వేద న్యూస్, నాగర్‌ కర్నూల్:

నాగర్‌కర్నూల్ జిల్లా కొల్లాపూర్ మండలంలో అటవీ భూములను ఆక్రమించి, అక్రమంగా చెట్ల నరికివేతలు జరుగుతున్నాయని, దీనికి సంబంధించిన ఆధారాలను సేకరించామని, 8 పర్యావరణ పరిరక్షణ ఎన్జీఓలు తెలిపాయి. వారు సంయుక్త వేదికగా ఫారెస్ట్ భూముల ఆక్రమణను తీవ్రంగా ఖండిస్తూ, పత్రికా సమావేశం బుధవారం ఏర్పాటు చేసినట్టు మంగళవారం ఓ ప్రకటనలో తెలిపారు. 

కొల్లాపూర్ మండలంలోని మల్లేశ్వరం గ్రామం, ములచింతలపల్లి గ్రామం, మరియు జిల్లావాయిపల్లి గ్రామం/వాయిలపాడుకుల గ్రామం పరిసర ప్రాంతాలలో అటవీ సంరక్షణ హక్కులు ( రెసిడెన్షియల్ ఆక్యుపెన్సీ ఇన్ ఫారెస్ట్ రైట్స్) పేరుతో అటవీ భూమి ఆక్రమణలు, అక్రమ చెట్ల నరికివేతలు, ఆర్వోఎఫ్ఆర్లో  అవకతవకలు, అటవీ సిబ్బందిపై దాడులు మరియు బెదిరింపులు జరుగుతున్నట్లు ఎన్జీఓలు గట్టి ఆధారాలను సేకరించాయి.

ఈ ఆక్రమణల వెనుక కొందరు రాజకీయ నాయకుల అండదండలు ఉన్నాయని, వారు డబ్బు కోసం అడవిని పాడుచేస్తున్నారని, అడవిని ‘కులం’ పేరుతో విభజించి అమ్మే ప్రయత్నాలు చేస్తున్నారని, అక్రమ మైనింగ్ కార్యకలాపాలను ప్రోత్సహిస్తున్నారని ఎన్జీఓలు ఆరోపించాయి.

పర్యావరణానికి జరుగుతున్న ఈ విధ్వంసాన్ని ప్రతి ఒక్కరూ తెలుసుకోవాల్సిన అవసరం ఉందని, ఈ విషయంపై పూర్తి వివరాలు తెలుపనున్నట్టు పేర్కొన్నారు.  బుధవారం ఉదయం 10 గంటలకు ఫారెస్ట్ రేంజ్ కార్యాలయం (ఫారెస్ట్ రేంజ్ ఆఫీస్) కొల్లాపూర్ లో ప్రెస్ మీట్ ఉంటుందని స్పష్టం చేశారు. 

8 ఎన్జీఓల సంయుక్త వేదికలో  ఓరుగల్లు వైల్డ్ లైఫ్ సొసైటీ , ఇండియన్ సొసైటీ ఫర్ సస్టైనబుల్ ఎన్విరాన్‌మెంట్ అండ్ వైల్డ్ లైఫ్ , నేచర్ ఫ్రెండ్స్ ఎన్విరాన్‌మెంటల్ డెవలప్‌మెంట్ సొసైటీ ,
 ప్రకృతి పర్యావరణ సంరక్షణ సమితి, కుంధి/గ్లోబల్ బయోడైవర్సిటీ సొల్యూషన్స్ ప్రైవేట్ లిమిటెడ్, ఆర్గానిక్ ఫార్మింగ్,  ఎన్విరాన్‌మెంట్ ప్రొటెక్షన్ అసోసియేషన్, సుందర్‌లాల్ బహుగుణ పర్యావరణ పరిరక్షణ సొసైటీ, ఎన్విరాన్‌మెంట్ & వైల్డ్ లైఫ్ కన్సర్వేషన్ సొసైటీ లు ఉన్నాయి. పూర్తి వివరాలకు రమేష్ జెట్టిని  95020 01450 నంబర్‌లో సంప్రదించొచ్చు.

The post అటవీ భూముల ఆక్రమణపై ఖండన..బుధవారం 8 ఎన్జీవోల సంయుక్త ప్రెస్‌మీట్ appeared first on VEDHA NEWS.

• హైదరాబాద్ సెంట్రల్ వర్సిటీ అడవుల జీవవైవిధ్య విధ్వంసం పైన OWLS ఆధ్వర్యంలో రౌండ్ టేబుల్ సమావేశం

వేద న్యూస్, వరంగల్:

తెలంగాణ ప్రభుత్వం గత వారం రోజుల నుంచి రాష్ట్రంలోని హైదరాబాద్ సెంట్రల్ యూనివర్సిటీ (HCU) లో హైదరాబాద్ కు ఊపిరి అందిస్తున్న అడవిని, అడవి జంతువులను, వృక్షాలను, నీటి కుంటలను చట్టవిరుద్ధంగా 400 ఎకరాలను రాత్రికి రాత్రి నాశనం చేయడం దారుణం అని పలువురు పర్యావరణవేత్తలు పేర్కొన్నారు. హైదరాబాద్ సెంట్రల్ యూనివర్సిటీ కి సంబందించిన 400 ఎకరాల అడవి విధ్వంసం గురించి ఓరుగల్లు వైల్డ్ లైఫ్ సొసైటీ(OWLS) ఆధ్వర్యంలో హనుమకొండ నక్కలగుట్టలోని హరిత హోటల్ లో రౌండ్ టేబుల్ సమావేశం నిర్వహించారు.

ఈ చర్చా కార్యక్రమానికి ముఖ్య అతిథిగా మాజీ శాసనసభ్యులు దాస్యం వినయ్ భాస్కర్  హాజరై మాట్లాడుతూ ప్రపంచ స్థాయి ప్రమాణాలు గల హైదరాబాద్ సెంట్రల్ యూనివర్సిటీ లోని 400 ఎకరాల విస్తీర్ణంలో ఉన్న జీవులను ఛిద్రం చేస్తూ, చెట్లను, జీవుల ఆవాసాలను, నీటి వనరులను, పర్యావరణ చట్టాలను, అటవీ చట్టాలను, నీటి చట్టాలను తుంగలో తొక్కి కోర్టు ఆదేశాలను సైతం ఉల్లంఘిస్తూ అక్కడి జీవవైవిధ్యాన్ని నాశనం చేస్తున్న తెలంగాణ రాష్ట్ర ప్రభుత్వం పైన చట్టప్రకారంగా చర్యలు తీసుకోవాలని డిమాండ్ చేశారు.

సామాజిక బాధ్యతతో జీవ వైవిధ్య పరిరక్షణ కోసం పోరాటం చేస్తున్న విద్యార్థులపైన, ఇతరులపైన పెట్టిన అక్రమ కేసులను ఎత్తివేయాలని కోరారు. తాను పర్యావరణ పరిరక్షణ కోసం కట్టుబడి ఉన్నానని తెలిపారు.

మాజీ మేయర్ టి. రాజేశ్వరరావు మాట్లాడుతూ… మనిషి తన అస్తిత్వం కోసం ప్రకృతిని నాశనం చేయడం దారుణం అన్నారు. 400 ఎకరాలల్లో అడగని విధ్వంసం చేయడం ప్రభుత్వ ఏకపక్ష నిర్ణయమేనని పేర్కొన్నారు.  ప్రభుత్వ ప్రజా వ్యతిరేక విధానాలపై పౌర సమాజం పోరాడాలని పిలుపునిచ్చారు.

“ఓరుగల్లు వైల్డ్ లైఫ్ సొసైటీ” సంస్థ సభ్యులు మాట్లాడుతూ ప్రైవేటు వ్యక్తులతో కుమ్మక్కై రాష్ట్రప్రభుత్వం ఎన్నో సంవత్సరాల వయసు కలిగిన చెట్లను పీకివేస్తూ జింకలను, నెమళ్లను,వివిధ రకాల పక్షులను, షెడ్యూల్ 1,2,3,4, జాబితాలో గలిగిన జీవులను,నక్షత్ర తాబేళ్లను, ఉడుములను, పాములను, తొండలను జీవ వైవిధ్యం పరంగా ప్రాధాన్యత కలిగిన వివిధ రకాల జీవులను, నాశనం చేయడం అత్యంత దారుణమని పేర్కొన్నారు. ఈ సందర్బంగా HCU జీవవైవిధ్యం,  ప్రభుత్వం చేపట్టిన విధ్వంసంపై 10 నిమిషాల వీడియో అదేవిధంగా 30 నిమిషాల పవర్ పాయింట్ ప్రెజెంటేషన్ ను ఔల్స్ జాయింట్ సెక్రెటరీ రవిబాబు పిట్టల ప్రజెంట్ చేశారు.

వివిధ NGO’S ప్రతినిధులు మాట్లాడుతూ నీరు, భూమి, ఖనిజాలు, చెట్లు వంటివి పరిమిత వనరులు కాబట్టి  వాటిని బాధ్యతాయుతంగా ఉపయోగించాలన్నారు . సహజ వనరుల సంపద నశిస్తే రాబోయే తరాలకు మనుగడ సాగించడం ఒక సవాల్ గా మారుతుందని వెల్లడించారు.

భూమి ఆరోగ్యంగా ఉండాలంటే, అడవులను సంరక్షించుకోవాలని, ఊపిరితిత్తులు దెబ్బతింటే శరీరానికి ఎలా నష్టం కలుగుతుందో, అదే విధంగా అడవులు నాశనం అయితే వాతావరణ మార్పులు, వాయు కాలుష్యం, నీటి కొరత వంటి సమస్యలు ఏర్పడతాయని చెప్పారు. ఈ సందర్భం గాహైదరాబాద్ యూనివర్సిటీ విద్యార్థుల అక్రమ అరెస్టులను ముక్త ఖంఠంతో ఖండిస్తూ వారిని బేషరుతుగా విడుదల చేస్తూ వారిపైన పెట్టిన కేసులను వెంటలే ఎత్తివేయాలని ప్రభుత్వాన్ని కోరారు.

 కార్యక్రమంలో ఓరుగల్లు వైల్డ్ లైఫ్ సొసైటీ సంస్థ అధ్యక్షులు ఇందారం నాగేశ్వరరావు , సెక్రెటరీ చెల్పూరి శ్యాం సుందర్, జాయింట్ సెక్రెటరీ పిట్టల రవి బాబు, “టార్చ్” వ్యవస్థాపక అధ్యక్షులు అరవింద్ ఆర్య, వన సేవ ప్రతినిధులు పొట్లపల్లి వీరభద్రా రావు, నరేష్, పర్యావరణవేత్త రతన్ సింగ్, డాక్టర్ ప్రసాద్ ,నిమ్మ శ్రీనివాస్, నిఖిత, జేవీవీ సంస్థ ప్రతినిధి పరికిపండ్ల వేణు, కమలాకర్ స్వామి, కుమారి రాపోల్ నిఖిత, విద్యార్థి నాయకులు శరత్, రాకేష్ యాదవ్, బైరపాక ప్రశాంత్, శ్రీకాంత్ చారి, వీరస్వామి, అనిల్ తదితరులు వివిధ ఎన్జీవో సంస్థల ప్రతినిధులు పాల్గొని ఈ రౌండ్ టేబుల్ సమావేశాన్ని విజయవంతం చేశారు.

The post HCUలో 400 ఎకరాల విధ్వంసం దారుణం: పర్యావరణవేత్తలు appeared first on VEDHA NEWS.

కాకతీయ యూనివర్సిటీ భూములను కబ్జాదారుల నుంచి కాపాడాలని బీజేపీ వరంగల్ జిల్లా అధ్యక్షులు గంట రవికుమార్ కోరారు. శనివారం ఆయన వరంగల్, హన్మకొండ బీజేపీ నేతలతో కలిసి యూనివర్సిటీ రిజిస్ట్రార్ కు వినితి పత్రం అందజేశారు. అనంతరం ఆయన మాట్లాడారు. ప్రహరీ నిర్మాణానికి టెండర్ డేట్ ముగిసిన ఇంకా పనులు ఎందుకు మొదలుపెట్టలేదని ప్రశ్నించారు. పూర్తి స్థాయి యూనివర్సిటీ భూముల చుట్టూ ప్రహరీ గోడను వెంటనే నిర్మించాలని డిమాండ్ చేశారు. కాకతీయ యూనివర్సిటీకి ప్రత్యేక గుర్తింపు ఉందని, అధికారులు నిర్లక్ష్యంతో ఆ పేరును చెడగొడుతున్నారన్నారు. యూనివర్సిటీ భూములను కాపాడాల్సిన అధికారులు కబ్జాదారులకు వంత పాడుతున్నట్లు కనిపిస్తోందన్నారు. వెంటనే ప్రహరీ నిర్మించాలని, కబ్జాదారులపై చర్యలు తీసుకోవాలన్నారు. లేకపోతే బీజేపీ ఆధ్వర్యంలో ఉద్యమాలు చేపడుతామని హెచ్చరించారు. ఈ కార్యక్రమంలో హన్మకొండ జిల్లా ప్రధాన కార్యదర్శి కొలను సంతోష్ రెడ్డి, వరంగల్ జిల్లా ప్రధాన కార్యదర్శి బాకం హరి శంకర్, రెండు జిల్లాల నాయకులు తీగల భరత్ గౌడ్, కందగట్ల సత్యనారాయణ, చల్లా జైపాల్ రెడ్డి, కనుకుంట్ల రంజిత్, వన్నాల వెంకటరమణ, జన్ను మధు, మార్టిన్ లుథర్, రఘునరెడ్డి, భరత్ వీర్, అరణ్య రెడ్డి, శ్రీరాం రెడ్డి, కార్యకర్తలు తదితరులు పాల్గొన్నారు.

The post కేయూ భూములను కాపాడాలి appeared first on VEDHA NEWS.