– మంత్రి ఉత్తమ్ కుమార్ రెడ్డి

వేద న్యూస్, పాపన్నపేట :

అమెరికా-ఇరాన్ యుద్ధం నేపథ్యంలో రాష్ట్రంలో ఎల్‌పీజీ గ్యాస్ కొరత ఉందన్న ప్రచారంలో ఎటువంటి వాస్తవం లేదని మంత్రి ఉత్తమ్ కుమార్ రెడ్డి స్పష్టం చేశారు. ప్రజలకు కావలసినంత గ్యాస్ సరఫరా అందించబడుతుందని, అపోహలకు గురికాకుండా అవసరమైన మేరకే సిలిండర్లు బుక్ చేసుకోవాలని సూచించారు. బాట్లింగ్ ప్లాంట్లలో గ్యాస్ కొరత ఉందని ఎక్కడా నమోదు కాలేదని, బ్లాక్ మార్కెటింగ్ లేదా అక్రమ నిల్వలపై కఠిన చర్యలు తీసుకుంటామని మంత్రి హెచ్చరించారు. రాష్ట్రంలో 810 ఎల్‌పీజీ డిస్ట్రిబ్యూటర్ల ద్వారా రోజుకు 2.5 లక్షల సిలిండర్ల సరఫరా జరుగుతుందని ఆయన వివరించారు. మాజీ మంత్రి తుమ్మల నాగేశ్వరరావు, ప్రభుత్వ ప్రధాన కార్యదర్శి రామకృష్ణా రావు, పౌర సరఫరాల శాఖ కమిషనర్ స్టీఫెన్ రవీంద్రలతో కలిసి జిల్లాల కలెక్టర్లు, ఎస్‌పీలు, పోలీస్ కమిషనర్లతో మంత్రి ఉత్తమ్ కుమార్ రెడ్డి వీడియో కాన్ఫరెన్స్ నిర్వహించారు. జిల్లా సమన్వయ కమిటీలతో రోజువారీ నిల్వలు, సరఫరా పరిస్థితిని సమీక్షించే విధంగా ప్రత్యేక కమిటీలు ఏర్పాటు చేయాలని సూచించారు. ప్రజలకు మళ్లీ విజ్ఞప్తి చేస్తూ, నగర ప్రాంతాల్లో 25 రోజులకొకసారి, గ్రామీణ ప్రాంతాల్లో 45 రోజుల్లో ఒకసారి ఎల్‌పీజీ సిలిండర్లు బుక్ చేసుకోవాలని, అవసరానికి మించి సిలిండర్లు బుక్ చేయొద్దని మంత్రి తెలిపారు. అనంతరం జిల్లా కలెక్టర్ ప్రతిమా సింగ్ మాట్లాడుతూ జిల్లాలో గ్యాస్ సిలిండర్ల కొరత లేదు. ప్రజల అవసరానికి సరిపడా సిలిండర్లు అందుబాటులో ఉన్నాయని, ఎలాంటి అసత్య వార్తలకు ప్రజలు అలజడి చెందకూడదని స్పష్టం చేశారు. ఈ కార్యక్రమంలో అదనపు కలెక్టర్ నగేష్, ఆర్డీ రమాదేవి, జిల్లా పౌరసరపాల అధికారి నిత్యానంద్ తదితర అధికారులు పాల్గొన్నారు.

The post గ్యాస్ సరఫరా విషయంలో అపోహలు వద్దు appeared first on VEDHA NEWS.

వేదన్యూస్ – డా.బీఆర్ అంబేద్కర్ తెలంగాణ రాష్ట్ర నూతన సచివాలయం

వినడానికి వింతగా ఉన్న ఇదే నిజం. ఇది ఏ శాఖాలోనా అని ఆలోచించకండి. సాక్షాత్తు అత్యంత సీనియర్ మంత్రి.. ముఖ్యమంత్రి స్థాయి నేత నిర్వర్తిస్తోన్న నీటిపారుదల శాఖలో.  ఆదివారం శ్రీరామనవమి సందర్భంగా ముఖ్యమంత్రి రేవంత్ రెడ్డి భద్రాద్రి రాముల వారికి పట్టువస్త్రాలతో పాటు తలంబ్రాలు అందించనున్నారు. ఈ పర్యటనలో భాగంగా భద్రాద్రి లో నిర్మితమవుతున్న సీతారామ ప్రాజెక్టు వ్యయ అంచనాల సవరణపై సీఎం రేవంత్ రెడ్డి ప్రకటన చేయనున్నారు.

దీనికి సంబంధించిన మౌలిక ఉత్తర్వులను జారీ చేశారు. కానీ అధికారకంగా జీవో జారీ చేయాలి. జీవో జారీ చేయాలంటే సంబంధిత శాఖ ముఖ్య కార్యదర్శి ఆ ఫైల్ పై సంతకం చేయాలి. కానీ శనివారం ఆ అధికారి సచివాలయానికి రాలేదు. అది  కూడా సాక్షాత్తు సంబంధిత శాఖ మంత్రి ఉత్తమ్ కుమార్ రెడ్డి సమీక్ష సమావేశం నిర్వహించారు. అయిన ఆ అధికారి హజరు కాలేదు. హాజరు కాకపోవడమే కాదు సారు ఫైల్ పై సంతకం చేయాలని సమాచారం ఇవ్వడానికి ఫోన్ కాల్ చేసిన కానీ అటు నుండి రెస్పాండ్ లేదు.

సమీక్ష సమావేశంలో మంత్రి సీతారామ ప్రాజెక్టు వ్యయ అంచనాల సవరణ ఫైల్ ఏమైంది అని అడిగారు. దీంతో అధికారులంతా ఒకరి ముఖం ఒకరూ చూస్కోవడం సరిపోయింది. అక్కడి పరిస్థితి ఆర్ధం చేసుకున్న మంత్రి ఉత్తమ్ సదరు ఇంటికెళ్లి అయిన సరే ఆ ఫైల్ పై సంతకం చేయించాలి కదా హుకూం జారీ చేశారంట. సాక్షాత్తు మంత్రి చెబితేనే దిక్కు లేదు. ఇక సామాన్యులు అడిగితే అధికారుల రెస్పాన్స్ ఎలా ఉంటుందో ఆర్ధం చేసుకోవచ్చు అంటూ విమర్శలు వెలు వడుతున్నాయి.

The post మంత్రి ఉత్తమ్ మాటనే లెక్కచేయని అధికారులు..! appeared first on VEDHA NEWS.

త్వరలో జరగనున్న మంత్రివర్గ విస్తరణలో రంగారెడ్డి, హైదరాబాద్ జిల్లాలకు ప్రాతినిథ్యం కల్పించాలని కాంగ్రెస్ పార్టీ సీనియర్ నేత.. మాజీ మంత్రి జానారెడ్డి కాంగ్రెస్ పార్టీ జాతీయ అధ్యక్షులు మల్లిఖార్జున ఖర్గే, ఆ పార్టీ జాతీయ నాయకులు కేసీ వేణుగోపాల్ కు లేఖ రాసిన సంగతి తెల్సిందే. ఆ లేఖలో ఫలాన వాళ్ళకు మంత్రివర్గంలో చోటు కల్పించాలని పేర్లు ప్రస్తావించలేదు. కానీ ఉమ్మడి నల్లగొండ జిల్లాకు చెందిన మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డి ఇరువురికి చెక్ పెట్టడానికి మాజీ మంత్రి జానారెడ్డి లేఖ రాశారని పాలిటిక్స్ వర్గాల్లో టాక్.

ఇప్పటికే బెర్తులు మునుగోడు ఎమ్మెల్యే కోమటిరెడ్డి రాజగోపాల్ రెడ్డి, పెద్దపల్లి ఎమ్మెల్యే గడ్డం వివేక్ వెంకటస్వామి, మక్తల్ ఎమ్మెల్యే వాకటి శ్రీహరి ముదిరాజు,బోధన్ ఎమ్మెల్యే పి సుదర్శ రెడ్డిలకు ఖరారైనట్లు వార్తలు చక్కర్లు కొడుతున్నాయి.. ఈ తరుణంలో జానారెడ్డి లేఖ రాయడం పెనుసంచలనం సృష్టిస్తుంది. ఇప్పటికే తమ ఇంట్లో ఇంకో మంత్రి పదవి కావాలని ఆరాటపడుతున్న మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డిలకు చెక్ పెట్టే విధంగా జానారెడ్డి సరికొత్తగా ఈ అంశాన్ని లేవనెత్తారని గుసగుసలు విన్పిస్తున్నాయి.

ఉమ్మడి నల్గోండ జిల్లాకు రెండు మంత్రి పదవులు ఉండటంతో రంగారెడ్డి, హైదరాబాద్ జిల్లాలకు చెందిన ఎమ్మెల్యేలు మల్ రెడ్డి రంగారెడ్డి, రామోహాన్ రెడ్డి,మనోహార్ రెడ్డిలు మంత్రి పదవుల కోసం పోరాడుతున్నారు. మరోవైపు స్పీకర్ గడ్డం ప్రసాద్ కుమార్ కు సైతం అవకాశం కల్పించాలని ఆ నియోజకవర్గ నేతలు ఆశపడుతున్నారు. జానారెడ్డి ఎవరికివ్వాలనేది స్పష్టంగా చెప్పకపోయిన ఈ రెండు జిల్లాల నుండి ఎమ్మెల్యేలలో  ఎవరికోకరికి మంత్రిగా అవకాశం ఇవ్వాలని కోరారని ఆర్ధమవుతుంది. నల్గోండ జిల్లా మంత్రులకు చెక్ పెట్టడానికి జానారెడ్డి ఇలా ప్లాన్ చేశారని రాజకీయ విశ్లేషకుల అంచనా.

The post మాజీ మంత్రి జానారెడ్డి లేఖతో ఆ ఇద్దరికి చెక్..! appeared first on VEDHA NEWS.