వేద న్యూస్, వరంగల్:

పరకాల అసెంబ్లీ యూత్ కాంగ్రెస్ జనరల్ సెక్రెటరీగా ఎన్నికైన  దామెర రాజు ను పరకాల ఎమ్మెల్యే రేవూరి ప్రకాశ్‌రెడ్డి శాలువాతో ఆదివారం సత్కరించారు.  కాంగ్రెస్ పార్టీ బలోపేతానికి కృషి చేయాలని సూచించారు. కాంగ్రెస్ నాయకులు, కార్యకర్తలు సమన్వయంతో ‘స్థానిక’ ఎన్నికల్లో ఘనవిజయం సాధించడం కోసం పని చేయాలని స్పష్టం చేశారు. 

The post యూత్ కాంగ్రెస్ పరకాల జనరల్ సెక్రెటరీకి ఎమ్మెల్యే రేవూరి సన్మానం appeared first on VEDHA NEWS.

వేద న్యూస్, వరంగల్ ప్రతినిధి:
ఆత్మకూరు లోని వేణుగోపాల స్వామి దేవాలయాన్ని పరకాల ఎమ్మెల్యే రేవూరి ప్రకాష్ రెడ్డి సందర్శించారు. ఆంగ్ల నూతన సంవత్సరాది 2024 వేడుకలలో పాల్గొనేందుకు సోమవారం ఆత్మకూరు మండల కేంద్రానికి ఆయన వచ్చారు.

ఈ సందర్భంగా రేవూరి, మాజీ పార్లమెంట్ సభ్యులు సిరిసిల్ల రాజయ్య వేణుగోపాల స్వామిని దర్శించుకున్నారు. ఎమ్మెల్యేగా గెలిచి మొదటిసారిగా దేవాలయానికి వచ్చిన ఎమ్మెల్యే ప్రకాశ్ రెడ్డి కి వేద పండితులు పూర్ణకుంభంతో ఘన స్వాగతం పలికారు. ఎమ్మెల్యే రేవూరికి ఆశీర్వచనాలు అందించి పూలమాల వేసి శాలువా కప్పి సత్కరించారు.

The post వేణుగోపాలస్వామిని దర్శించుకున్న పరకాల ఎమ్మెల్యే రేవూరి appeared first on VEDHA NEWS.

•  కష్టపడ్డ కార్యకర్తలకు గుర్తింపు గౌరవం కల్పిస్తా
•  కాంగ్రెస్ కార్యకర్తలను కంటికి రెప్పలా కాపాడుకుంటానని హామీ

వేద న్యూస్, వరంగల్ ప్రతినిధి:
తాను కాంగ్రెస్ పార్టీ కార్యకర్తల పట్టుదల, కృషి తోనే ఎమ్మెల్యేగా గెలిచానని పరకాల ఎమ్మెల్యే రేవూరి ప్రకాశ్ రెడ్డి అన్నారు. శుక్రవారం పరకాల పట్టణంలోని ఎమ్మెల్యే క్యాంపు కార్యాలయంలో పరకాల, దామెర మండలాల, పరకాల పట్టణ కాంగ్రెస్ పార్టీ గ్రామ, వార్డు, బూత్ స్థాయి నాయకులతో ఆయా మండల, పట్టణ పార్టీ అధ్యక్షుల అధ్యక్షతన సమీక్షా సమావేశాలు వేరు వేరుగా నిర్వహించారు. ఈ సమావేశాలలో ఎమ్మెల్యే రేవూరి మాట్లాడుతూ ఎన్నికలలో కాంగ్రెస్ పార్టీ విజయానికి కృషి చేసిన కార్యకర్తలకు నాయకులకు కృతజ్ఞతలు ధన్యవాదాలు తెలిపారు .

కాంగ్రెస్ పార్టీ కార్యకర్తలు, నాయకులు కష్టపడి పట్టుదలతో పనిచేయడం వల్లే తాను ఎమ్మెల్యేగా గెలుపొందానని, తన గెలుపు కార్యకర్తలకు అంకితం అని వెల్లడించారు. కొట్లాడి తెచ్చుకున్న తెలంగాణా రాష్ట్రంలో గత 10 సంవత్సరాల కేసీఆర్ దుర్మార్గపు పాలనతో ప్రజలు విసిగి..బీఆర్ఎస్ పార్టీకి చరమగీతం పాడారని చెప్పారు. రాబోయే పార్లమెంట్, స్థానిక సంస్థల ఎన్నికలలో నాయకులు విభేదాలు వీడి సమిష్టిగా పనిచేసి ప్రతీ గ్రామంలో కాంగ్రెస్ జెండాను ఎగురవేయాలని పిలుపునిచ్చారు.

కష్టపడ్డ ప్రతీ కార్యకర్తను కంటికి రెప్పలా కాపాడుకుంటానని, రాబోయే పార్లమెంటు ఎన్నికలలో కాంగ్రెస్ పార్టీ వరంగల్ పార్లమెంటు స్థానాన్ని గెలిపించుకునేందుకు..ఏడు నియోజకవర్గాలలో పరకాల నియోజకవర్గం నుండి అత్యధిక ఓట్లతో కాంగ్రెస్ పార్టీ అభ్యర్థికి పోలయ్యేట్లు కృషి చేయాలని సూచించారు. ఆరు గ్యారంటీలు అమలు చేస్తామన్నారు. సమావేశాలలో టీపీసీసీ ఉపాధ్యక్షులు దొమ్మటి సాంబయ్య, నాయకులు, కార్యకర్తలు తదితరులు పాల్గొన్నారు.

The post నా గెలుపు కార్యకర్తలకు అంకితం:పరకాల ఎమ్మెల్యే రేవూరి ప్రకాశ్ రెడ్డి appeared first on VEDHA NEWS.

వేద న్యూస్, వరంగల్ జిల్లా:

గ్రేట‌ర్ వ‌రంగ‌ల్ ప్రెస్ క్ల‌బ్ అభివృద్ధికి త‌మ వంతు కృషి చేస్తామ‌ని వ‌ర్ద‌న్న‌పేట ఎమ్మెల్యే కే ఆర్ నాగ‌రాజు, ప‌ర‌కాల ఎమ్మెల్యే రేవూరి ప్ర‌కాశ్ రెడ్డి, స్టేష‌న్ ఘ‌న్‌పూర్ ఎమ్మెల్యే క‌డియం శ్రీహ‌రి హామీ ఇచ్చారు. ఇటీవ‌ల జ‌రిగిన ఎన్నిక‌ల్లో గెలుపుపొందిన ఎమ్మెల్యేల‌ను గ్రేట‌ర్ వ‌రంగ‌ల్ ప్రెస్ క్ల‌బ్ అధ్య‌క్షుడు వేముల నాగ‌రాజు, ప్ర‌ధాన కార్య‌ద‌ర్శి బొల్లార‌పు స‌దయ్య ఆధ్వ‌ర్యంలో క‌మిటీ బాద్యులు క‌లిసి శుభాకాంక్ష‌లు తెలిపారు.

గెలుపొందిన ఎమ్మెల్యే లకు పుష్ప‌గుచ్చాల‌ు అంద‌జేసి, శాలువాలను క‌ప్పి స‌న్మానించారు. ఈ సంద‌ర్భంగా ఎమ్మెల్యేలు కేఆర్ నాగ‌రాజు, రేవూరి ప్ర‌కాశ్ రెడ్డి, క‌డియం శ్రీహ‌రి మాట్లాడుతూ జ‌ర్న‌లిస్టులతో ఎల్ల‌ప్పుడూ స్నేహ‌సంబంధాలు కొన‌సాగుతాయ‌న్నారు. గ్రేటర్ ప్రెస్ క్ల‌బ్ అభివృద్ధికి త‌మ వంతు కృషి చేస్తామ‌న్నారు. ప్రెస్ క్ల‌బ్ క‌మిటీ ఆహ్వానం మేర‌కు త్వ‌ర‌లో ప్రెస్ క్ల‌బ్ కు వ‌స్తామ‌ని తెలిపారు.

ఈ కార్య‌క్ర‌మంలో ప్రెస్ క్ల‌బ్ క‌మిటీ కోశాధికారి బోళ్ల అమ‌ర్ , వైస్ ప్రెసిడెంట్లు గోకార‌పు శ్యాం, బొడిగె శ్రీనివాస్‌, అల్లం రాజేశ్ వ‌ర్మ‌, జాయింట్ సెక్ర‌ట‌రీలు సంపెట సుధాక‌ర్‌, వ‌లిశెట్టి సుధాక‌ర్‌, పొడిచెట్టి విష్ణువ‌ర్ద‌న్‌, కార్య‌వ‌ర్గ స‌భ్యులు వీర‌గోని హ‌రీశ్‌, దొమ్మ‌టి శ్రీకాంత్‌, జె.ఆంజ‌నేయులు, న‌యీంపాష‌, క‌మ‌టంవేణుగోపాల్‌, మంచాల రాజు పాల్గొన్నారు.

The post గ్రేటర్ వరంగల్ ప్రెస్ క్ల‌బ్ అభివృద్ధికి తోడ్పాటు అందిస్తాం: ఎమ్మెల్యేల హామీ appeared first on VEDHA NEWS.