వేద న్యూస్, వరంగల్:

ముఖ్యమంత్రి రేవంత్ రెడ్డికి మంత్రి కొండా సురేఖ క్షమాపణలు చెప్పారు. మీడియా సమావేశంలో ఆమె గురువారం మాట్లాడుతూ..తన కూతురు పోలీసులు వచ్చారని ఏదో ఆవేశంలో మాట్లాడిందని, దానికి  తాను రేవంత్ రెడ్డికి క్షమాపణలు చెబుతున్నట్టు పేర్కొన్నారు. తమదంతా ఒకటే కుటుంబం, కుటుంబంలో గొడవలు రావడం సహజం అని వెల్లడించారు. 

మంత్రి కొండా సురేఖ సీఎంకు క్షమాపణలు చెప్పడంతో వివాదం సద్దుమణిగింది.  ఉమ్మడి వరంగల్ జిల్లా ఇన్ చార్జి మంత్రి పొంగులేటి శ్రీనివాస్ రెడ్డి తో పాటు ఇతర మంత్రులతో  కలిసి సురేఖ మీడియా సమావేశంలో పాల్గొన్నారు. 

The post ముఖ్యమంత్రి రేవంత్‌కు క్షమాపణలు చెప్పిన మంత్రి కొండా సురేఖ(వీడియో) appeared first on VEDHA NEWS.

వేద న్యూస్, చొప్పదండి/ గంగాధర :

గంగాధర మండలంతో పాటు చుట్టుపక్కల మండలాల్లో పేద, మధ్య తరగతి విద్యార్థులకు ఉన్నత విద్య అందుబాటులోకి వచ్చింది. డిగ్రీ విద్య కోసం కరీంనగర్, జగిత్యాల వంటి పట్టణాలకు వెళ్లి చదువుకోవడం వ్యయ ప్రయాసలతో కూడుకున్నది కావడంతో చాలామంది పేద విద్యార్థులు చదువును ఇంటర్మీడియట్ తోనే ఆపేస్తున్నారు.

నియోజకవర్గంలో డిగ్రీ కళాశాల ఏర్పాటు చేస్తే పేద, మధ్య తరగతి విద్యార్థులకు ఉన్నత విద్య అందుబాటులోకి వస్తుందన్న సదుద్దేశంతో మేడిపల్లి సత్యం ముఖ్యమంత్రి రేవంత్ రెడ్డి తీసుకువెళ్లి ప్రభుత్వ డిగ్రీ కళాశాలను మంజూరు చేయించారు.

గంగాధరలో ప్రభుత్వ డిగ్రీ కళాశాల ఏర్పాటు చేస్తుండడంతో విద్యార్థులు, విద్యార్థుల తల్లిదండ్రులు హర్షం వ్యక్తం. గురువారం గంగాధర మండలం మధురానగర్ చౌరస్తాలో వివిధ పాఠశాలలు, కళాశాలలకు చెందిన విద్యార్థులు రేవంత్ రెడ్డి, ఎమ్మెల్యే మేడిపల్లి సత్యం చిత్రపటాలకు పాలాభిషేకం చేశారు. ప్రభుత్వ డిగ్రీ కళాశాల చేసిన సందర్భంగా ముఖ్యమంత్రి రేవంత్ రెడ్డి, ఎమ్మెల్యే మేడిపల్లి సత్యం కు విద్యార్థుల కృతజ్ఞతలు తెలిపారు.

The post విద్యార్థులకు అందుబాటులో ఉన్నత విద్య appeared first on VEDHA NEWS.

వేద న్యూస్, ఇల్లంతకుంట:

అసెంబ్లీలో తెలంగాణ ముఖ్యమంత్రి  రేవంత్ రెడ్డి ఆధ్వర్యంలో రిజర్వేషన్లు కాప్ ఎత్తివేస్తూ బిసి లకు 42 శాతం స్థానిక సంస్థలలో రిజర్వేషన్లు అమలు చేసేందుకు బిల్లు ఆమోదించినందుకు మానకొండూర్ యువజన విభాగం మాజీ అధ్యక్షుడు అంతగిరి వినయ్ కుమార్ ప్రత్యేక కృతజ్ఞతలు తెలిపారు.

ఈ సందర్భంగా మండల కేంద్రంలో ఏర్పాటు చేసిన విలేకరుల సమావేశంలో వినయ్ కుమార్ మాట్లాడుతూ ఏఐసీసీ అధ్యక్షులు మల్లికార్జున్ ఖర్గే,లోక్ సభ ప్రధాన ప్రతిపక్ష నేత రాహుల్ గాంధీ తెలంగాణ ముఖ్యమంత్రి రేవంత్ రెడ్డి,ఏఐసీసీ ఇంచార్జ్ మీనాక్షి నటరాజన్,పీసీసీ అధ్యక్షుడు మహేష్ కుమార్ గౌడ్, మంత్రి వర్గానికి ధన్యవాదాలు తెలియజేశారు.

కాంగ్రెస్ పార్టీ మేనిఫెస్టోలో చెప్పిన విధంగా బీసీ సామాజిక వర్గానికి న్యాయం చేస్తామని చెప్పిన విధంగా అమలు చేశారని పేర్కొన్నారు.రాబోయే స్థానికి సంస్థల ఎన్నికల్లో అత్యధిక జెడ్పి చైర్మన్లు,యంపిపి లు బిసి లు అయ్యే అవకాశం ఉందని ఆశాభావం వ్యక్తం చేశారు.

The post బీసీలకు రిజర్వేషన్ చరిత్రాత్మక నిర్ణయం:వినయ్ కుమార్ appeared first on VEDHA NEWS.

•  యాదవ సామాజిక వర్గానికి మంత్రి పదవి ఇవ్వాలని డిమాండ్‌
•  గొర్రెల కాపరుల సంక్షేమ సంఘం వినూత్న నిరసన
•  సోషల్ మీడియాలో వీడియో వైరల్
•  భవన్‌లో భద్రతా వైఫల్యంపై కాంగ్రెస్‌ వర్గాల ఆరా

వేద న్యూస్, హైదరాబాద్ ప్రతినిధి :
అధికార హస్తం పార్టీ “చేతి”లో తమకు చోటు లేదని యాదవ కురుమ, సామాజిక వర్గాలు కినుక వహిస్తున్నాయి.!తెలంగాణ మంత్రివర్గం తో పాటు తెలంగాణ ప్రదేశ్ కాంగ్రెస్ కమిటీ కార్యవర్గంలో యాదవ, కురుమ సామాజిక వర్గాలకు చోటు కల్పించాలని కోరుతూ.. గొర్రెల కాపరుల సంక్షేమ సంఘం సోమవారం వినూత్న నిరసన చేపట్టింది.

రాజకీయంగా తమకు అవకాశాలు కల్పించాలని అడిగారు. ప్రజా ప్రభుత్వంలో అందరికీ అవకాశం ఉండాలని అభిప్రాయం వ్యక్తం చేశారు. అదే క్రమంలో తమకు ప్రస్తుతం దక్కాల్సిన స్థానం కోసం వినూత్న మార్గంలో ఆందోళన చేపట్టారు. గొర్రెల కాపరులు లారీలో గొర్రెలు, మేకలతో గాంధీభవన్‌ వద్దకు చేరుకుని వినూత్నంగా నిరసన తెలిపారు.

సంక్షేమ సంఘం నాయకుడు శ్రీహరి యాదవ్‌ ఆధ్వర్యంలో ఈ నిరసన కార్యక్రమాన్ని చేపట్టారు. టీపీసీసీ అధ్యక్షులు మహేశ్‌కుమార్‌ గౌడ్‌ను కలిసే వరకు తమ నిరసన కొనసాగుతుందని యాదవ, కురుమ సంఘం నేతలు తెలిపారు.

కాగా గాంధీభవన్‌లోకి గొర్రెలు తీసుకువచ్చిన ఘటనపై, పోలీసుల భద్రతా వైఫల్యంపై కాంగ్రెస్‌ వర్గాలు ఆరా తీసినట్లు తెలుస్తోంది. పోలీసుల కట్టుదిట్ట భద్రతా ఉన్నా గొర్రెల లారీ లోపలికి రావడంపై కాంగ్రెస్‌ వర్గాలు ఆగ్రహం వ్యక్తం చేశాయి.

సంఘ విద్రోహ శక్తులు వస్తే పరిస్థితి ఏంటని కాంగ్రెస్‌ వర్గాల్లో తీవ్ర చర్చలు జరుగుతున్నాయి.

కాగా కురుమ, యాదవ సామాజిక వర్గం నుంచి ఆలేరు ఎమ్మెల్యే బీర్ల ఐలయ్య.. రాష్ట్ర మంత్రి వర్గంలో తనకు చోటు కల్పించాలని కాంగ్రెస్ అగ్రనేతలకు వినతులను కూడా సమర్పించిన విషయం తెలిసిందే.అయితే కాంగ్రెస్ ప్రభుత్వం మంత్రి వర్గంలో యాదవ, కురుమలకు ఇప్పటి వరకూ చోటు కల్పించకపోవడం గమనార్హం.

ఇది ఇలా ఉంటే గాంధీభవన్లో గొర్రెలు ఉన్న వీడియోలు ప్రస్తుతం సోషల్ మీడియాలో వైరల్ గా మారాయి. గొర్రెలు@ గాంధీభవన్ అంటూ నెట్టింట చర్చలు సాగుతున్నాయి

The post గొర్రెలు@గాంధీభవన్‌..!”చేతి”లో గొర్రెలకు చోటేది? appeared first on VEDHA NEWS.

వేదన్యూస్ – జపాన్

తెలంగాణ ముఖ్యమంత్రి రేవంత్ రెడ్డి జమ్మూ కాశ్మీర్‌లోని పహల్గామ్‌లో జరిగిన ఉగ్రవాద దాడిని తీవ్రంగా ఖండించారు. ఈ ఘటనను హేయమైన చర్యగా  ఆయన ఈసందర్భంగా  అభివర్ణించారు.”ఇటువంటి కిరాతక చర్యలు భారత ప్రజల సమైక్యతను, ధైర్యాన్ని ఎన్నటికీ దెబ్బతీయలేవు” అని స్పష్టం చేశారు.

ఈ దాడికి బాధ్యత వహిస్తున్న ఉగ్రవాద సంస్థలపై కఠిన చర్యలు తీసుకోవాలని కేంద్ర ప్రభుత్వాన్ని ఆయన కోరారు. ఈ సందర్భంగా దేశ ప్రజల ఐక్యతకు తెలంగాణ ప్రభుత్వం తోడ్పాటు నిలుస్తుందని ఆయన పునరుద్ఘాటించారు.

ఈ ఘటనలో ప్రాణాలు కోల్పోయినవారి కుటుంబాలకు ముఖ్యమంత్రి ప్రగాఢ సంతాపం తెలిపారు. మృతుల ఆత్మకు శాంతి చేకూరాలని ప్రార్థిస్తూ, ఈ క్లిష్ట సమయంలో వారి కుటుంబ సభ్యులకు తన సానుభూతిని వ్యక్తం చేశారు.

The post ఉగ్రవాద దాడిపై సీఎం రేవంత్ రెడ్డి తీవ్ర విచారం..! appeared first on VEDHA NEWS.

వేదన్యూస్ – హైదరాబాద్ 

ఈ నెల ఇరవై ఏడో తారీఖున వరంగల్ జిల్లా ఎల్కతుర్తిలో బీఆర్ఎస్ ఆవిర్భావం జరిగి ఇరవై ఐదు ఏండ్లు పూర్తయిన సందర్భంగా రజతోత్సవ వేడుకలను నిర్వహించాలని బీఆర్ఎస్ అధినేత.. మాజీ ముఖ్యమంత్రి కేసీఆర్ నిర్ణయం తీసుకున్న సంగతి తెల్సిందే.

ఈ క్రమంలో రేపు బుధవారం కాళేశ్వరం కమీషన్   ఛైర్మన్  జస్టీస్ పీసీ ఘోష్ హైదరాబాద్ చేరుకోనున్నారు. ఈ క్రమంలోనే కాళేశ్వరం కృంగుబాటు ఘటనలో రాజకీయ నేతలను విచారించనున్నట్లు తెలుస్తుంది. ఇప్పటికే అధికారులను విచారించిన కమీషన్ మాజీ ముఖ్యమంత్రి కేసీఆర్.. అప్పటి నీటి పారుదల శాఖ మంత్రి తన్నీరు హారీష్ రావును విచారించనున్నట్లు తెలుస్తుంది.

అయితే ఇన్నాళ్ళు మౌనంగా ఉన్న కమీషన్ ఉన్నట్లు ఉండి హైదరాబాద్ కు చేరుకోనుండటంతో త్వరలో జరగనున్న బీఆర్ఎస్ రజతోత్సవ వేడుకల నుండి ప్రజల దృష్టి.. మీడియా దృష్టిని మళ్లించడానికే అని ప్రతిపక్షం బీఆర్ఎస్ ఆరోపిస్తుంది.

The post బీఆర్ఎస్ రజతోత్సవ వేళ బిగ్ షాక్…! appeared first on VEDHA NEWS.

వేదన్యూస్ – గాంధీభవన్

ముఖ్యమంత్రి అనుముల రేవంత్ రెడ్డికి టీపీసీసీ చీఫ్.. ఎమ్మెల్సీ మహేష్ కుమార్ గౌడ్ బిగ్ షాకిచ్చారు. గాంధీ భవన్ లో జరిగిన మీడియా సమావేశంలో టీపీసీసీ చీఫ్ మహేష్ కుమార్ గౌడ్ మాట్లాడుతూ కంచగచ్చిబౌలి భూముల్లో జింకలున్నాయి.. నెమళ్లున్నాయి.

లేవని ఎవరూ చెప్పారు. కేంద్ర మంత్రి కిషన్ రెడ్డి నివాసమైన ఢిల్లీలో ఆయనింట్లో నూ నెమళ్లున్నాయి. ప్రతిపక్షం వాళ్ళు బుల్డోజర్లతో కంచగచ్చిబౌలి అటవీ ప్రాంతంలో చెట్లను కొట్టేశాము అని అంటున్నారు. కానీ మేము బుల్డోజర్లతో కాదు. జేసీబీలతో అని ఆయన సమాధానమిచ్చారు.

పీసీసీ చీఫ్ చేసిన వ్యాఖ్యలతో అక్కడ నెమళ్లు.. జింకలున్నాయని ఒప్పుకున్నారు. చెట్లను మొక్కలను కొట్టేశాము అని ఒప్పుకున్నారు. కానీ సీఎం రేవంత్ రెడ్డితో సహా మంత్రులు.. ఎమ్మెల్యేలు అక్కడ మొక్కలను కొట్టేయలేదు. జింకలు నెమళ్లు లేవని చెబుతున్న మాటలు అవాస్తవాలే కదా అని ప్రతిపక్షాలు కౌంటర్ అటాకింగ్ లు చేస్తున్నారు. పీసీసీ చీఫ్ వ్యాఖ్యలతో ముఖ్యమంత్రి రేవంత్ రెడ్డికి బిగ్ షాక్ తగిలినట్లే అని వారు వ్యాఖ్యానిస్తున్నారు.

The post రేవంత్ కు షాకిచ్చిన టీపీసీసీ..! appeared first on VEDHA NEWS.

•  హస్తం పార్టీవాదిగా కంకణబద్ధుడై సేవలు
•  నిత్యం పార్టీ వాదనను బలపరుస్తూ జనంలోకి..
•  కరుడుగట్టిన కాంగ్రెస్‌వాదిగా పేరుగాంచిన నేత

వేద న్యూస్, కరీంనగర్:

కాంగ్రెస్ పార్టీ విధానాలు, ప్రభుత్వ స్కీములపైన అవగాహన కల్పించడంలో ఆయన అందరికంటే ముందుండే ప్రయత్నం చేస్తుంటారు. విపక్షాల విమర్శలను ఎప్పటికప్పుడు తన శక్తి మేరకు తిప్పికొడుతూ.. ఆయన పలు విషయాలను ప్రభుత్వ పెద్దల దృష్టికి తీసుకెళ్లే ప్రయత్నం చేస్తుండటం విశేషం. ప్రభుత్వానికి, ప్రజలకు మధ్య వారధిలా తన వంతుగా ప్రయత్నాలు చేయడంలో ఆయన ఏ మాత్రం వెనకాడరు. ఆయనే.. కాంగ్రెస్‌కు కంకణబద్ధుడైన నాయకుడు కొలిపాక శ్రీనివాస్.

సర్కారు వాదనను బలపరుస్తూ.. క్యాంపెయిన్

రేవంత్‌రెడ్డి నాయకత్వంలోని రాష్ట్రంలోని కాంగ్రెస్ ప్రభుత్వ పని విధానంపైన నిత్యం కొలిపాక శ్రీనివాస్ సోషల్ మీడియా వేదికగా, బయటా విస్తృతంగా ప్రజలకు ప్రచారం చేసే ప్రయత్నం చేస్తారు. సీఎం రేవంత్‌రెడ్డికి వీరాభిమానిగా, ఆయన నాయకత్వ పటిమను, ప్రజల కోసం పరితపించే విధానం గురించి కాంగ్రెస్ శ్రేణులతో పాటు జనానికి వివరించే ప్రయత్నం చేయడంలో కొలిపాక శ్రీనివాస్ ముందుంటారు.

తెలంగాణ ప్రదాత సోనియాగాంధీ దీవెనలతో రాష్ట్రంలో రేవంత్ పాలన.. ప్రజా పాలనగా సాగుతోందని కొలిపాక శ్రీనివాస్ వివరిస్తున్నారు. పేదలకు సంక్షేమం అందించేది కాంగ్రెస్ పార్టీ మాత్రమేనని వెల్లడిస్తున్నారు.

ప్రస్తుతం మాదిరిగానే పాలన కొనసాగితే.. రాష్ట్రంలో కాంగ్రెస్ మరో పదేండ్లు అధికారంలో ఉండటం ఖాయమని కాంగ్రెస్ సీనియర్ నాయకుడు కొలిపాక శ్రీనివాస్ ధీమా వ్యక్తం చేస్తున్నారు. ప్రజాపాలనలో రాష్ట్రం దేశంలోనే కాకుండా ప్రపంచవ్యాప్తంగా పోటీపడేలా తీర్చిదిద్దే ప్రయత్నాలను శక్తివంచన లేకుండా సమర్థవంతంగా రేవంత్ నాయకత్వంలోని సర్కారు చేస్తోందని ఘంటాపథంగా ప్రజలకు శ్రీనివాస్ వివరిస్తున్నారు.

బీసీలపై బీఆర్ఎస్ మొసలి కన్నీరు.. కవిత వ్యాఖ్యలను ఖండించిన కొలిపాక శ్రీనివాస్

The post కాంగ్రెస్ సైనికుడు కొలిపాక శ్రీనివాస్ appeared first on VEDHA NEWS.

వేదన్యూస్ – జూబ్లీహిల్స్

ముఖ్యమంత్రి రేవంత్ రెడ్డితో ప్రధాన ప్రతిపక్ష బీఆర్ఎస్ కు చెందిన ఉప్పల్ అసెంబ్లీ నియోజకవర్గ ఎమ్మెల్యే బండారి లక్ష్మారెడ్డి ఈరోజు మంగళవారం జూబ్లీహిల్స్ లోని సీఎం నివాసంలో భేటీ అయ్యారు.

ఈ భేటీ సందర్భంగా త్వరలో జరగనున్న తన కుమార్తె వివాహానికి రావాల్సిందిగా తన కుటుంబ సభ్యులతో కల్సి సీఎం రేవంత్ రెడ్డిని ఆహ్వానించారు.

ఈ వివాహానికి తప్పనిసరిగా వస్తానని రేవంత్ రెడ్డి ఎమ్మెల్యే బీఎల్ఆర్ కు హామీచ్చినట్లు తెలుస్తుంది. బీఎల్ఆర్ తో పాటు కాంగ్రెస్ ఎంపీ కుందూరు రఘువీర్ రెడ్డితో పాటు కాంగ్రెస్ నేతలు పలువురు ఉన్నారు.

The post రేవంత్ రెడ్డితో బీఆర్ఎస్ ఎమ్మెల్యే భేటీ…! appeared first on VEDHA NEWS.

 వేదన్యూస్ – శంషాబాద్

ముఖ్యమంత్రి అనుముల రేవంత్ రెడ్డి నేతృత్వంలోని ఈరోజు మంగళవారం సీఎల్పీ సమావేశం శంషాబాద్ లోని నోవాటెల్ లో జరిగింది. అనంతరం కాంగ్రెస్ ప్రభుత్వం తలపెట్టిన ఇందిరమ్మ ఇండ్ల పథకంలోని లబ్ధిదారులకు లక్ష సాయం తక్షణమే జమ చేస్తున్నట్లు ప్రకటించింది.

ఈ పథకంలో అర్హులైన తొలి పన్నెండు మంది లబ్ధిదారులకు సీఎం రేవంత్ రెడ్డి చేతుల మీదుగా లక్ష రూపాయల చెక్కును అందజేశారు. అయితే ఇందిరమ్మ ఇండ్లను నిర్మించుకునే లబ్ధిదారులకు బేస్ మెంట్ వరకూ ఇండ్లను నిర్మిస్తే  లక్షరూపాయలు ఇవ్వనున్నారు.

గోడలు నిర్మించాక మరో లక్షా ఇరవై ఐదు వేల రూపాయలను ఇవ్వనున్నారు. అనంతరం స్లాబ్ వేశాక మరో లక్ష డెబ్బై ఐదు వేల రూపాయలను లబ్ధిదారుల ఖాతాల్లో జమ చేయనున్నారు. మొత్తం నిర్మాణం పూర్తయ్యాక మిగతా లక్ష ఇవ్వనున్నారు.

The post ఒక్కొక్కరికి రూ. లక్ష సాయం – కాంగ్రెస్ ప్రభుత్వం ప్రకటన..! appeared first on VEDHA NEWS.