వేద న్యూస్, నాగర్‌ కర్నూల్:

నాగర్‌కర్నూల్ జిల్లా కొల్లాపూర్ మండలంలో అటవీ భూములను ఆక్రమించి, అక్రమంగా చెట్ల నరికివేతలు జరుగుతున్నాయని, దీనికి సంబంధించిన ఆధారాలను సేకరించామని, 8 పర్యావరణ పరిరక్షణ ఎన్జీఓలు తెలిపాయి. వారు సంయుక్త వేదికగా ఫారెస్ట్ భూముల ఆక్రమణను తీవ్రంగా ఖండిస్తూ, పత్రికా సమావేశం బుధవారం ఏర్పాటు చేసినట్టు మంగళవారం ఓ ప్రకటనలో తెలిపారు. 

కొల్లాపూర్ మండలంలోని మల్లేశ్వరం గ్రామం, ములచింతలపల్లి గ్రామం, మరియు జిల్లావాయిపల్లి గ్రామం/వాయిలపాడుకుల గ్రామం పరిసర ప్రాంతాలలో అటవీ సంరక్షణ హక్కులు ( రెసిడెన్షియల్ ఆక్యుపెన్సీ ఇన్ ఫారెస్ట్ రైట్స్) పేరుతో అటవీ భూమి ఆక్రమణలు, అక్రమ చెట్ల నరికివేతలు, ఆర్వోఎఫ్ఆర్లో  అవకతవకలు, అటవీ సిబ్బందిపై దాడులు మరియు బెదిరింపులు జరుగుతున్నట్లు ఎన్జీఓలు గట్టి ఆధారాలను సేకరించాయి.

ఈ ఆక్రమణల వెనుక కొందరు రాజకీయ నాయకుల అండదండలు ఉన్నాయని, వారు డబ్బు కోసం అడవిని పాడుచేస్తున్నారని, అడవిని ‘కులం’ పేరుతో విభజించి అమ్మే ప్రయత్నాలు చేస్తున్నారని, అక్రమ మైనింగ్ కార్యకలాపాలను ప్రోత్సహిస్తున్నారని ఎన్జీఓలు ఆరోపించాయి.

పర్యావరణానికి జరుగుతున్న ఈ విధ్వంసాన్ని ప్రతి ఒక్కరూ తెలుసుకోవాల్సిన అవసరం ఉందని, ఈ విషయంపై పూర్తి వివరాలు తెలుపనున్నట్టు పేర్కొన్నారు.  బుధవారం ఉదయం 10 గంటలకు ఫారెస్ట్ రేంజ్ కార్యాలయం (ఫారెస్ట్ రేంజ్ ఆఫీస్) కొల్లాపూర్ లో ప్రెస్ మీట్ ఉంటుందని స్పష్టం చేశారు. 

8 ఎన్జీఓల సంయుక్త వేదికలో  ఓరుగల్లు వైల్డ్ లైఫ్ సొసైటీ , ఇండియన్ సొసైటీ ఫర్ సస్టైనబుల్ ఎన్విరాన్‌మెంట్ అండ్ వైల్డ్ లైఫ్ , నేచర్ ఫ్రెండ్స్ ఎన్విరాన్‌మెంటల్ డెవలప్‌మెంట్ సొసైటీ ,
 ప్రకృతి పర్యావరణ సంరక్షణ సమితి, కుంధి/గ్లోబల్ బయోడైవర్సిటీ సొల్యూషన్స్ ప్రైవేట్ లిమిటెడ్, ఆర్గానిక్ ఫార్మింగ్,  ఎన్విరాన్‌మెంట్ ప్రొటెక్షన్ అసోసియేషన్, సుందర్‌లాల్ బహుగుణ పర్యావరణ పరిరక్షణ సొసైటీ, ఎన్విరాన్‌మెంట్ & వైల్డ్ లైఫ్ కన్సర్వేషన్ సొసైటీ లు ఉన్నాయి. పూర్తి వివరాలకు రమేష్ జెట్టిని  95020 01450 నంబర్‌లో సంప్రదించొచ్చు.

The post అటవీ భూముల ఆక్రమణపై ఖండన..బుధవారం 8 ఎన్జీవోల సంయుక్త ప్రెస్‌మీట్ appeared first on VEDHA NEWS.

వేద న్యూస్, నాగర్ కర్నూల్:

ఫారెస్ట్ భూమి ఆక్రమణకు యత్నిస్తున్న వారిని అడ్డుకునే క్రమంలో అటవీశాఖ అధికారిపై దాడి చేశారు. నాగర్ కర్నూల్ జిల్లా కొల్లాపూర్ మండలం అండ్ రేంజ్ ముక్డికిగుండం గ్రామ పరిసర ప్రాంతంలో ఫారెస్ట్ భూమిని ఆక్రమిస్తుండగా, అక్కడ ఎఫ్ఎస్ వో జయరాజు విధినిర్వాహణలో భాగంగా అడ్డుకోగా, కొందరు వారిపై దాడి చేసి గాయపరిచారు.

దీంతో అక్కడికి ఎఫ్డిఓ చంద్రశేఖర్ అధికారులు రోహిత్ గోపిడి తదితర సిబ్బంది వెళ్లి ఆయన్ను పరామర్శించారు. సమీప కొల్లాపూర్ పోలీస్ స్టేషన్లో ఫిర్యాదు చేశారు.

ఫారెస్ట్ డిపార్ట్ మెంట్ వారిపై దాడి క్షమించారానిదని, అధికారులు ఈ విషయం పై వెంటనే స్పందించి దాడిచేసిన వారిపై చట్టరీత్యా చర్యలు తీసుకోవాలని ఓరుగల్లు వైల్డ్ లైఫ్ సొసైటీ కోరింది. నిందితుల దాడిని ఖండిస్తున్నామని, ఫారెస్ట్ డిపార్ట్మెంటుకు అండగా ఉంటామని ఓ ప్రకటనలో వెల్లడించింది.

The post అటవీ శాఖ అధికారిపై దాడి (వీడియో).. ఫారెస్ట్ భూమి ఆక్రమణకు యత్నం.. appeared first on VEDHA NEWS.