వేద న్యూస్, వరంగల్ టౌన్ :

సామాజిక న్యాయం కోసం, బడుగు బలహీన వర్గాల అభ్యున్నతి కోసం పోరాడిన నాయకుడు డాక్టర్ బాబా సాహెబ్ అంబేడ్కర్ అని తెలంగాణ రమాబాయి ఉమెన్స్ పెడరేషన్ అధ్యక్షురాలు తరాల రాజమణి కొనియాడారు. భారత రాజ్యంగ నిర్మాత భారతరత్న, డాక్టర్ బి.ఆర్.అంబేద్కర్ 69వ వర్ధంతి సందర్భంగా అంబేద్కర్ చిత్రపటానికి తెలంగాణ రమాబాయి ఉమెన్స్ పెడరేషన్ అధ్యక్షురాలు తరాల రాజమణి
పూల మాల వేసి నివాళులర్పించారు. అనంతరం కరీమాబాద్ అంబేద్కర్ నగర్ ప్రాంతంలోని వార్డ్ మహిళలకు, పిల్లలకు అరటి పండ్ల పంపిణీ చేశారు. ఈ సందర్భంగా తెలంగాణ రమాబాయి ఉమెన్స్ పెడరేషన్ అధ్యక్షురాలు తరాల రాజమణి మాట్లాడుతూ హక్కుల కంటే బాధ్యతలకు అధిక ప్రాధాన్యం ఇవ్వడమే బాబా సాహెబ్ అంబేడ్కర్ కు నిజమైన నివాళిగా వారు పేర్కొన్నారు. అంబేద్కర్ వల్లే నేడు స్త్రీ పురుషులకు సమాన హక్కులు వచ్చాయన్నారు. ఆడవారు వంటి ఇంటి కి పరిమితం కాకుండా మహిళలు అని రంగాల్లో రాణించాలని దానికి చదువు తప్పని సరి అని బోధించు.. సమీకరించి..పోరాడు అనే విధంగా ప్రతి ఒక మహిళ కూడా అన్ని రంగాలలో పురుషులకు సమానంగా ఉన్నారు. ఆ మహనీయుడి వర్ధంతి, జయంతి ఇంకా పెద్ద ఎత్తున్న వాడ వాడల ప్రతి ఒకరు నిర్వహించాలని పిలుపునిచ్చారు.ఈ కార్యక్రమంలో వార్డ్ మహిళలు ఎరుకల కళావతి,నాగమణి,నవనీత,స్వరూప,రజిత,రాధిక,సంగీత,చంద్రకళ,నదియా, రవి, నరేష్ తదితరులు పాల్గొన్నారు.

The post బోధించు..సమీకరించు..పోరాడు : తరాల రాజమణి appeared first on VEDHA NEWS.

• అంధకారంలో అంగన్ వాడీ కేంద్రం.. 

వేద న్యూస్, వరంగల్ :

గ్రేటర్ వరంగల్ 40వ డివిజన్ కరీమాబాద్ రామేశ్వర టెంపుల్ అంగన్ వాడీ కేంద్రం లో గత వారం రోజులుగా కరెంట్ లేక అవస్థలు పడుతున్నారు..

విద్యుత్ అధికారుల దృష్టికి తీసుకువెళ్లిన ఫలితం శూన్యం గా కనిపిస్తోంది..! చీకట్లో చిన్నారులకు విద్య అందుతుండటం పట్ల చిన్నారుల తల్లిదండ్రులు ఆగ్రహం వ్యక్తం చేస్తున్నారు.

అధికారులు తగు చర్యలు తీసుకోవాలని కోరుతున్నారు.

The post చిన్నారులకు చీకటి చదువు.. అంధకారంలో అంగన్ వాడీ కేంద్రం ! appeared first on VEDHA NEWS.

వేద న్యూస్, కరీమాబాద్:

ఇంట్లో నుంచి బయటికి అడుగు పెట్టాలంటే బాబోయ్‌.. కుక్కలు అంటూ ప్రజలు బెంబేలెత్తుతున్నారు. కాలనీల్లో గుంపులు, గుంపులుగా తిరుగుతున్న కుక్కలతో చిన్నారులు, వృద్ధులు భయాందోళనలకు గురవుతున్న సంఘటనలు గ్రేటర్ వరంగల్ మున్సిపల్ కార్పొరేషన్ పరిధిలో చోటుచేసుకుంటున్నాయి.

మున్సిపల్ కార్పొరేషన్ పరిధిలోని 40 వ డివిజన్ లో ఎటు చూసినా కుక్కలు గుంపు కనబడుతోంది. కరీమాబాద్ రామస్వామి గుడి వీధి లైన్లో ఒంటిరిగా వెళ్లాలంటేనే కాలనీవాసులు జంకుతున్నారు.

ఉదయం వేళ స్కూల్‌ ఆటోల కోసం కాలనీల్లో విద్యార్థులు వేచి ఉంటున్న సందర్భంలో కుక్కల గుంపును చూసిన విద్యార్థులు భయపడుతున్నారు. కావున మున్సిపల్ అధికారులు స్పందించి వెంటనే కుక్కల బారి నుంచి రక్షించాలని ప్రజలు కోరుతున్నారు.

The post భయం.. భయం..వీధి కుక్కలతో బెంబేలెత్తుతున్న చిన్నారులు, వృద్ధులు appeared first on VEDHA NEWS.

వేద న్యూస్, కరీమాబాద్ :

తెలంగాణ రాష్ట్ర అంబేద్కర్ యువజన సంఘం కరీమాబాద్ శాఖ కార్యవర్గన్ని ఏకగ్రీవంగా ఎన్నుకున్నారు. కరీమాబాద్ అంబేద్కర్ భవన్ వద్ద మహనీయుల విగ్రహాలకు పూలమాలలు వేసి అంబేద్కర్ యువజన సంఘం సమావేశం ఏర్పాటు చేశారు. ఈ సమావేశానికి ముఖ్యఅతిథిగా తెలంగాణ రాష్ట్ర ఆర్గనైజింగ్ సెక్రటరీ బొమ్మల అంబేద్కర్ ముఖ్యఅతిథిగా పాల్గొన్నారు.
అధ్యక్షులుగా జక్కుల రాజు, ప్రధాన కార్యదర్శిగా తరాల రవితేజ, కోశాధికారిగా బొమ్మల రాంప్రసాద్, లను ఏకగ్రీవంగా ఎన్నుకున్నారు. అనంతరం
జయంతి కార్యక్రమాల ఏర్పాటు విషయమై చర్చించి
రాబోయే జయంతి కార్యక్రమాన్ని విజయవంతంగా నిర్వహించాలని తీర్మానం చేశారు. ఈ సమావేశంలో భవన కమిటీ అధ్యక్షులు నీలం మల్లేశం, వార్డు పెద్దమనిషి కడారి కుమార్,మహిళా నాయకురాలు తరాల రాజమణి,బత్తుల రమేష్ బాబు,గాలి రాజు,ఎలుక సిద్ధార్థ, మగ్గిడి సుధాకర్,నీలం కిరణ్,నీలం రాజు,ఒంటెల సురేష్,ఒగ్గుల నరేష్,ఎరుకల సాయి,గాలి నవీన్, వినోద్,చింటూ తదితరులు పాల్గొన్నారు.

The post ఏకగ్రీవంగా ఎన్నికైన కరీమాబాద్ శాఖ అంబేద్కర్ యువజన సంఘ కార్యవర్గం appeared first on VEDHA NEWS.

• అంగరంగ వైభవంగా బొడ్రాయి పున:ప్రతిష్టాపన
• బొడ్రాయి పున: ప్రతిష్టాపన కార్యక్రమంలో వేలాది గా పాల్గొన్న ప్రజలు
• ఆడపడుచులు, బంధువుల రాకతో ఇంటింటా సందడి

వేద న్యూస్, కరీమాబాద్: 

గ్రామా దేవత (బొడ్రాయి) పున: ప్రతిష్టాపన కార్యక్రమం గ్రేటర్ వరంగల్ కరీమాబాద్ ప్రాంతంలో అంగరంగ వైభవంగా జరిగింది. గత మూడు రోజులుగా కరీమాబాద్ ప్రాంతంలో పండుగ వాతావరణం నెలకొంది.

బుధవారం జరిగిన గ్రామా దేవత (బొడ్రాయి) పున: ప్రతిష్టాపన కార్యక్రమానికి వేలాది మంది భక్తులు పెద్ద ఎత్తున తరలివచ్చి బొడ్రాయి దర్శనం చేసుకున్నారు. అనంతరం 

కరీమాబాద్ ప్రాంతంలోని మహిళలు బోనాలు సమర్పించారు. గ్రామదేవతలకు బొడ్రాయికి ప్రత్యేక పూజలు నిర్వహించారు.మధ్యాహ్నం ప్రాంత ప్రజలందరికీ మహా అన్నదాన కార్యక్రమాన్ని నిర్వహించారు.సాయంత్రం వేళ బొడ్రాయి కథను వినిపించారు.ఈ కార్యక్రమంలో గ్రామ ఆడబిడ్డలందరు,ప్రజలు పాల్గొన్నారు.

The post ఆధ్యాత్మిక కేంద్రంగా మారిన కరీమాబాద్ appeared first on VEDHA NEWS.

వేద న్యూస్, కరీమాబాద్:

పురాతన పండుగలను విస్మరించొద్దని ఆధునిక పరిజ్ఞానంతో పరుగులు పెడుతున్న నేటి రోజుల్లో ప్రజలు పురాతన పండుగలను విస్మరించకుండా జరుపుకోవాలని కరీమాబాద్ బొడ్రాయి పున ప్రతిష్టాపన కమిటీ సభ్యులు అన్నారు. భక్తి గీతాలు, భక్తుల కోలాహలం మధ్య కరీమాబాద్ బొడ్రాయి పున ప్రతిష్టాపన ఉత్సవాలు మొదలయ్యాయి.

బొడ్రాయి పున ప్రతిష్ఠాపన ఉత్సవాల్లో భాగంగా సోమవారం వేదపండితులు యాగం నిర్వహించి గ్రామస్తులతో హోమం జరిపించారు.

ఈ సందర్భంగా కరీమాబాద్ బొడ్రాయి పున ప్రతిష్టాపన కమిటీ సభ్యులు మాట్లాడుతూ
గ్రామాల్లో కులదేవతలకు అధిక ప్రాముఖ్యం ఇవ్వాలన్నారు. హిందూ ధర్మాన్ని రక్షించుకోవాల్సిన బాధ్యత ప్రతీ ఒక్కరిపై ఉందన్నారు. మత ధర్మం వ్యక్తి సన్మార్గానికి దారి చూపుతుందని పేర్కొన్నారు.

The post వైభవంగా హోమం కార్యక్రమం appeared first on VEDHA NEWS.

వేద న్యూస్, కరీమాబాద్ : 

దేశవ్యాప్తంగా 75వ గణతంత్ర దినోత్సవ వేడుకలు శుక్రవారం ఘనంగా జరిగాయి. ప్రతి చోటా త్రివర్ణ పతాకం రెపరెపలాడుతుంది. వరంగల్ తూర్పు నియోజకవర్గంలోని 40వ డివిజన్ కరీమాబాద్ లో రిపబ్లిక్ డే వేడుకలను స్ధానిక యువకులు ఘనంగా నిర్వహించారు. త్రివర్ణ పతాకాన్ని ఆవిష్కరించారు. అనంతరం పలువురికి చాక్లెట్లు,బిస్కెట్లు పంపిణీ చేశారు.

The post కరీమాబాద్ లో ఘనంగా గణతంత్ర దినోత్సవం appeared first on VEDHA NEWS.

వేద న్యూస్, వరంగల్ టౌన్:

అయోధ్య రామాలయంలో ప్రాణప్రతిష్ఠ నేపథ్యంలో దేశ వ్యాప్తంగా పలు ప్రాంతాల్లో భారతీయులు సంబరాలు నిర్వహిస్తున్నారు. కాగా వరంగల్ నగరంలోని తూర్పు నియోజకవర్గం కరీమాబాద్ ప్రాంతనికి చెందిన నవయువ చైతన్య యూత్ అసోసియేషన్ ఆధ్వర్యంలో భక్తులు హనుమంతుని భారీ విగ్రహంతో ర్యాలీ నిర్వహించారు.

యువకులందరూ కలిసి నిర్వహించిన ఈ ర్యాలీ అందర్నీ ఆకట్టుకుంది.కాగా పలువురు యువతీ,యువకులు రామనామం జపించారు. దీంతో కరీమాబాద్ ప్రాంతం జై శ్రీరామ్ నినాదాలతో మార్మోగింది.

The post జై శ్రీరామ్ నినాదంతో మార్మోగిన కరీమాబాద్ appeared first on VEDHA NEWS.