వేద న్యూస్, మరిపెడ:

మహబూబాబాద్ జిల్లా మారిపెడ పట్టణంలో పోలీస్ శాఖ ఆధ్వర్యంలో నిర్వహిస్తున్న “అరైవ్ అలైవ్” (Arrive Alive) కార్యక్రమంలో భాగంగా కంటి పరీక్షా శిబిరాన్ని నిర్వహించారు. రహదారి భద్రతపై అవగాహన పెంపొందించడంతో పాటు వాహనదారుల ఆరోగ్య పరిరక్షణ లక్ష్యంగా ఈ కార్యక్రమాన్ని చేపట్టారు.

ఈ కార్యక్రమంలో మరిపెడ సీఐ రాజ్ కుమార్ గౌడ్, ఎస్సై వీరబద్రం మరియు పోలీస్ సిబ్బంది పాల్గొన్నారు. వారు స్వయంగా కంటి పరీక్షలు చేయించుకుని, రోడ్డు భద్రతలో శారీరక ఆరోగ్య ప్రాముఖ్యతను తెలియజేశారు.

అలాగే ఆటో డ్రైవర్లు, లారీ డ్రైవర్లు పెద్ద సంఖ్యలో హాజరై కంటి పరీక్షలు చేయించుకున్నారు. కంటి సమస్యలను ముందుగానే గుర్తించడం ద్వారా ప్రమాదాలను నివారించవచ్చని వైద్యులు సూచించారు.

ఈ శిబిరంలో కంటి వైద్యులు పాల్గొని డ్రైవర్లకు కంటి పరీక్షలు నిర్వహించగా, అవసరమైన వారికి కంటి అద్దాలు అందించేందుకు డా.సురెండర్ ఐ స్పెషలిస్ట్ మరియు రవీందర్ ఐ గ్లాసెస్ వారు సహకారం అందించారు.

ఈ సందర్భంగా సీఐ రాజ్ కుమార్ గౌడ్ మాట్లాడుతూ, వాహనం నడిపే ప్రతి డ్రైవర్ కంటి ఆరోగ్యాన్ని క్రమం తప్పకుండా పరీక్షించుకోవడం అత్యంత అవసరమని, రోడ్డు ప్రమాదాల నివారణలో ఇది కీలక పాత్ర పోషిస్తుందని తెలిపారు. పోలీస్ శాఖ ఆధ్వర్యంలో ఇలాంటి అవగాహన కార్యక్రమాలు నిరంతరం కొనసాగుతాయని తెలిపారు.

ఈ కార్యక్రమంలో పోలీస్ సిబ్బంది, వైద్య సిబ్బంది మరియు స్థానిక వాహనదారులు పాల్గొన్నారు.

The post పోలీస్ శాఖ ఆధ్వర్యంలో డ్రైవర్లకు కంటి పరీక్ష శిబిరం appeared first on VEDHA NEWS.

• ప్రభుత్వ విప్ ఎమ్మెల్యే రామచంద్ర నాయక్

వేద న్యూస్, మరిపెడ:

మహబూబాబాద్ జిల్లా మరిపెడ మున్సిపల్ కేంద్రంలో జరుగుతున్న మున్సిపల్ ఎన్నికల నేపథ్యంలో కాంగ్రెస్ పార్టీ అభ్యర్థుల గెలుపే లక్ష్యంగా ప్రభుత్వ విప్, డోర్నకల్ ఎమ్మెల్యే డాక్టర్ జాటోత్ రామచంద్ర నాయక్ ఆధ్వర్యంలో విస్తృత ఎన్నికల ప్రచారం జరిగింది. మరిపెడ మున్సిపాలిటీ 5వ వార్డు కాంగ్రెస్ పార్టీ అభ్యర్థి బోడి రవి తరఫున ఆయన ప్రజలను కలుసుకుంటూ మద్దతు కోరారు.

ఈ సందర్భంగా ఎమ్మెల్యే డా. జాటోత్ రామచంద్ర నాయక్ మాట్లాడుతూ రాష్ట్రంలో కాంగ్రెస్ ప్రభుత్వం చేపడుతున్న సంక్షేమ పథకాల గురించి ప్రజలకు వివరించారు. ముఖ్యంగా ఇందిరమ్మ ఇళ్ల నిర్మాణం, నూతన రేషన్ కార్డుల పంపిణీ, సన్న బియ్యం పంపిణీ, 200 యూనిట్ల వరకు ఉచిత విద్యుత్, మహిళలకు ఆర్టీసీ ఉచిత ప్రయాణం వంటి పథకాలు ప్రజలకు ఎంతగానో ఉపయోగపడుతున్నాయని తెలిపారు. కాంగ్రెస్ ప్రభుత్వం ప్రజల సంక్షేమం మరియు అభివృద్ధి లక్ష్యంగా పని చేస్తోందని ఆయన పేర్కొన్నారు.

మరిపెడ పట్టణ అభివృద్ధికి కాంగ్రెస్ అభ్యర్థులను గెలిపించాలని ప్రజలను కోరుతూ, మున్సిపాలిటీ అభివృద్ధికి ప్రత్యేక ప్రణాళికలు రూపొందిస్తున్నామని తెలిపారు. స్థానిక సమస్యలను పరిష్కరించడానికి కాంగ్రెస్ పార్టీ కట్టుబడి ఉందని, ప్రజలు పార్టీకి మద్దతు ఇవ్వాలని ఆయన విజ్ఞప్తి చేశారు.

ఈ ప్రచార కార్యక్రమంలో కాంగ్రెస్ పార్టీ జిల్లా నాయకులు వంటికొమ్ము యుగంధర్ రెడ్డి, స్నేహా యూత్ అధ్యక్షులు మరియు కాంగ్రెస్ పార్టీ యువ జిల్లా నాయకులు నూకల అభినవ్ రెడ్డి, కాంగ్రెస్ పార్టీ మండల అధ్యక్షుడు పెండ్లి రఘువీరారెడ్డి, కాంగ్రెస్ పార్టీ పట్టణ అధ్యక్షుడు షేక్ తాజుద్దీన్, మాజీ సర్పంచ్ పానుగోతు రాంలాల్, షేక్ అఫ్జల్, మాజీ ఎంపీటీసీ గంధసిరి అంబరీష, కాంగ్రెస్ పార్టీ సీనియర్ నాయకులు సయ్యద్ సర్వర్ భాయ్ తదితరులు పాల్గొన్నారు.

ఈ సందర్భంగా పార్టీ నాయకులు మరియు కార్యకర్తలు ఇంటింటికి వెళ్లి ప్రజలను కలిసి కాంగ్రెస్ అభ్యర్థి బోడి రవికి ఓటు వేసి భారీ మెజారిటీతో గెలిపించాలని కోరారు. మరిపెడ పట్టణ ప్రజల నుండి కాంగ్రెస్ పార్టీకి మంచి స్పందన లభిస్తున్నట్లు నాయకులు తెలిపారు.

The post మరిపెడ పట్టణ అభివృద్ధికి కాంగ్రెస్ అభ్యర్థులను గెలిపించండి  appeared first on VEDHA NEWS.

• 11వ వార్డు కౌన్సిలర్ గా సత్యవతి నామినేషన్ 

వేద న్యూస్, మరిపెడ :

 మరిపెడ మున్సిపల్ కౌన్సిల్ ఎన్నికల్లో భాగంగా 11వ వార్డ్ ఎస్టి జనరల్ కావడంతో 11వ వార్డుకు చెందినబాషిపంగు యుగేందర్ భార్య లావుడియా సత్యవతి  నామినేషన్ శుక్రవారం దాఖలు చేశారు.

వారు గులాబీ పార్టీలో చేరి నామినేషన్ వేశారు. కార్యక్రమంలో 11వ వార్డుకు చెందిన మాజీ కౌన్సిలర్ ఏడేలీ పరశురాములు , భాష్పంగు ఉప్పలమల్లు, సైదులు, మాంజా, బానోత్ వెంకన్న, బానోత్ వీరన్న, రవి, అశోక్ తదితరులు పాల్గొన్నారు.

The post 11వ వార్డు కౌన్సిలర్ గా సత్యవతి నామినేషన్ appeared first on VEDHA NEWS.

వేద న్యూస్, మరిపెడ:

గత కొద్ది రోజుల క్రితం మరిపెడ మున్సిపాలిటీ కేంద్రానికి చెందిన బాసిపంగు వీరబాబు రోడ్డు ప్రమాదంలో గాయపడిన విషయం తెలుసుకున్న బిఆర్ఎస్ పార్టీ మరిపెడ మున్సిపాలిటీ నాయకులు ఆయన్ను పరామర్శించారు.

మరిపెడ మున్సిపాలిటీ ఎస్టీ సెల్ బిఆర్ఎస్ పార్టీ అధ్యక్షులు,బాలాజీ నాయక్,బిఅర్ఎస్ పార్టీ నాయకులు పానుగోతు వెంకన్న,వెంకు రవి తదితరులు వీరబాబు నివాసానికి వెళ్లి పరామర్శించారు. వీర బాబు త్వరగా కోలుకోవాలని ఆకాంక్షించారు.

The post బీఆర్ఎస్ నాయకుల పరామర్శ appeared first on VEDHA NEWS.

వేద న్యూస్, మరిపెడ:

ఇటీవల రోడ్డు ప్రమాదంలో మరిపెడ మున్సిపాలిటీ కేంద్రం 10,11వార్డులకు చెందిన బాషిపంగు శ్రీరాములు, బాషిపంగు వీరబాబు గాయపడ్డారు.ఈ  విషయం తెలుసుకున్న మహబూబాబాద్ జిల్లా గ్రంధాలయ సంస్థ మాజీ చైర్మన్  గుడిపూడి నవీన్ రావు  శనివారం వారి నివాసాలకు వెళ్లి పరామర్శించారు.

అనంతరం బాషిపంగు వెంకటయ్య అనారోగ్యంతో మృతి చెందిన విషయాన్ని తెలుసుకొని వారి నివాసానికి వెళ్లి, పార్థివదేహానికి పూలమాలవేసి నివాళులర్పించారు. వారి కుటుంబ సభ్యుకు మనో ధైర్యం చెప్పారు. 

 
నవీన్ రావు వెంట 11వ వార్డు మాజీ కౌన్సిలర్ ఎడెల్లి పరశురాములు,బిఆర్ఎస్ నాయకులు ఎడెల్లి సైదులు,బాషిపంగు లక్ష్మయ్య,బాషిపంగు సురేష్,పోస్ట్ వెంకన్న, ఎడెల్లి రవి,  సోమన్న, అర్జున్, సోమయ్య,వెంకన్న, దశరదం,మల్సురు తదితరులున్నారు.

The post గుడిపూడి నవీన్ రావు పరామర్శ appeared first on VEDHA NEWS.

• దాతృత్వాన్ని చాటిన మరిపెడ సీఐ
• షూస్ లేకుండా నడిచే పాఠశాల పిల్లలను చూసి చలించిన ఇన్ స్పెక్టర్
• 130 మంది విద్యార్థులకు సొంత ఖర్చులతో షూస్ వితరణ
• పిల్లల కళ్లలో ఆనందం
• కృతజ్ఞతలు తెలిపిన విద్యార్థుల తల్లి తండ్రులు,ఉపాధ్యాయులు

వేద న్యూస్, మరి పె డ:

పోలీస్ లు లాఠీలకు పని చెప్తూ దోషుల పట్ల కటినంగా ఉండటమే కాదు..పేదరికాన్ని చూసి చలించే హృదయాన్ని కలిగి ఉంటారని నిరూపించారు మరిపెడ సీఐ రాజ్ కుమార్ గౌడ్..

మరిపెడ మండలం సీతారాం పురం పాఠశాలలో చదివే విద్యార్థులు రోజు షూస్ లేకుండా కాలి పాదాలతో పాఠశాలకు వెళ్తున్నారని సమాచారం అందుకున్న మరిపెడ సీఐ రాజ్ కుమార్ గౌడ్ వెంటనే పాఠశాలకు చేరుకున్నారు.

పేదరికంలో ఉన్న పిల్లలను చూసి చలించిన సీఐ సాబ్ 130 విద్యార్థులకు షూస్ తెప్పించి ఇచ్చి పిల్లల కళ్లలో ఆనందం చూశారు.

పాఠశాలకు చేరుకొని పిల్లల పరిస్థితిని విని షూస్ వితరణ చేసిన సీఐ కి ఉపాధ్యాయులు,విద్యార్థులు,తల్లి తండ్రులు కృతజ్ఞతలు తెలిపారు.

The post సామాజిక సేవలో రా’రాజు’ మరిపెడ సీఐ appeared first on VEDHA NEWS.

వేద న్యూస్, మరిపెడ:

మర్పడ మండలం సబ్ ఇన్ స్పెక్టర్ ఆఫ్ పోలీస్ సతీష్ కుమార్ కు మరిపెడ ప్రెస్ క్లబ్ సభ్యులు శుభాకాంక్షలు తెలిపారు.

మరిపెడ మండలం స్థానిక పోలీస్ స్టేషన్ నందు ఎస్ఐ సతీష్ కుమార్ గౌడ్ కు ప్రెస్ క్లబ్ అధ్యక్షులు మూడు శ్రీ కుమార్ ఆధ్వర్యంలో మర్యాదపూర్వకంగా శుక్రవారం కలిశారు. 

కార్యక్రమంలో ప్రెస్ క్లబ్ సభ్యులు ఐజేయు రాష్ట్ర కౌన్సిల్ సభ్యులు గంధసిరి రవి, అశోక్ కుమార్, బోడ శ్రీను, బానోతు ప్రవీణ్ నాయక్, ఉప్పల రమేష్ ,బాషిపంగు వెంకన్న, సోమన్న, రాజు తదితరులు పాల్గొన్నారు.

The post ఎస్ఐ సతీశ్‌కు మరిపెడ ప్రెస్ క్లబ్ సభ్యుల శుభాకాంక్షలు appeared first on VEDHA NEWS.

•  ఈ నెల 23న స్వర్గీయ నూకల నరేష్ రెడ్డి విగ్రహా ప్రతిష్ట, మొదటి వర్ధంతి కార్యక్రమ నిర్వహణ
• నాన్నను ఆదరించిన విధంగా తనను ఆదరించాలని కోరిన తనయుడు నూకల అభినవ్ రెడ్డి
• రాజకీయలకు అతీతంగా వర్ధంతి ప్రోగ్రామ్ కు  రావాలని పిలుపు
• మాజీ ఎంపీ సురేందర్ రెడ్డి చేతుల మీదుగా విగ్రహా ఆవిష్కరణ ఉంటుందని వెల్లడి

వేద న్యూస్, మరిపెడ:

మహబూబాబాద్ జిల్లా మరిపెడ మండలం పురుషోత్మైగూడెం ఏరువాక వ్యవసాయ క్షేత్రంలో ఈ నెల 23 తేదీన స్వర్గీయ నూకల నరేష్ రెడ్డి మొదటి వర్ధంతి సందర్భంగా విగ్రహ ఆవిష్కరణ ఉంటుందని నరేష్ రెడ్డి తనయులు వెల్లడించారు. బుధవారం విలేకరుల సమావేశంలో వారు మాట్లాడారు. రాష్ట్రంలో డోర్నకల్ నియోజక వర్గంలో రాజకీయ రంగంలో చెరగని ముద్ర వేసిన నూకల నరేష్ రెడ్డి నీ ఆదరించిన విధంగా తనను ఆదరించాలనీ జిల్లా, నియోజక వర్గ ప్రజలను తనయుడు కోరారు.

రాష్ట్ర రాజకీయలలో కీలక పదవులలో పని చేసిన సంగతి అందరి తెలుసునని, 1989నుండి 2024 వరకు రాజకీయ రంగంలో ఎంతో మందికి రాజకీయ రంగంలో ఎదుగుదలకు తోడ్పడి వారి రాజకీయ భవిష్యత్తు పునాదులు వేశారని తెలియజేశారు.

1991లో సెహ్నా యూత్ ను స్థాపించి ఎంతో మందికి రాజకీయ భవిష్యత్తు పునాది వేశారని, ఇప్పుడు ఆ బాధ్యత పూర్తి స్థాయిలో తీసుకొని రాజకీయ రంగంలో రాణించే విధంగా ఆశీర్వాదించాలని కోరారు. తాను నాన్న సమక్షంలో 2018 లో పురుషోత్తమైగూడెం గ్రామ పంచాయతీ నుండి సర్పంచ్ గా నిలబెట్టి రాజకీయంగా మొదటి పునాదీ వేశారని చెప్పారు. ఆయన రాజకీయ వారసుడి గా రాజకీయ రంగంలో రాణించాలని కోరుకుంటున్నానని వెల్లడించారు. 

నూకల నరేష్ రెడ్డికి సహకరించి ఆయన వెంట నడిచిన నాయకులకు, ప్రజలకు ధన్యవాదాలు తెలియచేస్తున్నాను. అలాగే తనను కూడా జిల్లా రాజకీయ రంగంలో రాణించే విధంగా ఆశీర్వాదించాలని కోరారు.

23 తేదీన మొదటి వర్ధంతి, స్వర్గీయ నూకల నరేష్ రెడ్డి విగ్రహా ప్రతిష్ట ఆవిష్కరణకు మాజీ ఎంపీ సురేందర్ రెడ్డి ముఖ్య అతిథిగా వస్తున్నారని, జిల్లా నలుమూల నుండి పెద్ద ఎత్తున రాజకీయ నాయకులు, ప్రజలు,అభిమానులు తరలిరావాలని కోరారు.

కార్యక్రమంలో స్వర్గీయ నూకల నరేష్ రెడ్డి కుమారులునూకల అనిరుధ్ రెడ్డి, నూకల వేణుగోపాల్ రెడ్డి మాజీ డి సి యంఎస్, బండీ వెంకట్ రెడ్డి మాజీ జడ్పీటీసీ కురవి,బానోతు రాము నాయక్ మాజీ జడ్పీటీసీ కురవి, గాంధసిరి అంబరీష మాజీ ఎంపీటీసీ, బానోతు రాంలాల్ మాజీ సర్పంచ్,ముళ్ళ మురళి ధర్ రెడ్డి మాజీ జడ్పీటీసీ చిన్న గూడూరు, సమ్మెట రాము మాజీ ఎంపీటీసీ, ఆఫ్ఏ సి ఎస్ ఛైర్మన్,గడ్డం వెంకట్ రెడ్డి కేసముద్రం మార్కెట్ డైరెక్టర్,జిల్లా కాంగ్రెస్ నాయకులు కాలం రవీందర్ రెడ్డి,యార్ల మురళిధర్ రెడ్డి, గుండాగానీ సుందర్, తదితరులు పాల్గొన్నారు.

The post నాన్నను ఆదరించినట్టుగానే నన్నూ ఆశీర్వదించండి: ప్రజలను కోరిన నూకల నరేశ్ రెడ్డి తనయుడు appeared first on VEDHA NEWS.

వేద న్యూస్, మరిపెడ:

స్ఫూర్తి ఎడ్యుకేషనల్&రూరల్ డెవలప్మెంట్ సోసైటీ తెలుగు సేవా సమితి ఆఫ్ నేబ్రాస్క వారి ఆధ్వర్యంలో  సోమవారం జెడ్పీహెచ్ఎస్ మరిపెడ పాఠశాలలో ఎన్.ఎం.ఎం.ఎస్ (ఎన్ఎంఎంఎస్ )రాయబోయే ఎనిమిదవ తరగతి విద్యార్థిని విద్యార్థులకు పుస్తకాలను అందించారు .

ఈ కార్యక్రమానికి అధ్యక్షత వహించిన ప్రధానోపాధ్యాయులు ఆనంతరాములు మాట్లాడుతూ స్ఫూర్తి ఎడ్యుకేషనల్ సొసైటీ వారు పేద పిల్లలపై చూపించే ఔదార్యానికి కృతజ్ఞతలు తెలిపారు.

అదేవిధంగా స్ఫూర్తి ఎడ్యుకేషన్ ఫౌండేషన్ ప్రధాన కార్యదర్శి మేకల కృష్ణయ్య మాట్లాడుతూ పేద పిల్లలకు అన్ని రకాలుగా సహకారం అందించాలని అటువంటి ఉద్దేశంతో ఈ పుస్తకాలు అందివ్వడం జరుగుతుందని, ఈ పరీక్షలో ఉత్తీర్ణులైన విద్యార్థులకు ఇంటర్మీడియట్ వరకు ప్రతి సంవత్సరం 12000 చొప్పున స్కాలర్ షిప్ వస్తుందని  చెప్పారు.

కావున విద్యార్థులు బాగా చదివి ఉత్తీర్ణులు కావాలని సూచించాు.  పాఠశాలలో స్ఫూర్తి ఎడ్యుకేషన్ అనేక సేవా కార్యక్రమాలు చేపట్టినట్టు వెల్లడించారు.

పదో తరగతి  విద్యార్థులకు స్నాక్స్ కు సహకారం అందించామన్నారు. కార్యక్రమంలో మరిపెడ మున్సిపాలిటీ మాజీ కౌన్సిలర్ ఏడెల్లి పరశురాములు ,ఉపాద్యాయులు బి రామ్ మోహన్,బి స్వప్న కె రమేష్ రెడ్డి కె నెహ్రు.ఎం సురేష్.డి ప్రకాష్, శౌరి   ప్రసాదరావు రావు మరియు విద్యార్థినీ విద్యార్థులు, తదితరులు పాల్గొన్నారు.

The post మరిపెడ  ZPHS ప్రభుత్వ పాఠశాల లలో ఎన్ఎంఎంఎస్ బుక్స్ అందజేత appeared first on VEDHA NEWS.

వేద న్యూస్, మరిపెడ:

మరిపెడ ఉన్నత పాఠశాలలో స్కూల్ కాంప్లెక్స్ ప్రధానోపాధ్యాయులు అనంతరావు ఆధ్వర్యంలో నరసింహుల పేట, చిన్న గూడూరు, మరిపెడ మండలాలకు చెందిన ఆంగ్ల ఉపాధ్యాయు లకు స్కూల్ కాంప్లెక్స్ మీటింగ్ జరిగింది.

ఈ కార్యక్రమంలో వారు మాట్లాడుతూ పాఠశాలలు సందర్శించిన సమయంలో పరిశీలించిన అంశాలపై మాట్లాడి, నిర్మాణాత్మక పరీక్షల రివ్యూ చేయడం జరిగింది. ఉపాధ్యాయులందరూ గుణాత్మకమైన విద్యను అందజేయాలని విద్యార్థినీ విద్యార్థులను ఆంగ్లంలో నిష్ణాతులుగా తయారు చేయాలని అన్నారు.

తదుపరి ఇంగ్లీష్ రిసోర్స్ పర్సన్ రామ్మోహన్ బయగాని టీచింగ్ లెర్నింగ్ ప్రాసెస్, లైబ్రరీ, లాంగ్వేజ్ ల్యాబ్ కాన్స్టిట్యూషన్, ఇంగ్లీష్ క్లబ్, లెర్నింగ్ అవుట్ కమ్స్ అను అంశాలపై ఉపాధ్యాయులకు శిక్షణ ఇచ్చారు.

సమావేశంలో కాంప్లెక్స్ ప్రధానోపాధ్యాయులు అనంతరావు, ఇంగ్లీష్ లాంగ్వేజ్ టీచర్స్ అసోసియేషన్ (ఎల్టా) ప్రధాన కార్యదర్శి బయగాని రామ్మోహన్, ఎల్టా బృందం మరిపెడ మండల ఉత్తమ ఉపాధ్యాయులైన చిన్నగూడూరు ఆంగ్ల ఉపాధ్యాయులు సతీష్ రెడ్డి మరియు వీరారం ఆంగ్ల ఉపాధ్యాయులు మర్రెడ్డి లను శాలువాతో ఘనంగా సత్కరించారు.

ఈ కార్యక్రమంలో సిఆర్పి రమేష్ నరసింహులపేట, చిన్న గూడూరు, మరిపెడ మండలాల ఆంగ్ల ఉపాధ్యాయులు పాల్గొన్నారు.

The post ఇంగ్లిష్ సబ్జెక్ట్ స్కూల్ టీచర్స్ కాంప్లెక్స్ మీటింగ్ సక్సెస్.. మరిపెడలో appeared first on VEDHA NEWS.