• జమ్మికుంట పట్టణ సీఐ రామకృష్ణ చేతుల మీదుగా..
•  న్యూ ఇయర్ సంక్రాంతి ధమాకా సేల్ లో.. భాగంగా ప్రతి వస్తువుకు డిస్కౌంట్

వేద న్యూస్, జమ్మికుంట:

జమ్మికుంట పట్టణ, పరిసర ప్రాంత ప్రజలకు శుభవార్త..జమ్మికుంట పట్టణంలోని కొత్తపల్లి సర్కిల్ లో శనివారం న్యూ బిగ్ మార్ట్ ఘనంగా ప్రారంభమైంది. జమ్మికుంట పట్టణ సర్కిల్ ఇన్ స్పెక్టర్ ఎస్. రామకృష్ణ, కోరపల్లి సర్పంచ్ కందికట్ల మధుసూదన్, ఉప సర్పంచ్ రాజు బిగ్ మార్ట్ ప్రారంభోత్సవానికి హాజరయ్యారు. 

 జమ్మికుంట పట్టణ సీఐ రిబ్బన్ కట్ చేసి న్యూ బిగ్ మార్ట్ ను ప్రారంభించారు. అనంతరం జ్యోతి ప్రజ్వలన చేసి.. షాపును కలియతిరిగి పరిశీలించారు.  

న్యూ ఇయర్ సంక్రాంతి ధమాకా సేల్ లో భాగంగా ప్రతి వస్తువుపై ఖచ్చితమైన డిస్కౌంట్ ను వినియోగదారులకు ఇవ్వనున్నట్లు న్యూ బిగ్ మార్ట్ నిర్వాహకులు కొండి రమేష్, కొండి శ్రీధర్ వెల్లడించారు.

ఈ సందర్భంగా నిర్వాహకులు.. సి ఐ రామకృష్ణ గౌడ్ ను శాలువా తో ఘనంగా సన్మానించి.. సర్కిల్ ఇన్ స్పెక్టర్ కి గిఫ్ట్ అందజేశారు. జమ్మికుంట పట్టణంలోని  ఐదు కిలోమీటర్ల పరిధిలో వినియోగదారులకు ఫ్రీ డెలివరీ ఉంటుందని నిర్వాహకులు వెల్లడించారు.

షాపింగ్ రంగంలో 20 ఏళ్ల విశేష అనుభవం కలిగిన కొండి రమేష్, కొండి శ్రీధర్ ..లు న్యూ బిగ్ మార్ట్ సేవలతో ప్రజలకు మరింత దగ్గరై వృద్ధిలోకి రావాలని ఈ సందర్భంగా ప్రారంభోత్సవానికి వచ్చిన అతిథులు ఆకాంక్షించారు.

The post అట్టహాసంగా ‘న్యూ బిగ్ మార్ట్’ ప్రారంభం appeared first on VEDHA NEWS.

ఎలి లిల్లీ అండ్ కంపెనీ (ఇండియా)  హైదరాబాద్లో తమ కొత్త సాంకేతిక ఆవిష్కరణ కేంద్రాన్ని ప్రారంభించినట్లు వెల్లడించింది. లిల్లీ  ప్రపంచ కార్యకలాపాలలో సామర్థ్యాన్ని మెరుగుపరిచే అధునాతన డిజిటల్, సాంకేతిక సామర్థ్యాల కోసం ఒక కొత్త వ్యూహాత్మక కేంద్రంగా ఇది నిలువనుంది. ఈ కేంద్రాన్ని సోమవారం తెలంగాణ సీఎం రేవంత్‌రెడ్డి ప్రారంభించినట్టు స్పష్టం చేసింది. 

ఆర్టిఫిషియల్ ఇంటెలిజెన్స్ (ఏఐ), ఆటోమేషన్, క్లౌడ్ కంప్యూటింగ్ , సాఫ్ట్వేర్ ఉత్పత్తి ఇంజనీరింగ్ వంటి రంగాలపై దృష్టి సారించడం ద్వారా, ఈ కేంద్రం ప్రపంచంలోని అత్యంత ముఖ్యమైన ఆరోగ్య సవాళ్లను పరిష్కరించడానికి తోడ్పడుతుంది, స్థానిక ప్రతిభకు వృద్ధి అవకాశాలను కూడా సృష్టిస్తుంది.

గచ్చిబౌలిలో ఉన్న లిల్లీ యొక్క హైదరాబాద్ కేంద్రం, ఫీనిక్స్ ఈక్వినాక్స్ భవనంలోని నాలుగు అంతస్తులలో సుమారు 220,000 చదరపు అడుగుల విస్తీర్ణంలో ఉంది. లిల్లీ ఇప్పటికే హైదరాబాద్ కేంద్రంలో 100 మంది నిపుణులను చేర్చుకుంది. రాబోయే కొన్ని సంవత్సరాలలో ఉద్యోగుల సంఖ్యను 1,500కి పెంచాలని యోచిస్తోంది.

ఈ కేంద్రాన్ని ఎలి లిల్లీ అండ్ కంపెనీ ఎగ్జిక్యూటివ్ వైస్ ప్రెసిడెంట్ , చీఫ్ ఇన్ఫర్మేషన్, డిజిటల్ ఆఫీసర్ శ్రీ డియోగో రు , తెలంగాణ ముఖ్యమంత్రి అనుముల రేవంత్ రెడ్డి,  తెలంగాణ ప్రభుత్వ ఐటీ, ఎలక్ట్రానిక్స్ & కమ్యూనికేషన్స్, పరిశ్రమలు & వాణిజ్యం మరియు శాసనసభ వ్యవహారాల మంత్రి డి. శ్రీధర్ బాబు అధికారికంగా ప్రారంభించారు. పరిశ్రమలు, వాణిజ్య శాఖ ప్రత్యేక ప్రధాన కార్యదర్శి సంజయ్ కుమార్, ఐఏఎస్ కూడా ఈ కార్యక్రమంలో పాల్గొన్నారు.

రేవంత్ రెడ్డి మాట్లాడుతూ “హైదరాబాద్లో అభివృద్ధి చెందుతున్న లైఫ్ సైన్సెస్ పర్యావరణ వ్యవస్థకు లిల్లీని స్వాగతించడానికి మేము సంతోషిస్తున్నాము. ఈ కొత్త కేంద్ర ప్రారంభం, శాస్త్రీయ నైపుణ్యం, ప్రతిభావంతుల లభ్యత మరియు అంతర్జాతీయ భాగస్వామ్యాలపై నిర్మించబడిన ఆరోగ్య సంరక్షణ ఆవిష్కరణలకు ప్రపంచ కేంద్రంగా నగరం యొక్క స్థానాన్ని మరింత బలోపేతం చేస్తుంది. లిల్లీ వంటి మార్గదర్శక కంపెనీలు భారతదేశంతో పాటుగా ప్రపంచవ్యాప్తంగా అభివృద్ధి చెందగల, అర్థవంతమైన ప్రభావాన్ని సృష్టించగలిగిన వాతావరణాన్ని పెంపొందించడానికి తెలంగాణ ప్రభుత్వం కట్టుబడి ఉంది” అని అన్నారు.

మంత్రి శ్రీధర్ బాబు మాట్లాడుతూ “డిజిటల్ ఆవిష్కరణలకు ప్రపంచ కేంద్రంగా హైదరాబాద్ వేగంగా అభివృద్ధి చెందుతోంది. లిల్లీ యొక్క కొత్త కేంద్ర ప్రారంభోత్సవం ఆ అభివృద్ధికి బలమైన ధృవీకరణ. ఈ పెట్టుబడి ఆరోగ్య సంరక్షణపై సాంకేతికత యొక్క పరివర్తన ప్రభావాన్ని ప్రతిబింబిస్తుంది. ఆర్థిక వృద్ధిని నడిపించే మరియు ప్రపంచం కోసం డిజిటల్ ఆరోగ్య పరిష్కారాలను ముందుకు తీసుకెళ్లే భవిష్యత్తు-కేంద్రీకృత భాగస్వామ్యాలను సాధ్యం చేయటానికి తెలంగాణ కట్టుబడి ఉంది” అని అన్నారు.

“మా హైదరాబాద్ కేంద్ర ప్రారంభోత్సవం భారతదేశం పట్ల మా దీర్ఘకాలిక నిబద్ధతను, ఈ ప్రాంతంలో మా కార్యకలాపాలను విస్తరించాలనే మా ఉద్దేశ్యాన్ని ప్రతిబింబిస్తుంది” అని ఎలి లిల్లీ అండ్ కంపెనీ ఎగ్జిక్యూటివ్ వైస్ ప్రెసిడెంట్ మరియు చీఫ్ ఇన్ఫర్మేషన్, డిజిటల్ ఆఫీసర్ డియోగో రు పేర్కొన్నారు.

  “ఈ విస్తరణ ఏఐ, డేటా సైన్స్ మరియు ఇంజనీరింగ్లోని అత్యుత్తమ ప్రతిభావంతులను ఒకచోట చేర్చి డిజిటల్ పునాదిని నిర్మించడానికి వీలు కల్పిస్తుంది, ఇది వినూత్న ఔషధాల ఆవిష్కరణ, పంపిణీని వేగవంతం చేస్తుంది. అపారమైన సాంకేతిక నైపుణ్యం, సహకార స్ఫూర్తి యొక్క పరిపూర్ణమిశ్రమాన్ని హైదరాబాద్ అందిస్తుంది, ప్రపంచవ్యాప్తంగా ప్రజల జీవితాన్ని మెరుగుపరచాలనే మా లక్ష్యంలో ఇది సహజ భాగస్వామిగా మారుతుంది. 1846లో భారతదేశంలో మొట్టమొదటి వైద్య పాఠశాలలలో ఒకదాన్ని స్థాపించడం నుండి కనెక్టివిటీ శక్తిని గుర్తించి రైల్వేలను స్వీకరించిన తొలి ప్రాంతాలలో ఒకటిగా ఉండటం వరకు ఈ నగరం యొక్క ఆవిష్కరణ వారసత్వం విస్తృతమైనది. ఆ చరిత్ర పై ఆధారపడి నేడు, వైద్యం, ఇంజనీరింగ్ మరియు డిజిటల్ ఆవిష్కరణలను ఏకం చేసే సమగ్ర పర్యావరణ వ్యవస్థను సృష్టించడం ద్వారా మెరుగైన ఆరోగ్య సంరక్షణ అందించే తీరును మార్చనున్నాము” అని వెల్లడించారు. 

 
లిల్లీ హైదరాబాద్ కేంద్రం కీలకమైన కార్యకలాపాలలో అధునాతన సాంకేతిక సామర్థ్యాలను ఏకీకృతం చేస్తుంది, వేగవంతమైన ఆవిష్కరణ, మెరుగైన సామర్థ్యం , ప్రపంచవ్యాప్తంగా రోగులకు మెరుగైన ఆరోగ్య ఫలితాలను అందించనుంది.

The post ‘లిల్లీ’ సాంకేతిక ఆవిష్కరణ కేంద్రాన్ని ప్రారంభించిన సీఎం రేవంత్‌రెడ్డి appeared first on VEDHA NEWS.

వేద న్యూస్, సినిమా:

తారస్థాయి సినీ నటులు రాజకీయ రణ రంగంలోకి వచ్చారు. తెరమీది పాత్రలే కాకుండా తెరనుంచి బయటకు వచ్చి ప్రత్యక్షప్రా త్రలు పోషించారు. దక్షిణ భారతంలో ప్రధానంగా సినిమాలు, రాజకీయాలు అవినాభావ సంబంధం కలిగి ఉన్నాయి. బృందావనంలాంటి సినిమాలను వదిలి దండకారణ్యం లాంటి రాజకీయరణం లోకి దూకారు. సినిమా ‘రాజకీయం’ ద్వారా విజయం పొందినవారున్నారు. అనుకున్నంత ఆదరణ పొందలేక రాజకీ యాల నుంచి తప్పుకున్న వారూ ఉన్నారు.

దక్షిణ భారతంలో కొంతమేరకు రాజకీయాల్లో సినీతారలు ఎక్కువ విజయాలు సాధించారు. ఉత్తర భారత నటులు కూడా విజయాలు పొందారు. కానీ ఆశించినంత కాదు. అపజయాలు గమనిస్తే అమితాబచ్చన్, చిరంజీవి, విజయకాంత్, ఆర్. శరత్ కుమార్, శివాజీ గణేషన్ మొదలైనవారున్నారు.

అమితాబచ్చన్ 1984లో కాంగ్రెస్ పార్టీ నుంచి నాటి ముఖ్యమంత్రి డి.ఎన్. బహుగుణ మీద పోటీచేశారు. 3 లక్షల ఓట్ల మెజారిటీతో లోక్సభకు ఎన్నికయ్యారు. కానీ తదనంతర కాలంలో ప్రత్యక్ష రాజకీయాల్లో ఇమడలేక తప్పుకున్నారు. తన ఏబీసే కంపెనీ నష్టాల్లో ఉన్నప్పుడు ఆదుకున్న ఎస్పీకి మద్దతిచ్చారు. అందుకు బహుమానంగా ఎస్పీ జయాబచ్చన్ ను రాజ్యన భకు  పంపింది.

2009లో చిరంజీవి ప్రజారాజ్యం పేరిట పార్టీ పెట్టారు. ‘మార్పు’ అనే నినాదమిచ్చారు. కానీ ఎన్నికల తరువాత తన విధానాలు మార్చుకున్నారు. పార్టీని కాంగ్రెస్లో విలీనం చేశారు. 81లక్షల ఓట్లు, 18 శాసనసభస్థానాలు ఇచ్చిన ప్రజాతీర్పును వమ్ము చేశాడు. కాంగ్రెస్ తీర్ధం పుచ్చుకుని కేంద్ర సహాయమంత్రి పదవి పొందారు.

విజయకాంత్ కెప్టెన్ ప్రభాకరన్, రమణ వంటివారు సామాజిక చిత్రాలతో ప్రజల ఆదరాభిమా నాలు పొందారు. ప్రజల అభివృద్ధి పేరుతో డీఎండీకే పార్టీని స్థాపించారు. కాని ఆశించిన ఫలితాలు, స్థానాలు గెలువలేదు. ప్రతిపక్షపాత్ర పోషించా రు. ఆర్.శరత్ కుమార్ ఏఐఏఎస్ఎంకే పార్టీ స్థాపించి శాసనసభ్యుడిగా ఎన్నికయ్యారు. కానీ తదనంతర కాలంలో మళ్లీ తెరమీద (సినిమా)కే పరి మితమయ్యారు. కమల్ హాసన్ పార్టీ స్థాపించిన అంతగా ప్రభావం చూపలేకపోయారు. రాజ్యసభ సభ్యుడిగా డీఎంకే తరఫున నామినేట్ అయినట్టు తెలుస్తోంది.

శివాజీ గణేషన్ 1987లో టీఎం.ఎం పేరుతో పార్టీని స్థా పించాడు. కానీ పార్టీని విజయతీరాల వైపునకు నడిపించలేకపోయారు. ఎం.జి.రామచంద్రన్, ఎన్టీఆర్ ముఖ్యులు శత్రుప్నుసిన్హా కూడా కొంతమేరకు విజయుడే.

ఇళయ దళపతి విజయ్.. సొంత పార్టీ స్థాపించి.. తమిళనాడు అసెంబ్లీ ఎన్నికల్లో తన శక్తిని పరీక్షించుకోబోతున్నారని చెప్పొచ్చు. 

ఇక ఉభయ తెలుగు రాష్ట్రాల్లోనే కాక ఆ మాటకొస్తే .. ప్రపంచవ్యాప్తంగానూ, తెలుగు నాట.. అత్యంత ఫాలోయింగ్ ఉన్న పవర్ స్టార్ పవన్ కల్యాణ్ పార్టీ పెట్టిన పదేండ్లకు విజయం సాధించారు. జనసేన నాయకుడిగా, ఏపీ ఉపముఖ్యమంత్రిగా విభజిత ఏపీతో పాటు కేంద్ర రాజకీయాల్లో ఎన్డీఏ కీలక భాగస్వామికి, మోడీకి అత్యంత సన్నిహితుడిగా పవన్ కీలక పాత్ర పోషిస్తున్నారు. 

ఈ తారస్థాయి నటులు రాజకీయాల్లోకి వస్తే వారు అశించేది ఏమిటీ? ఏ పదవి? వారికి ముఖ్యమంత్రే ముఖ్యం. ఎందుకంటే వారున్న రంగంలో ఉన్నతులు (ప్రతిష్ట కలిగిన వాడు). రాజకీయాల్లో కూడా అంతే గుర్తింపు కోరుకున్నారు. ముఖ్యమంత్రి కావాలనుకుంటారు. కానీ ఎమ్మెల్యే పదవితో సర్దుకోలేరు. కానీ వారు తీసుకునే నిర్ణయాలు, విధానాలు వారిని నిలబెడతాయి. పడగొడతాయి.

ఎన్టీ. రామారావు 1982 మార్చి 29న తెలుగుదేశం పార్టీ స్థాపించిన సమయానికి ఆంధ్రప్రదేశ్లో పరిస్థితి ఎలా ఉన్నది? కీలుబొమ్మల ముఖ్యమంత్రుల ప్రభుత్వం నడుస్తున్నది. దాని పట్ల ప్రజల్లో అసంతృప్తి ఉన్నది. దానిని గమనించిన ఎన్టీఆర్ తెలుగువారి ఆత్మగౌరవ నినాదంతో ప్రజల్లోకి వెళ్లాడు. పార్టీ స్థాపించిన తొమ్మిదినెలల్లో అధికారంలోకి వచ్చాడు.

ప్రజాస్వామ్యంలో ఎవరైనా పార్టీ పెట్టొచ్చు. జనంలోకి వెళ్లొచ్చు. వారి తీర్చును బట్టి చట్టసభల్లోకి వెళ్లొచ్చు. కాని ముఖ్యంగా సినీ తారలు రావడానికి కారణం ఏమిటీ? ప్రజల్లో వారికున్న ఆదరణ, ఆకర్షణ వారు తమ కష్టసుఖాలు తెలుసుకుంటారనే భావన ప్రజల్లో ఉండొచ్చు. అంతేగాకుండా రాజకీయంగా ఉన్న అస్థిరత్వం కూడా దోహదపడుతుంది. ఈ తార రాజకీయాలు నిర్ణయించేది ఎవరు? తారలనే కాదు. ఏ రాజకీయ నాయకుల భవితవ్యమైనా నిర్ణయించేది ప్రజలు వారి ముందున్న సవాళ్లను ఎలా పరిష్కరిస్తారో, విధానాలు, ఆశయాలు నిర్దిష్టంగా, నిర్దుష్టంగా ప్రజల ముందు బహిరంగపరచాలి. వారు ప్రజలు) మాత్రమే తీర్పు చెప్పగలరు.

The post వెండితెర, రాజకీయాల్లో రాణించిన ఈ నటులు ‘డెమీగాడ్స్’.. ఎన్టీఆర్, పవన్, అమితాబ్, విజయ్ కాంత్, విజయ్… appeared first on VEDHA NEWS.

• తపాల కార్యాలయ సిబ్బందికి..

వేద న్యూస్, మరిపెడ:

వరంగల్ డివిజన్ మహబూబాబాద్ ప్రధాన తపాల కార్యాలయం పరిధిలోని 16 ఉప తపాల కార్యాలయ సిబ్బంది, హెడ్ పోస్టాఫీసు సిబ్బందికి సోమవారం మహబూబాబాబాద్ లోని స్థానిక ఎన్టీఆర్ స్టేడియంలో ఎంపీపీఎల్ మానుకోట పోస్టల్ ప్రీమియర్ లీగ్ క్రికెట్ పోటీలు నిర్వహించారు.

పోస్ట్ మాస్టర్ పెండ్రా రాంచందర్ టాస్ వేసి లీగ్ ను ప్రారంభించారు. హెడ్ పోస్ట్ ఆఫీసు స్టాఫ్ టాస్ గెలిచి ఫీల్డింగ్ ఎంచుకుంది. ఈ మహబూబాబాద్ పోస్టల్ ప్రీమియర్ లీగ్(ఎంపీపీఎల్) ఈ నెల 4 నుంచి 11 వరకు జరగనుంది. కార్యక్రమంలో కోట సుధాకర్, వాసం అనిల్, తోట సురేశ్, కోట సతీష్, జాటోత్ యాకూబ్, బానోత్ సుధాకర్, కొమ్ముల బాబు, పోస్ట్ మాన్స్, ఎంటీఎస్ స్టాఫ్, జీడీఎస్ స్టాఫ్ పాల్గొన్నారు.

The post ఎంపీపీఎల్ ప్రీమియర్ లీగ్ ప్రారంభం appeared first on VEDHA NEWS.