• మరిపెడ లో ఘనంగా తెలంగాణ భాషా దినోత్సవం

వేద న్యూస్, మరిపెడ:

అన్యాయాన్ని ఎదిరించటమే, అవినీతి అక్రమాలకు వ్యతిరేకంగా పోరాటం చేయటమే కాళోజీ నారాయణరావు కి మనమిచ్చే నిజమైన నివాళి అని జిల్లా పరిషత్ ఉన్నత పాఠశాల ప్రధానోపాధ్యాయులు అనంతరావు అన్నారు.

కాళోజీ జయంతి తెలంగాణ భాషా దినోత్సవం పురస్కరించుకొని మరిపెడ ఉన్నత పాఠశాలలో తెలుగు ఉపాధ్యాయులు సుధా, మంజుశ్రీ, విద్యార్థులకు పద్య పఠనం, వ్యాసరచన, వకృత్వం, చిత్రలేఖనం, నృత్యం, తెలంగాణ కవి పరిచయాలు వివిధ అంశాలలో మంగళవారం పోటీలను నిర్వహించి విజేతలకు బహుమతులను అందజేశారు.

ఈ కార్యక్రమంలో పాఠశాల ఉపాధ్యాయ కార్యదర్శి బయగాని రామ్మోహన్, ఉపాధ్యాయ బృందం జనార్ధనా చారి, దేవుల, శ్రీశైలం, స్వప్న, ప్రకాష్, శౌరి, ప్రసాదరావు, సారయ్య జహెదా, సురేష్, బాబురావు, అనిత, రాజ కుమారి, పద్మ, శంకర్, సుజాత, విద్యార్థినీ విద్యార్థులు పాల్గొన్నారు.

The post అవినీతి వ్యతిరేక పోరాటమే కాళోజీకి నివాళి appeared first on VEDHA NEWS.

వేద న్యూస్, సినిమా:

బాలీవుడ్ బిగ్ బీ, యాంగ్రీ యంగ్ మ్యాన్ గా పేరు గాంచిన సీనియర్ నటుడు అమితాబ్ బచ్చన్ దేశవ్యాప్తంగానే కాదు ప్రపంచవ్యాప్తంగా ఉన్న సినీ అభిమానుల గురించి ప్రత్యేకంగా చెప్పాల్సిన అవసరం లేదు. ఇండియాలో ఎంతో మంది నటీనటులకు అమితాబ్ బచ్చన్ స్ఫూర్తిప్రదాత. కాగా, సీనియర్ నటుడిగా ఉన్న ఆయన తనను తను ప్రతి సినిమాలో ఆవిష్కరించుకునే విధానం చూసి సినీ నటులే కాదు ప్రేక్షకులు సైతం ఆశ్చర్యపోతుంటారు. 

అమితా బ్ బచ్చన్  తెలుగులో నటించిన సినిమాల్లో ఒకటి ప్రభాస్ ‘కల్కి’ ఇటీవల విడుదలై ఘన విజయం సాధించింది. కాగా, అదే బచ్చన్ తొలి తెలుగు ఫిల్మ్ కాదండోయ్.. ఆయన (అమితాబ్ బచ్చన్) తెలుగులో అంతకుముందే కొన్ని చిత్రాల్లో నటించారు. 1995లో కృష్ణవంశీ ‘గులాబీ’ చిత్రంలో కేమియో రోల్ ప్లే చేసిన బచ్చన్.. ఆ తర్వా త అక్కినేని నాగార్జున ‘మనం’ చిత్రంలో కేమియో చేశారు. 

అనంతరం మెగాస్టార్ చిరంజీవి ‘సైరా నరసింహారెడ్డి’ ఫిల్మ్ లో కీలక పాత్రను బచ్చన్ పోషించారు. గోసాయి వెంకన్నగా అమితాబ్ బచ్చన్ పోషించిన పాత్ర సినిమాలో కీలకంగా నిలిచింది. అలా అమితాబ్ బచ్చన్ ‘కల్కి’కి ముందే పలు చిత్రాల్లో నటించడం విశేషం. 

The post అమితాబ్ బచ్చన్ తొలి తెలుగు చిత్రం ఇదే..మీకు తెలుసా? appeared first on VEDHA NEWS.

• శుక్రవారం రిలీజైన ఈ ఫిల్మ్‌ను ఆదరించాలని కోరిన అసోసియేట్ డైరెక్టర్ కుమార్ కోరే
• ‘హరిహర’ థియేటర్ లో సినిమ చూసి హర్షం వ్యక్తం చేసిన కుమార్ ఫ్రెండ్స్ 
• కుటుంబ సమేతంగా ఈ హస్యభరిత చిత్రాన్ని ప్రతి ఒక్కరూ చూడాలని రిక్వెస్టు

వేద న్యూస్, జమ్మికుంట:
జమ్మికుంట మండల పరిధిలోని రంగమ్మపల్లె గ్రామానికి చెందిన కుమార్ కోరే సహాయ దర్శకత్వంలో తెరకెక్కిన ‘పారిజాత పర్వం’ మూవీ శుక్రవారం విడుదలైంది. ఈ చిత్రాన్ని అందరూ వీక్షించి..ఆదరించాలని కోరే కుమార్ కోరారు. కమెడియన్ సునీల్, చైతన్య రావు, వైవ హర్ష, శ్రద్దా దాస్, మాళవిక, శ్రీకాంత్ అయ్యంగార్, సురేఖ వాణి నటించిన ఈ సినిమాను వనమాలి క్రియేషన్స్ బ్యానర్ పై  మహిధర్ రెడ్డి, దేవేష్ నిర్మించారు.

కాగా జమ్మికుంటవాసి సహాయ దర్శకత్వంలో తెరకెక్కిన సినిమా శుక్రవారం ప్రపంచవ్యాప్తంగా విడుదల కావడంతో జమ్మికుంట పట్టణవాసులు, రంగమ్మపల్లె గ్రామస్తులు సంతోషం వ్యక్తం చేశారు. చిత్రానికి ప్రేక్షకుల నుంచి చక్కటి స్పందన వస్తోందని మూవీ మేకర్స్ పేర్కొన్నారు. చిత్రానికి సంతోష్ కంభంపాటి దర్శకత్వం వహించగా, సంగీతం రి అందించారు. బాల సరస్వతి డీఓపీ కాగా, మహిధర్ రెడ్డి, దేవేష్ సినిమాను ప్రొడ్యూస్ చేశారు.

జమ్మికుంట పట్టణంలోని హరిహర థియేటర్ లో ప్రదర్శితమవుతున్న చిత్రాన్ని కోరే కుమార్ స్నేహితులు శుక్రవారం వీక్షించి హర్షం వ్యక్తం చేశారు. తమ స్నేహితుడు చిత్రసీమలో మరింత ఉన్నతస్థాయికి వెళ్లాలని ఆకాంక్షించారు. అందరూ కుటుంబసమేతంగా వీక్షించే సినిమా ‘పారిజాత పర్వం’ అని ఈ సందర్భంగా కుమార్ కోరే, ఆయన స్నేహితులు వెల్లడించారు.పూర్తిగా ఈ చిత్రం హాస్యంతో కూడుకున్నదని, సినిమా చూసి ప్రేక్షకులు హాయిగా నవ్వుకోవచ్చని స్పష్టం చేశారు.

The post జమ్మికుంటవాసి సహాయ దర్శకత్వంలో ‘పారిజాత పర్వం’ మూవీ appeared first on VEDHA NEWS.

టాలీవుడ్ లో రూపుదిద్దుకున్న సందేశాత్మక చిత్రం ‘నిర్ణయం’ (Nirnayam) త్వరలో ప్రేక్షకుల ముందుకు రాబోతోంది. సీనియర్ నటులు తనికెళ్ల భరణి (Tanikella Bharani), ‘బాహుబలి’ హరిశ్చంద్ర రాయల, రఘునాథ రెడ్డి, జనార్ధన్ రావు (జెన్నీ) కీలక పాత్రల్లో నటించారు. జెన్నీ మరియు పీవీ కృష్ణ ప్రసాద్ కలిసి డైరెక్ట్ చేశారు. సంజయ్ కుమార్, అంజలి హీరోహీరోయిన్లుగా పరిచయం అవుతున్నారు.

యూత్ ఫుల్ కంటెంట్ తో పాటు.. యువతకు, తల్లిదండ్రులకు సందేశాన్నిచ్చే చిత్రమిది. తాజాగా ఫిల్మ్ ఛాంబర్ లోని థియేటర్ లో ప్రివ్యూను కూడా పూర్తి చేసుకుంది. పలువురు సినీ ప్రముఖులు విచ్చేసి సినిమా యూనిట్ ను అభినందించారు.

ఇక ఇదే టైటిల్ ‘నిర్ణయం’తో గతంలో అక్కినేని నాగార్జున యాక్షన్ ఫిల్మ్ వచ్చింది. మరీ ఇప్పుడు అదే టైటిల్ తో వస్తున్న ఈ లేటెస్ట్ ఫిల్మ్ ఎలా అలరిస్తుందో చూడాలి. సుద్దాల అశోక్ తేజ, కుల శేఖర్ పాటలకు చక్కటి సాహిత్యం అందించారు. టీ సురేంద్ర రెడ్డి డీవోపీగా, శర్వాని శివకుమార్ ఎడిటర్ గా వర్క్ చేశారు. కృష్ణ సాయి సంగీతం అందించారు. అనంత్, విశ్వమోన్ ముఖ్య పాత్రలు పోషించారు. త్వరలోనే యూనిట్ రిలీజ్ డేట్ ను అనౌన్స్ చేయనుంది.

The post నాగార్జున సినిమాను గుర్తుచేస్తున్న తనికెళ్ల భరణి కొత్త చిత్రం… ఇంట్రెస్టింగ్‌గా డిటేయిల్స్! appeared first on VEDHA NEWS.