• రక్తదానం..ప్రాణదానమే

వేద న్యూస్, నల్లబెల్లి :

పోలీస్ అమరవీరుల వారోత్సవాలను పురస్కరించుకొని నర్సంపేట డివిజన్ పోలీస్ ఆధ్వర్యంలోసోమవారం రక్తదాన శిబిరాన్ని నిర్వహించారు.

నల్లబెల్లి ఎస్ఐ వి. గోవర్ధన్ ఆధ్వర్యంలో టీ డబ్ల్యూ జె ఎఫ్ వరంగల్ ఉపాధ్యక్షులు,నల్లబెల్లి కలం ప్రెస్ క్లబ్ అధ్యక్షుడు, కొమ్మురాజు, నల్లబెల్లి మండల ఆటో యూనియన్ అధ్యక్షులు రెడ్డి ప్రశాంత్, యూనియన్ సభ్యులు విద్యార్థులు, దాదాపు 20 మంది పాల్గొని రక్తదానం చేశారు.

ఈ సందర్భంగా ఎస్సై వి. గోవర్ధన్ మాట్లాడుతూ ప్రాణాపాయ స్థితిలో ఉన్నవారికి కాపాడడానికి ఈ రక్త ఎంతో ఉపయోగకరం అని తెలిపారు.

రక్తహీనత వల్ల ప్రమాదాల వల్ల గర్భిణీ స్త్రీలకు తగిన రక్తం లేక ప్రాణాలు కోల్పోయే అవకాశం ఎక్కువగా ఉంది కాబట్టి రక్తదానం చేసి ప్రాణదాతలు కావాలని సూచించారు. ఈ సందర్భంగా కలం ప్రెస్ క్లబ్ అధ్యక్షుడు కొమ్మురాజు మాట్లాడుతూ పోలీస్ అమరవీరుల జ్ఞాపకార్థం సందర్భంగా రక్తదానం ఇవ్వడం తనకి ఎంతో సంతోషంగా ఉందన్నారు.

మోటార్ బైకులపై ప్రయాణించేటప్పుడు పరిమిత వేగంతో ప్రయాణించాలంటు అతివేగంతో మోటార్ సైకిల్ నడిపి కన్నవారికి కన్నీటి వేదను మిగిల్చవద్దన్నారు. అవసరమైన వారికి రక్తదానం చేసి ప్రాణదాతలు కావాలని కోరారు.

ఈ కార్యక్రమంలో సిఐ సాయి రమణ, ఎస్సై వి. గోవర్ధన్, హోంగార్డ్ రమేష్, నల్లబెల్లి మండలం కలం ప్రెస్ క్లబ్ అధ్యక్షుడు కొమ్మురాజు, నల్లబెల్లి మండల ఆటో యూనియన్ అధ్యక్షుడు రెడ్డి ప్రశాంత్, యూనియన్ సభ్యులు పల్లికొండ రవి, శ్రీను, సారంగం, శ్రీనివాస్ శ్రీనివాస్, విద్యార్థులు, తదితరులు పాల్గొన్నారు.

The post అమరవీరుల వారోత్సవాల్లో భాగంగా రక్తదాన శిబిరం appeared first on VEDHA NEWS.

 వేద న్యూస్, వరంగల్:

OWLS(ఓరుగల్లు వైల్డ్ లైఫ్ సొసైటీ), తెలంగాణ ప్రభుత్వం అటవీశాఖ సంయుక్త ఆధ్వర్యంలో మే 22న(గురువారం) నర్సంపేట అసెంబ్లీ సెగ్మెంట్ పరిధిలోని పాకాల బయోడైవర్సిటీ పార్క్‌లో అంతర్జాతీయ జీవ వైవిధ్య దినోత్సవం నిర్వహించనున్నారు. ఈ మేరకు ఓల్స్ ఓ ప్రకటన రిలీజ్ చేసింది. ప్రకృతి సమతుల్యత, సస్టెయినెబుల్(స్థిరమైన) అభివృద్ధి “Harmony with Nature and Sustainable Development” థీమ్‌తో డేను కండక్ట్ చేయనున్నట్టు వివరించారు.

గురువారం ఉదయం 6 గంటలకు పాకాల బయోడైవర్సిటీ పార్క్ వద్ద అందరూ కలుసుకుని.. 6. 30 గంటలకు నేచర్ వాక్‌కు వెళ్తారు. 9.30 గంటలకు చిల్డ్రన్స్ ప్లేయింగ్ ఏరినా వద్ద బ్రేక్‌ఫాస్ట్‌తో పాటు టీ తాగేందుకు బ్రేక్ ఉంటుంది. 10 గంటలకు డీఎఫ్‌వో(జిల్లా అటవీశాఖ అధికారి) పరకాల అంజు అగర్వాల్, ఎఫ్‌ఆర్‌వో పరకాల రవి కిరణ్.. ‘అంతర్జాతీయ జీవ వైవిధ్య దినోత్సవం’ సందర్భంగా సందేశం ఇస్తారు.

10.15 గంటలకు ఇంటర్నేషనల్ బయోడైవర్సిటీ డే గురించి బయోసైంటిస్ట్ హైదరాబాద్ హుస్సేన్ ప్రత్యేక అతిథిగా హాజరై వివరిస్తారు. అనంతరం ఓరుగల్లు వైల్డ్ లైఫ్ సొసైటీ జాయింట్ సెక్రెటరీ పిట్టల రవిబాబు పిక్చర్ ప్రజెంటేషన్ ఇస్తారు. 11 గంటలకు సందర్శకులందరూ కలిసి బట్టర్ ఫ్లై పార్క్‌ను విజిట్ చేయనున్నారు. 11.30 గంటలకు ఆసక్తి ఉన్నవారు బోటింగ్ చేయొచ్చు.

మధ్యాహ్నం 12 గంటలకు ప్రోగ్రామ్ ముగియనుంది. అలా ప్రకృతితో మమేకమై జీవ వైవిధ్యం, పర్యావరణంతో పాటు పలు విషయాలను తెలుసుకునేందుకు మే 22న అన్ని వయసుల వారు ఈ ప్రోగ్రామ్‌కు అటెండ్ కావచ్చని, ఈ కార్యక్రమంలో ఉచితంగానే పాల్గొనవచ్చని, ఆసక్తి గల వారు 99855 49900 నంబర్‌లో సంప్రదించొచ్చని ఓల్స్ ఓ ప్రకటనలో వెల్లడించింది.

The post మే 22న పాకాలలో OWLS, అటవీశాఖ ఆధ్వర్యంలో అంతర్జాతీయ జీవ వైవిధ్య దినోత్సవం appeared first on VEDHA NEWS.

వేద న్యూస్, వరంగల్:

నెక్కొండ మండలం సూరిపెల్లి ప్రాథమిక వ్యవసాయ సహకార సంగం చైర్మన్ గంట దామోదర్ రెడ్డి, నెక్కొండ వ్యవసాయ మార్కెట్ చైర్మన్ రావుల హరీష్ రెడ్డి ఆధ్వర్యంలో వరి ధాన్యం కొనుగోలు కేంద్రాన్ని టీపీసీసీ సభ్యులు సొంటిరెడ్డి రంజిత్ రెడ్డి సోమవారం ప్రారంభించారు. 

కార్యక్రమం లో వైస్ చైర్మన్ నరేష్ రెడ్డి , సొసైటీవైస్ చైర్మన్ బరుగు విజయ, నెక్కొండ మండల కాంగ్రెస్ పార్టీ అధ్యక్షులు బక్కి అశోక్, నెక్కొండ పట్టణ కాంగ్రెస్ పార్టీ అధ్యక్షులు పెండ్యాల హరిప్రసాద్, మార్కెట్ డైరెక్టర్ రావుల మహిపాల్ రెడ్డి, సొసైటీ డైరెక్టర్ లు పిట్టల లక్ష్మి, సల్మాది యశోద, గాదె భద్రయ్య, చార్ల మోహన్ రెడ్డి తదితరులు పాల్గొన్నారు.

The post సూరిపెల్లిలో ధాన్యం కొనుగోలు కేంద్రం ప్రారంభం appeared first on VEDHA NEWS.

వేద న్యూస్, వరంగల్:

నెక్కొండ మండలం గొట్లకొండ గ్రామంలో సంత్ సేవాలాల్ మహారాజ్ యూత్ అసోసియేషన్ ఆధ్వర్యంలో ఏర్పాటుచేసిన మండల క్రికెట్ క్రీడోత్సవాలు నిర్వహించారు. ఈ క్రికెట్ పోటీల్లో పాల్గొని విజేతలుగా నిలిచిన వారికి శుక్రవారం టీపీసీసీ సభ్యుడు సొంటి రెడ్డి రంజిత్ రెడ్డి బహుమతులు ప్రదానం చేశారు.

ఈ సందర్భంగా రంజిత్ రెడ్డి మాట్లాడుతూ గ్రామీణ ప్రాంతాల్లోని యువత క్రీడల్లో రాణించాలని సూచించారు. క్రీడల్లో గెలిచిన విజేతకు మొదటి బహుమతిని రూ.10 వేలతో పాటు ఫీల్డ్ బహూకరించారు. రెండో బహుమతిని నెక్కొండ మార్కెట్ కమిటీ చైర్మన్ రావుల హరీశ్ రెడ్డి , మండల కాంగ్రెస్ పార్టీ అధ్యక్షుడు బక్కి అశోక్ రూ.5 వేలర తో పాటు బహుమతి అందజేశారు.

కార్యక్రమంలో నెక్కొండ పట్టణ కాంగ్రెస్ అధ్యక్షుడు పెండ్యాల హరిప్రసాద్ ,మండల కాంగ్రెస్ నాయకులు కుసుమ చెన్నకేశవులు, చల్ల శ్రీపాల్ రెడ్డి , మార్కెట్ డైరెక్టర్ రావుల మైపాల్ రెడ్డి కున్సోత్ , నైజాం పోలిశెట్టి భాను ప్రకాష్ , ఎడ్ల వెంకన్న, కున్సోత్ శంకర్, గొట్లకొండ కాంగ్రెస్ పార్టీ అధ్యక్షుడు భూక్య జనార్ధన్, మాలో శివలాల్ , సంతు సేవాలాల్ మహారాజ్ యూత్ అధ్యక్షుడు గుగులోత్ వెంకన్న, ఉపాధ్యక్షుడు దారం సోప్ మహేష్ తదితరులు పాల్గొన్నారు.

The post యువత క్రీడల్లో రాణించాలి: టీపీసీసీ సభ్యుడు రంజిత్ రెడ్డి appeared first on VEDHA NEWS.

వేద న్యూస్, వరంగల్:

కాంగ్రెస్ ఎన్నికల్లో ఇచ్చిన మాట ప్రకారం..నెక్కొండ మండలం చంద్రుగొండ గ్రామంలోని మాంకాల ప్రవీణ్ చౌక ధరల దుకాణంలో  ఆరు గ్యారంటీల్లో ఒకటైన మహాలక్ష్మి పథకం లో భాగంగా అభయహస్తం క్రింద ప్రభుత్వం జారి చేయబడిన రూ.500 గ్యాస్ సబ్సిడీ సిలెండర్ పథకానికి సంబంధించిన ధ్రువ పత్రాలను లబ్ధిదారులకు మండల కాంగ్రెస్ నాయకులు బక్కి నరేష్ అందించారు. 

ఈ సందర్భంగా బక్కి నరేష్ మాట్లాడుతూ…. రాష్ట్రంలోని కాంగ్రెస్ ప్రభుత్వం ఎన్నికల్లో ఇచ్చిన మాట ప్రకారం పేద ప్రజలకు 500 రూపాయలకే గ్యాస్ సిలిండర్ ను అందిస్తోందని చెప్పారు. తెలంగాణ రాష్ట్రంలో రేషన్ కార్డు ఉన్న ప్రతిఒక్కరికీ గ్యాస్ సబ్సిడీ అందుతుందన్నారు.

కార్యక్రమంలో మండల యూత్ కాంగ్రెస్ ఉపాధ్యక్షులు వడ్డే సురేష్, గ్రామ యూత్ కాంగ్రెస్ అధ్యక్షులు బక్కి రాజశేఖర్, గ్రామ కాంగ్రెస్ పార్టీ ఉపాధ్యక్షులు కొమ్ముల చిన్నారి , గ్రామ ఎస్సీ సెల్ అధ్యక్షులు మాంకాల మధుకర్, కాంగ్రెస్ పార్టీ నాయకులు, బుద్ధ సంపత్, అనుముల సోమిరెడ్డి, బత్తిని శ్రీధర్, చిలువేరు ముత్తయ్య, బత్తిని సమ్మయ్య, పొదిల కుమార్, అడుప కృష్ణ, వడ్డే కరుణాకర్,బాకీ,మహేష్, మంకాల మధు, మాంకాల సాంబయ్య,కొత్తూరు నవీన్, తూనం వెంకటేష్ తదితరులు పాల్గొన్నారు.

The post లబ్ధిదారులకు గ్యాస్ సబ్సిడీ ధృవపత్రాలు అందజేసిన కాంగ్రెస్ లీడర్ నరేశ్ appeared first on VEDHA NEWS.

వేద న్యూస్, నర్సంపేట:

వరంగల్ జిల్లా నర్సంపేట నియోజకవర్గం దుగ్గొండి మండలం చంద్రయ్యపల్లె గ్రామానికి చెందిన ఈర్ల రాజు ను బీసీ యువజన సంఘం వరంగల్ జిల్లా కార్యదర్శి గా నియమిస్తున్నట్టు ఆ సంఘం  జిల్లా వర్కింగ్ ప్రెసిడెంట్ , నర్సంపేట నియోజకవర్గ ఇన్ చార్జి డ్యాగల శ్రీనివాస్ ముదిరాజ్  తెలిపారు.

ఈ మేరకు రాజుకు గురువారం నియామక పత్రాన్ని అందజేశారు. ఈ సందర్భంగా ఈర్ల రాజు మాట్లాడుతూ తన నియామకానికి సహకరించిన జాతీయ, రాష్ట్ర, జిల్లా, నియోజకవర్గ నాయకులకు హృదయపూర్వక కృతజ్ఞతలు తెలిపారు. తనను గుర్తించి యువజన సంఘం జిల్లా కార్యదర్శి గా నియమించిన డ్యాగల శ్రీనివాస్ కు ప్రత్యేక కృతజ్ఞతలు తెలియజేశారు. తనకు అప్పగించిన బాధ్యతలను శక్తివంచన లేకుండా నిర్వహించేందుకు కృషి చేస్తానని ఈ సందర్భంగా ఈర్ల రాజు వెల్లడించారు. బీసీ యువజన సంఘం బలోపేతానికి పని చేస్తానని పేర్కొన్నారు. 

కార్యక్రమంలో జిల్లా కార్యదర్శి నీల సుధాకర్, దుగ్గొండి మండల నాయకులు కొలిపాక సుధాకర్, కోల అజయ్, రాజేందర్, భాస్కర్ తదితరులు పాల్గొన్నారు.

The post బీసీ యువజన సంఘం వరంగల్ జిల్లా కార్యదర్శిగా ఈర్ల రాజు appeared first on VEDHA NEWS.

వేద న్యూస్, వరంగల్:
నెక్కొండ మండలం పిట్టకాయల బోడు గ్రామపంచాయతీ పరిధిలోని భగవాన్ తండలో సీసీ రోడ్డు పనులకు నర్సంపేట ఎమ్మెల్యే దొంతి మాధవ రెడ్డి  ఎస్ డి ఎఫ్ నిధుల నుండి రూ.4 లక్షలు మంజూరు చేశారు. ఆ పనులను  పీసీసీ సభ్యుడు సొంటి రెడ్డి రంజిత్ రెడ్డి ప్రారంభించారు.రంజిత్ రెడ్డి మాట్లాడుతూ  కాంగ్రెస్ సర్కారు ప్రజా పాలనలో రాష్ట్ర ప్రజలు సంతోషంగా ఉన్నారని చెప్పారు. సీఎం రేవంత్ రెడ్డి ప్రజా రంజక పాలనను అందిస్తున్నారని వెల్లడించారు. 

కార్యక్రమంలో మార్కెట్ కమిటీ చైర్మన్ రావుల హరీష్ రెడ్డి, మండల కాంగ్రెస్ పార్టీ అధ్యక్షులు బక్కి అశోక్ ,రామాలయ కమిటీ చైర్మన్ కొమ్మారెడ్డి సుధాకర్ రెడ్డి, ఓబిసి సెల్ జిల్లా ప్రధాన కార్యదర్శి రాచకొండ రఘు, మండల కాంగ్రెస్ నాయకులు ఈదునూరి సాయికృష్ణ ,కెవి సుబ్బారెడ్డి ,మార్కెట్ డైరెక్టర్ లు రావుల మహిపాల్ రెడ్డి దూదిమెట్ల కొమురయ్య, మాజీ ఎంపీటీసీ రవి తదితరులు పాల్గొన్నారు. 

The post సీసీ రోడ్డు పనులను ప్రారంభించిన పీసీసీ సభ్యుడు రంజిత్ రెడ్డి appeared first on VEDHA NEWS.

వేద న్యూస్, వరంగల్:

నర్సంపేట అసెంబ్లీ సెగ్మెంట్ పరిధిలోని  నెక్కొండ మండలం చంద్రుగొండ గ్రామంలో బతుకమ్మ విగ్రహానికి బతుకమ్మ విగ్రహ దాత పీసీసీ సభ్యులు సొంటి రెడ్డి రంజిత్ రెడ్డి భూమి పూజ చేశారు. కార్యక్రమంలో మార్కెట్ కమిటీ చైర్మన్ రావుల హరీష్ రెడ్డి, మండల కాంగ్రెస్ పార్టీ అధ్యక్షుడు బక్కి అశోక్, మాజీ జెడ్పిటిసి బక్కి కవిత రామాలయ కమిటీ చైర్మన్ కొమ్మారెడ్డి సుధాకర్ రెడ్డి , ఓబీసీ సెల్ జిల్లా ప్రధాన కార్యదర్శి రాచకొండ రఘు ,మండల కాంగ్రెస్ నాయకులు ఈదునూరు సాయి కృష్ణ తదితరులు పాల్గొన్నారు. ఈ సందర్భంగా రంజిత్ రెడ్డి మాట్లాడుతూ  పూలను పూజించే గొప్ప సంస్కృతి తెలంగాణ సంస్కృతి అని చెప్పారు. పూల సింగిడి ‘బతుకమ్మ’ పండుగ ఆడబిడ్డలకు అత్యంత ఇష్టమైన పండుగ అని వెల్లడించారు. 

The post బతుకమ్మ విగ్రహానికి టీపీసీసీ సభ్యుడు రంజిత్‌రెడ్డి భూమి పూజ   appeared first on VEDHA NEWS.

• ఇంపాక్ట్ ట్రైనర్‌తో పాటు బెస్ట్ పర్ఫామెన్స్ అవార్డు కైవసం

వేద న్యూస్, వరంగల్:

హైదారాబాద్ లో ఈ నెల 21, 22 వ తేదీలలో జరిగిన ‘ఇంపాక్ట్ ట్రెయిన్ ద ట్రెయిన్’ వర్క్ షాప్ లో 60 మందితో నిర్వహించిన అన్ని రకాల పోటీ పరీక్షల్లో వరంగల్ జిల్లా నర్సంపేట మండలం రామవరం గ్రామానికి చెందిన నిరుపేద బిడ్డ జినుకల జ్యోతి తన ప్రతిభను కనబరిచి సత్తా చాటారు. 

ఇంపాక్ట్ ట్రైనర్ తో పాటు బెస్ట్ ఫర్ఫార్మెన్స్ ప్రశంసాపత్రంతో పాటు అవార్డును అందుకున్నారు. ఒక నిరుపేద బిడ్డకు అరుదైన గౌరవం దక్కింది. ఈ సందర్భంగా జ్యోతి మాట్లాడుతూ ఇంపాక్ట్ రూపకర్త గంప నాగేశ్వర్ రావు స్థాపించిన సంస్థలో తనవంతు కర్తవ్యాన్ని నిర్వహిస్తూ ముందుకెళ్తానని, తనతో పాటు సమాజంలో అందరూ బాగుండాలి… అందులో నేనుండాలి… అనే అభిప్రాయంతో తన బాధ్యతను నిర్వహిస్తున్నానని ప్రమాణం చేసినట్టు తెలిపారు.

తనకు ఈ అవార్డు దక్కడం  గర్వంగా ఉందని సంతోషం వ్యక్తం చేశారు. ముఖ్యంగా తాను ఈ అవార్డు అందుకోవడానికి తనకు సహకరించిన ప్రతి ఒక్కరికీ హృదయ పూర్వక ధన్యవాదాలు, కృతజ్ఞతలు తెలియజేశారు.

The post రామవరం పేరు నిలబెట్టిన జినుకల జ్యోతి appeared first on VEDHA NEWS.

వేద న్యూస్, వరంగల్:

వరంగల్ పోలీస్ టాస్క్ ఫోర్స్, నెక్కొండ పోలీసువారి ఆధ్వర్యంలో నెక్కొండ మండల పరిధిలోని చంద్రుగొండ సమీపంలో గల మల్లికార్జున రైస్ మిల్‌లో సంయుక్తంగా మంగళవారం దాడులు జరిపారు. సుమారు 62 క్వింటాళ్ల రేషన్ బియ్యాన్ని పట్టుకున్నారు.

 సంఘని సూరయ్య, జటోత్ యాకూబ్‌ల నుంచి ఈ పీడీఎస్(ప్రజా పంపిణీ వ్యవస్థ) బియ్యాన్ని స్వాధీనం చేసుకున్నారు. బియ్యంతో పాటు ఒక ద్విచక్ర వాహనం, ఒక వేయింగ్ మిషన్‌ను సీజ్ చేశారు.  బియ్యాన్ని సివిల్ సప్లయ్ వారికి అప్పగించి తదుపరి విచారణకు కేసు నమోదు చేసినట్టు నెక్కొండ ఎస్ఐ తెలిపారు. 

The post చంద్రుగొండలోని ఓ రైస్ మిల్లుపై టాస్క్ ఫోర్స్ దాడులు.. 62 క్వింటాళ్ల పీడీఎస్ రైస్ పట్టివేత appeared first on VEDHA NEWS.