వేదన్యూస్ -తొర్రూరు

తెలంగాణ రాష్ట్రంలో మహబూబాబాద్ జిల్లాలో ఓ వింతైన సంఘటన చోటు చేసుకుంది. జిల్లాలోని తొర్రూరు మండలం చెర్లపాలెం గ్రామంలో పాలకుర్తి ఎమ్మెల్యే యశస్వినీ రెడ్డి పాల్గోన్నారు.

ఆగ్రామంలోని పాఠశాలలో వాటర్ ప్లాంట్ ప్రారంభోత్సవంలో పాల్గోన్న ఎమ్మెల్యేను అదే గ్రామ పంచాయితీలో పని చేసే సాయిలు, ధర్మారపు మల్లమ్మ, ధర్మారపు వెంకటమ్మ, జయమ్మ, చింతకుంట్ల మల్లయ్య, మైబూ కలిసి ఏడాదిగా తమకు జీతాలు రావడం లేదు.

కుటుంబం గడవటమే కష్టంగా ఉంది. తమ యందు దయతలచి జీతాలను ఇప్పించాల్సిందిగా ఎమ్మెల్యేను కోరారు. అంతే తర్వాత రోజు నుండి మీరు పనికి రానవసరం లేదని సంబంధితాధికారులు ఆదేశాలు జారీ చేశారు. ఏడాదిగా జీతాలు రాక. ఉన్న ఉద్యోగాలు ఊడి ఆ కుటుంబాలు నడిరోడ్డున పడ్డాయి.

The post జీతాలు అడిగితే ఉద్యోగం నుండి తీసేశారు.! appeared first on VEDHA NEWS.

వేదన్యూస్ – మహబూబాబాద్

మహబూబాబాద్ జిల్లా డోర్నకల్ అసెంబ్లీ నియోజకవర్గ కాంగ్రెస్ పార్టీ ఎమ్మెల్యే రాం చంద్రూ నాయక్ ప్రభుత్వాధికారులపై నోరు పారేసుకున్నారు. జిల్లాలోని చిన్నగూడూరు, మర్రిపెడ లో జరిగిన పలు కార్యక్రమాలకు ముఖ్య అతిథిగా ఎమ్మెల్యే పాల్గోన్నారు.

ఈ సందర్భంగా ఎమ్మెల్యే మాట్లాడుతూ నియోజకవర్గంలో పంచాయితీ కార్యదర్శి దగ్గర నుండి ఎంపీవోలు, కరెంటు, పోలీస్ డిపార్మెంట్ అధికారులతో పాటు రెవిన్యూ అధికారులు సైతం నా మాట వినడం లేదు. ఏదైన పని చేయమంటే ఇడియట్ లెక్క మాటలు చెబుతున్నారు.

మీకు ఉద్యోగాలు చేయడం ఇష్టం లేకపోతే మీ ఉద్యోగాలకు రాజీనామా చేసి వ్యాపారాలు చేసుకోండి. నా పదవి ఇప్పుడే ఆయిపోతుందని అనుకుంటున్నారు. నేను విప్ ను.. మెజిస్ట్రేట్ ను.. కలెక్టర్ ర్యాంకు నాది. ఇసుక రవాణాకు ఎందుకు అనుమతివ్వడం లేదు.

టోకెన్ సిస్టమ్ పెట్టి అనుమతిలివ్వచ్చు కదా. రిటైర్మెంట్ అయ్యే వయసులో సస్పెండ్ లు ఎందుకు అని ఎమ్మార్వోపై నోరు పారేసుకున్నారు . దీనిపై స్థానికులు.. రెవిన్యూ ఉద్యోగ సంఘాలు తీవ్ర అభ్యంతరం వ్యక్తం చేస్తున్నారు.

The post ఎమ్మార్వోపై నోరు పారేసుకున్న కాంగ్రెస్ ఎమ్మెల్యే…! appeared first on VEDHA NEWS.

వేదన్యూస్ -భూపాలపల్లి

జయశంకర్ భూపాలపల్లి జిల్లా కేంద్రంలో ఈ నెల ఇరవై ఆరో తారీఖున జరగనున్న జాబ్ మేళాను నిరుద్యోగ యువత అందరూ వినియోగించుకోవాలని కాంగ్రెస్ పార్టీ ఎమ్మెల్యే గండ్ర సత్యనారాయణ పిలుపునిచ్చారు . ఈరోజు గురువారం జాబ్ మేళా ఏర్పాట్లను సింగరేణి, విద్యుత్ ,మున్సిపాలిటీ అధికారులతో కల్సి  ఎమ్మెల్యే గండ్ర సత్యనారాయణ పరిశీలించారు.

అనంతరం ఎమ్మెల్యే గండ్ర మాట్లాడుతూ ” ఈనెల ఇరవై ఆరో తారీఖున జరగనున్న ఈ జాబ్ మేళాకు జిల్లా నలువైపులా నుండి దాదాపు పదివేల మంది నిరుద్యోగ యువత హాజరవుతారని భావిస్తున్నాము. అర్హులైన ప్రతి ఒక్కర్కి వారి సామార్థ్యాన్ని బట్టి అర్హతను బట్టి కొలువు వస్తుంది.

తమ పార్టీ అధికారంలోకి వచ్చాక సుమారు యాబై వేల సర్కారు ఉద్యోగాలను అందజేశాము . ఈ జాబ్ మేళాకు వచ్చే యువతను దృష్టిలో పెట్టుకుని అనేక ఏర్పాట్లను చేశాము. ఈ సదావకాశాన్ని వినియోగించుకుని ఉద్యోగాలను సంపాదించుకోవాలని ఎమ్మెల్యే కోరారు.

The post జాబ్ మేళాను అందరూ వినియోగించుకోండి..! appeared first on VEDHA NEWS.

వేదన్యూస్ -భద్రాద్రి కొత్తగూడెం

కొత్తగూడెం భద్రాద్రి జిల్లాలో భద్రాచల శాసన సభ్యులు డా. తెల్లం వెంకట్రావు గుండెపోటు వచ్చిన ఓ వ్యక్తికి సీపీఆర్ చేసి ప్రాణాలు కాపాడిన వీడియో ఒకటి సోషల్ మీడియాలో తెగ వైరలవుతుంది. శుక్రవారం ఉమ్మడి ఖమ్మం జిల్లాకు చెందిన మంత్రులు పర్యటించారు.

ఈ పర్యటనలో భాగంగా అక్కడి కార్యక్రమాల్లో పాల్గోనడానికి వచ్చిన కాంగ్రెస్ పార్టీకి చెందిన ఓ నేత ఉన్నట్లుగా హార్ట్ అటాక్ వచ్చి కిందపడిపోయాడు.

అక్కడే ఉన్న ఎమ్మెల్యే తెల్లం వెంకట్రావు సదరు వ్యక్తికి సీపీఆర్ చేశారు. దీంతో కాసేపు తర్వాత ఆయన స్పృహాలోకి వచ్చారు. అనంతరం ఆయన్ని ఆసుపత్రికి తరలించారు.

The post సీపీఆర్ చేసి ప్రాణాలు కాపాడిన ఎమ్మెల్యే…! appeared first on VEDHA NEWS.