• విద్య, వైద్యం, ఉపాధి కల్పనకు తన వంతు కృషి
•  సామాజికవేత్తగా చక్కటి పేరు సంపాదించుకున్న వెంకట్

వేద న్యూస్, హూజూరాాబాద్:

‘మానవసేవే మాధవసేవ’ అనే సిద్ధాంతాన్ని బహుశా ఆయన మనసా వాచా కర్మేణా నమ్ముతారు కావచ్చు. అందుకే తన శక్తి మేరకు ఎవరికైనా, ఏ క్షణంలోనైనా సాయం చేసేందుకు ప్రయత్నిస్తుంటారని చెప్పొచ్చు. ఇంతకీ ఆయన ఎవరంటే.. కార్పొరేట్ వరల్డ్‌లో తనకంటూ ఒక ప్రత్యేక గుర్తింపు కలిగి ఉండి.. ప్రముఖ మల్టీ నేషనల్ కంపెనీ ‘జెన్‌ప్యాక్ట్’ గ్లోబల్ వైస్ ప్రెసిడెంట్‌గా ఉన్న సిర్సపల్లి వాసి సబ్బని వెంకట్. యువవాదిగా బలమైన నెట్‌వర్క్ కలిగిన ఆయన సామాజికవేత్తగా సేవామార్గంలో పయనిస్తున్నారు.

మౌలికంగా ప్రజలకు అవసరమైన విద్య, వైద్యం, ఉపాధి కల్పనకు తన వంతుగా శక్తి మేరకు వెంకట్ కృషి చేస్తున్నారు. తన పలుకుబడిని పది మందికి మంచి చేసేందుకు ఉపయోగిస్తానని ఆయన పేర్కొంటుండటం విశేషం. హుజురాబాద్ నియోజకవర్గ పరిధిలోని ప్రజలకు విద్య, వైద్యం, ఉద్యోగ ఉపాధి కల్పన గురించి ఆలోచన చేయడమే నిజమైన అభివృద్ధి కోసం.. పని చేయాలనే ఆలోచన రేకెత్తేలా బలమైన అడుగులు వెంకట్ వేస్తున్నారు.

వివిధ రాజకీయ పార్టీల నాయకులతో తనకున్న సత్సంబంధాలను ప్రజాసంక్షేమం కోసం వినియోగిస్తు్న్నారు. అజాతశత్రువుగా ఉంటూ.. అందరి ఆదరాభిమానాలు చూరగొంటూ ముందుకు సాగుతున్న వెంకట్.. అడుగులు ప్రజాక్షేత్రంలోకి మున్ముందు బలంగా పడతాయని ఊహాగానాలు వినబడుతుండగా.. అది నిజం కావాలని సబ్బని అనుచరగణం ఆశిస్తోంది.

తనకు రాజకీయంగా పార్టీలపరంగా ఎలాంటి రాజకీయ హోదా లేకున్నా.. వ్యక్తిగతంగానే సబ్బని వెంకట్ చేస్తున్న కృషిని పలువురు అభినందిస్తున్నారు. హుజురాబాద్‌ నియోజకవర్గ పరిధిలో ఎవరికీ ఏ ఆపద వచ్చిన అందరి కంటే ముందు వెంకట్ స్పందిస్తున్నారు. యువతలో క్రీడాస్ఫూర్తి నింపేందుకు తన వంతుగా వెంకట్ .. దివంగత కోచ్ లవన్ కుమార్ పేరిట క్రికెట్ ట్రోఫీని నిర్వహించారు.

నియోజకవర్గ పరిధిలోని అన్ని మండలాల్లోని యువకులకు క్రీడల పరంగా తన వంతు సహాయ సహకారాలు అందిస్తానని ఆ సందర్భంలో వెంకట్ పేర్కొన్నారు. నియోజకవర్గ పరిధిలో పేదలకు ఆరోగ్యం విషయంలో ట్రీట్‌మెంట్‌ విషయమై వైద్యులతో మాట్లాడటంతో పాటు అనారోగ్య ట్రీట్‌‌మెంట్‌కు ఎల్‌వోసీలను సబ్బని వెంకట్ తన టీమ్ ద్వారా అందిస్తున్నారు. ఇదే సమయంలో నియోజకవర్గ పరిధిలో వివిధ కారణాలరీత్యా మృతి చెందిన ఆర్థికంగా వెనకబడిన కుటుంబాలకు బియ్యం తన టీమ్ ద్వారా అందిస్తున్నారు.

హుజురాబాద్ పండ్ల మార్కెట్ అగ్నిప్రమాద విషయంలో వెంకట్ స్పందించిన తీరు తెలిసిందే. అందరికంటే ముందే వారికి సాయం ప్రకటించడంతో పాటు హుజూరాబాద్, జమ్మికుంట ప్రభుత్వాస్పత్రుల్లో వైద్యుల భర్తీపై హెల్త్ మినిస్టర్ రాజనర్సింహకు వినతి పత్రం సమర్పించడం, సిర్సపల్లిలోని తన ఇంటి వద్ద ‘ప్రజాదర్బార్’ నిర్వహించి.. తన ఇంటికి వచ్చిన ప్రజలకు శక్తి మేరకు పనులు చేసిపెట్టడం చూస్తుంటే.. సబ్బని వెంకట్ భావి నాయకుడిగా మరింత బలంగా ప్రజాక్షేత్రంలో ఉండాలనే అభిప్రాయాలను కొందరు వ్యక్తం చేస్తున్నారు.

The post సక్కని మనసుతో  సబ్బని వెంకట్ జన సం‘క్షేమ’ అడుగులు appeared first on VEDHA NEWS.

•  నిర్వహణకు రూ.25 వేలు ఆర్థిక సాయం చేసిన సామాజికవేత్త

వేద న్యూస్, కరీంనగర్ :

రాష్ట్ర ప్రభుత్వం నిర్వహిస్తున్న రాష్ట్ర పరిధిలోని హైస్కూల్స్ బాల బాలికల రాష్ట్ర స్థాయి హాకీ టోర్నమెంట్ ను హుజురాబాద్ పట్టణం లోని హై స్కూల్ గ్రౌండ్ లోని క్రీడా మైదానం లో శుక్రవారం ప్రముఖ సామజిక వేత్త, మల్టీ నేషనల్ కంపెనీ జెన్ ప్యాక్ట్ గ్లోబల్ వైస్ ప్రెసిడెంట్ సబ్బని వెంకట్ ప్రారంభించారు. టోర్నమెంట్ నిర్వహణకు రూ.25 వేలు ఆర్ధిక సహాయం చేశారు. ఈ సందర్భంగా నిర్వాహకులు సబ్బని వెంకట్ కు కృతజ్ఞతలు తెలిపారు.

యువతీ యువకులు చదువుతో పాటు క్రీడల పట్ల కూడా ఆసక్తి చూపాలని సబ్బని వెంకట్ ఈ సందర్భంగా సూచించారు. క్రీడలతో మానసికోల్లాసం కలుగుతుందని వెల్లడించారు. 

The post హుజూరాబాద్‌లో హాకీ టోర్నమెంట్ ప్రారంభించిన సామాజికవేత్త సబ్బని వెంకట్ appeared first on VEDHA NEWS.

•  మౌలిక అవసరాలు, ఉపాధి కల్పనకు తన వంతు కృషి
•  సామాజికవేత్త వెంకట్ ఇంటికి జనం బాట
•  హుజూరాబాద్ నియోజకవర్గంతో పాటు ఇతర ప్రాంతాల నుంచి రాక

వేద న్యూస్, హుజూరాబాద్ ప్రతినిధి:

హుజూరాబాద్ నియోజకవర్గ పరిధిలో నాయకత్వానికి సరికొత్త నిర్వచనాన్ని ఇస్తున్నారు సామాజికవేత్త సబ్బని వెంకట్. ప్రజల అభివృద్ధికి అవసరమయ్యే పనులు తన శక్తి మేరకు చేస్తూ సరికొత్త ఒరవడికి శ్రీకారం చుట్టారు. దాంతో వెంకట్ తన స్వగ్రామం సిర్సపల్లికి వస్తారనే సమాచారం తెలియగానే జనం ఆయన ఇంటి బాట పడుతున్నారు. తమ సమస్యలు పరిష్కరించాలని దరఖాస్తులు సమర్పిస్తున్నారు.

మల్టీ నేషనల్ కంపెనీ ‘జెన్‌ప్యాక్ట్’ వైస్ ప్రెసిడెంట్‌గా ఉన్న సబ్బని వెంకట్ ఇప్పటికే ఎంతో మందికి ఉద్యోగ, ఉపాధి అవకాశాలు కల్పించారు. ఈ నేపథ్యంలోనే ప్రజలు మంచిర్యాల, గోదావరిఖని, కరీంనగర్‌తో పాటు ఇతర ప్రాంతాల నుంచి సబ్బని వెంకట్ వద్దకు వస్తున్నారు. హుజూరాబాద్ నియోజకవర్గ ప్రజలకు మాత్రమే కాకుండా తన వద్దకు వచ్చిన వారందరికీ ఆపన్న హస్తం అందించేందుకు ముందు వరుసలో వెంకట్ నిలబడుతున్నారు.

తన టీం ద్వారా విస్తృతంగా ప్రజలకు అండగా నిలిచే ప్రయత్నం చేస్తున్నారు. యువతకు ఉపాధి కల్పనకు భరోసానిస్తున్నారు. పిల్లల చదువుకు సంబంధించి విద్యా సంస్థల యజమానులతో మాట్లాడుతూ..ఆరోగ్యం విషయమై ఆస్పత్రుల వారితో మాట్లాడుతూ జనానికి సమస్యల పరిష్కారానికి వెంకట్ భరోసానిస్తున్నారు.

నాయకుడిగా ప్రజలకు విద్య, వైద్యం పరంగా వెంకట్ సాయం అందిస్తుండటం పట్ల ప్రజలు సంతోషం వ్యక్తం చేస్తున్నారు. వెంకట్ అందిస్తున్న సేవలతో అన్ని వర్గాల ప్రజల్లో సానుకూల చర్చ జరుగుతోంది. సామాజికవేత్తగా నిస్వార్థంగా సేవలందిస్తున్న వెంకట్ మాదిరిగా నాయకులు సైతం పనులు చేయాలని పలువురు కోరుతున్నారు.

The post నాయకత్వానికి సరికొత్త నిర్వచనం ‘సబ్బని’ appeared first on VEDHA NEWS.

•  సేవాకార్యక్రమాలతో జనంలోకి
•  నిత్యం పలువురికి తోచినంత సాయం
•  ఆపదలో అండగా ఉంటాననే భరోసా
•  సామాజిక స్పృహతో ఆపన్నహస్తం అందిస్తున్న వెంకట్

వేద న్యూస్, హుజూరాబాద్ ప్రతినిధి:

ఎవరైనా సరే ఎలా ఉండాలనుకుంటే..‘‘ఊరిచివరి మర్రిచెట్టులా ఉంటే మంచిది.. వేసవి కాలం వచ్చినపుడు నీడనిస్తుంది, వర్షాకాలం తడుస్తూ పరిగెడుతూ చెట్టు వద్దకు వస్తే చినుకులు పడకుండా కాపాడుతుంది. ఎప్పుడూ గుర్తించమని అడగదు.’’ అని ఓ సినీ దర్శకుడు పేర్కొన్న మాదిరిగా తన సేవలను విస్తృతంగా ప్రచారం చేయడం కంటే చేసిన మంచి మాత్రమే నిలవాలని, తాను కాదని భావించే వ్యక్తి ప్రముఖ సామాజిక వేత్త, జెన్‌ప్యాక్ట్ వైస్ ప్రెసిడెంట్ సబ్బని వెంకట్. మంచి మనసున్న వ్యక్తిగా..చేతికి ఎముక లేని దాతగా వెంకట్ ప్రసిద్ధి గాంచారు.

చేతికి ఎముక లేని దాత

హుజూరాబాద్ మండలం సిర్సపల్లి గ్రామానికి చెందిన సబ్బని వెంకట్ కష్టపడి చదువుకుని ప్రయోజకడయ్యారు. కుటుంబ స్థాయిని పెంచే విధంగా నడవడికను అలవర్చకున్నారు. ఉద్యోగంలో చేరిన తర్వాత క్రమశిక్షణ, పట్టుదలతో పని చేసి ఉన్నత స్థాయికి అంచెలంచెలుగా చేరుకున్నారు. పోటీ ప్రపంచంలోని నికరంగా నిలబడి మొన్నటి వరకు మల్టీ నేషనల్ కంపెనీ హెచ్‌సీఎల్ సీనియర్ డైరెక్టర్‌గా పని చేసిన వెంకట్..ఇటీవల జెన్‌ప్యాక్ట్ కంపెనీలో చేరి వైస్ ప్రెసిడెంట్‌గా పని చేస్తున్నారు. తాను ఎదగడమే కాదు తనతో పాటు పది మంది ఎదగాలని భావించే మనస్తత్వం ఉన్న వెంకట్.. ఎంతో మందికి ఉద్యోగ, ఉపాధి అవకాశాలు కల్పిస్తూ…అవసరమైన సహాయ సహకారాలు అందించేందుకు ముందుంటున్నారు.

ఉద్యోగ, ఉపాధి కల్పనపైన ఫోకస్ చేయాలని సూచన
హుజూరాబాద్ నియోజకవర్గ పరిధిలో జరగాల్సిన అభివృద్ధిపైన ప్రభుత్వాలు, నాయకులు సీరియస్‌గా ఫోకస్ చేయాలని సామాజికవేత్త సబ్బని వెంకట్ సూచిస్తు్న్నారు. ప్రజలిచ్చిన అధికారాన్ని ప్రజలు ఇచ్చిన అధికారాన్ని సద్వినియోగం చేయవలసిన లీడర్లు కాలాన్ని అనవసరంగా వృథా చేస్తున్నారని, దీనివల్ల అభివృద్ధి అనే మాటకు విలువ లేకుండా పోతున్నదని పేర్కొన్నారు. గతేడాది కాలంగా హుజూరాబాద్ స్థితిగతులపై ప్రత్యక్షంగా, పరోక్షంగా దృష్టి సారించిన వెంకట్..హుజూరాబాద్ నియోజకవర్గ ప్రజలకు ఆపన్న హస్తం అందించేందుకు ముందు వరుసలో నిలబడుతున్నారు. రాజకీయంగా హుజురాబాద్ ప్రాంతం నుంచి ఎంతోమందికి అవకాశాలు లభించినప్పటికీ గత మూడు నాలుగు దశాబ్దాల నుండి హుజురాబాద్ ప్రాంతం సిద్దిపేట, సిరిసిల్ల ప్రాంతాలను దాటిపోవడం లేదని ఆవేదన వ్యక్తం చేస్తున్నారు.

నిర్మాణాత్మక సూచనలు
హుజూరాబాద్ నియోజకవర్గ పరిధిలో డెవలప్‌మెంట్‌పైన నిర్మాణాత్మక సూచనలు చేస్తూ నియోజకవర్గ పరిధిలోని ప్రజల్లో కొత్త ఆలోచనను రేకెత్తిస్తూ..చర్చను లేవనెత్తే ప్రయత్నం చేస్తున్నారు. యువత, నిరుద్యోగులకు ఉద్యోగ, ఉపాధి కల్పనకు బలమైన అడుగులు పడితే బంగారు భవిష్యత్తు ఉంటుందనే విషయాన్ని ప్రజల్లోకి తీసుకెళ్లేలా, ఆ దిశగా డిస్కషన్ జరిగేలా తన వంతు ప్రయత్నాలు చేస్తున్నారు.

యువతకు అండగా ఉంటూ.. ఆదర్శంగా నిలుస్తూ..
నిత్యం తన దృష్టికి వచ్చే సమస్యల పరిష్కారానికి తన వంతు తోడ్పాటును వెంకట్ అందిస్తున్నారు. రక్తదాన శిబిరాలతో యువతను రక్తదానం చేసేలా ప్రోత్సహించిన వెంకట్..నిత్యం ఎంతోమందికి సాయం చేస్తున్నారు. ఇవ్వడమే తప్ప అడగడం తెలియని వ్యక్తిగా ఉంటూ..యువతకు వెన్నుదన్నుగా నిలుస్తున్నారు. హుజూరాబాద్ నియోజకవర్గ పరిధిలో ప్రజలకు విద్య, వైద్యం పరంగా తన వంతుగా సాయం అందిస్తున్నారు. అయితే, ప్రభుత్వం పరంగా చేయాల్సిన పనులపై నాయకులు మరింత దృష్టి సారించాలని, వైద్యవిద్యాసంస్థలు, పరిశ్రమలు నెలకొల్పాలని ప్రభుత్వాన్ని కోరాలని సూచిస్తున్నారు.

అగ్నిప్రమాద ఘటనపై గంటల వ్యవధిలో స్పందన
హుజూరాబాద్ పట్టణంలో ఇటీవల జరిగిన అగ్నిప్రమాద ఘటనపై వెంకట్ గంటల వ్యవధిలో స్పందించారు. బాధితులకు రూ.5 వేలు చొప్పున సాయం చేస్తానని ప్రకటించారు. నిజానికి వెంకట్ రాజకీయ నాయకుడు కాదు, ఆయనకు స్వచంద సంస్థలు లేవు, కాని ఎక్కడ బాధ, కష్టం ఉందని తెలిస్తే అక్కడికి సహాయం వెళ్తుందనే సంకేతాలను సబ్బని వెంకట్ పంపుతున్నారు.

వెంకట్ అగ్ని ప్రమాద ఘటన విషయమై చిరువ్యాపారులకు చేసిన పరిహారం ప్రకటన స్థానిక నాయకులను ఉలిక్కిపడేలా చేసిందనే చర్చ ఉంది. వారు సైతం పరిహారం ప్రకటించేలా తప్పని పరిస్థితిని వెంకట్ కల్పించారు. సామాజిక వేత్త సబ్బని వెంకట్ అందిస్తున్న సేవలను హుజూరాబాద్ నియోజకవర్గ పరిధిలోని ప్రజలు నిశితంగానే గమనిస్తూ హర్షం వ్యక్తం చేస్తున్నారు. సబ్బని వెంకట్ తన సేవా దృక్పథంతో జిల్లావ్యాప్తంగా, హుజూరాబాద్ నియోజకవర్గవ్యాప్తంగా రాజకీయ వర్గాలు, ప్రజల్లో సరికొత్త చర్చ జరిగేలా ఓ నూతన ఒరవడికి తెరలేపారని పలువురు అభిప్రాయపడుతున్నారు.

The post సక్కని మనసున్న ‘సబ్బని’ appeared first on VEDHA NEWS.

• తిరోగమన రాజకీయాలతో భవిష్యత్తుపై నీలి నీడలు?
• యువత ఆశలకు రెక్కలు వచ్చేది ఎన్నడు?
• ప్రజల ఆకాంక్షల పై నీళ్లు చల్లే హక్కు పాలకులకు ఎక్కడిది?
• ప్రముఖ సామాజికవేత్త సబ్బని వెంకట్

వేద న్యూస్, జమ్మికుంట:

ప్రజలు ఇచ్చిన అధికారాన్ని సద్వినియోగం చేయవలసిన నాయకులు కాలాన్ని అనవసరంగా వృథా చేస్తున్నారని, దీనివల్ల అభివృద్ధి అనే మాటకు విలువ లేకుండా పోతున్నదని, భవిష్యత్తుపై కలలు కంటున్న యువత ఆశలపై నాయకులు నీళ్లు చల్లుతున్నారని, తద్వారా ఓటు అనే ఆయుధం ద్వారా తమను గెలిపించిన ప్రజలను, యువతను మోసం చేస్తున్నట్లుగా అనేకమంది విద్యావేత్తలు ఆందోళన వ్యక్తం చేస్తున్నారు. కరీంనగర్,  వరంగల్ జిల్లాల మధ్యలో గల హుజురాబాద్ పాత తాలూకా అన్ని రంగాలలో ఇప్పటికే అభివృద్ధి చెందవలసి ఉండగా, అందుకు విరుద్ధంగా ఈ ప్రాంతంలో పరిస్థితి ఎక్కడ వేసిన గొంగళి అక్కడే ఉండడం దారుణమైన విషయమని పలువురు వ్యాఖ్యానిస్తున్నారు. ఈ మధ్యకాలంలో హుజురాబాద్ స్థితిగతులపై ప్రత్యక్షంగా… పరోక్షంగా దృష్టి సారించిన ప్రముఖ సామాజికవేత్త… ఆపన్న హస్తం అందించేవాడిగా గణతికెక్కిన సబ్బని వెంకట్ ఆవేదన వ్యక్తం చేస్తున్నారు.

రాజకీయంగా హుజురాబాద్ ప్రాంతం నుండి ఎంతోమందికి అవకాశాలు లభించినప్పటికీ గత మూడు నాలుగు దశాబ్దాల నుండి హుజురాబాద్ ప్రాంతం సిద్దిపేట, సిరిసిల్ల ప్రాంతాలను దాటిపోవడం లేదని, అభివృద్ధి అనేది కొంతమంది నాయకులకే పరిమితం కాలేదు అన్న నగ్న సత్యం హుజురాబాద్ ప్రాంత ప్రజలకు యువతకు తెలిసినప్పటికీ వారు ఏమి చేయలేక నిస్సహాయ స్థితిలో విన్నకుండిపోతున్నారని సబ్బని వెంకట్ ఆందోళన వ్యక్తం చేశారు. రోడ్లు వేయడం, మురికి కాలువలు నిర్మించడం, రేషన్ బియ్యం అందించడం, పింఛన్లు పంపిణీ చేయడం వరకే నాయకులు పరిమితం అవుతున్నారని తెలిపారు. నాయకులు లేకుండా ప్రభుత్వ అధికారులు ఈ పనులన్నింటినీ చక్కబెడతారన్న విషయం నాయకులు గుర్తిస్తే మంచిదని సబ్బని అభిప్రాయపడ్డారు.

హుజరాబాద్ నియోజకవర్గంలో వైద్య పరంగా అవసరమైనన్ని సౌకర్యాలు లేవని, విద్యాపరంగా ఉన్నతమైన కళాశాలలు కూడా లేకపోవడం వల్ల విద్యార్థిని విద్యార్థులు ఇతర జిల్లాలకు తరలిపోవలసిన పరిస్థితి ఏర్పడుతున్నదని వివరించారు. ఈ ప్రాంతంలో ఏ ఒక్క వృత్తి విద్య కోర్సులను ప్రవేశ పెట్టకపోవడం శోచనీయమని పేర్కొన్నారు. కనీసం కుటీర పరిశ్రమలనైన స్థాపించినట్లయితే ఈ ప్రాంతానికి చెందిన వందలాదిమంది యువతకు ఉపాధి దొరుకుతుందన్న నగ్న సత్యాన్ని ఈ ప్రాంత పాలకులు గుర్తించకపోవడం మరి దారుణమని సబ్బని వెంకట్ అభిప్రాయపడ్డారు. ప్రజల ఓట్ల ద్వారా పదవులు చేపడుతున్న నాయకులు ఐదేళ్ల సమయాన్ని వృథా చేస్తున్నారని, అక్కరకు రాని విషయాలను తెరమీదకు తెచ్చి కలుషితమైన రాజకీయాలు చేస్తున్న విషయాన్ని ప్రజలు గమనిస్తున్నారని పాలకులు విస్మరించకూడదని ఆయన హితవు పలికారు.

ఉదాహరణకు హుజురాబాద్ తో సంబంధంలేని బూడిద రాజకీయాన్ని రగిలించడం ద్వారా గత కొన్ని వారాలుగా ఈ ప్రాంతంలో వాతావరణాన్ని కూడా కలుషితం చేసిన పేరు ఈ ప్రాంత నాయకులకే దక్కుతుందని ఆయన విమర్శించారు. ఇలాంటి అక్కరకురాని విషయాలను తరచుగా తెరమీదకు తెచ్చి సమయాన్ని వృథా చేస్తున్నారని, మనకన్నా ఎంతో వెనుకబడి ఉన్న ప్రాంతాలు శరవేగంగా అభివృద్ధి చెందుతుండగా హుజురాబాద్ పరిస్థితి ఎక్కడ వేసిన గొంగళి అక్కడే అన్న చందంలా తయారవడం నిజంగా ఈ ప్రాంత ప్రజలు యువత చేసుకున్న పాపమేమో అని సబ్బని వెంకట్ ఆవేదన వ్యక్తం చేశారు. తన దృష్టిలో ఇలాంటి తప్పిదాలు ఏ ఒక్కరో, ఏ ఒక్క రాజకీయ పార్టీయో చేస్తున్నట్లుగా తాను విమర్శలు చేయడం లేదని, ఇందుకు ప్రతి ఒక్కరూ బాధ్యులేనని ఆయన అన్నారు. వాస్తవానికి ప్రతి మండల కేంద్రంలో విద్యాపరంగా, వైద్యపరంగా అన్ని
వసతులను కల్పించవలసిన బాధ్యత పాలకులపై ఉందన్న విషయం ఇకనైనా గమనిస్తే మంచిదని ఆయన హితవు చెప్పారు.

హుజురాబాద్ నియోజకవర్గం కేంద్రానికి కూతవేటు దూరంలో రైల్వే కనెక్టివిటీ గల జమ్మికుంట, ఇల్లంతకుంట ప్రాంతాలు ఉన్నాయని, అవసరమైనంత మేరకు ల్యాండ్ బ్యాంకు కూడా సమృద్ధిగా లభించే అవకాశం ఈ ప్రాంతంలో ఉందన్న విషయాన్ని పాలకులకు తెలుసని.. ఇప్పటికైనా ముఖ్యమంత్రితో సంప్రదింపులు జరిపి మెడికల్ కళాశాలను.. కొద్ది పరిశ్రమలను ఈ ప్రాంతంలో నెలకొల్పే విధంగా కృషి చేయవలసిన అవసరం ఎంతైనా ఉందని తెలిపారు.

ఒకవేళ వరంగల్ కరీంనగర్ జిల్లాల మధ్యలో గల హుజురాబాద్ నే అభివృద్ధి చేయదలచుకుంటే ఆ దిశగానైనా పాలకులు ముందడుగు వేయవలసిన అవసరం ఉందన్నారు. ఉన్నత విద్యా సంస్థలు… పరిశ్రమలు నెలకొల్పినట్లైతే పరోక్షంగా, ప్రత్యక్షంగా అనేకమందికి ఉపాధి అవకాశాలు లభించే అవకాశం ఉంటుందని, తద్వారా ఈ ప్రాంతం రెవెన్యూ పరంగా కూడా మరింతగా పుంజుకుంటుందని సబ్బని అభిప్రాయపడ్డారు.

నాయకులకు దూరదృష్టి ఉండాలి తప్ప తాత్కాలిక అవసరాలను దృష్టిలో పెట్టుకొని పని చేయవద్దని, జీవితాంతం గుర్తిండిపోయేలా అభివృద్ధి పనులు చేసి ప్రజల హృదయాలలో చిరస్థాయిగా నిలిచిపోవాలని… ఆ దిశగా హుజురాబాద్ ప్రాంత నాయకులు ఆలోచనలు చేయాలని సబ్బని వెంకట్ విజ్ఞప్తి చేశారు.

కళలు, క్రీడలు, మేధావులు, రాజకీయ దురంధరులు, సాహిత్య ప్రియులకు పుట్టినిల్లుగా పేరుగాంచిన హుజురాబాద్ పాత తాలూకా అభివృద్ధిలో మాత్రం అందనంత దూరంలో ఉండడం ప్రతి హృదయాన్ని కలచివేస్తుండడం ఎంతైనా బాధాకరమని ఆయన తన మనోవేదనను వ్యక్తం చేశారు. ఈ ప్రాంతంలో విస్తారమైన వనరులు ఉన్నప్పటికీ నాయకులు వాటిని ఏమాత్రం సద్వినియోగం చేసుకోలేకపోతున్నారని, ఎలాంటి వనరులు లేని ప్రాంతాలు అభివృద్ధి పరంగా కళ్ల ముందు శరవేగంగా దూసుకుపోతున్న వైనాన్ని హుజురాబాద్ పాత తాలూకా నేతలు గమనిస్తే మంచిదని సబ్బని వెంకట్ అభిప్రాయపడ్డారు.

‘ఇల్లందకుంట’ దశ-దిశ మారేదెప్పుడో?

The post అభివృద్ధిని విస్మరిస్తున్న నేతలు? appeared first on VEDHA NEWS.

•  సామాజిక స్పృహ కలిగిన యువనేతకు శుభాకాంక్షల వెల్లువ

వేద న్యూస్, హుజూరాబాద్:

ప్రముఖ సామాజికవేత్త, హెచ్‌సీఎల్ సీనియర్ డైరెక్టర్ సబ్బని వెంకట్ జన్మదినం సందర్భంగా శుక్రవారం ఆయన అనుచరులు పుట్టిన రోజు వేడుకలు ఘనంగా నిర్వహించారు. హుజూరాబాద్ మండల పరిధిలోని సిర్సపల్లి గ్రామంలో వెంకట్ స్వగృహంలో ఆయన్ను హుజూరాబాద్ నియోజకవర్గ పరిధిలోని పలు గ్రామాలకు చెందిన నాయకులు, ప్రజలు కలిసి జన్మదిన శుభాకాంక్షలు తెలిపారు.

సామాజిక స్పృహ కలిగిన వెంకట్ నాయకుడిగా భవిష్యత్తులో ఉన్నత శిఖరాలను అధిరోహించాలని పలువురు ఈ సందర్భంగా ఆకాంక్షించారు. పార్టీలకతీతంగా హుజూరాబాద్ నియోజకవర్గ పరిధిలోని ప్రజలు, నాయకులు వెంకట్‌కు బర్త్ డే విషెస్ చెప్పారు. సమాజసేవలో తన వంతు పాత్ర పోషిస్తూ..పలువురికి ఆదర్శంగా నిలుస్తున్న వెంకట్‌ను గ్రామస్తులు అభినందించారు. రాజకీయాల్లో సేవా దృక్పథం కలిగిన వెంకట్ వంటి యువ నాయకులు ఉండాలని అభిప్రాయపడ్డారు.
 

The post ఘనంగా సామాజికవేత్త సబ్బని వెంకట్ బర్త్ డే సెలబ్రేషన్స్ appeared first on VEDHA NEWS.