• వేములవాడ ఏరియా హాస్పిటల్‌లో దారుణ పరిస్థితులు
• గంటల తరబడి క్యూ లో ప్రజల అవస్థలు
• డాక్టర్ లు సమయానికి రాక పెషేంట్ ల ఇబ్బందులు

వేద న్యూస్, ప్రత్యేక ప్రతినిధి:
రాజన్న సిరిసిల్ల జిల్లా వేములవాడ ఏరియా ఆసుపత్రిలో పేషెంట్ల పరిస్థితి రోజురోజుకూ ఇబ్బందికరంగా మారుతోంది. అనారోగ్యంతో ఆసుపత్రికి వచ్చే ప్రజలు ముందుగా ఓపీ (op) తీసుకోవడానికి గంటల తరబడి క్యూలో నిలబడాల్సిన పరిస్థితి నెలకొంది. తీవ్ర ఇబ్బందులు ఎదుర్కొని ఓపీ తీసుకున్న తర్వాత డాక్టర్ వద్దకు వెళ్తే, అక్కడ డాక్టర్లు లేక ఖాళీ కుర్చీలు మాత్రమే దర్శనమిస్తున్నాయని పేషెంట్లు ఆవేదన వ్యక్తం చేస్తున్నారు.

పలు రకాల జబ్బులతో వచ్చిన పేషెంట్లు డాక్టర్ల కోసం ఎదురుచూస్తూ తీవ్రంగా ఇబ్బందులు పడుతున్నారు. కొంతమంది డాక్టర్లు మధ్యాహ్నం 12 లేదా 1 గంట దాటినా విధులకు హాజరుకావడం లేదని ఆరోపణలు వినిపిస్తున్నాయి.

కొన్ని విభాగాల్లో పెషేంట్ లు ఎక్కువగా ఉండి ఒక్క డాక్టర్ మాత్రమే ఉండడం వల్ల పేషెంట్లను అందరిని చూడలేకపోతున్నారు.

దీంతో గంటల తరబడి నిలబడిన పేషెంట్లు అలసటతో బాధపడుతూ నర్సులను ఆశ్రయించినా, వారివద్ద కూడా సరైన స్పందన లభించడం లేదని బాధితులు చెబుతున్నారు.

“డ్యూటీకి రాని డాక్టర్లకు జీతాలు ఎందుకు?” అని పేషెంట్లు ఆగ్రహం వ్యక్తం చేస్తున్నారు?. “మధ్యాహ్నం వచ్చి గంటలో వెళ్లే వారికి లక్షల రూపాయల జీతాలు ఎందుకు ఇవ్వాలి?” అంటూ ప్రశ్నిస్తున్నారు?.

ప్రజలను పట్టించుకోని డాక్టర్లు,అని ఆసుపత్రి వ్యవస్థపై తీవ్ర అసంతృప్తి వ్యక్తం చేస్తున్నారు.వెంటనే చర్యలు తీసుకుని వైద్య సేవలను మెరుగుపరచాలని ప్రజలు డిమాండ్ చేస్తున్నారు.

The post డ్యూటీకి రాని డాక్టర్లకు జీతాలు ఎందుకు?..(వీడియో) ఎములాడ ఏరియా ఆస్పత్రిలో ఇదీ కథ.. appeared first on VEDHA NEWS.

వేద న్యూస్, మరిపెడ:

చత్రపతి శివాజీ మహారాజ్ భవిష్యత్ తరాలకు సైతం ఆదర్శ ప్రాయుడని, ఆయన జీవిత చరిత్రను యువత అధ్యయనం చేయాలని మరిపెడ ప్రెస్ క్లబ్ అద్యక్షులు పర్వతం చంద్రశేఖర్ అన్నారు. బుధవారం మున్సిపల్ కేంద్రంలో శివాజీ మహారాజ్ 344వ వర్ధంతి సందర్భంగా సంఘం నాయకులు గండి విష్ణు, మారం అనంత రాములుతో కలసి రోగులకు పండ్లు, బ్రెడ్లు పంపిణీ చేశారు. ఈ సందర్భంగా ఆయన మాట్లాడుతూ మహనీయులను స్మరించు కోవలసిన అవసరం నేటి సమాజానికి,యువతకు ఉందని తెలిపారు. మరిపెడ ప్రెస్ క్లబ్ ఆధ్వర్యంలో భవిష్యత్తులో మరిన్ని సామాజిక సేవ కార్యక్రమాలు చేస్తామని తెలిపారు. ఈ కార్యక్రమంలో రేఖ అశోక్, బోడపట్ల సతీష్, దాసరోజు బాలకృష్ణ,వెంకన్న, నాగరాజు,సురేష్, మహెందర్, రమేష్,కారంపూడి వెంకటేశ్వర్లు, గందసిరి ఉప్పాలయ్య,పులుసు సతీష్,ప్రవీణ్,చింతా వెంకన్న,బాషిపంగు వెంకన్న తదితరులు పాల్గొన్నారు.

The post రోగులకు పండ్లు పంపిణీ appeared first on VEDHA NEWS.