వేద న్యూస్, జమ్మికుంట:
హైదరాబాద్‌లో జరిగిన రాష్ట్ర ఎగ్జిక్యూటివ్ కమిటీ సమావేశంలో తనను బీఎస్పీ కరీంనగర్ జిల్లా అధ్యక్షుడిగా నియమించినట్టు పెద్దంపల్లి మాజీ సర్పంచ్ దొడ్డె శ్రీనివాస్ తెలిపారు. ఈ మేరకు బహుజన సమాజ్ పార్టీ రాష్ట్ర అధ్యక్షుడు మంద ప్రభాకర్ ఉత్తర్వులు జారీచేసినట్టు మంగళవారం పేర్కొన్నారు. జమ్మికుంట మండలం పెద్దంపల్లి గ్రామానికి చెందిన మాజీ సర్పంచ్ దొడ్డె శ్రీనివాస్ 2007లో బహుజన సమాజ్ పార్టీలో చేరారు.

ఆ పార్టీ జిల్లా ఉపాధ్యక్షుడిగా, హుజురాబాద్ నియోజకవర్గ అధ్యక్షుడిగా, ఇన్ చార్జిగా పనిచేశారు. ఈ సందర్భంగా శ్రీనివాస్ మాట్లాడారు. రాష్ట్ర కమిటీ పిలుపు మేరకు పనిచేస్తానని, పార్టీ అభివృద్ధి కోసం కృషి చేస్తానని చెప్పారు. రానున్న సర్పంచ్, ఎంపీటీసీ స్థానాల్లో అత్యధికంగా తమ పార్టీ అభ్యర్థులను గెలిపించేందుకు శాయశక్తుల కృషి చేస్తానని స్పష్టం చేశారు. తన నియామకానికి సహకరించిన రాష్ట్ర అధ్యక్షుడు మంద ప్రభాకర్, రాష్ట్ర ప్రధాన కార్యదర్శి నిషాని రామచంద్రం, కరీంనగర్ పార్లమెంట్ ఇన్ చార్జి అంకని భానుకు కృతజ్ఞతలు తెలిపారు.

The post బీఎస్పీ కరీంనగర్ జిల్లా అధ్యక్షుడిగా ప్రభాకర్ appeared first on VEDHA NEWS.

• అంతర్జాతీయ క్రీడలకు ఎంపికైన ప్రభుకు గురువుల అభినందన
• జాతీయస్థాయి మాస్టర్ అథ్లెటిక్స్ విజేతగా నిలిచినందుకు సంతోషం

వేద న్యూస్, జమ్మికుంట:

గత నెల 8 నుండి 11 వరకు హైదరాబాద్ గచ్చిబౌలి స్టేడియంలో జరిగిన జాతీయస్థాయి మాస్టర్స్ అథ్లెటిక్స్ లలో జమ్మికుంట మండలం మడిపల్లి గ్రామానికి చెందిన అంబాల ప్రభాకర్ (ప్రభు) పాల్గొని హైమన్ త్రోలో తన ప్రతిభను కనబరిచారు. ఆ పోటీల్లో ద్వితీయ స్థానంలో నిలిచి వెండి పతకం అందుకున్నారు. ఈ సందర్భంగా ఆయనను బుధవారం కరీంనగర్ అలుగునూరు‌లోని సెంటర్ ఆఫ్ ఎక్సలెంట్ (సీవోఈ) ప్రిన్సిపాల్ దేవేందర్ రెడ్డి, వ్యాయామ ఉపాధ్యాయులు వీరేశం ఆత్మీయంగా ఆహ్వానించి చిన్ననాటి శిష్యుడు ప్రభాకర్ (ప్రభు) మెడలో మెడల్స్‌ను వేసి ఘనంగా అభినందించారు.

ఈ సందర్భంగా ప్రిన్సిపాల్
దేవేందర్ రెడ్డి, ఫిజికల్ డైరెక్టర్ వీరేశం మాట్లాడుతూ ప్రభాకర్ ఐదో తరగతి నుండి మేడిపల్లి సాంఘిక సంక్షేమ గురుకుల విద్యాలయంలో చదివారని గుర్తుచేశారు. నాటి నుండి నేటి వరకు చదువుతో పాటు క్రీడలు, కళల రంగాలలో తనదైన ప్రతిభను కనబరుస్తూ క్రమశిక్షణతో ఈ సమాజానికి ఆదర్శంగా నిలవడం అభినందనీయమని చెప్పారు.

ప్రభును చూసి గురుకుల గురువుగా గర్వపడుతున్నామని వెల్లడించారు.
ప్రభాకర్ చేస్తున్న మంచి పనులను యువకులతో పాటు ప్రజలందరూ ఆదర్శంగా తీసుకొని పుట్టిన ఊరికి ప్రాంతానికి గొప్ప పేరు తీసుకురావాలని కోరారు. తైవాన్ దేశంలో జరిగే అంతర్జాతీయ క్రీడలలో పాల్గొని విజయం సాధించాలని అభినందిస్తూ, శుభాకాంక్షలు తెలిపారు.

The post యువతకు ఆదర్శం ప్రభాకర్ appeared first on VEDHA NEWS.