వేద న్యూస్, పార్వతిపురం మన్యం జిల్లా ప్రతినిధి :

పార్వతీపురం నియోజకవర్గం సీతానగరం మండలం గెడ్డలుప్పి, తామర కండి ప్రాథమిక వ్యవసాయ పరపతి సహకార సంఘం అధ్యక్షులుగా నియమతులైన చొంగల సింహాచలం, యమల శ్రీరామలునాయుడు డైరెక్టర్లు భోగి అప్పలనాయుడు వెన్నెల శంకర్రావు, అంటిపేట పిఎసిఎస్ చైర్మన్ ఎగిరెడ్డి భాస్కరనాయడు తదితరులు ఎమ్మెల్యే బోనెల విజయ్ చంద్రకు కృతజ్ఞతలు తెలియజేశారు.

మంగళవారం ఉదయం టిడిపి పార్టీ కార్యాలయంలో ఎమ్మెల్యేను కలిసి పూలమాలతో సత్కరించి ధన్యవాదాలు తెలియజేశారు.

ఈ సందర్భంగా వారు మాట్లాడుతూ ఎమ్మెల్యే విజయ్ చంద్ర సహకారంతో తమకు పదవులు వచ్చాయని వాటిని రైతుల కోసం ఉపయోగించి ప్రభుత్వానికి ముఖ్యంగా ఎమ్మెల్యే విజయ్ చంద్రకు మంచి పేరు తీసు కొస్తామని స్పష్టం చేశారు.

పిఎసిఎస్ చైర్మన్లు, డైరెక్టర్లు గా ఎంపికైన నాయకులకు ఎమ్మెల్యే విజయ్ చంద్ర శుభాకాంక్షలు తెలియజేశారు. రైతులకు మంచి సేవలు అందించి ప్రభుత్వానికి మంచి పేరు తీసుకురావాలని ఎమ్మెల్యే సూచించారు.

The post ఎమ్మెల్యే విజయ్ చంద్రకు కృతజ్ఞతలు తెలిపిన పిఎసిఎస్ చైర్మన్లు appeared first on VEDHA NEWS.

• నియోజకవర్గ సమస్యలపై వినతి
•  పలు అభివృద్ధి పనులకు నిధులు రిలీజ్ చేయాలని రిక్వెస్ట్ 

వేద న్యూస్,  పార్వతీపురం మన్యం జిల్లా ప్రతినిధి:

ఏపీ సీఎం నారా చంద్రబాబు నాయుడును రాష్ట్ర ప్రభుత్వ విప్ ఎమ్మెల్యే తోయక జగదీశ్వరి ఉండవల్లిలోని ముఖ్యమంత్రి నివాసంలో శుక్రవారం మర్యాదపూర్వకంగా కలిశారు.  కురుపాం నియోజకవర్గంలో ఐదు మండలాలలో రహదారులు కోసం నిధులు మంజూరు  చేయాలని, పీఎంజన్మ యోజన పధకం క్రింద టీజీ గ్రామాలకు బోర్స్ మంజూరు  చేయాలని, సెగ్మెంట్ పరిధిలో పెండింగ్ లో ఉన్న నాడు – నేడు పనులకు నిధులు మంజూరు చేయాలని కోరారు. 

భద్రగిరి హాస్పిటల్ లో 100 పడకల కోసం నిధులు ఇవ్వాలని, కుంకి ఏనుగులు కురుపాం నియోజకవర్గానికి త్వరగా పంపించాలని విన్నవించారు. ఏనుగులు వలన నష్ట పోయిన రైతులకు, నష్టపరిహారానికి నిధులు ఇవ్వాలని, ఆశ్రమ పాఠశాలలోను, హాస్టల్ లో ఏఎన్ఎం లు, అలాగే , పీహెచ్సీ , సిహెచ్ సి లలో స్టాఫ్ నర్స్ లను నియమించాలని రిక్వెస్ట్ చేశారు.

పూర్ణపాడు -లాబేసు వంతెన, పెండింగ్ పనులు త్వరగా పూర్తి చేయాలని నం.3కి బదులు కొత్త జీవో తెచ్చి గిరిజనులకు ఆదుకోవాలని పేర్కొన్నారు. ఇంజనీరింగ్ కాలేజ్ పనులు కోసం నిధులు మంజూరు చేయాలని, మహిళా మండలి సభ్యులకు లోన్స్ ఇవ్వాలని రిక్వెస్ట్ చేశారు. సమస్యలపై సీఎం సానుకూలంగా స్వందించి త్వరలో అన్ని పరిష్కరిస్తామని హామీ ఇచ్చినట్టు జగదీశ్వరి వెల్లడించారు. 

The post సీఎం చంద్రబాబును కలిసిన విప్ తోయక జగదీశ్వరి appeared first on VEDHA NEWS.

వేద న్యూస్, పార్వతీపురం మన్నెం జిల్లా:
రైతు గెలవాలి.. వ్యవసాయం నిలవాలనేది తెలుగుదేశం ప్రభుత్వం నినాదం, ముఖ్యమంత్రి చంద్రబాబు సంకల్పమని ఎమ్మెల్యే బోనెల విజయ్ చంద్ర స్పష్టం చేశారు. సీతానగరం మండలం గుచ్చిమి గ్రామంలో అన్నదాత సుఖీభవ రైతు సదస్సులో శనివారం ఆయన పాల్గొని మాట్లాడారు. అన్నదాత సుఖీభవ, పీఎం కిసాన్ పథకం కింద పార్వతీపురం నియోజకవర్గంలో రైతులకు 18 కోట్ల ఆరు లక్షల మొత్తం విడుదల కావడంతో రైతులు సంబరాలు చేసుకున్నారు. రైతులతో కలిసి ముఖ్యమంత్రి చంద్రబాబు చిత్రపటానికి ఎమ్మెల్యే విజయ్ చంద్ర క్షీరాభిషేకం చేసి కృతజ్ఞతలు తెలియజేశారు.

అనంతరం రైతులను ఉద్దేశించి ఎమ్మెల్యే మాట్లాడుతూ గతంలో ఎన్నడు లేని విధంగా రైతులకు ఏడాదికి 20,000 అన్నదాత సుఖీభవ సాయం, ఇప్పుడు 7000 అక్టోబర్లో మరో 7000 జనవరిలో 6000 చొప్పున కేంద్ర ప్రభుత్వంతో కలిపి అందిస్తున్నామని కౌలు రైతులకు కూడా రెండు విడతల్లో 20000 మొత్తం జమ చేస్తారని వెల్లడించారు. రైతు కుటుంబంలో పుట్టిన చంద్రబాబుకు రైతుల కష్టాలు తెలుసునని, అందుకే పెద్ద మొత్తంలో సాయం అందిస్తున్నారని తెలిపారు.

అలాగే ధాన్యం అమ్మిన 24 గంటల్లో రైతులు ఖాతాలలో డబ్బులు చేశారని చెప్పారు. కూటమి ప్రభుత్వం అధికారంలోకి వచ్చిన వెంటనే చెరువులు గడ్డలు, వాగులను బాగు చేయడంతో పాటు సాగునీటి పథకాలను అభివృద్ధి చేస్తోందని చెప్పారు. గత వైసిపి ప్రభుత్వం రైతులను పట్టించుకోలేదని చెరువులను గాలికి వదిలేసిందని విమర్శించారు ఈ నెలాఖరులో ముఖ్యమంత్రి చంద్రబాబు పార్వతీపురం నియోజకవర్గానికి వచ్చి సాగునీటి పథకాల అభివృద్ధికి నిధులు మంజూరు చేస్తారని వెల్లడించారు.

చంద్రబాబు హామీ ఇస్తే ఎంత కష్టమైనా తప్పకుండా నెరవేరుస్తారని స్పష్టం చేశారు. ఆర్థిక ఇబ్బందుల్లోనూ రైతులకు అండగా నిలుస్తున్న కూటమి ప్రభుత్వానికి ప్రజలు మద్దతు ఇవ్వాలని ఎమ్మెల్యే విజయ్ చంద్ర విజ్ఞప్తి చేశారు. ఈ కార్యక్రమంలోఐటీడిఎ ప్రాజెక్ట్ అధికారి అశుతోష్ శ్రీవాస్తవ, టిడిపి నాయకులు, కార్యకర్తలు, రైతులు పాల్గొన్నారు.

The post రైతు గెలుపు బాబు సంకల్పం: ఎమ్మెల్యే బోనెల విజయ్ చంద్ర appeared first on VEDHA NEWS.

వేద న్యూస్, సినిమా:

తారస్థాయి సినీ నటులు రాజకీయ రణ రంగంలోకి వచ్చారు. తెరమీది పాత్రలే కాకుండా తెరనుంచి బయటకు వచ్చి ప్రత్యక్షప్రా త్రలు పోషించారు. దక్షిణ భారతంలో ప్రధానంగా సినిమాలు, రాజకీయాలు అవినాభావ సంబంధం కలిగి ఉన్నాయి. బృందావనంలాంటి సినిమాలను వదిలి దండకారణ్యం లాంటి రాజకీయరణం లోకి దూకారు. సినిమా ‘రాజకీయం’ ద్వారా విజయం పొందినవారున్నారు. అనుకున్నంత ఆదరణ పొందలేక రాజకీ యాల నుంచి తప్పుకున్న వారూ ఉన్నారు.

దక్షిణ భారతంలో కొంతమేరకు రాజకీయాల్లో సినీతారలు ఎక్కువ విజయాలు సాధించారు. ఉత్తర భారత నటులు కూడా విజయాలు పొందారు. కానీ ఆశించినంత కాదు. అపజయాలు గమనిస్తే అమితాబచ్చన్, చిరంజీవి, విజయకాంత్, ఆర్. శరత్ కుమార్, శివాజీ గణేషన్ మొదలైనవారున్నారు.

అమితాబచ్చన్ 1984లో కాంగ్రెస్ పార్టీ నుంచి నాటి ముఖ్యమంత్రి డి.ఎన్. బహుగుణ మీద పోటీచేశారు. 3 లక్షల ఓట్ల మెజారిటీతో లోక్సభకు ఎన్నికయ్యారు. కానీ తదనంతర కాలంలో ప్రత్యక్ష రాజకీయాల్లో ఇమడలేక తప్పుకున్నారు. తన ఏబీసే కంపెనీ నష్టాల్లో ఉన్నప్పుడు ఆదుకున్న ఎస్పీకి మద్దతిచ్చారు. అందుకు బహుమానంగా ఎస్పీ జయాబచ్చన్ ను రాజ్యన భకు  పంపింది.

2009లో చిరంజీవి ప్రజారాజ్యం పేరిట పార్టీ పెట్టారు. ‘మార్పు’ అనే నినాదమిచ్చారు. కానీ ఎన్నికల తరువాత తన విధానాలు మార్చుకున్నారు. పార్టీని కాంగ్రెస్లో విలీనం చేశారు. 81లక్షల ఓట్లు, 18 శాసనసభస్థానాలు ఇచ్చిన ప్రజాతీర్పును వమ్ము చేశాడు. కాంగ్రెస్ తీర్ధం పుచ్చుకుని కేంద్ర సహాయమంత్రి పదవి పొందారు.

విజయకాంత్ కెప్టెన్ ప్రభాకరన్, రమణ వంటివారు సామాజిక చిత్రాలతో ప్రజల ఆదరాభిమా నాలు పొందారు. ప్రజల అభివృద్ధి పేరుతో డీఎండీకే పార్టీని స్థాపించారు. కాని ఆశించిన ఫలితాలు, స్థానాలు గెలువలేదు. ప్రతిపక్షపాత్ర పోషించా రు. ఆర్.శరత్ కుమార్ ఏఐఏఎస్ఎంకే పార్టీ స్థాపించి శాసనసభ్యుడిగా ఎన్నికయ్యారు. కానీ తదనంతర కాలంలో మళ్లీ తెరమీద (సినిమా)కే పరి మితమయ్యారు. కమల్ హాసన్ పార్టీ స్థాపించిన అంతగా ప్రభావం చూపలేకపోయారు. రాజ్యసభ సభ్యుడిగా డీఎంకే తరఫున నామినేట్ అయినట్టు తెలుస్తోంది.

శివాజీ గణేషన్ 1987లో టీఎం.ఎం పేరుతో పార్టీని స్థా పించాడు. కానీ పార్టీని విజయతీరాల వైపునకు నడిపించలేకపోయారు. ఎం.జి.రామచంద్రన్, ఎన్టీఆర్ ముఖ్యులు శత్రుప్నుసిన్హా కూడా కొంతమేరకు విజయుడే.

ఇళయ దళపతి విజయ్.. సొంత పార్టీ స్థాపించి.. తమిళనాడు అసెంబ్లీ ఎన్నికల్లో తన శక్తిని పరీక్షించుకోబోతున్నారని చెప్పొచ్చు. 

ఇక ఉభయ తెలుగు రాష్ట్రాల్లోనే కాక ఆ మాటకొస్తే .. ప్రపంచవ్యాప్తంగానూ, తెలుగు నాట.. అత్యంత ఫాలోయింగ్ ఉన్న పవర్ స్టార్ పవన్ కల్యాణ్ పార్టీ పెట్టిన పదేండ్లకు విజయం సాధించారు. జనసేన నాయకుడిగా, ఏపీ ఉపముఖ్యమంత్రిగా విభజిత ఏపీతో పాటు కేంద్ర రాజకీయాల్లో ఎన్డీఏ కీలక భాగస్వామికి, మోడీకి అత్యంత సన్నిహితుడిగా పవన్ కీలక పాత్ర పోషిస్తున్నారు. 

ఈ తారస్థాయి నటులు రాజకీయాల్లోకి వస్తే వారు అశించేది ఏమిటీ? ఏ పదవి? వారికి ముఖ్యమంత్రే ముఖ్యం. ఎందుకంటే వారున్న రంగంలో ఉన్నతులు (ప్రతిష్ట కలిగిన వాడు). రాజకీయాల్లో కూడా అంతే గుర్తింపు కోరుకున్నారు. ముఖ్యమంత్రి కావాలనుకుంటారు. కానీ ఎమ్మెల్యే పదవితో సర్దుకోలేరు. కానీ వారు తీసుకునే నిర్ణయాలు, విధానాలు వారిని నిలబెడతాయి. పడగొడతాయి.

ఎన్టీ. రామారావు 1982 మార్చి 29న తెలుగుదేశం పార్టీ స్థాపించిన సమయానికి ఆంధ్రప్రదేశ్లో పరిస్థితి ఎలా ఉన్నది? కీలుబొమ్మల ముఖ్యమంత్రుల ప్రభుత్వం నడుస్తున్నది. దాని పట్ల ప్రజల్లో అసంతృప్తి ఉన్నది. దానిని గమనించిన ఎన్టీఆర్ తెలుగువారి ఆత్మగౌరవ నినాదంతో ప్రజల్లోకి వెళ్లాడు. పార్టీ స్థాపించిన తొమ్మిదినెలల్లో అధికారంలోకి వచ్చాడు.

ప్రజాస్వామ్యంలో ఎవరైనా పార్టీ పెట్టొచ్చు. జనంలోకి వెళ్లొచ్చు. వారి తీర్చును బట్టి చట్టసభల్లోకి వెళ్లొచ్చు. కాని ముఖ్యంగా సినీ తారలు రావడానికి కారణం ఏమిటీ? ప్రజల్లో వారికున్న ఆదరణ, ఆకర్షణ వారు తమ కష్టసుఖాలు తెలుసుకుంటారనే భావన ప్రజల్లో ఉండొచ్చు. అంతేగాకుండా రాజకీయంగా ఉన్న అస్థిరత్వం కూడా దోహదపడుతుంది. ఈ తార రాజకీయాలు నిర్ణయించేది ఎవరు? తారలనే కాదు. ఏ రాజకీయ నాయకుల భవితవ్యమైనా నిర్ణయించేది ప్రజలు వారి ముందున్న సవాళ్లను ఎలా పరిష్కరిస్తారో, విధానాలు, ఆశయాలు నిర్దిష్టంగా, నిర్దుష్టంగా ప్రజల ముందు బహిరంగపరచాలి. వారు ప్రజలు) మాత్రమే తీర్పు చెప్పగలరు.

The post వెండితెర, రాజకీయాల్లో రాణించిన ఈ నటులు ‘డెమీగాడ్స్’.. ఎన్టీఆర్, పవన్, అమితాబ్, విజయ్ కాంత్, విజయ్… appeared first on VEDHA NEWS.

వేదన్యూస్ -ఒంగోలు

ఏపీ అధికార టీడీపీకి చెందిన నేతను ఆయన కార్యాలయంలో అతిదారుణంగా హత్య చేసిన సంఘటన వెలుగులోకి వచ్చింది.

రాష్ట్రంలో ఒంగోలు కు చెందిన టీడీపీ అధికార ప్రతినిధి.. మాజీ ఎంపీపీ వీరయ్య చౌదరిని కొంతమంది దుండగులు ముసుగులతో  ఒంగోలు పద్మ టవర్స్ లో ఉన్న ఆయన కార్యాలయంలోనే  ప్రవేశించి అతిదారుణంగా చంపారు.

అయితే ఈ ఘాతుకానికి పాల్పడింది బీహార్ గ్యాంగ్ గా అనుమానిస్తున్నారు. వీరయ్య చౌదరి మృతదేహాన్ని ఒంగోలులో రిమ్స్ ఆసుపత్రికి తరలించారు.

The post టీడీపీ నేత దారుణ హత్య..! appeared first on VEDHA NEWS.

వేదన్యూస్ – తాడేపల్లి గూడెం

ఏపీ మంత్రి.. అధికార టీడీపీ జాతీయ ప్రధాన కార్యదర్శి నారా లోకేశ్ నాయుడుపై వైసీపీకి చెందిన మాజీ ఎంపీ గోరంట్ల మాధవ్ సంచలన వ్యాఖ్యలు చేశారు. గురువారం మంగళగిరి వైసీపీ ప్రధాన కార్యాలయంలో మాజీ ఎంపీ గోరంట్ల మాధవ్ మీడియాతో మాట్లాడుతూ ” ఆడవాళ్లకు అక్కా కానీ మగవాళ్లకు బావ కానీ మంత్రి నారా లోకేష్ నాయుడుకి జడ్ ప్లస్ కేటగిరీ భద్రత కల్పిస్తున్నారు.

ముఖ్యమంత్రిగా పని చేసిన వ్యక్తి…ప్రధాన ప్రతిపక్ష నేత వైఎస్ జగన్మోహాన్ రెడ్డికి కనీసం భద్రతను కల్పించడంలో కూటమి ప్రభుత్వం విఫలమైంది అని అనుచిత వ్యాఖ్యలు చేశారు. దీంతో తమ అభిమాన నేత.. మంత్రి నారా లోకేశ్ పై అనుచిత వ్యాఖ్యలు చేశారంటూ తాడేపల్లిగూడెం టీడీపీ నేతలు  స్థానిక పోలీస్ స్టేషన్ లో పిర్యాదు చేశారు.

పిర్యాదు అందుకుని కేసు నమోదు చేసిన పోలీసులు విచారిస్తున్నారు. ఇప్పటికే వైఎస్ షర్మిలపై అనుచిత వ్యాఖ్యలు చేసిన ఐటీడీపీ కార్యకర్త కిరణ్ పై దాడి చేసిన సంఘటనలో సైతం మాజీ ఎంపీ గోరంట్ల మాధవ్ పై పోలీసులు కేసు నమోదు చేసిన సంగతి తెల్సిందే.

The post లోకేశ్ పై వైసీపీ మాజీ ఎంపీ సంచలన వ్యాఖ్యలు..! appeared first on VEDHA NEWS.

వేదన్యూస్ – రాప్తాడు

ఏపీలో ప్రజలు, పోలీసులు కలిసి చేస్తున్న నేరాలు స్పష్టంగా కనిపిస్తున్నాయని.. లింగమయ్య ఘటనే అందుకు ఉదాహరణ అని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌రెడ్డి అన్నారు . మంగళవారం పాపిరెడ్డిపల్లిలో టీడీపీ ఫ్యాక్షన్‌ రాజకీయానికి బలైన కురుబ లింగమయ్య కుటుంబాన్ని పరామర్శించిన అనంతరం ఆయన మీడియాతో మాట్లాడారు.

”పిన్నెల్లి రామకృష్ణపై కుట్రపూరితంగా కేసులు పెట్టి వేధించారు. పోసాని కృష్ణమురళిపై 18 అక్రమ కేసులు బనాయించి తీవ్రంగా వేధించారు. నందిగం సురేష్‌పై తప్పుడు కేసులు పెట్టి 145 రోజులు జైల్లో ఉంచారు. ఇవన్నీ ప్రభుత్వం, పోలీసులు కలిసి చేస్తున్న నేరాలే… చంద్రబాబు మంచి అనేది నేర్చుకోవాలి. సూపర్‌ సిక్స్‌ హామీలపై ప్రజలు ప్రశ్నిస్తున్నారు. చంద్రబాబు దౌర్జన్యకాండకు ప్రజలే బుద్ధి చెప్తారు.

బాబు మెప్పుకోసం కొందరు పోలీసులు పని చేస్తున్నారు. టోపీలపై ఉన్న సింహాలకు సెల్యూట్‌ చేయకుండా బాబుకు వాచ్‌మెన్‌లా పని చేస్తున్న పోలీసులకు చెబుతున్నా. ఎల్లకాలం చంద్రబాబు పాలన కొనసాగదు. తప్పు చేసిన వారిని ఎవరినీ వదిలిపెట్టం. బాబుకు ఊడిగం చేసేవారికి శిక్ష తప్పదు. యూనిఫాం తీయించి చట్టం ముందు నిలబెడతాం” అని వైఎస్‌ జగన్‌ ఘాటుగానే హెచ్చరించారు.

The post చంద్రబాబుకు ఊడిగం చేసేవాళ్లకు జగన్‌ హెచ్చరిక appeared first on VEDHA NEWS.

వేదన్యూస్ – నందిగామ

ఏపీ ముఖ్యమంత్రి.. టీడీపీ అధినేత నారా చంద్రబాబు నాయుడు చేతిలో ఆ పార్టీకి చెందిన తిరువూరు అసెంబ్లీ నియోజకవర్గ దళిత ఎమ్మెల్యే కొలికపూడి శ్రీనివాస రావుకు ఘోర అవమానం జరిగింది. సీఎం చంద్రబాబు నాయుడు కృష్ణా జిల్లా నందిగామ లో పర్యటించారు. ఈ పర్యటనలో భాగంగా బాబు హెలిప్యాడ్ వద్దకు చేరుకోగానే మంత్రులు.. ఎమ్మెల్యేలు.. ఎంపీలు.. స్థానిక నేతలు ఆయనకు పుష్పగుచ్చం ఇచ్చి.. శాలువాలు కప్పి ఘన స్వాగతం పలికారు. చంద్రబాబు నాయుడు అందర్నీ పేరుపేరున పలకరిస్తూ అందరికి  కృతజ్ఞతలు చెబుతూ వారి చెప్పింది వినుకుంటూ ముందుకు సాగారు.

ఇక్కడి వరకూ బాగానే ఉంది. జిల్లాకు చెందిన తిరువూరు అసెంబ్లీ నియోజకవర్గ ఎమ్మెల్యే అయిన కొలికపూడి శ్రీనివాసరావు చంద్రబాబును ప్రసన్నం చేసుకోవాలని శతధా ప్రయత్నించాడు. హెలికాప్టర్ దిగిన దగ్గర నుండి కారు ఎక్కేవరకూ చివరి క్షణం దాక పట్టువదలని విక్రమార్కుడిలా ప్రయత్నం చేశాడు. సెంటీమీటర్ల దూరంలో ఉండి.. కళ్లకు ఎదురుగా కన్పించిన .. అఖరికీ శ్రీనివాస రావు నమస్కారం సారు అంటూ రెండు చేతులెత్తి దండం పెడుతున్న బాబు చూసి పట్టించుకోకుండా ఆయన పక్కనున్న నేతలను పలకరిస్తూ వాళ్ల భుజాలపై చేతులేశాడు తప్పా శ్రీనివాస రావు అసలు ఎవరూ కూడా తెలియనట్లు ముందుకెళ్లాడు.

దీంతో ఆయన అభిమానులు, దళిత సంఘాలు విరుచుకుపడుతున్నారు. ఓ దళిత ఎమ్మెల్యేను కావాలనే బాబు అవమానిస్తున్నారు. ఆయన చెడ్డవాడా.. మంచివాడా అనేది పక్కనెడితే ఎదురుగా ఉన్నప్పుడు పలకరిస్తే పలకరించడం మినిమమ్  మర్యాద. ఇది తెలియని నలబై ఏండ్ల ఇండస్ట్రీ అని చెప్పుకోవడం ఎందుకు. దళితులను ఎందుకు అవమానిస్తున్నారని వారు విమర్శలు చేస్తున్నారు. ఆది నుండి ఎమ్మెల్యే కొలికపూడి పలుమార్లు వివాదాల్లో చిక్కుకోవడం మనం చూస్తూనే ఉన్నాము.

The post బాబు చేతిలో దళిత ఎమ్మెల్యేకు ఘోర అవమానం…! appeared first on VEDHA NEWS.

వేదన్యూస్ – మంగళగిరి

ఏపీ మంత్రి.. టీడీపీ జాతీయ ప్రధాన కార్యదర్శి నారా లోకేష్ పై వైసీపీ సీనియర్ నేత.. మాజీ మంత్రి అంబటి రాంబాబు సంచలన వ్యాఖ్యలు చేశారు. ఇటీవల మంగళగిరిలో జరిగిన ఓ కార్యక్రమంలో మంత్రి నారా లోకేశ్ నాయుడు మాట్లాడుతూ రెడ్ బుక్ తీస్తామని అనగానే కొంతమంది బాత్రూం లో జారిపడ్డారు. మరికొంతమంది హార్ట్ అటాక్ అంటూ రాష్ట్రాలనే దాటిపోయారని వ్యాఖ్యానించారు.

మంత్రి లోకేష్ వ్యాఖ్యలపై మాజీ మంత్రి అంబటి రాంబాబు స్పందిస్తూ ” మంత్రి నారా లోకేష్ నాయుడు తన స్థాయికి తగ్గట్లు మాట్లాడాలి. రాజకీయాల్లో విమర్శలు చేయాలి . కానీ వ్యక్తిగత అంశాలపై కూడా ముందు వెనక లేకుండా మాట్లాడటం హేతుబద్ధం కాదు.  మా నేతలు ఎమ్మెల్యేలు.. మంత్రులైనప్పుడు లోకేష్ కనీసం వార్డు మెంబర్ కూడా కాలేదు. అధికారం ఎవరికి శాశ్వతం కాదు.

నిన్నటిదాక మేము అధికారంలో ఉన్నాము. ఇవాళ మీరు అధికారంలో ఉన్నారు. రేపు మీరు అధికారంలో ఉంటారో లేదో ప్రజలు నిర్ణయిస్తారు. అధికార మదంతో విర్రవీగినవాళ్లకు ప్రజలు కర్రుగా కాల్చి వాత పెట్టిన సంగతి మరిచిపోవద్దు. అక్రమ కేసులతో అరెస్ట్ లు చేసి ప్రజాస్వామ్యాన్ని ఖూనీ చేస్తున్నారు అని ఆయన అన్నారు.

The post లోకేశ్ పై అంబటి రాంబాబు సంచలన వ్యాఖ్యలు.! appeared first on VEDHA NEWS.