వేద న్యూస్, హుజురాబాద్ ప్రతినిధి:

సర్పంచ్ ఎన్నికల్లో జనసేన పార్టీ బలపరిచిన అభ్యర్థి జనంలోకి విస్తృతంగా వెళుతున్నారు. కమలాపూర్ మండలం మర్రిపల్లిగూడెం గ్రామ సర్పంచ్ అభ్యర్థి మమతకు ప్రజలు ఆశీర్వచనాలు అందజేస్తున్నారు. 

సర్పంచ్ ఎన్నికల్లో భాగంగా ఆమె బరిలోకి దిగగా, యువతరం ఆలోచన శక్తి కలిగిన ప్రజలు ఆమెకు మద్దతుగా నిలుస్తున్నట్టు పలువురు పేర్కొన్నారు. 

ప్రధాన పార్టీల అభ్యర్థులను కాదని ప్రత్యామ్నాయంగా ఆలోచన శక్తితో.. అభివృద్ధి యే ధ్యేయంగా ముందుకు వస్తున్న … యువ నాయకులకు జనం అండదండలు అత్యంత ముఖ్యమని ఈ సందర్భంగా గ్రామస్తులు కొందరు తెలిపారు. ఈ క్రమంలోనే దేశం కోసం సేవలందిస్తున్న జవాను సతీమణి మమత సర్పంచ్ అభ్యర్థిగా ఓట్లు అడుగుతున్న క్రమంలో చక్కటి స్పందన వస్తున్నట్లు పలువురు తెలిపారు. 

బలమైన ప్రభావం చూపడమే కాకుండా ప్రధాన పార్టీల ఓట్లకు “కత్తెర”పడి.. ప్రజల కోసమే పని చేసే అభ్యర్థికి చేరువయ్యే అవకాశాలు నిండుగా మెండుగా కనిపిస్తున్నాయని జనసేన కార్యకర్తలు పేర్కొంటున్నారు. జనం కోసం జనంలోకి వెళ్తున్న మమత కు ప్రజల అండదండలు విశేషంగా ఉన్నాయని జనసైనికులు వెల్లడిస్తున్నారు. ఎన్నికలలో భాగంగా జనసైనికులు విశేష కృషి చేస్తున్నారు. అభ్యర్థి తామే అన్నట్టుగా అన్ని పనులు భుజాల మీదుగా మోస్తూ.. బలమైన ప్రభావం చూపించే దిశగా విజయ మే ధీమాగా ముందుకెళున్నారు.

The post జనంలోకి జనసేన అభ్యర్థి.. జవాను సతీమణి కి మర్రిపల్లి గూడెం జనం అండ దండలు appeared first on VEDHA NEWS.

వేద న్యూస్, హుజురాబాద్ ప్రతినిధి:

కమలాపూర్ మండలం మర్రిపల్లిగూడెంలో సిఐఎస్ఎఫ్ జవాను భార్య స్థానిక సంస్థల ఎన్నికల్లో సర్పంచ్ గా పోటీ చేస్తున్న విషయం తెలిసిందే.

ఎన్నికల ప్రచారంలో తనకు కేటాయించిన కత్తెర గుర్తుకు ఓటు వేయాలని,జనసేన కార్యకర్తల సహకారంతో ప్రచారంలో దూసుకెళ్తున్నారు.

దేశ సేవకోసం తన భర్త CISF జవానుగా విధులు నిర్వహిస్తున్నాడనీ, గ్రామ సేవ కోసం తాను సర్పంచ్ బరిలో నిలిచానని,ప్రచారంలో ప్రజలు,పవన్ కళ్యాణ్ అభిమానులు ఎంతో ప్రేమతో ఆదరిస్తున్నారని,సర్పంచ్ గా ఎన్నికల్లో గెలిచాక చేపట్టబోయే పనులను వివరిస్తుంది.

ప్రచారం సాగుతుండటంతో జనసేన శ్రేణుల్లో నూతనోత్సాహం నెలకొంది.

The post తెలంగాణ స్థానిక ఎన్నికల్లో పవన్ కళ్యాణ్ పార్టీ.. ప్రచారంలో దూసుకెళ్తున్న జనసైనికులు.. కత్తెర గుర్తుకు ఓటు వేయాలని ప్రచారం appeared first on VEDHA NEWS.

• సర్పంచ్ బరిలో జవాన్ భార్య

వేద న్యూస్, హుజురాబాద్ ప్రతినిధి:

కమలాపూర్ మండలం మర్రిపల్లిగూడెంలో ఓ జవాను భార్య సర్పంచ్ గా పోటీ చేయడం సంచలనంగా మారింది.

గ్రామాల్లో గ్రూపు రాజకీయాలతో ఇబ్బందులు పడుతున్న బాధితులలో తాము కూడా బాధితుల మేనని, సమస్య పరిష్కారం కోసం గ్రామ పెద్దలను చెప్పుకునే కొంతమంది నాయకుల దగ్గరికి వెళితే ఆ సమస్యను మరింత జటిలం చేసి తమ పబ్బం గడుపుకున్నారే తప్ప… తమకు న్యాయం జరగలేదని, మా వీధి సిసి రోడ్డు కొరకు వీధివాసులమంతా సంబంధిత వార్డ్ మెంబర్ దగ్గరికి వెళితే అవహేళనగా మాట్లాడరని… అందుకే మన పని మనమే చేసుకుందామని ఉద్దేశంతో సర్పంచ్ బరిలో నిలిచినట్లు అభ్యర్థి కాసురి మమత తెలిపారు.వివిధ పార్టీల నుండి బరిలోకి దిగిన అభ్యర్థులకు దీటుగా జనసేన పార్టీ కార్యకర్తల సహకారంతో సర్పంచ్ బరిలోకి దిగానని,తన భర్త దేశ సేవ కోసం సిఐఎస్ఎఫ్ జవానుగా సేవలు అందిస్తున్నారని అభ్యర్థి తెలిపారు.

తన కోరిక మేరకు గ్రామ సేవ కోసం తాను సర్పంచ్ బరిలో నిలిచానని గ్రామస్తులంతా ఓటుతో ఆశీర్వదించి తనని గెలిపించి గ్రామ అభివృద్ధికి సహకరించాలని కోరారు.

The post దేశం కోసం పతి.. గ్రామం కోసం సతి appeared first on VEDHA NEWS.