసి దర్యాప్తు చేస్తున్నారు.

 .

The post గొర్రెను అపహరించిన గుర్తుతెలియని వ్యక్తులు appeared first on VEDHA NEWS.