• ఏటునాగారం వైల్డ్ లైఫ్ శాంక్చువరీ లో 80 రకాలకు పైగా బట్టర్ ఫ్లై స్

వేద న్యూస్, వరంగల్:

ఓరుగల్లు వైర్లెస్ సొసైటీ, ములుగు అటవీ శాఖ ఆధ్వర్యంలో తెలంగాణలో ప్రథమంగా ప్రతిష్టాత్మకంగా చేపట్టిన సీతాకోకచిలుకల సర్వే విశేష స్పందన లభించింది. తెలంగాణలో 150 కి పైగా సీతాకోక చిలుకల జాతులు ఉండగా … ఏటునాగారం వైల్డ్ లైఫ్ శాంక్చువరీ లో 80 రకాలకు పైగా సీతాకోక చిలుకల జాతులను గుర్తించడం జరిగింది. ఈ సర్వేలో దేశంలోని వివిధ రాష్ట్రాల నుండి దాదాపు 60 మందికి పైగా పరిశోధకులు చిత్ర చాయాగ్రహకులు పర్యావరణవేత్తలు పాల్గొన్నారు.

 

కార్యక్రమంలో నాలుగో రోజు (ఆదివారం) ములుగు జిల్లా అటవీశాఖ కార్యాలయంలో నిర్వహించిన ముగింపు ఉత్సవాలలో సీతాకోక చిలుకల సర్వేలో పాల్గొన్న ప్రతి ఒక్కరికి ప్రశంసా పత్రము అందించారు.

పర్యావరణ సమతుల్యతలో కీలకపాత్ర పోషిస్తున్న సీతాకోక చిలుకల మనుగడకు పర్యావరణవేత్తలు స్వచ్ఛంద సంస్థలు ముందుకు వచ్చి ఇలాంటి సర్వేలు నిర్వహించి, వాటి మనుగడకు దోహదపడాలని జిల్లా అటవీశాఖ అధికారి రాహుల్ కిషన్ జాదవ్ తెలిపారు.

కార్యక్రమంలో ఓరుగల్లు వైల్డ్ లైఫ్ సొసైటీ అధ్యక్షులు ఇందారం నాగేశ్వరరావు, కార్యదర్శి చెలుకూరి శ్యాంసుందర్, జాయింట్ సెక్రెటరీ రవి బాబు, ఫారెస్ట్ రేంజ్ ఆఫీసర్లు, సెక్షన్ ఆఫీసర్లు, బీట్ ఆఫీసర్లు , వివిధ స్వచ్ఛంద సంస్థల వారు పాల్గొన్నారు.

దట్టమైన అడవిలో బట్టర్ ఫ్లై, మాత్‌ల సెర్చింగ్

The post అభయారణ్యంలో సీతాకొకచిలుకల సర్వేకు విశేష స్పందన appeared first on VEDHA NEWS.

•  145 రకాల సీతాకొకచిలుకలు, చిమ్మట్ల గుర్తింపు!

వేద న్యూస్, వరంగల్:

తెలంగాణలో తొలిసారి బట్టర్ ఫ్లై, మాత్‌‌ల సర్వేను చేపట్టారు. అటవీశాఖ అధికారులతో కలిసి దట్ట మైన అటవీ ప్రాంతంలో ఉదయం, సాయంత్ర వేళల్లో వాటి సంచారాన్నిపర్యావరణ నిపుణులు పరిశీలించారు. బట్టర్ ఫ్లై, మాత్ సర్వే-2025 లో భాగంగా అభయారణ్యం, తాడ్వాయి, గోవిందరావు పేట, ఏటూరునాగారం మండలాల్లో ఈ కార్యక్రమం కొనసాగుతోంది.

 

పర్యావరణవేత్తలు, వాలంటీర్లు బృందాలుగా ఏర్పడి మేడారం, జలగ లంచ, లక్నవరం, పికాక్ గుట్ట, చింతలమోరీతో పాటు మరో ఎనిమిది ప్రాంతాల్లో సభ్యులు కాలినడక తిరిగి సీతాకోక చిలుకలను కెమెరాల్లో బంధించారు.

మొత్తం 145 రకాల సీతాకోక చిలుకలను, మాత్‌లను గుర్తించినట్లు తెలుస్తున్నది.

డీఎస్ఓ రాహుల్ కిషన్ జాదవ్ ఆధ్వర్యంలో శాస్త్రవేత్త చిత్ర శంకర్, స్వచ్ఛంద సంస్థల ప్రతినిధులు నాగేశ్వరరావు, శ్యాం సుందర్, రవిబాబు, పలు రాష్ట్రాలకు చెందిన 35 మంది నిపుణులు మొత్తం 53 మంది సర్వేలో పాల్గొన్నారు.

6 నుంచి 9 వరకు ‘బట్టర్‌ఫ్లై’, మోత్ సర్వే

The post దట్టమైన అడవిలో బట్టర్ ఫ్లై, మాత్‌ల సెర్చింగ్ appeared first on VEDHA NEWS.

•  ఏటూరునాగారం వైల్డ్ లైఫ్ సాంక్చువరీలో..
•  ఔల్స్, డబ్ల్యూడబ్ల్యూఎఫ్, బీసీఎస్, మోత్ సొసైటీ ఆఫ్ తెలంగాణ ఆధ్వర్యంలో..

వేద న్యూస్, వరంగల్:

ఈ నెల 6 నుంచి 9 వరకు ఏటూరునాగారం వన్యప్రాణుల అభయారణ్యంలో బట్టర్ ఫ్లై(సీతాకోకచిలుక), మోత్  లపై సర్వే నిర్వహించనున్నట్టు ఔల్స్ వారు సోమవారం ఓ ప్రకటనలో తెలిపారు.

ఔల్స్, డబ్ల్యూడబ్ల్యూఎఫ్, బీసీఎస్, మోత్ సొసైటీ ఆఫ్ తెలంగాణ ఆధ్వర్యంలో ఈ సర్వే చేపట్టనున్నట్టు పేర్కొన్నారు. 6వ తేదీ(గురువారం) డీఎఫ్‌వో ఆఫీసు ములుగు వద్ద ఓరియెంటేషన్ ఉంటుందని, 7,8,9 తేదీల్లో సర్వే ఉంటుందని వెల్లడించారు.

అనుభవజ్ఞులైన సర్వేయర్లకు ప్రాధాన్యత ఉంటుందని, 10 శాతం సీట్లు ఫస్ట్ టైమ్ సర్వేయర్లకు రిజర్వ్ చేసినట్టు స్పష్టం చేశారు.

ఈ సర్వేకు సంబంధించిన మరిన్ని పూర్తి వివరాలను ఇందారం నాగేశ్వరరావు 9985549900, కృష్ణవేణి 7382619346 నంబర్లలలో సంప్రదించి తెలుసుకోవచ్చని సూచించారు

The post 6 నుంచి 9 వరకు ‘బట్టర్‌ఫ్లై’, మోత్ సర్వే appeared first on VEDHA NEWS.