• బీజేపీ నేతల వినూత్న నిరసన

వేద న్యూస్, వరంగల్ ప్రతినిధి :

వరంగల్ బిఆర్ఎస్, కాంగ్రెస్‌ పార్టీలు మాయల మరాఠీ పార్టీలని బీజేపీ వరంగల్ జిల్లా అధ్యక్షులు గంట రవికుమార్ మండిపడ్డారు. మాజీ ఎమ్మెల్యే వరంగల్‌ బస్టాండ్‌ పేరుతో నయవంచన చేస్తే.. ప్రస్తుత ఎమ్మెల్యే, మంత్రి కొండా సురేఖ అసమర్థతతో బస్టాండ్‌ నిర్మాణానికి నోచుకోవడం లేదని మండిపడ్డారు. చారిత్రక నగరమైన వరంగల్‌కు బస్టాండ్‌ నిర్మాణానికి ఒక్క అడుగు ముందుకు పడకపోవడంతో వరంగల్‌ ఆత్మగౌరవ పోరాటం మహా ధర్నా- 2 పేరుతో గురువారం బీజేపీ వరంగల్‌ బస్టాండ్‌ ఏర్పాటు ప్రాంతంలో కాంగ్రెస్, బిఆర్ఎస్ నాయకులకు ఉచిత పడవ ప్రయాణం వినూత్న నిరసన చేపట్టింది.

రాష్ట్ర రెండో రాజధానిగా వరంగల్‌ను తీర్చిదిద్దుతామంటూ ప్రగల్భాలు పలుకుతున్న సర్కారు.. కనీసం వరంగల్‌ బస్టాండ్‌ నిర్మాణ పనులను చేపట్టడం లేదంటూ మండిపడ్డారు. స్థానిక ఎమ్మెల్యే కొండా సురేఖ మంత్రిగా ఉన్నా.. పట్టించుకోకపోవడం ఆమె అసమర్థతకు నిదర్శనమని విమర్శించారు. ఎన్నికల ముందు అప్పటి బీఆర్‌ఎస్‌ ఎమ్మెల్యే నన్నపునేని నరేందర్‌ కోట్ల రూపాయలతో కొత్త బస్టాండ్‌ నిర్మిస్తామంటూ ఇదిగో.. నమూనా బస్టాండ్‌ అంటూ మాయమాటలు చెప్పి ఉన్నదానిని కూల్చాడని మండిపడ్డారు.

ఆ తర్వాత కనీసం అటువైపు కన్నెత్తి చూసిన పాపాన పోలేదన్నారు. కాకతీయుల ఆర్థిక రాజధానిగా, పర్యాటక కేంద్రంగా విరాజిల్లుతున్న వరంగల్‌కు కనీసం బస్టాండ్‌ లేకపోవడం ఏంటని పర్యాటకులు ముక్కుమీద వేలు వేసుకుంటున్నారని వాపోయారు.

కేంద్రంలోని బీజేపీ ప్రభుత్వం హృదయ్‌, అమృత్‌, స్మార్ట్‌ సిటీ వంటి ఎన్నో పథకాలకు భారీగా నిధులు కేటాయించి వరంగల్‌ను ప్రగతిదారిలో నడిపిస్తుంటే బీఆర్‌ఎస్‌, కాంగ్రెస్‌ ప్రభుత్వాలు మాత్రం ఓరుగల్లు చరిత్రను భ్రష్టు పట్టిస్తున్నాయని తీవ్రంగా విమర్శించారు.

వరంగల్‌ బస్టాండ్‌ నిర్మాణ పనులు ఒక్కఅడుగు ముందుకు పడకపోయినా ఇక్కడి బీఆర్‌ఎస్‌, కాంగ్రెస్‌ నాయకులు ఎందుకు ప్రభుత్వాన్ని ప్రశ్నించడం లేదని ఆగ్రహం వ్యక్తం చేశారు. ఆ రెండు పార్టీలకు ఓట్లు తప్ప వరంగల్‌ అభివృద్ధిపై కనీస పట్టింపులేదని ఆగ్రహం వ్యక్తం చేశారు.

పేదల భూముల్ని కబ్జా చేయడంలో.. సెటిల్‌మెంట్‌ పనుల్లో ఆ పార్టీల నేతలు బీజీబిజీగా ఉన్నారని, ఇక వారికి ప్రజా సమస్యలు ఏం పడతాయంటూ ఆరోపించారు.

ఓరుగల్లు సమగ్రాభివృద్ధి, అస్థిత్వం, ఆత్మగౌరవం కోసం బీజేపీ పాటు పడుతుందన్నారు. ఓరుగల్లు అభివృద్ధి కోసం ఇక ఉద్యమాన్ని ఉధృతం చేసి ఉమ్మడి జిల్లా మంత్రుల మరియు శాసనసభ్యుల ఇండ్లను ముట్టడి చేస్తామని హెచ్చరించారు.

ఈ కార్యక్రమంలో బిజెపి రాష్ట్ర కార్యవర్గ సభ్యులు ఎర్రబెల్లి ప్రదీప్ రావు, కుసుమ సతీష్, రత్నం సతీష్, మాజీ శాసనసభ్యులు వన్నాల శ్రీరాములు, రాష్ట్ర నాయకులు కంభంపాటి పుల్లారావు, జిల్లా ప్రధాన కార్యదర్శిలు బాకం హరిశంకర్, మల్లాడి తిరుపతిరెడ్డి, గోగుల రాణా ప్రతాప్ రెడ్డి, జలగం రంజిత్ రావు, మాజీ జడ్పీ వైస్ చైర్మన్ గజ్జేల శ్రీరాములు, జిల్లా, మండల పదాధికారులు, వివిధ మోర్చా జిల్లా అధ్యక్షులు, నాయకులు, కార్యకర్తలు మహిళా మోర్చా పాల్గొన్నారు.

The post వారెవ్వా.. వరంగల్ బస్టాండులో పడవ ప్రయాణం..! పర్యాటకులకు చక్కటి అవకాశమండోయ్! appeared first on VEDHA NEWS.

•   బల్దియా ఆఫీసుకు కూతవేటు దూరంలోనే సదరు డివిజన్
•  రాష్ట్ర రెండో రాజధానిగా పేరు గాంచిన వరంగల్‌లో ఇదీ పరిస్థితి
•  గ్రేటర్ వరంగల్ 29 వ డివిజన్‌లో డ్రెయినేజీ నిర్వహణ గిట్లనా ఉంటే..?
•  బయటకొస్తే ముక్కుపుటాలు అదురుతున్నాయని చెబుతూ కాలనీవాసుల ఆవేదన
•  తమ సమస్యలకు పరిష్కారం చూపాలని అధికారులు, పాలకవర్గానికి వేడుకోలు

వేద న్యూస్, గ్రేటర్ వరంగల్:

స్వయంగా గ్రేటర్ వరంగల్ మున్సిపల్ కార్పొరేషన్‌కు మేయర్‌గా వ్యవహరిస్తున్న ప్రజాప్రతినిధి డివిజన్‌లోనే ఇదీ పరిస్థితి.. అందులోనూ సదరు డివిజన్ బల్దియా ఆఫీసుకు కూతవేటు దూరంలోనే ఉండటం గమనార్హం. జీడబ్ల్యూఎంసీ 29వ డివిజన్‌లోనీ 5, 6 బ్లాక్‌లు గల బొమ్మల సత్తయ్య గల్లీలో మూడు నెలల క్రితం నూతన సీసీ రోడ్డు, తాగు నీళ్ల పైప్ లైన్, నూతన డ్రైనేజీ నిర్మాణం కోసం పనులు ప్రారంభించి.. మొదట మంచి నీళ్ల పైప్ లైన్ వేశారు. కొన్ని రోజుల తర్వాత రోడ్డుకు ఇరువైపుల కంకర వేసీ సీసీ రోడ్డు వేయడానికి ప్రయత్నిస్తుండగా, కాలనీ వాసులు డ్రైనేజీ నిర్మాణం గురించి ప్రశ్నించగా.. ‘‘అదిగో వేస్తాం, ఇదిగో వేస్తాం’’ అంటూ.., ‘‘వర్షాలు కురుస్తున్నాయి ఆగిన తర్వాత వేస్తాం’’ అంటూ.., ‘‘ఒకసారి వేస్తాం, ఇంకోసారి వెయ్యం’’ అని రకరకాల కారణాలు చెబుతూ నాలుగు నెలలకు పైగా ఎటువంటి పనులు చేయకుండా నాన్చుతున్నారు.

అస్తవ్యవస్తంగా డ్రైనేజీ
ఇప్పుడు అకస్మాత్తుగా డ్రైనేజీ లేకుండా సీసీ రోడ్డు వేయడానికి సిద్ధం అయ్యారు. దాంతో తమ కాలనీ డ్రైనేజీ చాలా పురాతనమైందని, శిథిలావస్థకు చేరుకొని కాలువ పునాది రాళ్లు.. కృంగిపోయి చిందర వందరగా ఉండి మురికి నీరు సక్రమంగా ప్రవహించకుండా, దుర్గంధభరితంగా అయి దోమలకు నిలయంగా మారాయని కాలనీవాసులు చెబుతున్నారు. డ్రైనేజీ రాళ్లు అస్తవ్యస్తంగా ఉండటం కారణంగా ఎలుకలు మట్టిని తవ్వుకుని ఇళ్లలోకి ప్రవేశిస్తూ.. నానా ఇబ్బందులకు గురి చేస్తున్నాయని ప్రజలు వివరిస్తున్నారు.

మేయర్ పట్టించుకోవాలి
తమ కాలానికి డ్రైనేజీ వ్యవస్థను నూతనంగా నిర్మించిన తర్వాతనే సీసీ రోడ్డు వేయాలని కాలనీ వాసులు కోరుకుంటున్నారు. రోడ్డు పై వేసిన కంకర కారణంగా వాహనాల మాట అటుంచితే.. కనీసం మనుషులు కూడా నడవలేని పరిస్థితి నెలకొంది. రాకపోకలకు స్కూల్ పిల్లలు తీవ్ర అవస్థలు పడుతున్నారు. సాక్షాత్తు మేయర్ ప్రాతినిధ్యం వహిస్తున్న డివిజన్ అయి ఉండి కూడా ఇలాంటి పరిస్థితులు రావడం ఏంటని స్థానికులు వాపోతున్నారు.

నగర ప్రథమ పౌరురాలు ప్రాతినిధ్యం వహిస్తున్న డివిజన్‌లోనే జనం సమస్యలను పట్టించుకునే నాథుడే లేకపోతే.. ఇక ఇతర డివిజన్ల పరిస్థితి ఎలా ఉంటుందోనని పలువురు అనుమానం వ్యక్తం చేస్తున్నారు.

మేయర్ గారూ తన సొంత డివిజన్‌లో మౌలిక సదుపాయాలు, పారిశుధ్య నిర్వహణపైన దృష్టి సారించాలని ప్రజలు కోరుతున్నారు. లేదంటే క్షేత్రస్థాయి పర్యటనకు వస్తే మేయర్ గారూ సైతం తన సొంత డివిజన్‌కు వస్తే ముక్కు మూసుకోవాల్సిన పరిస్థితులు ఏర్పడుతాయని హెచ్చరిస్తున్నారు. తాను గెలిచి ప్రాతినిధ్యం వహిస్తున్న డివిజన్ ప్రజలకు దుర్గంధం నుంచి విముక్తి కలిగేలా తగు చర్యలు తీసుకోవాలని కోరుతున్నారు.
 

The post నగర ప్రథమ పౌరురాలి డివిజన్‌లోనే పారిశుధ్య నిర్వహణ ‘గుండు’ సున్నా! appeared first on VEDHA NEWS.

వేద న్యూస్, కాజీపేట:

రోడ్డు, రోడ్లపై ప్రయాణికుల భద్రతకు ఓ కార్పొరేటర్ ముందడుగు వేశారు. స్థానిక పోలీసుల సహకారంతో గుంతలు పూడ్చివేయించారు. వివరాల్లోకెళితే..

హనుమకొండ జిల్లా వరంగల్ పశ్చిమ నియోజకవర్గ..జి డబ్ల్యూ ఎం సి పరిధిలోని 47, 62, 63 డివిజన్ల లో కాజీపేట పట్టణంలో ఉన్న జాతీయ రహదారిపై ఇటీవల కురుస్తున్న భారీ వర్షాల కారణంగా జాతీయ రహదారులపై గుంతలు ఏర్పడి, రాత్రి సమయంలో ప్రయాణిస్తున్న ప్రయాణికులకు చాలా ఇబ్బందికరంగా మారి.. ఎన్నో ప్రమాదాలు జరిగాయి. ఈ కారణంగా స్థానిక 63వ డివిజన్ కార్పొరేటర్ విజయశ్రీ సయ్యద్ రజాలి స్థానిక కాజిపేట్ సీఐ సుధాకర్ రెడ్డి, ఎస్సై శివ సహాయ సహకారాలతో డీజిల్ కాలనీ, బాపూజీ నగర్, రోమన్ క్యాథలిక్ చర్చ్, కాజీపేట చౌరస్తా, ఫాతిమా నగర్ జంక్షన్ ల వద్ద గుంతలను సిమెంట్ కాంక్రీట్ తో పూడ్చారు.

సహాయ సహకారాలు అందించిన కాజిపేట పట్టణ పోలీసులకు ట్రాఫిక్ సీఐ, ట్రాఫిక్ ఎస్ఐలు, ట్రాఫిక్ సిబ్బంది అందరికీ పేరుపేరునా 63వ డివిజన్ కార్పొరేటర్ కృతజ్ఞతలు తెలియజేశారు.ఈ కార్యక్రమంలో స్థానిక కాంగ్రెస్ నాయకులు క్రాంతి, భరత్ రాజ్, 63వ డివిజన్ మైనార్టీ అధ్యక్షులు మొహమ్మద్ బిలాల్, మహమ్మద్ సిరాజ్, డాక్టర్ ప్రభాకర్, సందేల వినోద్, జిల్లా కాంగ్రెస్ మైనారిటీ ప్రధాన కార్యదర్శి మహమ్మద్ బిలాల్ తదితరులు పాల్గొన్నారు.

The post పోలీసుల సహకారంతో కార్పొరేటర్ ముందడుగు.. రోడ్లపై గుంతల పూడ్చివేత appeared first on VEDHA NEWS.

వేద న్యూస్, వరంగల్:

ఓరుగల్లు శ్రీ భద్రకాళి దేవాలయంలో కృష్ణాష్టమి వేడుకలు వైభవంగా జరిగాయి. శ్రీ కృష్ణాష్టమి సందర్భంగా శ్రీ భద్రకాళి అమ్మవారిని ఆలయ అర్చకులు శ్రీ కృష్ణుడి అలంకారంలో శనివారం  అలంకరించి ప్రత్యేక పూజలు నిర్వహించారు. గోపాలకృష్ణుడి అలంకరణంలో దర్శనమిచ్చిన భద్రకాళి అమ్మవారిని ఓరుగల్లు ప్రజలతో పాటు రాష్ట్ర నలుమూలల నుంచి భక్తులు భారీగా తరలివచ్చి అమ్మవారిని దర్శించుకున్నారు.

The post శ్రీకృష్ణాష్టమి ప్రత్యేకం.. గోపాలుడి అలంకరణలో భద్రకాళి అమ్మవారు appeared first on VEDHA NEWS.

వేద న్యూస్, వరంగల్:

సోమవారం రాత్రి కురిసిన భారీ వర్షాలకు వరంగల్ నగరంలోని పలు ప్రాంతాలు నీట మునిగాయి. పలు ప్రాంతాలు చెరువుల వలే మారాయి. ఇండ్లలోకి భారీ స్థాయిలో వరద వచ్చి.. రోడ్లు కుంటలను తలపిస్తున్నాయి.

భారీ స్థాయిలో వర్షం రోడ్లపై ఇతర ప్రాంతాల్లో నిలవడం చూసి జనం భయపడుతున్నారు.

వాహనదారులు అయితే తీవ్ర ఇబ్బందులు పడుతున్నారు. రాకపోకలకు కష్టమే అని అభిప్రాయపడుతున్నారు.

అప్రమత్తమైన అధికార యంత్రాంగం సహాయక చర్యలు చేపడుతోంది.సహాయక చర్యలలో అధికారులు, సిబ్బంది తలమునకలయ్యా రు.

అత్యవసర సహాయార్ధం కంట్రోల్ రూమ్ టోల్ ఫ్రీ నంబర్లు వరంగల్ జిల్లా 1800 425 3434, 9154225936 హనుమకొండ 1800 425 1115, జిడబ్ల్యూ ఎంసీ 1800 425 1980, 9701999676 నెంబర్లను సంప్రదించాలని అధికారులు ప్రజలకు సూచించారు.

The post నీట మునిగిన వరంగల్.. పలు ప్రాంతాల్లో ప్రజలకు తీవ్ర ఇక్కట్లు appeared first on VEDHA NEWS.

వేద న్యూస్, హన్మకొండ :

హన్మకొండలోని కాకతీయ జూలాజికల్ పార్క్ లో నిర్మించిన టైగర్ ఎన్ క్లోజర్ లో, నెహ్రూ జూలాజికల్ పార్క్ హైదరాబాద్ నుండి తీసుకువచ్చిన తెల్లపులిని రాష్ట్ర మంత్రి కొండా సురేఖ చేతుల మీదుగా ప్రజల సందర్శనార్థం ఎంక్లోజర్ లోకి విడుదల చేశారు.

అలాగే జూలోని జంతువుల సమాచారం తెలుసుకొనుటకు ఏర్పాటు చేసిన క్యూఆర్ కోడ్స్, చాట్ బాట్, వన మహోత్సవం కార్యక్రమాలను ప్రారంభించారు.

ఈ సందర్భంగా కొండా సురేఖ మాట్లాడుతూ జూలోని జంతువులను దత్తత తీసుకోవడానికి ప్రతి ఒక్కరూ ముందుకు రావాలని అన్నారు. జూ పార్కును మరింత అభివృద్ధి చేయడానికి సహకరించాలని కోరారు.

ఈ కార్యక్రమంలో అనుజ్ అగర్వాల్, జిల్లా అటవీ శాఖాదికారి, వరంగల్ ఐ /సి హనుమకొండ, జనగాం కె.కృష్ణమాచారి, జిల్లా అటవీ శాఖాదికారి, ఫ్లయింగ్ స్క్వాడ్ డివిజన్ , భద్రాద్రి సర్కిల్, జూ పార్క్ రేంజ్ ఆఫీసర్ బి మయూరి, ఓరుగల్లు వైల్డ్ లైఫ్ సొసైటీ సభ్యులు, అటవీ శాఖ సిబ్బంది, జూపార్క్ సిబ్బంది తదితరులు పాల్గొన్నారు.

The post కాకతీయ జూపార్క్ కి రాయల్ బెంగాల్ టైగర్.. ప్రజల సందర్శనార్థం మంత్రి సురేఖ రిలీజ్ appeared first on VEDHA NEWS.

• దశదినకర్మకు హాజరైన ఓరుగల్లు జర్నలిస్టులు 

వేద న్యూస్, వరంగల్:

దివంగత సీనియర్ జర్నలిస్ట్, ది హన్స్ ఇండియా వరంగల్ బ్యూరో చీఫ్ ఆడెపు మహేందర్ దశదినకర్మ కార్యక్రమాన్ని శనివారం నిర్వహించారు. ఆరేపల్లి సమీపంలోని వీకే గార్డెన్ లో జరిగిన ఈ కార్యక్రమానికి ప్రజా ప్రతినిధులు, అధికారులు, బంధుమిత్రులు, సహచర జర్నలిస్టులు హాజరై మహేందర్ ఆత్మకు శాంతి చేకూరాలని శ్రద్ధాంజలి ఘటించారు.

ఈ కార్యక్రమంలో వరంగల్ ప్రెస్ క్లబ్ అధ్యక్షుడు వేముల నాగరాజు, పూర్వ అధ్యక్షులు పిన్న శివకుమార్, గడ్డం కేశవమూర్తి, ఐజేయూ జిల్లా ప్రధాన కార్యదర్శి తోట సుధాకర్, పాత్రికేయులు గోకారపు శ్యాం, సిరిమల్లె సదానందం, సంపతి ప్రభాకర్, ఉస్నగిరి శ్రీకాంత్,తదితరులు పాల్గొన్నారు. ఈ సందర్భంగా మహేందర్ సతీమణి ఆడెపు లావణ్య, కుమారుడు సిద్ధార్థ్ లను పరామర్శించారు. మహేందర్ తో ఉన్న అనుబంధాన్ని గుర్తు చేసుకుంటూ పిన్న శివకుమార్ భావోద్వేగానికి గురయ్యారు. ఆయన కుటుంబానికి అండగా ఉంటామంటూ హామీ ఇచ్చారు.

The post సీనియర్ జర్నలిస్ట్ ఆడెపు మహేందర్ చిత్రపటానికి పాత్రికేయుల నివాళి appeared first on VEDHA NEWS.

• బీరన్న బోనాలలో  గావు పట్టే ఘట్టం ప్రత్యేకత

వేద న్యూస్, వరంగల్ ప్రతినిధి :

తెలంగాణ ప్రాంతానికి ప్రత్యేకమైన పండుగలలో బోనాలు ఒకటి. ఇది ముఖ్యంగా తెలంగాణ రాష్ట్రంలోని వివిధ ప్రాంతాలలో ఘనంగా జరుపుకుంటారు. శివ కేశవులు విష్ణుకు ప్రీతికరమైన రోజు ఉపవాసాల వ్రతాలు ప్రారంభమయ్యే శుభదినం పండుగలకు స్వాగతం పలికే రోజు ‘తొలి ఏకాదశి’. ఆషాడ మాసంలో వచ్చే శుక్లపక్ష ఏకాదశిని ‘తొలి ఏకాదశి’ అంటారు. దీనినే ‘శయన ఏకాదశి’ అని కూడా పిలుస్తారు.

తొలి ఏకాదశి సందర్బంగా వరంగల్ కరీమాబాద్ లో కురుమ కులస్తులు బీరప్ప కామరతి, అక్క మహంకాళి దేవతమూర్తులకు బోనాలు సమర్పించనున్నారు. రామస్వామి గుడి నుంచి బురుజు సెంటర్ మీదుగా ఒగ్గుడోలు కళాకారుల వాయిద్యాలు..శివాసత్తుల నృత్యాలు..బీరన్నల విన్యాసాలు మధ్య వందలాది మంది మహిళలు బోనలతో పాటు పట్టువస్త్రాలతో బీరప్ప ఆలయానికి చేరుకుంటారు. ఆలయంలో అమ్మవారికి ప్రత్యేక పూజలు చేసి బోనం నైవేద్యం సమర్పించిన అనంతరం పట్టు వస్త్రాలు కానుకగా ఇచ్చి ఒడిబియ్యం పోస్తారు.

 

బీరన్న బోనాల చరిత్ర
వరంగల్ కరీమాబాదులో ఆషాడ మాసం ‘తొలి ఏకాదశి’ సందర్భంగా నిర్వహించే బోనాలకు శతాబ్దాల చరిత్ర కలిగిన బీరన్న బోనాలు. శతాబ్ద క్రితం ప్లేగ్ వ్యాధి పుట్టి ప్రజలు చనిపోతుండగా వారు బీరన్న స్వామిని ప్రార్థించి ఇలా మొక్కారు. ఈ వ్యాధిని నివారిస్తే నీకు బోనం సమర్పిస్తాము. ఆ తర్వాత ప్లేగ్ వ్యాధి తగ్గిపోయిందన్న విశ్వాసంతో బోనాలు సమర్పించడం ప్రారంభించారు. అప్పటినుండి ఏటేటా వైభవంగా కొనసాగుతోంది.

వర్షాలు పడక పొలాల పొడబారిపోయాయి రైతులు నిస్సాయంగా మారారు అలాగే ప్లేగ్ వ్యాధి వ్యాపించి ప్రజలు చనిపోతుండగా..ఆ సమయంలో ప్రజలందరూ కలసికట్టుగా బీరప్పకి పూజించి..ప్రజల ఆరోగ్యంగా ఉండాలని, సమృద్ధిగా వర్షాలు కురవాలని బీరప్ప కి వేడుకున్నారు. కురుమకుల ఆరాధ్య దైవమైన బీరప్ప స్వామికి పూర్వం తొలి ఏకాదశి రోజున రజాకారుల పాలనలో వారి అరాచకాలను ఎదుర్కొని కురుమ కులస్తులందరూ ఐక్యత చాటుతూ జాతీయ జెండాను దేవాలయం పై ప్రతిష్టించి స్వామివారికి బోనం సమర్పిస్తారు.

ప్రత్యేక ఆకర్షణగా బీరన్నలు
1957 సంవత్సరం నుండి సైదాపూర్ మండల కరీంనగర్ జిల్లా కి చెందిన బీరన్నలు వస్తున్నారు. బీరన్నలు పసుపు, కుంకుమ రాసుకుని, చిప్పలు మోగిస్తూ తాళాలు వేసుకుంటూ, కత్తుల తో విన్యాసాలు చేస్తూ ఊరేగింపులో ముందుంటారు. ప్రతి ఐదు సంవత్సరాలకు ఒకసారి తొలి ఏకాదశి ముందు రోజున బీరన్నలు కురుమ కులస్తుల ఇంటిపై బలి బలి అంటూ సరుగు చల్లుతారు.

బోనం ప్రత్యేకత
బోనం అనేది ఒక మట్టి గిన్నె(పాత్ర)- అందులో అన్నం, పెరుగు, బెల్లం పెట్టి పూలతో అలంకరించి, తల మీద మోసి బీరన్నకి సమర్పిస్తారు.

బోనాల్లో ముఖ్యమైన ఘట్టం గావు

కురుమ కుల పెద్దలు దయ్యాల వారు మరియు మండల వారు గంప లో బిరన్న స్వామి కళ్యాణానికి మరియు పట్నానికి కావాల్సిన బండారి, పచ్చ, కుంకుమ, తెల్ల పిండి, పల్లక, నిమ్మకాయలు, కళ్యాణం కోసం అబ్బాయి కి దయ్యాల వంశస్థులు, అమ్మాయికి మండల వంశస్థులు తరుపున ఆలయానికి తీసుకెళ్తారు.

రామస్వామి గుడి నుండి మహిళలు అందరూ బోనమెత్తి ఊరేగింపుగా బురుజు సెంటర్ కి చేరుకుంటారు. ప్రత్యేక వేషధారణలో ఉన్న బీరన్నలు గావు పడుతారు. గొర్రె పిల్ల తలను కోరికి రక్తం చిందిస్తుండగా..భక్తులు గొర్రె పొట్టేలు రక్తాన్ని వీర తీలకంగా పెట్టుకోవడానికి యువకులు ఉత్సాహం కనుబరుస్తారు.

బోనాలతో ఉన్న మహిళలందరూ గావు పట్టిన గొర్రె పిల్లను దాటుతూ ఆలయానికి చేరుకుంటారు. మహిళలు ఊరేగింపుగా ఆలయానికి చేరుకొని బీరన్నకు మహిళలు కొత్త బట్టలు పెట్టి కొత్త కుండలో తెచ్చిన బోనాన్ని స్వామికి నైవేద్యంగా సమర్పిస్తారు.

The post తొలిఏకాదశి కరీమాబాద్ ‘బీరన్న’ బోనాల చరిత్ర ఘనం.. గావుపట్టే ఘట్టం ప్రత్యేకం appeared first on VEDHA NEWS.

• పలు అవార్డులు అందుకున్న ఖాకీ

వేద న్యూస్, వరంగల్:

పోలీసు వృత్తిపరంగా విధుల్లో బిజీగా ఉన్నప్పటికీ.. సేవాకార్యక్రమాల్లో ముందుండేందుకు ప్రయత్నం చేస్తున్నారు ఓ ఖాకీ. ఖాకీ దుస్తులంటే సేవకు ప్రతిరూపాలనే చెప్పేందుకు తన వంతుగా కార్యకలాపాలు నిర్వహిస్తున్నారు. ముఖ్యంగా గత 20 ఏండ్లుగా రక్తదానం పై యువతకు అవగాహన కల్పిస్తున్నారు. ఆయనే  వరంగల్ పోలీస్ కానిస్టేబుల్, బ్లడ్ డోనర్ అండ్ బ్లడ్ మోటివేటర్  కన్నె రాజు (స్విమ్మర్ రాజు). జూన్ 14, వరల్డ్ బ్లడ్ డోనర్స్ డే సందర్భంగా ఆయన సేవలపై స్టోరీ..

పోలీస్ శాఖలో, వరంగల్ పోలీస్ కమిషనరేట్ లో సిటీ ఆర్మ్డ్ రిజర్వు ఏ.ఆర్ 2009 బ్యాచ్ (వరంగల్ సిటీ గార్డ్)లో పోలీస్ కానిస్టేబుల్ గా విధులు నిర్వహిస్తున్న.. వరంగల్ జిల్లా, ఖానాపురం మండలం, రాగంపేట గ్రామానికి చెందిన కన్నె కుమారస్వామి – రమనీల దంపతుల పెద్ద కుమారుడు బ్లడ్ డోనర్ అండ్ బ్లడ్ మోటివేటర్ కన్నె రాజు (స్విమ్మర్ రాజు). ఎవరు కూడా రక్తం దొరకకుండా చనిపోకూడదు అనే ముఖ్య ఉద్దేశంతో “రక్తదాన చైతన్య కార్యక్రమాలు ప్రారంభించినట్టు నరేశ్ వెల్లడించారు. 

2005  నుంచి ఇప్పటి వరకు 37సార్లు (ఓ పాజిటివ్) రక్తదానం చేసిన రాజు.. యువతకు ప్రత్యక్షంగా, పరోక్షంగా 5 రాష్ట్రాలు (తెలంగాణ, ఆంధ్రప్రదేశ్, కర్ణాటక, ఢిల్లీ, హర్యానా) రాష్ట్రాలలో (వాట్సప్, ఫేస్బుక్, ట్విట్టర్, టెలిగ్రామ్, ఇన్స్టాగ్రామ్ లాంటి సామాజిక మాధ్యమాల ద్వారా) 1,00,000 మందికి పైగా యువత కు రక్తదానం పై అవగాహన కల్పించారు. వివిధ సందర్భాలలో అత్యవసర సమయంలో ఉన్నవారికి 18,154 మందికి, రక్తదాతల సహకారంతో ఉచితంగా రక్తాన్ని అందజేసి.. రక్తదానంలో రా‘రాజు’గా పేరు గాంచారు. 

అత్యవసరం లో ఉన్న వారికోసం మరియు తలసేమియా వ్యాధితో బాధపడుతున్న చిన్నారుల కోసం ఇప్పటి వరకు 71 రక్తదాన శిబిరాలు ఏర్పాటు చేయడం విశేషం. కరోనా (కొవిడ్ – 19) అత్యవసర సమయంలో ప్లాస్మాదానం పై అవగాహన కల్పించి 235 మందికి ప్లాస్మా అందించారు. వరల్డ్ బ్లడ్ డోనర్స్ డే సందర్భంగా 18 సంవత్సరాలు పూర్తయిన యువతి & యువకులు స్వచ్ఛందంగా రక్తదానం చేసి సమాజానికి ఆదర్శంగా ఉండాలని కోరుతున్నారు.  

The post శభాష్.. కన్నె రాజు.. 20 ఏండ్లుగా రక్తదానంపై అవగాహన appeared first on VEDHA NEWS.

• హైదరాబాద్ సెంట్రల్ వర్సిటీ అడవుల జీవవైవిధ్య విధ్వంసం పైన OWLS ఆధ్వర్యంలో రౌండ్ టేబుల్ సమావేశం

వేద న్యూస్, వరంగల్:

తెలంగాణ ప్రభుత్వం గత వారం రోజుల నుంచి రాష్ట్రంలోని హైదరాబాద్ సెంట్రల్ యూనివర్సిటీ (HCU) లో హైదరాబాద్ కు ఊపిరి అందిస్తున్న అడవిని, అడవి జంతువులను, వృక్షాలను, నీటి కుంటలను చట్టవిరుద్ధంగా 400 ఎకరాలను రాత్రికి రాత్రి నాశనం చేయడం దారుణం అని పలువురు పర్యావరణవేత్తలు పేర్కొన్నారు. హైదరాబాద్ సెంట్రల్ యూనివర్సిటీ కి సంబందించిన 400 ఎకరాల అడవి విధ్వంసం గురించి ఓరుగల్లు వైల్డ్ లైఫ్ సొసైటీ(OWLS) ఆధ్వర్యంలో హనుమకొండ నక్కలగుట్టలోని హరిత హోటల్ లో రౌండ్ టేబుల్ సమావేశం నిర్వహించారు.

ఈ చర్చా కార్యక్రమానికి ముఖ్య అతిథిగా మాజీ శాసనసభ్యులు దాస్యం వినయ్ భాస్కర్  హాజరై మాట్లాడుతూ ప్రపంచ స్థాయి ప్రమాణాలు గల హైదరాబాద్ సెంట్రల్ యూనివర్సిటీ లోని 400 ఎకరాల విస్తీర్ణంలో ఉన్న జీవులను ఛిద్రం చేస్తూ, చెట్లను, జీవుల ఆవాసాలను, నీటి వనరులను, పర్యావరణ చట్టాలను, అటవీ చట్టాలను, నీటి చట్టాలను తుంగలో తొక్కి కోర్టు ఆదేశాలను సైతం ఉల్లంఘిస్తూ అక్కడి జీవవైవిధ్యాన్ని నాశనం చేస్తున్న తెలంగాణ రాష్ట్ర ప్రభుత్వం పైన చట్టప్రకారంగా చర్యలు తీసుకోవాలని డిమాండ్ చేశారు.

సామాజిక బాధ్యతతో జీవ వైవిధ్య పరిరక్షణ కోసం పోరాటం చేస్తున్న విద్యార్థులపైన, ఇతరులపైన పెట్టిన అక్రమ కేసులను ఎత్తివేయాలని కోరారు. తాను పర్యావరణ పరిరక్షణ కోసం కట్టుబడి ఉన్నానని తెలిపారు.

మాజీ మేయర్ టి. రాజేశ్వరరావు మాట్లాడుతూ… మనిషి తన అస్తిత్వం కోసం ప్రకృతిని నాశనం చేయడం దారుణం అన్నారు. 400 ఎకరాలల్లో అడగని విధ్వంసం చేయడం ప్రభుత్వ ఏకపక్ష నిర్ణయమేనని పేర్కొన్నారు.  ప్రభుత్వ ప్రజా వ్యతిరేక విధానాలపై పౌర సమాజం పోరాడాలని పిలుపునిచ్చారు.

“ఓరుగల్లు వైల్డ్ లైఫ్ సొసైటీ” సంస్థ సభ్యులు మాట్లాడుతూ ప్రైవేటు వ్యక్తులతో కుమ్మక్కై రాష్ట్రప్రభుత్వం ఎన్నో సంవత్సరాల వయసు కలిగిన చెట్లను పీకివేస్తూ జింకలను, నెమళ్లను,వివిధ రకాల పక్షులను, షెడ్యూల్ 1,2,3,4, జాబితాలో గలిగిన జీవులను,నక్షత్ర తాబేళ్లను, ఉడుములను, పాములను, తొండలను జీవ వైవిధ్యం పరంగా ప్రాధాన్యత కలిగిన వివిధ రకాల జీవులను, నాశనం చేయడం అత్యంత దారుణమని పేర్కొన్నారు. ఈ సందర్బంగా HCU జీవవైవిధ్యం,  ప్రభుత్వం చేపట్టిన విధ్వంసంపై 10 నిమిషాల వీడియో అదేవిధంగా 30 నిమిషాల పవర్ పాయింట్ ప్రెజెంటేషన్ ను ఔల్స్ జాయింట్ సెక్రెటరీ రవిబాబు పిట్టల ప్రజెంట్ చేశారు.

వివిధ NGO’S ప్రతినిధులు మాట్లాడుతూ నీరు, భూమి, ఖనిజాలు, చెట్లు వంటివి పరిమిత వనరులు కాబట్టి  వాటిని బాధ్యతాయుతంగా ఉపయోగించాలన్నారు . సహజ వనరుల సంపద నశిస్తే రాబోయే తరాలకు మనుగడ సాగించడం ఒక సవాల్ గా మారుతుందని వెల్లడించారు.

భూమి ఆరోగ్యంగా ఉండాలంటే, అడవులను సంరక్షించుకోవాలని, ఊపిరితిత్తులు దెబ్బతింటే శరీరానికి ఎలా నష్టం కలుగుతుందో, అదే విధంగా అడవులు నాశనం అయితే వాతావరణ మార్పులు, వాయు కాలుష్యం, నీటి కొరత వంటి సమస్యలు ఏర్పడతాయని చెప్పారు. ఈ సందర్భం గాహైదరాబాద్ యూనివర్సిటీ విద్యార్థుల అక్రమ అరెస్టులను ముక్త ఖంఠంతో ఖండిస్తూ వారిని బేషరుతుగా విడుదల చేస్తూ వారిపైన పెట్టిన కేసులను వెంటలే ఎత్తివేయాలని ప్రభుత్వాన్ని కోరారు.

 కార్యక్రమంలో ఓరుగల్లు వైల్డ్ లైఫ్ సొసైటీ సంస్థ అధ్యక్షులు ఇందారం నాగేశ్వరరావు , సెక్రెటరీ చెల్పూరి శ్యాం సుందర్, జాయింట్ సెక్రెటరీ పిట్టల రవి బాబు, “టార్చ్” వ్యవస్థాపక అధ్యక్షులు అరవింద్ ఆర్య, వన సేవ ప్రతినిధులు పొట్లపల్లి వీరభద్రా రావు, నరేష్, పర్యావరణవేత్త రతన్ సింగ్, డాక్టర్ ప్రసాద్ ,నిమ్మ శ్రీనివాస్, నిఖిత, జేవీవీ సంస్థ ప్రతినిధి పరికిపండ్ల వేణు, కమలాకర్ స్వామి, కుమారి రాపోల్ నిఖిత, విద్యార్థి నాయకులు శరత్, రాకేష్ యాదవ్, బైరపాక ప్రశాంత్, శ్రీకాంత్ చారి, వీరస్వామి, అనిల్ తదితరులు వివిధ ఎన్జీవో సంస్థల ప్రతినిధులు పాల్గొని ఈ రౌండ్ టేబుల్ సమావేశాన్ని విజయవంతం చేశారు.

The post HCUలో 400 ఎకరాల విధ్వంసం దారుణం: పర్యావరణవేత్తలు appeared first on VEDHA NEWS.