• రూ.50 వేల విలువైన తాగునీటి ప్యూరిఫైయర్, కూలర్ వితరణ

వేద న్యూస్, కరీంనగర్:

జీవితంలో ఎంత ఎత్తుకు ఎదిగినా మూలాలను మరవొద్దనే సదలోచనతో ఓ పూర్వ విద్యార్థి.. తన ఉన్నతికి పునాది వేసిన సంస్థకు తన వంతుగా సాయమందించి.. తన మంచి మనసును చాటుకున్నాడు. వివరాల్లోకెళితే.. కరీంనగర్ జిల్లా జమ్మికుంట ప్రభుత్వ డిగ్రీ, పీజీ కళాశాలకు విద్యార్థుల  తాగునీటి సౌకర్యార్థం కళాశాల పూర్వ విద్యార్థి ముక్కశివకుమార్ రూ.50 వేల విలువగల  తాగునీటి ప్యూరిఫైయర్, కూలర్ వితరణ చేశారు. ముక్క శివకుమార్ తనయుడు డాక్టర్ ముక్క శరత్ గారి చేతుల మీదుగా ప్యూరిఫైయర్ సోమవారం ప్రారంభించారు.

ఈ సందర్భంగా ఏర్పాటు చేసిన సమావేశంలో కళాశాల ప్రిన్సిపల్ డాక్టర్ బి రమేష్, పూర్వ విద్యార్థుల సంఘం అధ్యక్షులు ప్రొఫెసర్ రామస్వామి, కళాశాల అధ్యాపకులు ముక్క శరత్ ని అభినందించారు. శాలువాతో ఘనంగా సత్కరించారు.

ఈ సందర్భంగా ప్రిన్సిపాల్ మాట్లాడుతూ ముక్క శివకుమార్‌ను కళాశాల పూర్వ విద్యార్థులు ఆదర్శంగా తీసుకొని కళాశాల అభివృద్ధికి సహాయం చేయాలని కోరారు. విద్యార్థులు,  కళాశాల సిబ్బంది ముక్కా శివకుమార్ కి ధన్యవాదాలు తెలిపారు.

ఈ సందర్భంగా డా.శరత్ మాట్లాడుతూ తాగునీటి వసతిని సద్వినియోగం చేసుకోవాలని కోరారు. తమ కార్తికేయ హాస్పిటల్ లో జమ్మికుంట ప్రభుత్వ డిగ్రీ, పీజీ కళాశాల విద్యార్థిని విద్యార్థులకు ఉచితంగా వైద్య సేవలు అందిస్తామని తెలిపారు. 

కార్యక్రమంలో ఐ క్యూఎస్సీ సమన్వయకర్త డాక్టర్ ఎస్ ఓదేలు కుమా ర్ , అకాడమిక్ కోఆర్డినేటర్, కళాశాల పూర్వ విద్యార్థుల కన్వీనర్ డాక్టర్ కే రాజేంద్రం, సి పి డి సి సభ్యులు అన్వర్, ఈసీ మెంబర్ రంగారెడ్డి,ఇతర అధ్యాపకులు డాక్టర్ కే గణేష్, రాజ్ కుమార్, రవి ప్రకాష్, డాక్టర్ రవి,కిరణ్ కుమార్, ఉమా కిరణ్, మాధవి, సాయి, రమేష్, కళాశాల పూర్వ విద్యార్థులు, విద్యార్థులు తదితరులు పాల్గొన్నారు.

The post పూర్వ విద్యార్థి అపూర్వ సేవ.. జమ్మికుంట ప్రభుత్వ డిగ్రీ కాలేజీకి ప్యూరిఫైయర్, కూలర్ అందజేత appeared first on VEDHA NEWS.

• బీసీ యువజన సంఘం జిల్లా అధ్యక్షులు ఆవిడపు ప్రణయ్

వేద న్యూస్, హైదరాబాద్:

గత నెల 29 న  కొమురం భీమ్ ఆసిఫాబాద్ జిల్లా వాంకిడి మండల కేంద్రంలోని ప్రభుత్వ ఆశ్రమ పాఠశాల లో జరిగిన ఫుడ్ పాయిజన్‌తో హైదరాబాద్‌లో చికిత్స పొందుతూ శైలజ అనే విద్యార్థిని పరిస్థితి విషమించి మృతి చెందడం చాలా బాధాకరం అని బీసీ యువజన సంఘం జిల్లా అధ్యక్షులు ఆవిడపు ప్రణయ్ కుమార్ అన్నారు.  మంగళవారం వాంకిడి మండలం ఢాబా గ్రామం లో విద్యార్థిని కుటుంబ సభ్యులను ఆయన పరామర్శించారు.

ఈ సందర్బంగా ప్రణయ్ మాట్లాడుతూ అధికారుల నిర్లక్ష్యం కారణంగానే ఉజ్వల భవిష్యత్ ఉన్న విద్యార్థిని శైలజ మృతి చెందిందని ఆరోపించారు. నిండు ప్రాణాన్ని బలిగొన్న నిర్లక్షంగా వ్యవహరించిన అధికారులని శాశ్వతంగా ఉద్యోగం నుండి తీసేయాలని డిమాండ్ చేశారు. 

విద్యార్థిని కుటుంబానికి రూ.50 లక్షల ఎక్సగ్రేషియా ప్రకటించి.. కుటుంబం లో ఒకరికి ప్రభుత్వ ఉద్యోగం ఇచ్చి.. 5 ఎకరాల వ్యవసాయ భూమి ఇచ్చి ఆదుకోవాలని కోరారు.  ఇట్లాంటి ఘటనలు పునరావృతం కాకుండా ప్రభుత్వం పకడ్బందీ చర్యలు తీసుకోవాలన్నారు. విద్యార్థిని మృతి కి నిరసన గా బుధవారం జిల్లా వ్యాప్తంగా విద్యా సంస్థల బంద్‌కు  జిల్లా విద్యార్థి యువజన సంఘాలు పిలుపునిచ్చాయని,  బీసీ యువజన సంఘం బంద్ కు సంపూర్ణ మద్దతు ప్రకటిస్తున్నట్టు వెల్లడించారు. జిల్లా లోని విద్యా సంస్థలు స్వచందంగా సహకరించాలని మనవి చేశారు. 

The post శైలజ కుటుంబానికి సర్కారు రూ.50 లక్షల ఎక్స్‌గ్రేషియా ప్రకటించాలి  appeared first on VEDHA NEWS.