వేదన్యూస్ -ఈడెన్ గార్డెన్స్ 

ఈడెన్ గార్డెన్స్ వేదికగా కోల్ కత్తా నైట్ రైడర్స్ జట్టుతో  జరుగుతున్న  మ్యాచులో  లక్నో సూపర్ జెయింట్స్ జట్టుకి చెందిన   విధ్వంసకర ప్లేయర్ నికోలస్ పూరన్ (36 బంతుల్లోనే 87 ) ఊచకోత కోశారు.

ఈ క్రమంలో పూరన్ ఓ రికార్డును తన ఖాతాలో వేసుకున్నారు. ఐపీఎల్ ల్లోనే  అత్యంత వేగంగా 2,000 పరుగులు చేసిన రెండో ప్లేయర్గా రికార్డు సృష్టించారు.

1,198 బంతుల్లోనే ఆయన 2 వేల పరుగులు మార్కును అందుకున్నారు. ఈ క్రమంలో వీరేంద్ర సెహ్వాగ్ (1,211 బంతుల్లో) రికార్డును చెరిపేశారు. అగ్ర స్థానంలో రస్సెల్ (1,120 బంతుల్లో) ఉన్నారు.

The post నికోలస్ పూరన్ రికార్డు..! appeared first on VEDHA NEWS.

వేదన్యూస్ – వాంఖేడ్ స్టేడియం

వాంఖేడ్ స్టేడియం వేదికగా జరుగుతున్న ఐపీఎల్ మ్యాచ్ లో రాయల్ ఛాలెంజర్స్ బెంగళూరు విధ్వంసం సృష్టించింది. ఆర్సీబీ ఆటగాళ్లు విరాట్ కోహ్లీ (67), పాటీదార్ (64)పరుగులతో రాణించారు.

దీంతో ముంబై ముందు 221పరుగుల భారీ లక్ష్యాన్ని ఆర్సీబీ ఉంచింది. పడిక్కల్ (37), జితేష్ శర్మ (40) రాణించారు. వీరందరూ చేసిన విధ్వంసానికి ఆర్సీబీ పూర్తి ఓవర్లు ఆడి భారీ స్కోరు చేసింది. ముంబై బౌలర్స్ లో బౌల్ట్ (57/2), పాండ్యా (45/2)రాణించారు.

The post ఆర్సీబీ విధ్వంసం – ముంబై ముందు భారీ లక్ష్యం..! appeared first on VEDHA NEWS.

వేదన్యూస్ -వాంఖేడ్ స్టేడియం 

ముంబై ఇండియన్స్ జట్టుతో జరుగుతున్న ఐపీఎల్ మ్యాచ్ లో రాయల్స్ ఛాలెంజర్స్ ఆఫ్ బెంగళూరు సీనియర్ ఆటగాడు.. మాజీ కెప్టెన్ విరాట్ కోహ్లీ మరోరికార్డును సృష్టించాడు.

ముంబై ఇండియన్స్ బౌలర్ బౌల్ట్ బౌలింగ్ లో వరుసగా ఫోర్లను సాధించడంతో టీ20ల్లో13,000పరుగులు చేసిన టీమిండియా ఆటగాడిగా చరిత్రకెక్కాడు.ఈ మ్యాచ్ లో కోహ్లీ 67(42బంతులు) చేసి ఔటయ్యాడు.

మరోవైపు కిరన్ ఫోలార్డ్  (13,537),శోయబ్ మాలిక్ (13,557), హేల్స్ (13,610) పరుగులతో టాప్ లో ఉన్నారు.తొలి స్థానంలో సిక్సర్ల వీరుడు.. విండీస్ మాజీ ఆటగాడు  క్రిస్ గేల్ (381 ఇన్నింగ్స్ లో 14,562 పరుగులు) ఉన్నాడు.

The post కోహ్లీ రికార్డు…! appeared first on VEDHA NEWS.

వేదన్యూస్ – ఉప్పల్

ఐపీఎల్ -2025 సీజన్ లో భాగంగా తెలంగాణ రాష్ట్ర రాజధాని మహానగరం హైదరాబాద్ లోని ఉప్పల్ స్టేడియంలో ఈరోజు ఆదివారం గుజరాత్ టైటాన్స్ తో జరుగుతున్న మ్యాచ్ లో సన్ రైజర్స్ ఆఫ్ హైదరాబాద్ టాస్ ఓడింది.

టాస్ గెలుపొందిన గుజరాత్ టైటాన్స్ బౌలింగ్ ను ఎంచుకుంది. హైదరాబాద్ కు బ్యాటింగ్ అప్పజెప్పింది. ఈ మ్యాచ్ హైదరాబాద్ జట్టుకు చాలా కీలకమైంది.

The post టాస్ ఓడిన హైదరాబాద్…! appeared first on VEDHA NEWS.

టీమిండియా మాజీ సారధి.. చెన్నై సూపర్ కింగ్స్ సీనియర్ ఆటగాడు.. మాజీ కెప్టెన్.. లెజండ్రీ ఆటగాడు మహేందర్ సింగ్ ధోనీ క్రికెట్ అన్ని ఫార్మాట్ల నుండి తప్పుకోనున్నాడు. అందుకే చెపాక్ లో జరిగిన మ్యాచ్ కి ధోనీ సతీమణీతో పాటు ఆయన తల్లిదండ్రులు.. కుటుంబ సభ్యులు హాజరయ్యారు.

ఇదే ధోనీకి అఖరి మ్యాచ్ అని విశ్లేషకులతో పాటు ధోనీ అభిమానులు అందరూ భావించారు. తాజాగా ఎంఎస్ ధోనీ రాజ్ షమానీతో జరిగిన పాడ్ కాస్ట్ లో మాట్లాడుతూ ” నాకు ఇప్పుడు నలబై మూడు ఏండ్లు. ఈ జూలై నెలతో నాకు నలబై నాలుగు ఏండ్లు వస్తాయి.

వచ్చే ఐపీఎల్ సీజన్ ప్రారంభం కావడానికి ఇంకా పది నెలల టైం ఉంది. అప్పుడు ఆడగలనా.. లేదా అనేది నా శరీరం సహాకరించేదానిపై ఆధారపడి ఉంటుంది అని వ్యాఖ్యానించారు. ధోనీ వ్యాఖ్యలతో ప్రస్తుత సీజన్ కంప్లీట్ గా ఆడతాడని ఫ్యాన్స్ ఆనందంలో ఎగిరి గంతెస్తున్నారు.

The post రిటైర్మెంట్ పై ధోనీ కీలక ప్రకటన..! appeared first on VEDHA NEWS.

ఐపీఎల్ -2025సీజన్ లో భాగంగా పంజాబ్ సూపర్ కింగ్స్ జట్టుతో జరుగుతున్న తాజా మ్యాచ్ లో రాజస్థాన్ రాయల్స్ జట్టు పూర్తి ఓవర్లు ఆడి 4వికెట్లను కోల్పోయి 205పరుగులు చేసింది.

రాజస్థాన్ జట్టులో బ్యాటర్ యశస్వీ జైస్వాల్ భీకర పామ్ లోకి వచ్చాడు. వచ్చి రావడంతో 3ఫోర్లు , 5 సిక్సర్ల సాయంతో 45 బంతుల్లో 67 పరుగులు చేశాడు.

మరోవైపు కెప్టెన్ సంజూ శాంసన్ 38 పరుగులు , హెట్మెయర్ 20, నితీశ్ రాణా 12, ధ్రువ్ జురెల్ 13 (నాటౌట్),రియాన్ పరాగ్ 43 పరుగులతో రాణించడంతో ఆర్ఆర్ భారీ స్కోరును సాధించింది. పంజాబ్ బౌలర్లల్లో లాకీ పెర్గూసన్ 37/2, అర్షదీప్ 35/1, జాన్సన్ 45/1 లు రాణించారు.

The post రాజస్థాన్ రాయల్స్ భారీ స్కోరు..! appeared first on VEDHA NEWS.

వేదన్యూస్ – కలకత్తా

ఐపీఎల్ -2025 సీజన్ ప్రారంభ మ్యాచ్ లో అదరగొట్టిన సన్ రైజర్స్ ఆఫ్ హైదరాబాద్ జట్టు ఆ తర్వాత వరుస మూడు మ్యాచ్ ల్లో ఘోర ఓటమి పాలైన సంగతి తెల్సిందే.లక్నో సూపర్ జెయింట్స్ పై ఐదు వికెట్ల తేడాతో ఓటమి పాలైంది. ఆ తర్వాత ఢిల్లీ క్యాపిటల్స్ పై ఏడు వికెట్ల తేడాతో ఘోర ఓటమి పాలైంది.

తాజాగా నిన్న గురువారం కోలకత్తా నైట్ రైడర్స్ జట్టుతో జరిగిన మ్యాచ్ లో ఎనబై పరుగుల భారీ తేడాతో పరాజయం పొందింది. దీంతో వరుస హ్యాట్రిక్ ఓటమిలపై కెప్టెన్ పాట్ కమిన్స్ సంచలన వ్యాఖ్యలు చేశారు. ఆయన మీడియాతో మాట్లాడుతూ సీజన్ ప్రారంభ మ్యాచ్ లో అదరగొట్టిన మా జట్టు ఆటగాళ్ళు ఆ తర్వాత ప్రతీ మ్యాచ్ లోనూ తేలిపోయారు.

ఆ మ్యాచ్ తర్వాత అత్యుత్తమ ప్రదర్శనకు జట్టు ఆటగాళ్లందరూ దూరంగా ఉన్నారు. బౌలింగ్ బాగున్నా కానీ బ్యాటర్లు మధ్యలోనే చేతులేత్తేస్తున్నారు. ఇక ఫీల్డింగ్ అయితే మరి ఘోరంగా ఉంది. పట్టుకునే వీలున్న క్యాచులను సైత జారవిడుస్తున్నారు. ఇకనైన మా జట్టు ఆటగాళ్ళు అన్ని రంగాల్లో ఫామ్ లోకి వస్తారని భావిస్తున్నానని తీవ్ర ఆవేదనను వ్యక్తం చేశారు.

The post హ్యాట్రిక్ ఓటమిలపై కెప్టెన్ కమిన్స్ సంచలన వ్యాఖ్యలు..! appeared first on VEDHA NEWS.

వేదన్యూస్ -యూపీ

వినడానికి వింతగా ఉన్న ఇదే నిజం.. అన్న ఏమో ప్రపంచ క్రికెట్ ను శాసించే టీమిండియా జట్టుకు ప్రధాన బౌలర్. అంతేకాదు ఇటీవల జరిగిన ఐపీఎల్ అక్షన్ లో సైతం పది కోట్ల రూపాయలకు సన్ రైజర్స్ ఆఫ్ హైదరాబాద్ కు అమ్ముడుపోయిన ఆటగాడు. అయితేనేమి అతని సోదరి షబీనా మాత్రం సామాన్యురాలి లెక్క ఉపాధి హామీ పథకంలో కూలీగా పేరు నమోదు చేసుకుంది.

తప్పు ఏముంది..?. పని చేసుకోవడం తప్పా..?. ఏదైన స్కామో కుంభకోణమో చేయడమో తప్పు కానీ అనుకుంటున్నారు. అయితే మీరక్కడే పప్పులో కాలేశారు. అసలు విషయం ఏంటంటే షమీ సోదరీ అత్త గులె ఆయేషా యూపీలోని ఆమ్రోరా అనే గ్రామానికి చెందిన పెద్ద. ఆ గ్రామంలో జరిగిన ఉపాధి హామీ పథకంలో తన కోడలైన షమీ సోదరి పేరు.. ఆమె భర్త పేరును రాయించారు. అయితే పేర్లు అయితే రాయించారు కానీ ఏ ఒక్క రోజు కూడా పనికి పోలేదు. పనికిపోకుండానే డబ్బులు తీసుకున్నారని ఆరోపణ. దీనిపై ప్రస్తుతం విచారణ జరుగుతుంది. ఇదన్నమాట అసలు ముచ్చట.

ఇది యూపీలోనే జరిగిన అతిపెద్ద కుంభకోణం. 2021-24 మధ్యలో ఈ కుంభకోణంలో దాదాపు పద్దెనిమిది మంది జీతాలు తీసుకున్నట్లు తెలుస్తుంది. వీరిలో షమీ సోదరి షబీనా, ఆమె భర్త ఘజ్నావి,అతడి సోదరులు ఆమిర్ సుహైల్, నస్రుద్దీన్, షేఖు ఉన్నారని స్థానిక జిల్లా  కలెక్టర్ చెప్పడం విశేషం.

The post కూలీగా షమీ సోదరి…! appeared first on VEDHA NEWS.

వేదన్యూస్ -బెంగళూరు

బెంగ‌ళూరులో చిన్నస్వామి స్టేడియం  వేదిక‌గా  బుధవారం గుజరాత్ టైటాన్స్ జట్టుతో జరిగిన ఐపీఎల్ మ్యాచ్ లో ఆర్సీబీ ఈ సీజన్ లో తొలి ఓటమిని నమోదు చేసుకుంది.  రాయ‌ల్ ఛాలెంజ‌ర్స్ బెంగ‌ళూరు ను గుజరాత్ టైటాన్స్  8 వికెట్ల తేడాతో ఓడించింది. తొలుత ముందు బ్యాటింగ్ కు దిగిన ఆర్సీబీ మొత్తం ఇరవై ఓవర్లు ఆడి ఎనిమిది వికెట్లను కోల్పోయి 169 పరుగులు మాత్రమే చేసింది.

ఆర్సీబీ బ్యాటర్లలో లివింగ్ స్టోన్ (54)పరుగులతో రాణించాడు. పడిక్కల్ (04), విరాట్ కోహ్లీ (07), పాటీదార్ (12), ఫీల్ సాల్ట్ (14)పరుగులతో మరోసారి నిరాశపరిచారు.. చివర్లో డేవిడ్ 32పరుగులతో మెరుపు ఇన్నింగ్స్ ఆడాడు. గుజరాత్ బౌలర్లల్లో సిరాజ్ మూడు వికెట్లు… సాయికిశోర్ రెండు వికెట్లను తీసుకున్నారు. మరోవైపు ఇషాంత్ శర్మ ,ప్రసిద్ధ కృష్ణ, అర్షద్ తలో వికెట్ తీశారు.

ఆ తర్వాత 170పరుగుల లక్ష్య చేధనలో బ్యాటింగ్ కు దిగిన గుజరాత్ మరో పదమూడు బంతులు మిగిలి ఉండగానే రెండు వికెట్లను కోల్పోయి టార్గెట్ ను అందుకుంది. జీటీ బ్యాటర్లల్లో ఓపెనర్ సాయి సుదర్శన్  36బంతుల్లో 49పరుగులు చేసి ఔటయ్యాడు. జాస్ బట్లర్ 39బంతుల్లో 73పరుగులతో మెరుపులు మెరిపించడంతో కేవలం 17.5ఓవర్లలోనే లక్ష్యాన్ని చేధించింది. ఆర్సీబీ బౌలర్లల్లో భువీ ,హేజిల్ వుడ్ తలో వికెట్ ను తీశారు.

The post ఆర్సీబీకి తొలి ఓటమి..! appeared first on VEDHA NEWS.