వేద న్యూస్, వరంగల్:

దేవునూర్ గ్రామ బీరప్ప గుడి గత 30 సంవత్సరాలుగా గ్రామ పెద్దలు నిర్మించి, భక్తులకు ఆధ్యాత్మిక కేంద్రంగా నిలిచింది. ఎన్నో సంవత్సరాలుగా భక్తులు అక్కడ మొక్కులు చెల్లిస్తూ, పూజలు నిర్వహిస్తూ వస్తున్నారు.

అయితే, ఇటీవల కొంతమంది కబ్జాకోరులు గుడి పరిసర స్థలాన్ని ఆక్రమించేందుకు ప్రయత్నించడం అత్యంత బాధాకరం అని, దేవాలయ స్థలాలు వ్యక్తిగత ఆస్తులు కావు అని, అవి సమాజానికి చెందిన పవిత్రమైన ఆస్తులు అని గ్రామ యువకులు కొందరు తెలిపారు.

బీరప్ప గుడి స్థలాన్ని కబ్జాకోరుల నుండి రక్షించడం ప్రతి గ్రామస్థుడి బాధ్యత అని,  రాజకీయాలకు, వ్యక్తిగత ప్రయోజనాలకు అతీతంగా అందరూ ఒక్కటై ఆలయ పవిత్రతను కాపాడాలనీ, సంబంధిత అధికారులు వెంటనే స్పందించి ఆక్రమణ ప్రయత్నాలను అడ్డుకుని, గుడి స్థలానికి పూర్తి రక్షణ కల్పించాలని కోరుతున్నట్టు గ్రామ యువకుడు సందీప్ తెలిపారు.“దేవాలయాన్ని కాపాడటం అంటే మన సంస్కృతిని, మన విశ్వాసాన్ని, మన గ్రామ గౌరవాన్ని కాపాడినట్టే.” అని వెల్లడించారు.

The post ‘కబ్జా’ దారుల నుంచి దేవునూర్ బీరప్ప గుడిని కాపాడుకుందాం:గ్రామస్తులు appeared first on VEDHA NEWS.

 వేద న్యూస్, హనుమకొండ:

సర్పంచిగా ప్రతి నెల వచ్చే రూ.6,500 .. మొత్తం గ్రామపంచాయతీ అభివృద్ధి కే ఖర్చు చేస్తానని సర్పంచ్ అభ్యర్థి కే సందీప్ హామీ ఇచ్చారు. ఈ మేరకు ఆయన బాండ్ పేపర్ పై వెల్లడించారు. దీంతోపాటు పలు హామీలను ఆయన దే వు నూరు గ్రామస్తులకు తెలిపారు.

“సర్పంచ్‌గా గెలిచిన తర్వాత సర్పంచ్‌కి వచ్చే జీతం ప్రతి రూపాయి గ్రామ అభివృద్ధి కోసమే ఖర్చు చేస్తాను. దేవునూర్ గ్రామంలో ఇండ్లు లేని నిరుపేదల కోసం కేటాయించిన భూమిని అర్హులైన ప్రతి పేదవారికి పంపిణీచేస్తాను.

గ్రామంలోని వీధిలైట్లు, డ్రైనేజ్, మంచినీరు ప్రతి ఒక్క ఇంటికిఅందేలా చూస్తాను. గ్రామ అభివృద్ధికి సర్కారు నుంచి వచ్చే నిధులకు సంబంధించిన పైసలను నెలనెలా నోటీస్ బోర్డ్‌పై పెట్టి ప్రజల అభిప్రాయంసేకరించి.. గ్రామ అభివృద్ధి పనులను చేస్తాను.

ప్రజల అభిప్రాయంతోనే అభివృద్ధి పనులు చేస్తానని వాగ్దానం చేస్తున్నాను.

గ్రామంలో విద్యార్థుల సౌకర్యార్ధం గ్రంథాలయం ఏర్పాటు చేస్తాను.ప్రాథమిక ఆరోగ్య కేంద్రం సబ్సెంటర్ ఏర్పాటు చేస్తాను. అంగన్‌వాడీ కేంద్రానికి పిల్లలకు సరిపోయేలాఅదనంగా రూములు ఏర్పాటు చేస్తాను. గ్రామ అభివృద్ధికి మీ అందరి సహాయసహకారంతో ముందుండి సేవకుడినై ముందుకు నడిపిస్తాను.” అని వెల్లడించారు.

ప్రజలు తమ అమూల్యమైన ఓటు వేసి తనను సర్పంచ్ గా గెలిపించవల్సిందిగా సందీప్ కోరారు.

The post “సర్పంచ్” జీతం వద్దు.. ప్రతి పైసా గ్రామ అభివృద్ధికే ఖర్చు చేస్తా: అభ్యర్థి సందీప్ appeared first on VEDHA NEWS.

వేద న్యూస్,శాయంపేట:

మూడో విడత ఎన్నికల కోసం నామినేషన్ స్వీకరణ శాయంపేట మండలం తేదీ 03/12/2025 నుండి తేదీ 05/12/2025 తెలంగాణ రాష్ట్ర ఎన్నికల అధికారి ఆదేశాల మేరకు శాయంపేట మండల పరిధిలోని అన్ని గ్రామ పంచాయతీలకు సర్పంచ్ , వార్డు సభ్యుల ఎన్నికల కోసం నామినేషన్ పత్రాలు స్వీకరణ కార్యక్రమం సూచించిన స్వీకరణ కేంద్రాల్లో స్వీకరించబడతాయని శాయంపేట మండల పరిషత్ అభివృద్ధి అధికారి ఫణి చంద్ర ఒక ప్రకటనలో తెలిపారు.

శాయంపేట గ్రామపంచాయతీ కార్యాలయంలో శాయంపేట, ఆరెపల్లి, పత్తిపాక ,హుస్సేన్ పల్లి గ్రామాలు నామినేషన్ పత్రాలు స్వీకరించబడతాయి.

తారాపూర్ గ్రామపంచాయతీ కార్యాలయంలో తహరాపూర్, కొత్తగట్టు సింగారం, గట్లకానిపర్తి, నరసింహులపల్లి గ్రామాలు నామినేషన్ పత్రాలు స్వీకరించబడతాయి.

*పెద్దకోడపాక గ్రామపంచాయతీ కార్యాలయంలో పెద్దకోడె పాక,జోగంపల్లి, మైలారం, గోవిందాపూర్ గ్రామాలు నామినేషన్ పత్రాలు స్వీకరించబడతాయి.

ప్రగతి సింగారం గ్రామపంచాయతీ కార్యాలయంలో వసంతపూర్, ప్రగతి సింగారం, అప్పయ్యపల్లి ,నేరేడుపల్లి గ్రామాలు నామినేషన్ పత్రాలు స్వీకరించబడతాయి.

కాట్రపల్లి గ్రామపంచాయతీ కార్యాలయంలో నూర్జహాన్ పల్లి, కాట్రపల్లి ,సాధన పల్లి ,రాజు పల్లి ,గ్రామాలు నామినేషన్ పత్రాలు స్వీకరించబడతాయి.

కొప్పుల గ్రామపంచాయతీ కార్యాలయంలో కొప్పుల గంగిరేణి గూడెం సూర్య నాయక్ తండ గ్రామాలు నామినేషన్ పత్రాలు స్వీకరించబడతాయి.

The post మూడో విడత ఎన్నికల కోసం నామినేషన్ స్వీకరణ కేంద్రాల కేటాయింపు appeared first on VEDHA NEWS.

వేద న్యూస్, వరంగల్ క్రైమ్:

నగరంలో ఎడతెరిపి లేకుండా కురుస్తున్న వర్షాలకు నీట మునిగిన ప్రాంతాలను వరంగల్పోలీస్ కమిషనర్ సన్ ప్రీత్ సింగ్ సందర్శించారు. ఈ సందర్భంగా పలు కాలనీలలో గృహనిర్బంధంలో ఉన్న ప్రజల వివరాలను సంబంధిత అధికారులను అడిగి తెలుసుకున్నారు. ప్రజలు ఎప్పటికప్పుడు సమాచారం అందిస్తూ ఉండాలన్నారు. అధికారులు ఎప్పటికప్పుడుప్రజలకు ఇబ్బందులు కలగకుండా వెంటనే స్పందించాలని కోరారు.

The post ముంపు ప్రాంతాలను పరిశీలించిన సీపీ appeared first on VEDHA NEWS.

వేద న్యూస్, హన్మకొండ :

మొంథా తుపాను ప్రభావంతో  కుండపోతగా కురుస్తున్న అతి భారీ వర్షాల నేపథ్యంలో  హన్మకొండ నయింనగర్ ప్రాంతంలో సీఎండీ  కర్నాటి వరుణ్ రెడ్డి  విద్యుత్ సరఫరాపరిస్థితులను, పునరుద్ధరణ చర్యలను ప్రత్యక్షంగా పరిశీలించారు. ఈ సందర్భంగా ఆయన ఫీల్డ్ ఇంజినీర్లు, సిబ్బందితో  నేరుగా మాట్లాడి ఫీడర్లు, సబ్‌స్టేషన్లస్థితిని సమీక్షించారు. వర్షాల కారణంగా ఎక్కడైనా విద్యుత్ అంతరాయం జరిగినపుడుతక్షణమే స్పందించి విద్యుత్ సరఫరాను పునరుద్ధరించేందుకు అధికారులు నిరంతరఅప్రమత్తతతో పని చేయాలని సూచించారు. బ్రేక్ డౌన్  బృందాలు వర్షా ప్రభావిత ప్రాంతాల్లో రాత్రింబవళ్ళు పనిచేస్తూ, విద్యుత్ సరఫరానిరంతరంగా కొనసాగేందుకు కృషి చేస్తున్నాయని అన్నారు. ఎటువంటి విద్యుత్సమస్యలకైనా 1912 లో సంప్రదించాలని పేర్కొన్నారు.

The post విద్యుత్ సరఫరా,పునరుద్ధరణ చర్యలను పరిశీలించిన సీఎండీ కర్నాటి వరుణ్ రెడ్డి appeared first on VEDHA NEWS.

• టీపీయూఎస్ హన్మకొండ జిల్లా ప్రధాన కార్యదర్శి డా. సంగెం శ్రీనివాస్

వేద న్యూస్, హుజూరాబాద్ ప్రతినిధి:
సమాజంలో అన్ని వర్గాలవారూ కలసికట్టుగా ఉండాలనే లక్ష్యంతోనే పంచపరివర్తన్‌కి ఆర్ఎస్ఎస్ శ్రీకారం చుట్టిందని తెలంగాణ ప్రాంత ఉపాధ్యాయ సంఘం (టీపీయూఎస్) హన్మకొండ జిల్లా ప్రధాన కార్యదర్శి డా. మునుకుంట్ల శ్రీనివాస్( సంగెం శ్రీనివాస్) అన్నారు.

ఆర్ఎస్ఎస్ శతజయంతి ఉత్సవాలను పురస్కరించుకొని మర్రిపల్లిగూడెం గ్రామం లోనీ కాకతీయ విద్యాలయం లో బుధవారం నిర్వహించిన విజయదశమి ఉత్సవం లో ఆయన  ప్రధాన వక్తగా పాల్గొని ప్రసంగించారు.

సామాజిక సామరస్యత, పర్యావరణం, కుటుంబ ప్రబోధన్, స్వదేశీ, పౌర నియమాలు అనే ఐదు విషయాలను సమాజంలో ప్రతి పౌరుడు తెలుసుకొని వాటి ఆచరణకు నడుంబించాలన్నారు. వీటి ద్వారా సమాజంలో సమూలమైన మార్పు వస్తుందని చెప్పారు.  అధర్మంపై ధర్మం సాధించిన విజయమే విజయదశమిగా ఆయన పేర్కొన్నారు.

కార్యక్రమంలో ముఖ్యఅతిథిగా పాల్గొన్న కాసూరి రామ్మూర్తి మాట్లాడుతూ ఆర్ఎస్ఎస్ 100 సంవత్సరాల తపస్సు కారణంగా నేడు దేశం ప్రగతి పథంవైపు నడుస్తుందన్నారు. కార్యక్రమంలో ఆర్ఎస్ఎస్ మర్రిపల్లిగూడెం స్వయం సేవకులు హిందూ బంధువులు పెద్ద సంఖ్యలో పాల్గొన్నారు.

The post పంచ పరివర్తన ద్వారానే దేశ హితం  appeared first on VEDHA NEWS.

• స్కూల్‌లో అసలేం జరిగింది?

వేద న్యూస్, వరంగల్:

విద్యార్థులందరూ హాయిగా గ్రౌండ్‌లో ఆడుకుంటుండగా, ఓ విద్యార్థి ఒక్కసారిగా కుప్పకూలి మృతి చెందడం కలకలం రేపుతోంది. చెవులు, ముక్కు నుండి రక్తం కారి పదో తరగతి విద్యార్థి మృతి చెందినట్టు తెలుస్తోంది. 

హన్మకొండ జిల్లా కేంద్రంలోని నయీంనగర్ ప్రాంతంలో ఒక ప్రైవేట్ పాఠశాలలో ఈ ఘటన గురువారం జరిగింది. మృతి చెందిన విద్యార్థి జయంత్(15)గా గుర్తించారు. సదరు స్టూడెంట్‌ను కుప్పకూలిన వెంటనే  ఆసుపత్రికి తరలించినా అప్పటికే విద్యార్థి మరణించినట్లు వైద్యులు నిర్ధారించారు. దాంతో సదరు విద్యార్థి తల్లిదండ్రులకు కడుపుకోతే మిగిలింది.

కాగా,  టీచర్లే విచక్షణారహితంగా కొట్టారని, అందుకే తమ పిల్లాడు చనిపోయాడని తల్లిదండ్రులు ఆరోపిస్తున్నారు. ఈ ఘటనకు సంబంధించిన మరిన్ని పూర్తి వివరాలు తెలియాల్సి ఉంది. 

The post ముక్కు, చెవుల నుంచి రక్తం కారి గ్రౌండ్‌లో కుప్పకూలిన విద్యార్థి..!?(వీడియో) appeared first on VEDHA NEWS.

వేద న్యూస్, కాజీపేట:

రోడ్డు, రోడ్లపై ప్రయాణికుల భద్రతకు ఓ కార్పొరేటర్ ముందడుగు వేశారు. స్థానిక పోలీసుల సహకారంతో గుంతలు పూడ్చివేయించారు. వివరాల్లోకెళితే..

హనుమకొండ జిల్లా వరంగల్ పశ్చిమ నియోజకవర్గ..జి డబ్ల్యూ ఎం సి పరిధిలోని 47, 62, 63 డివిజన్ల లో కాజీపేట పట్టణంలో ఉన్న జాతీయ రహదారిపై ఇటీవల కురుస్తున్న భారీ వర్షాల కారణంగా జాతీయ రహదారులపై గుంతలు ఏర్పడి, రాత్రి సమయంలో ప్రయాణిస్తున్న ప్రయాణికులకు చాలా ఇబ్బందికరంగా మారి.. ఎన్నో ప్రమాదాలు జరిగాయి. ఈ కారణంగా స్థానిక 63వ డివిజన్ కార్పొరేటర్ విజయశ్రీ సయ్యద్ రజాలి స్థానిక కాజిపేట్ సీఐ సుధాకర్ రెడ్డి, ఎస్సై శివ సహాయ సహకారాలతో డీజిల్ కాలనీ, బాపూజీ నగర్, రోమన్ క్యాథలిక్ చర్చ్, కాజీపేట చౌరస్తా, ఫాతిమా నగర్ జంక్షన్ ల వద్ద గుంతలను సిమెంట్ కాంక్రీట్ తో పూడ్చారు.

సహాయ సహకారాలు అందించిన కాజిపేట పట్టణ పోలీసులకు ట్రాఫిక్ సీఐ, ట్రాఫిక్ ఎస్ఐలు, ట్రాఫిక్ సిబ్బంది అందరికీ పేరుపేరునా 63వ డివిజన్ కార్పొరేటర్ కృతజ్ఞతలు తెలియజేశారు.ఈ కార్యక్రమంలో స్థానిక కాంగ్రెస్ నాయకులు క్రాంతి, భరత్ రాజ్, 63వ డివిజన్ మైనార్టీ అధ్యక్షులు మొహమ్మద్ బిలాల్, మహమ్మద్ సిరాజ్, డాక్టర్ ప్రభాకర్, సందేల వినోద్, జిల్లా కాంగ్రెస్ మైనారిటీ ప్రధాన కార్యదర్శి మహమ్మద్ బిలాల్ తదితరులు పాల్గొన్నారు.

The post పోలీసుల సహకారంతో కార్పొరేటర్ ముందడుగు.. రోడ్లపై గుంతల పూడ్చివేత appeared first on VEDHA NEWS.

వేద న్యూస్, హన్మకొండ:
గ్రేటర్ వరంగల్‌లో  అప్పుడే వినాయక చవితి సందడి మొదలైంది. హనుమకొండ లోని పబ్లిక్ గార్డెన్ నుంచి వినాయకుడి కాంపౌండ్ జాగృతి లోటస్ కాలనీ వినాయకుని కాంపౌండ్ వద్దకు.. శనివారం అంగరంగ వైభవంగా యాత్ర జరిగింది. వరంగల్ పశ్చిమ ఎమ్మెల్యే నాయిని రాజేందర్ రెడ్డి ఆధ్వర్యంలో ఆగమన యాత్ర ప్రారంభోత్సవం జరిగింది.

దీనికి జాగృతి కాలనీ నయీమ్ నగర్ లోటస్ కాలనీ ఉత్సవ కమిటీ అధ్యక్షులు అంచులు విజయకుమార్, కార్యదర్శి బింగి సతీష్ , లోటస్ కాలనీ, జాగృతి కాలనీ అధ్యక్షులు నల్ల సత్యనారాయణ, గౌరవాధ్యక్షులు కర్ర రాజా మల్లారెడ్డి , దోనకొండ రమణారెడ్డి, గుజ్జుల రమణారెడ్డి , కర్ర రమణారెడ్డి , మాధవ రెడ్డి తదితర ప్రముఖులు, కాలనీవాసులందరూ ప్రత్యేకంగా పాల్గొన్నారు. మహిళలు ఆడి పాడుతూ స్వాగతం పలికారు. చిన్నారులు కూడా కోలాటాలతో ఆడి ప్రత్యేక ఆకర్షణగా నిలిచారు.

The post అంగరంగ వైభవంగా గణేష్ ఆగమన యాత్ర appeared first on VEDHA NEWS.

వేద న్యూస్, హన్మకొండ:

హన్మకొండ నక్కలగుట్ట కు చెందిన ఇందిర అనే మహిళ షాపింగ్ నిమిత్తం హనుమకొండ చౌరస్తా రాగా ఆమె తన లక్ష 30 వేల రూపాయల విలువగల ఐఫోన్ ని పోగొట్టుకున్నది. ఆమె సిఈఐ ఆర్ పోటోలో నమోదు చేయడమే కాకుండా వెంటనే పోలీసులకి ఫిర్యాదు చేయగా, హనుమకొండ పోలీస్ వెంటనే స్పందించి అట్టి ఫోన్ ని గుర్తించి ఆమెకు అప్పగించడం జరిగింది. ఫోన్ ని గుర్తించి అప్పగించడంలో ప్రతిభ కనబరిచిన క్రైమ్ పార్టీ సిబ్బంది అశోక్ మరియు రావుఫ్ లను సిఐ అభినందించారు.

The post శభాష్ హనుమకొండ పోలీస్.. పోగొట్టుకున్న ఐఫోన్ అప్పగింత appeared first on VEDHA NEWS.