వేదన్యూస్ – హైదరాబాద్

తెలంగాణ రాష్ట్ర రాజకీయాలనే కాకుండా యావత్ దేశ రాజకీయాలను సైతం కదిలించిన అంశం హెచ్ సీయూ భూవివాదం. ఎలాంటి అనుమతులు. ముందస్తు సమాచారం లేకుండా అటవీ ప్రాంతానికి.. యూనివర్సిటీకి చెందిన కంచ గచ్చిబౌలిలోని నాలుగు వందల ఎకరాలను ప్రభుత్వం ప్రైవేట్ వ్యక్తులకు కట్ట బెడుతుంది. మా భూములు మాక్కావాలని యూనివర్సిటీ విద్యార్థులు కడదాక పోరాడిన సంగతి తెల్సిందే.

చివరికీ సుప్రీం కోర్టు ఆదేశాలతో ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం దిగి వచ్చింది. అయితే ఈ భూములను ఐసీఐసీఐ బ్యాంకు తనఖా పెట్టారు. దీని ద్వారా పది వేల కోట్ల రూపాయలను అప్పుగా తీసుకున్నారు. అప్పు ఇచ్చే బ్యాంకు అసలు  ఆ నాలుగోందల ఎకరాలకు అసలు సిసలైన ఓనరు ఎవరూ..?. అసలు ధృవీకరణ పత్రాలు ఉన్నాయా.. ?. లేవా అని చూడలేదు.

కేవల బీజేపీకి చెందిన ఓ ఎంపీ మ్యానేజ్ చేయడం వల్ల యూనివర్సిటీ భూములను తనఖా పెట్టి పది వేల కోట్ల రూపాయలను అప్పుగా తీసుకున్నారు మాజీ మంత్రి.. బీఆర్ఎస్ వర్కింగ్ ప్రెసిడెంట్ కేటీఆర్ సంచలన వ్యాఖ్యలు చేశారు. అయితే ఆ బీజేపీ ఎంపీ ఆంధ్రప్రదేశ్ కు చెందిన వ్యక్తి. ఆ రాష్ట్ర ముఖ్యమంత్రి నారా చంద్రబాబు నాయుడుకి అత్యంత ఆప్తుడు. ఇటీవల మహబూబ్ నగర్ లో జరిగిన ఓ కార్యక్రమంలో సదరు ఎంపీ పాల్గోన్నారు అని తెలంగాణ రాజకీయ వర్గాల్లో చర్చ జరుగుతుంది. మరి ఆ ఎంపీ ఎవరూ మున్ముందు తెలియాలి మరి. ఈ వార్తల్లో ఎంతటి నిజముందో మున్ముందు తెలుస్తుంది.

The post HCU భూకుంభకోణంలో బీజేపీ ఎంపీ…! appeared first on VEDHA NEWS.

వేదన్యూస్ – హైదరాబాద్ 

కంచ గచ్చిబౌలి లోని భూములపై దేశ అత్యున్నత న్యాయ స్థానం సుప్రీం కోర్టు సంచలన తీర్పునిచ్చిన సంగతి తెల్సిందే. తెలంగాణ రాష్ట్ర హైకోర్టు రిజిస్ట్రార్ హెచ్ సీయూ భూములపై ఇచ్చిన మధ్యాంతర నివేదికను పరిశీలించిన సుప్రీంకోర్టు తదుపరి ఆదేశాలు వచ్చేవరకూ అక్కడ ఎలాంటి పనులు చేయద్దు.

చెట్లను మొక్కలను నరికే పని అసలు చేయద్దంటూ విచారణను ఈనెల పదహారు తారీఖుకు వాయిదా వేసిన సంగతి మనకు తెల్సిందే. ఈ క్రమంలో యూనివర్సిటీ భూముల్లో జేసీబీలు పనులు చేస్తుంటే వాటీ ముందు నెమళ్లు, జింకలు ఉన్న ఓ ఫోటో సోషల్ మీడియాలో తెగ వైరల్ అయింది. అయితే ఈ ఫోటో ఏఐ తో క్రియేట్ చేసిందని అధికార కాంగ్రెస్ పక్షం వాళ్లు వాదిస్తున్నారు.

కాదు అది నిజమైందే అని ప్రతిపక్షం వాళ్ళు సోషల్ మీడియా వేదికగా తెగ ఆర్గ్యూ చేసుకుంటున్నారు. ఈ క్రమంలో కాంగ్రెస్ పార్టీకి చెందిన నేత రోహాన్ రెడ్డి తన ట్విట్టర్ ఖాతాలో ఈ ఫోటో గురించి స్పందిస్తూ అత్యాద్భుతమైన ఈ ఫోటోను తీసిన ఫోటోగ్రాఫర్ ను పట్టిస్తే పది లక్షల రూపాయల రివార్డును అందిస్తాము అని ప్రకటించారు. ఈ పోస్టుపై నెటిజన్లు తమదైన శైలీలో స్పందిస్తున్నారు.

https://x.com/DrCRohinReddy/status/1907686784416301194/photo/1

The post HCU భూముల వివాదం- ఆ ఫోటో గ్రాఫర్ ను పట్టిస్తే 10లక్షలు..! appeared first on VEDHA NEWS.

వేదన్యూస్ – ఢిల్లీ

హైదరాబాద్ సెంట్రల్ యూనివర్సిటీ పరిధిలోని కంచ గచ్చిబౌలి భూములపై దేశ అత్యున్నత న్యాయ స్థానమైన సుప్రీం కోర్టు సంచలన తీర్పు ఇచ్చింది. కంచ గచ్చిబౌలి భూముల్లో ఇకపై ఎలాంటి చెట్లను నరకకూడదు. తదుపరి ఆదేశాలను జారీ చేసేవరకూ అక్కడ ఏ మొక్క.. ఏ చెట్టును కొట్టేయకూడదు.

ఎలాంటి పనులను చేపట్టకూడదని ఆదేశించింది. ఈ సందర్భంగా సుప్రీంకోర్టులో వటా అసోసియేషన్, హెచ్ సీయూ విద్యార్థులు వేసిన పిటిషన్ పై విచారించిన సుప్రీం కోర్టు ఈరోజు ఉదయం తెలంగాణ హైకోర్టు రిజిస్ట్రార్ ను కంచ గచ్చిబౌలి భూముల దగ్గరకు వెళ్లాలి. మూడున్నరకు అక్కడ పరిస్థితులపై నివేదిక ఇవ్వాలని ఆదేశించిన సంగతి తెల్సిందే. రిజిస్ట్రార్ అక్కడకెళ్లి ఆరా తీసి నివేదికను సుప్రీం కోర్టుకు సమర్పించారు.

నివేదికను పరిశీలించిన సుప్రీం కోర్టు పై విధంగా ఉత్తర్వులిచ్చింది. అంతేకాకుండా ఇది చాలా సున్నితమైన విషయం. ఇలాంటి విషయాల్లో ఇలాగానే స్పందించేది అని సీఎస్ పై తీవ్ర అగ్రహాం ను వ్యక్తం చేసింది. తదుపరి ఆదేశాలను జారీ చేసేవరకూ ఎలాంటి పనులైన చెపడితే తర్వాత చర్యలు చాలా కఠినంగా ఉంటాయని హెచ్చారించింది.

The post HCU భూములపై సుప్రీంకోర్టు సంచలన తీర్పు..! appeared first on VEDHA NEWS.

కంచ గచ్చిబౌలి భూముల వేలంను ఆపాలంటూ ప్రముఖ సినీ నటి రేణు దేశాయ్ తెలంగాణ రాష్ట్ర ప్రభుత్వాన్ని కోరారు. ఇప్పటికే హైదరాబాద్ సెంట్రల్ యూనివర్సిటీ విద్యార్థులు చేస్తున్న నిరసన కార్యక్రమాలకు.. ధర్నాలకు సినీ రాజకీయ పలు రంగాలకు చెందిన ప్రముఖులు బాసటగా నిలుస్తున్నారు. ప్రభుత్వం తలపెట్టిన హైదరాబాద్ యూనివర్సిటీ భూముల వేలాన్ని తక్షణమే ఆపేయాలంటూ హెచ్ సీయూ విద్యార్థుల పోరాటాలకు మద్ధతుగా తమ స్వరాన్ని విన్పిస్తున్నారు.

తాజాగా ప్రముఖ సినీ నటి రేణూ దేశాయ్ ఓ వీడియోను విడుదల చేశారు. ఆ వీడియోలో ” ప్రభుత్వం తలపెట్టిన ఈ ప్రకృతి విధ్వంసాన్ని ఆపండంటూ ముఖ్యమంత్రి రేవంత్ రెడ్డిని వేడుకున్నారు. ఈ వివాదం గురించి రెండు రోజుల ముందే నాకు తెల్సింది. అయితే దీని పూర్వపరాలు పూర్తిగా తెల్సిన తర్వాతనే మాట్లాడుదామని రెండు రోజులు ఆగాను. ఈ రెండు రోజుల్లో దాని గురించి పూర్తిగా ఆధ్యాయనం చేశాను.

రేవంత్ రెడ్డి గారూ ఓ తల్లిగా నేను రిక్వెస్ట్ చేస్తున్నాను. ప్రకృతిని మనం కాపాడుకుంటే. ప్రకృతి మనల్ని కాపాడుతుంది.  ఇప్పుడు నాకు నలబై నాలుగేండ్లు. నేను ఇవాళో .. రేపో చనిపోతాను. కానీ నా పిల్లలు.. మనందరి పిల్లలు ఇప్పుడిప్పుడే ఎదుగుతున్నారు. వారికి ఆక్సిజన్ కావాలి. వారికి వాటర్ కావాలి. వారికి భవిష్యత్తు కావాలి. అభివృద్ధి గురించి అందరితో చర్చించుకుని ముందుకెళ్దాం. ప్రస్తుతం అక్కడున్న అడవిని వదిలేసి వేరే చోట అభివృద్ధి చేయండి. హెచ్ సీయూను కాపాడంటూ ఆమె కాంగ్రెస్ ప్రభుత్వానికి విన్నపం చేశారు.

The post కంచ గచ్చిబౌలి భూముల వేలం ఆపండి appeared first on VEDHA NEWS.

వేదన్యూస్ – ఢిల్లీ

హెచ్‌సీయూ భూముల వేలం వివాదంపై ఢిల్లీలో మహబూబ్ నగర్ బీజేపీ ఎంపీ డీకే. అరుణ‌ స్పందించారు. మీడియాతో ఎంపీ డీకే అరుణ మాట్లాడుతూ ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం తలపెట్టిన హెచ్‌సీయూ భూముల వేలాన్ని వెంటనే ఆపాల‌ని డిమాండ్‌ చేశారు. మిస్ట‌ర్ రేవంత్ రెడ్డి ఎవ‌రికోసం ఈ భూముల‌ను వేలం వేస్తున్నావ్..? అంటూ ప్రశ్నించారు.

నీకున్న మొండి వైఖ‌రి వీడిచిపెట్టు, హెచ్‌సీయూ భూముల వేలాన్ని వెంట‌నే ఆపేయ్. రేవంత్ స‌ర్కార్ కు ఎంపీ డీకే.ఆరుణ‌ అల్టిమేటం జారీ చేశారు. గ‌తంలో భూముల అమ్మ‌కాన్ని వ్య‌తిరేకించిన భూముల అమ్మ‌కాన్ని వ్య‌తిరేకించిన రేవంత్.. ఇవాళ ఆయ‌నే స్వ‌యంగా HCU భూముల‌ను ఎందుకు అమ్ముకునాల‌నుకుంటున్నారో స‌మాధానం చెప్పాలి? అని అన్నారు.

ఓ విద్యాసంస్థ‌కు చెందిన భూముల‌ను మీ స్వార్థం కోసం అమ్ముకుంటారా..?. విద్యార్థులు వ్య‌తిరేకిస్తున్నా ఎందుకీ మొండి వైఖ‌రి ఎవ‌రి కోసం ఈ వేలంపాటు..?. ఈ భూముల వేలం వద్దంటూ హెచ్‌సీయూ విద్యార్థులు ఆందోళ‌న‌ల చేస్తున్నా.. పోలీసు నీడలో ఎందుకు వేలం వేయాల‌నుకుంటున్నారు?. అస‌లు మీ పంతం ఏంటి..?. ప్ర‌జ‌ల కోసం కాదు మీ సొంత లాభం కోసం భూములను వేలం వేస్తున్నారు..? అని అంటూ రేవంత్ స‌ర్కార్ కు ఎంపీ డీకే అరుణ సూటి ప్రశ్నలు సంధించారు.

ఎన్నికల్లో ప్రజలకిచ్చిన ఇచ్చిన ఆరు గ్యారంటీలు అమ‌లు చేసే ద‌మ్ము లేకే భూముల అమ్మ‌కాలకు పాల్పడుతున్నారు. అలవి కానీ హామీలతో… మోసపూరిత వాగ్దానాలతో ఇప్ప‌టికే ప్ర‌జ‌ల్ని మోసం చేసి గ‌ద్దెనెక్కారు.. అధికారంలో ఉన్నాం క‌దా అని అహంకారంతో ఏది ప‌డితే అదిచేస్తే ఊరుకోము. ప్ర‌జ‌లు అన్నీ గ‌మ‌నిస్తున్నారు. స్వ‌లాభం కోసమే… ఏ ర‌హ‌స్య ఒప్పంధంతో హెచ్‌సీయూ భూముల‌ను వేలం వేస్తున్నావ్‌. ఈ భూముల వేలం తెలంగాణ ప్ర‌జ‌ల కోసం కాదు, దీనివల్ల‌ ప్ర‌జ‌ల‌కు ఒరిగేది ఏమీ లేదు..విద్యార్థులంతా ఈ భూముల వేలాన్ని వ‌ద్ద‌ని అడ్డుకుంటుంటే.. రేవంత్ రెడ్డి ప‌ట్టుబ‌ట్ట‌డం వెనుక మ‌త‌ల‌బు ఏంటి..? .ఇప్ప‌టికే ప‌థ‌కాల అమ‌లు పేరుతో రాష్ట్ర భ‌విష్య‌త్తును అంథ‌కారంలోకి నెట్టారు. అదే అన్నావాయితిని కొనసాగిస్తామంటే ఊరుకోము. ఈ భూముల వేలాన్ని వ‌ద్దంటున్న ప్ర‌జ‌ల‌, విద్యార్థుల అభిష్టాన్ని ప్ర‌భుత్వం గౌర‌వించాలి అని సూచించారు.

The post హెచ్‌సీయూ భూముల వేలాన్ని వెంట‌నే ఆపండి . appeared first on VEDHA NEWS.

వేదన్యూస్ – డా.బీఆర్ అంబేద్కర్ తెలంగాణ రాష్ట్ర నూతన సచివాలయం

హైదరాబాద్ సెంట్రల్ యూనివర్సిటీకి చెందిన భూమిలో ఒక్క అంగుళం కూడా తెలంగాణ రాష్ట్ర ప్రభుత్వం తీసుకోదు అని ఐటీ, పరిశ్రమల శాఖ మంత్రి దుద్ధిళ్ల శ్రీధర్ బాబు అన్నారు.డా. బీఆర్ అంబేద్కర్ తెలంగాణ రాష్ట్ర నూతన సచివాలయంలో జరిగిన మీడియా సమావేశంలో మంత్రి శ్రీధర్ బాబు మాట్లాడుతూ వారం రోజుల క్రితం యూనివర్సిటీ వీసీ, రిజిస్టార్ తో చర్చలు జరిపాము.ఈ చర్చల్లో వారికి స్పష్టంగా చెప్పాము.

కొన్నాళ్లుగా పెండింగ్ లో ఉన్న సమస్యలను పరిష్కరించాలని అనుకున్నాము.వర్సిటీకి చెందిన భూములు వాళ్లకే చెందుతాయి. 2016లో సీనియర్ ఐఏఎస్ అధికారులతో ఒక కమిటీని ఏర్పాటు చేశాము. ఆ కమిటీ 1500లకు పైగా ఎకరాల భూమిని వర్సిటీకి ఇవ్వడానికి సిపార్సులు చేసింది.దీన్ని దృష్టిలో పెట్టుకోని మీ కౌన్సిల్ లో చర్చించాలని సూచించాము.

ఈ భూములకు చట్టఫరమైన హక్కులన్నీ ఇవ్వడానికి ప్రయత్నాలు చేస్తామని కూడా చెప్పామని మీడియాకు తెలిపారు. ఆయన ఇంకా మాట్లాడుతూ కొన్ని రాజకీయ పార్టీలు తమ స్వార్ధం కోసం విద్యార్థుల జీవితాలతో ఆటలు ఆడుతున్నారు. భూములపై అసత్య ప్రచారం చేస్తున్నారు. ప్రభుత్వ పనికి అడ్డుపడితే ఊరికునేది లేదని హెచ్చారించారు. వర్సిటీకి సంబంధం లేని నాలుగోందల ఎకరాలను మాత్రమే తీసుకుంటున్నాము. విద్యార్థులకు అన్ని రకాలుగా అండగా ఉంటామని పేర్కొన్నారు.

The post హెచ్ సీయూ భూమి ఒక్క అంగుళం ప్రభుత్వం తీసుకోదు appeared first on VEDHA NEWS.