• పంచాయతీ కార్యదర్శుల ఫోరం హన్మకొండ జిల్లా అధ్యక్షుడు అశోక్
• జిల్లా ఫోరం కార్యవర్గ సమావేశంలో తీర్మానాలు
• కలెక్టర్ దృష్టికి సమస్యలు తీసుకెళ్లనున్నట్టు వెల్లడి

వేద న్యూస్, వరంగల్:

హనుమకొండ జిల్లా పంచాయతీ కార్యదర్శుల ఫోరం కార్యవర్గ సమావేశం జిల్లా అధ్యక్షుడు  జనుగానీ అశోక్ ఆధ్వర్యంలో గురువారం నిర్వహించారు. పంచాయతీ కార్యదర్శులు ఎదుర్కొంటున్న పలు సమస్యల గురించి చర్చించి, ఆ సమస్యలను టీఎన్జీవోస్ హనుమకొండ జిల్లా యూనియన్ అధ్యక్షుడు ఆకుల రాజేందర్  ద్వారా కలెక్టర్ దృష్టికి తీసుకెళ్లి సమస్యలు పరిష్కారం అయ్యేలా కృషి చేయాలని తీర్మానాలు చేశారు.

హనుమకొండ జిల్లాలోని 10 జీపీల పంచాయతీ సెక్రెటరీలకు బీఎల్‌వో డ్యూటీలు వేశారని, వెంటనే ఆ విధుల నుంచి మినహాయింపు ఇవ్వాలన్నారు. పంచాయతీ కార్యదర్శులకు పని భారం తగ్గించాలన్నారు. గ్రామ పంచాయతీలకు వెంటనే ప్రత్యేక నిధులు మంజూరు చేయాలని కోరారు. ఫీల్డ్ అసిస్టెంట్లు లేని జీపీల్లో ఫీల్డ్ అసిస్టెంట్లను నియమించాలని తెలిపారు. మహాత్మాగాంధీ జాతీయ గ్రామీణ ఉపాధి హామీ పథకం సోషల్ ఆడిట్ లో పంచాయతీ సెక్రెటరీలను బాధ్యులను చేయకూడదన్నారు. వారికి ఎలాంటి జరిమానా విధించకూడదని వెల్లడించారు. 

మస్టర్ నిర్వహణలో పంచాయతీ సెక్రెటరీలను బాధ్యులను చేయకూడదని, వారి సంతకం అవసరం లేకుండా ఎఫ్ ఏ, టీఏ సంతకాలతో పేమెంట్ చేయాలని సూచించారు. నాలుగేండ్లు పూర్తయిన జేపీఎస్ లను అందరినీ ప్రొబేషన్ తో సంబంధం లేకుండా రెగ్యులరైజ్ చేయాలన్నారు. ఆ నాలుగేండ్ల కాలాన్ని సర్వీస్ కాలంగా పరిగణించాలన్నారు. ఓపీఎస్ లను జేపీఎస్ లుగా నియమించాలని కోరారు. ఇక ముందు ఓపీఎస్ నియామకం చేపట్టకూడదని పేర్కొన్నారు. ఈ మేరకు ఈ అంశాలపై తీర్మానాలు చేశారు. 

 కార్యక్రమంలో జిల్లా కార్యదర్శి ఇంజపెల్లి నరేశ్, అసోసియేట్ అధ్యక్షుడు వెంకటేశం, కోశాధికారి రాజు, ఉపాధ్యక్షులు వెంకన్న,ఆర్గనైజింగ్ కార్యదర్శి అర్శం శ్రీనివాస్, హనుమకొండ డివిజన్ అధ్యక్షులు ఎం.డీ. రఫీ, పరకాల డివిజన్ అధ్యక్షుడు మనోహర్, సభ్యులు భీం రాజ్, వేణుమాధవ్, రఘు  ఇతర కార్యవర్గ సభ్యులు పాల్గొన్నారు.

The post పంచాయతీ సెక్రెటరీలకు బీఎల్‌వో  విధుల నుంచి మినహాయింపు ఇవ్వాలి appeared first on VEDHA NEWS.

•  అమృత్ సరోవర్ స్కీమ్‌కు ఈరయ్య చెరువు ఎంపిక

వేద న్యూస్, హన్మకొండ:
దామెర మండలకేంద్రంలోని ఈరయ్య చెరువు అమృత్ సరోవర్ పథకంలో భాగంగా ఎంపిక అయినందున చెరువు కట్ట వెంబడి మొక్కలు నాటే కార్యక్రమం చేపట్టారు. గ్రామ పంచాయతీ కార్యదర్శి ఇంజపెల్లి నరేష్ ఆధ్వర్యంలో బుధవారం మొక్కలు నాటారు. అనంతరం ప్రపంచ పర్యావరణ దినోత్సవం సందర్భంగా పర్యావరణ పరిరక్షణ గురించి ప్రతిజ్ఞ చేశారు. కార్యక్రమంలో ఫీల్డ్ అసిస్టెంట్ సారంగం, ఉపాధి హామీ కూలీలు, గ్రామ పంచాయతీ సిబ్బంది పాల్గొన్నారు.
 

The post ప్రపంచ పర్యావరణ సందర్భంగా మొక్కలు నాటే కార్యక్రమం appeared first on VEDHA NEWS.

వేద న్యూస్, హన్మకొండ/దామెర:
ప్రభుత్వ అధికారి అనగానే చాలు..వారు కేవలం తమ పని సమయాల్లో మాత్రమే కార్యాలయాల్లో ఉంటారని, తమ విధుల నిర్వహణ పట్ల కొంత అలసత్వం వహిస్తారనే భావన జనంలో ఉంది. కాగా, అలాంటి అపోహలకు తావివ్వకుండా విధి నిర్వహణలో సెలవు దినం కూడా పని చేస్తూ..పలువురికి ఆదర్శంగా నిలుస్తున్నారు హన్మకొండ జిల్లా దామెర గ్రామ పంచాయతీ కార్యదర్శి ఇంజపెల్లి నరేశ్.

రాష్ట్రప్రభుత్వ ఆదేశాల మేరకు గ్రామాల్లో ప్రత్యేక పారిశుధ్య కార్యక్రమం నిర్వహిస్తున్న సంగతి అందరికీ విదితమే. అందులో భాగంగా ఆదివారం దామెర గ్రామంలో పంచాయతీ కార్యదర్శి ఇంజపెల్లి నరేష్..హాలీ డే రోజు కూడా విధులు నిర్వహించారు. దామెర మండలకేంద్రంలో తాగు నీటి సరఫరా కు సంబంధించిన పైప్ లైన్ లీకేజీల మరమ్మతులు, సైడ్ కాలువలు శుభ్రం చేయడం వంటి పనులు జరుగుతున్న తీరును పరిశీలించి తగు సూచనలు చేశారు.

ఆయన పర్యవేక్షణలో సిబ్బంది పనులు చేపట్టారు. కాగా, ప్రభుత్వ అధికారులు ఇలా క్షేత్రస్థాయిలో పనులు పరిశీలించడం ద్వారా ప్రజలకు మేలు జరుగుతుందని గ్రామస్తులు పలువురు అభిప్రాయపడుతున్నారు. ప్రభుత్వ ఆదేశాలకు అనుగుణంగా ప్రత్యేక పారిశుధ్య కార్యక్రమ నిర్వహణపై పంచాయతీ సెక్రెటరీ శ్రద్ధ వహించడం పట్ల గ్రామస్తులు సంతోషం వ్యక్తం చేస్తున్నారు. అన్ని గ్రామాల్లోని అధికారులు తమ గ్రామ పంచాయతీ సెక్రెటరీ మాదిరిగా విధుల పట్ల అంకితభావంతో పని చేస్తే తప్పకుండా గ్రామస్వరాజ్యం వస్తుందని, గ్రామాలు దేశానికి పట్టుగొమ్మలుగా మారుతాయని, అభివృద్ధికి ఆనవాళ్లుగా గ్రామాలు అతి త్వరలో రూపాంతరం చెందుతాయని పలువురు ఆశాభావం వ్యక్తం చేస్తున్నారు.

The post శభాష్ నరేశ్..పారిశుధ్య  నిర్వహణపై ఇంజపెల్లికి ‘ప్రత్యేక’ శ్రద్ధ appeared first on VEDHA NEWS.