వేద న్యూస్, వరంగల్ ప్రతినిధి:

మేడ్చల్ జిల్లా మేడిపల్లిలో క్యూ న్యూస్ కార్యాలయం పై దాడి చేసిన దుండగులపై కఠిన చర్యలు తీసుకోవాలని భవిష్యత్తులో ఇలాంటి సంఘటనలు పునరావృత్తం కాకుండా చూడాలని బీసీ హక్కుల సాధన సమితి రాష్ట్ర అధ్యక్షుడు తాటిపాముల వెంకట్రాములు ఒక ప్రకటనలో రాష్ట్ర ప్రభుత్వాన్ని డిమాండ్ చేశారు. ప్రజాస్వామ్య వ్యవస్థలో భౌతిక దాడులకు తావులేదన్నారు. జాగృతి అధ్యక్షురాలు కవితపై తీన్మార్ మల్లన్న అలియాస్ నవీన్ అభ్యంతరకరమైన వ్యాఖ్యలు చేశారని చెబుతూ కొందరు అందుకు ప్రతీకారంగా క్యూ న్యూస్ ఆఫీస్ పై దాడి చేసి కంప్యూటర్స్ ఫర్నిచర్స్ కిటికీల అద్దాలు ద్వంసం చేయడం సిబ్బందిపై దాడి చేయడం తీవ్రంగా ఖండిస్తున్నామన్నారు. దుండగుల దాడిలో ఎమ్మెల్సీ మల్లన్న చేతికి గాయాలు కావడం జరిగిందని ప్రజలు ప్రజాస్వామ్యవాదులు ఈ దాడిని తీవ్రంగా ఖండించాలన్నారు. రాష్ట్రంలో బీసీల సమస్యల పైన అనేక ఉద్యమాలు జరుగుతున్న నేపథ్యంలో బీసీ నాయకులపై టార్గెట్ చేసుకొని ఇలాంటి దాడులకు పాల్పడడం వలన బీసీ ఉద్యమాలు మరింత వుదృతమవుతాయన్నారు. ఇటీవల నాగోలు లో అఖిల భారత విద్యార్థి సమాఖ్య కార్యకర్తలు పాలస్థినాపై ఇజ్రాయిల్ అమెరికా దాడులను నిరసిస్తూ శాంతి యుతంగా ఆందోళన చేస్తున్న వారిపై బీజేవైఎం కార్యకర్తలుదాడి చేయడాన్ని వెంకట్రాములు మరొక ప్రకటనలో తీవ్రంగా ఖండించారు. ప్రజాస్వామ్యంలో నిరసన తెలిపే హక్కు ఎవరికైనా ఉంటుందని శాంతియుతంగా నిరసన తెలుపుతున్న వారిపై బీజేవైఎం గూండాలు చేసిన దాడిని ప్రతి ఒక్కరూ తీవ్రంగా ఖండించాలని దాడులకు పాల్పడిన వారిని కఠినంగా శిక్షించాలని
వెంకట్రాములు డిమాండ్ చేశారు.

The post క్యూ న్యూస్ పై దాడిని తీవ్రంగా ఖండిస్తున్నాం appeared first on VEDHA NEWS.

వేద న్యూస్, వరంగల్ ప్రతినిధి:
భూపాలపల్లి రూరల్ నాగారం గ్రామానికి చెందిన గౌరీబోయిన రాజయ్య ఇటీవల మృతి చెందారు. విషయం తెలుసుకున్న తీన్మార్ మల్లన్న టీం భూపాలపల్లి జిల్లా అధ్యక్షుడు రవి పటేల్, టీం సభ్యులు మృతుడి ఇంటికి వెళ్లి వారి కుటుంబాన్ని పరామర్శించారు. నిరుపేద కుటుంబమైన వారికి ఒక రైస్ బ్యాగు నిత్యావసర సరుకులు ఇచ్చారు. భవిష్యత్తులో కూడా వారి కుటుంబానికి అండగా ఉంటామని రవి పటేల్ చెప్పారు.

ఈ సందర్భంగా ఆయన మీడియాతో మాట్లాడారు. కడు పేదరికంలో ఉన్న వారి కుటుంబాన్ని రాష్ట్ర ప్రభుత్వం ఆదుకోవాలని కోరారు. కనీసం ఒక ఇల్లు కూడా సరిగా వారికి లేదని, తాటి కమ్మలు వేసుకుని జీవనం కొనసాగిస్తున్నారని వివరించారు. ప్రభుత్వం వెంటనే ఆ కుటుంబానికి ఒక ఇల్లు మంజూరు చేయాలని, ఆర్థికంగా వారిని ఆదుకోవాలని రవి పటేల్ రాష్ట్ర ప్రభుత్వాన్ని కోరారు.

ఎస్టీ కోయ బ్యాక్వర్డ్ దిగువ తరగతిలో కు చెందిన ఇలాంటి వారిని ఇంకా ఎవరైనా ఆదుకునే వారు ఉంటే వెంటనే వారికి తోచిన సహాయం చేయాలని రవి పటేల్ విజ్ఞప్తి చేశారు. తీన్మార్ మల్లన్న టీం ఏ అధికారం లేకపోయినా ఎల్లవేళలా నిరుపేద ల పక్షాన నిలబడుతోందని చెప్పారు.

సామాన్యుడికి కష్టం వస్తే ‘‘మేమున్నామంటూ’’ తీన్మార్ మల్లన్న తక్షణమే స్పందించి వారిని ఆదుకుంటున్నారని వెల్లడించారు. భూపాలపల్లిలో ఏ మూలన ఎవరికి సమస్య వచ్చినా తీన్మార్ మల్లన్న టీం అందుబాటులో ఉండి వారి సమస్యల పరిష్కారం దిశగా ఎల్లవేళలా పనిచేస్తోందని రవి పటేల్ పేర్కొన్నారు. కార్యక్రమంలో జిల్లా నాయకులు గండు కరుణాకర్, మాడే సంతోష్ కుమార్, మోటుపోతుల సమ్మయ్య, సీడం శ్రీనివాస్, సిడం సమ్మయ్య తదితరులు పాల్గొన్నారు.
 

The post రాజయ్య కుటుంబానికి నిత్యావసర సరుకులు అందజేసిన రవిపటేల్ appeared first on VEDHA NEWS.