వేద న్యూస్, ఆసిఫాబాద్ ప్రతినిధి:

సిర్పూర్ టీ మండలం హుడ్కిలి గ్రామ పంచాయతీ పరిధిలోని మాకిడి గ్రామానికి చెందిన తాడే నళిని కి ఓటరు కార్డు ఉంది కానీ ఓటరు లిస్ట్ లో పేరు లేదని వాపోయారు.

సోమవారం జిల్లా కేంద్రంలోని కలెక్టరేట్ లో కలెక్టర్ వెంకటేష్ ధోత్రే ను కలిసి వినతి పత్రం అందజేశారు. ఆమె మాట్లాడుతూ ఓటర్ లిస్టులో పేరు ఎలా తొలగించారు తనకి తెలీదని తనకి సమాచారమే లేదన్నారు.

గ్రామపంచాయతీలో సర్పంచ్ రిజర్వేషన్ ఎస్సీ మహిళ వచ్చిందని  ఈ అవకాశాన్ని తాను సద్వినియోగం చేసుకోవడానికి తను సర్పంచ్ గా పోటీ చేయడానికి సిద్ధంగా ఉన్నానని తనకు ఓటరు కార్డు లేకున్న తనకి అవకాశం ఇవ్వాలని తన నామినేషన్ రిజెక్ట్ చేయకుండా చూడాలని వేడుకున్నారు.

The post అగొ.. గిదేం వింత కథ.. ఓటరు ఐడి ఉంది ఓటు లేదు.. appeared first on VEDHA NEWS.

– కలెక్టర్ ఇలా త్రిపాటి

వేద న్యూస్, నల్లగొండ ప్రత్యేక ప్రతినిధి :

18 ఏళ్లు నిండిన ప్రతి ఒక్కరిని ఓటరుగా నమోదు చేయాలని జిల్లా కలెక్టర్ ఇలా త్రిపాఠి అన్నారు. గురువారం వేములపల్లి మండల కేంద్రంలో జడ్పీ ఉన్నత పాఠశాలలో మండల పరిధిలోని ఓటర్ల నమోదు మార్పులు,చేర్పులు,బీ ఎల్ ఓ యాప్ తదితర విషయాలపై బూత్ లెవెల్ ఆఫీసర్స్, బూత్ లెవెల్ సూపర్వైజర్స్ కు జాతీయ స్థాయి శిక్షణ కార్యక్రమాన్ని నిర్వహించారు.
ఈ సందర్భంగా కలెక్టర్ ఇలా త్రిపాఠి మాట్లాడుతూ భారత రాజ్యాంగంలోని అధికరణ 324, 325, 326 ప్రకారము ఎన్నికల సంఘ నియమావళిని అనుసరించి 18 సంవత్సరాలు నిండిన ప్రతి ఒక్కరిని ఓటరుగా నమోదు చేయాలన్నారు. అర్హత కలిగిన ఏ ఒక్కరిని ఓటరుగా నమోదు చేయకుండా ఉండడం అనేది రాజ్యాంగ విరుద్ధమని పేర్కొన్నారు. 18 ఏళ్లు నిండిన ఏ ఒక్కరు ఓటు హక్కు వినియోగించుకోవడం కోసం బి ఎల్ ఓ లకు మాస్టర్ ట్రైనర్లచే శిక్షణ ఇప్పించడం జరుగుతుందని తెలిపారు.ప్రతి బి ఎల్ ఓ మీ ప్రాంతంలో ఉన్న అన్ని విషయాలపై సమగ్రమైనటువంటి అవగాహన కలిగి ఉండి ఫామ్ 6,7,8 లకు సంబంధించిన ఓటర్ల నమోదు పై అవగాహన ఏర్పరచుకొని క్షేత్రస్థాయిలో ఎటువంటి ఇబ్బందులు లేకుండా తప్పులు లేని,పరిపూర్ణమైన ఓటర్ల జాబితాను నమోదు చేయాలని అన్నారు.
ఈ కార్యక్రమంలో వేములపల్లి తహశీల్దార్ హేమలత, నాయబ్ తహసీల్దార్ కోటేశ్వరి, జిల్లా స్థాయి మాస్టర్ ట్రైనర్స్ గుడిపాటి కోటయ్య, శ్రీను, రెవిన్యూ ఇన్స్పెక్టర్లు మహేందర్ రెడ్డి, స్పందన రెడ్డి, తహసిల్దార్ కార్యాలయ సిబ్బంది హర్ష,ఇమ్రాన్,గణేష్ రాధా, బిఎల్వోలు తదితరులు పాల్గొన్నారు.

The post 18 ఏళ్లు నిండిన వారు ఓటరుగా నమోదు చేయించుకోవాలి appeared first on VEDHA NEWS.

వేద న్యూస్, మరిపెడ: 

వరంగల్, ఖమ్మం, నల్గొండ, పట్టభద్రుల ఎమ్మెల్సీ ఉప ఎన్నికల్లో ఓటుహక్కు వినియోగించుకున్న మహబూబాబాద్ జిల్లా మాజీ గ్రంథాలయ సంస్థ చైర్మన్ గుడి నవీన్ రావు. సోమవారం జరిగిన ఎమ్మెల్సీ ఉప ఎన్నికల్లో మహబూబాబాద్ జిల్లా మరిపెడ బంగ్లా జిల్లా పరిషత్ హై స్కూల్ లో మహబూబాబాద్ జిల్లా మాజీ గ్రంథాలయ సంస్థ చైర్మన్ గుడి నవీన్ రావు తన ఓటు హక్కును వినియోగించుకున్నారు. అనంతరం పట్టబద్రులై ఓటు వినియోగించుకున్న బీఆర్ఎస్ కార్యకర్తలతో ఆయన ఫోటో దిగారు.

The post ఓటు హక్కు వినియోగించుకున్న గుడి నవీన్ రావు appeared first on VEDHA NEWS.

• వరంగల్ జిల్లా స్వీప్ నోడల్ అధికారి భాగ్యలక్ష్మి

వేద న్యూస్, వరంగల్: 

ట్రాన్స్ జెండర్లు శక్తి స్వరూపులు అని వరంగల్ జిల్లా స్వీప్ నోడల్ అధికారి భాగ్యలక్ష్మి అభిప్రాయపడ్డారు.లోక్ సభ ఎన్నికలను పురస్కరించుకొని 15-వరంగల్ లోక్ సభ నియోజక వర్గపరిధి 106 – వరంగల్ (తూర్పు)నియోజక వర్గానికి సంబందించి స్వీప్-2024(సిస్టమాటిక్ ఓటర్ ఎడ్యుకేషన్ & ఏలక్టోరల్ పార్టిసిపేషన్) అవగాహన కార్యక్రమం లో భాగంగా సోమవారం గ్రేటర్ వరంగల్ మున్సిపల్ కార్పొరేషన్ ప్రధాన కార్యాలయం లోని కౌన్సిల్ హాల్ లో ట్రాన్స్ జెండర్ లకు ఓటు అవగాహన పై ఏర్పాటు చేసిన కార్యక్రమానికి రాష్ట్ర ఎన్నికల ప్రచార కర్త,రాష్ట్ర ట్రాన్స్ జెండర్ అధ్యక్షురాలు లైలా తో కలిసి అదనపు కమిషనర్ అనిసుర్ రషీద్ ముఖ్య అతిథిగా పాల్గొన్నారు.

ఈ సందర్భంగా జిల్లా స్వీప్ నోడల్ అధికారి మాట్లాడుతూ ట్రాన్స్ జెండర్ లను శివ శక్తి రూపం గా భావిస్తారని, తూర్పు నియోజక వర్గంలో 365 మంది ట్రాన్స్ జెండర్ లు ఉన్నట్లు అంచనా అని అన్నారు. ట్రాన్స్ జెండర్ లు ఓటు హక్కు సాధించుకోవడానికి 2009 నుండి కృషి చేసి సఫలం అయ్యారని,ఇదే క్రమంలో ఓటు హక్కు వినియోగించుకోవడం మాత్రమే కాకుండా సమాజం లోని ప్రజలను చైతన్యం చేసి పోలింగ్ లో పాల్గొనేలా చూడాలని, ఒక్క ఓటే కదా అనే నిర్లక్షం విడనాడాలని ఒక్క ఓటు ద్వారా ఎంతోమంది ఓటమి గెలుపులు నిర్దారణ అయ్యాయని అన్నారు.

అనంతరం అదనపు కమిషనర్ మాట్లాడుతూ కుల మత ప్రాంత భేదాలకు అతీతంగా ఓటు హక్కు వినియోగించుకోవాలని ఓటు వేసే రోజును సెలవు దినంగా భావించకుండా దేశ రాష్ట్ర అభివృద్ధిని కాంక్షించే రోజుగా చూడాలని పట్టణ ప్రాంతాల్లో ఓటింగ్ శాతం తక్కువగా నమోదు కావడం ఆందోళన కరమని ఓటు హక్కు పౌరుల బాధ్యత అనే విషయాన్ని మరువరాదని అన్నారు.

రాష్ట్ర ఎన్నికల ఐకాన్ ట్రాన్స్ జెండర్ లైలా మాట్లాడుతూ నిజాయితీ గా ఎలాంటి ప్రలోభాలకు లోను కాకుండా ఓటు వేయాలని ట్రాన్ జెండర్ ల ఐక్యత కారణంగానే ఓటు హక్కు సాదించుకోగలిగామని ఇదే ఐక్యతను ప్రజల్లోకి తీసుకెళ్లి ఓటింగ్ శాతం పెంచడమే కాకుండా సామాజిక మాధ్యమాల వేదిక గా ఓటరు అవగాహన రీల్స్ ద్వారా ట్రాన్స్ జెండర్ లు ఓటర్లలో చైతన్యం కలిగిస్తారనే ఆశాభావం వ్యక్తం చేశారు.

అనంతరం అధికారులు ట్రాన్స్ జెండర్ లతో ఓటరు ప్రతిజ్ఞ నిర్వహించారు. ఈ కార్యక్రమంలో జిల్లా పి డబ్ల్యు డి నోడల్ అధికారి సత్యవాణి, సెక్రటరీ విజయలక్ష్మి, టి పి ఆర్ ఓ కోలా రాజేష్ కుమార్, నర్సంపేట స్వీప్ నోడల్ అధికారి వింధ్య రాణి, టి ఏం సి రమేష్, జిల్లా ట్రాన్స్ జెండర్ అధ్యక్షురాలు రంజిత ,కమ్యూనిటీ ఆర్గనైజర్ లతో పాటు ట్రాన్స్ జెండర్ లు అశ్విని, రోషిణి ,రేష్మా, మేఘన, స్వప్న, రాధ, తదితరులు పాల్గొన్నారు.

The post ట్రాన్స్ జెండర్లు శక్తి స్వరూపులు   appeared first on VEDHA NEWS.

వేద న్యూస్, వరంగల్: 

మెప్మా సిబ్బంది  పోలింగ్ శాతం పెంచడానికి శక్తి వంచన లేకుండా కృషి చేయాలని వరంగల్ జిల్లా స్వీప్ నోడల్ అధికారి భాగ్యలక్ష్మి అన్నారు. లోక్ సభ ఎన్నికల నేపథ్యంలో 15-వరంగల్ లోక్ సభ నియోజక వర్గ పరిధి 106–వరంగల్ (తూర్పు) నియోజక వర్గానికి సంబందించి స్వీప్-2024(సిస్టమాటిక్ ఓటర్ ఎడ్యుకేషన్ & ఏలక్టోరల్ పార్టిసిపేషన్) అవగాహన కార్యక్రమం లో భాగం గా శనివారం కాకతీయ మెడికల్ కళాశాల సెమినార్ హాల్లో (రిసోర్స్ పర్సన్)  ఆర్ పి లకు అవగాహన కోసం ఏర్పాటు చేసిన కార్యక్రమానికి బల్దియా అదనపు కమిషనర్ అనిసుర్ రషీద్ తో కలిసి పాల్గొని ప్రసంగించారు. ఈ సందర్భంగా నోడల్ అధికారిని మాట్లాడుతూ  వరంగల్ జిల్లా వ్యాప్తంగా ఓటర్లలో చైతన్యం తేవడానికి   కళాజాత బృందాల సహకారం తో ఆట పొటలు రంగోలి పోటీలు, మెహందీ, మొగ్గుల పోటీలు వంటి కార్యక్రమాల ద్వారా ప్రజల్లో విస్తృతం గా ప్రచారం  నిర్వహిస్తున్నామని అన్నారు. వీటి  అంతిమ ఉద్దేశం పోలింగ్ శాతం  పెరగడం కోసమేనని, ఆర్ పి లకు క్షేత్రస్థాయిలో ప్రజలతో సత్సంబంధాలు ఉంటాయని,  ఓటరు స్లిప్పులు అందజేసే ప్రక్రియ లో భాగంగా ఓటు హక్కు  ప్రాధాన్యతను వివరించి వారిని పోలింగ్ కార్యక్రమం లో భాగస్వాములను చేయాలని అన్నారు. బల్దియా అదనపు కమిషనర్  అనిసుర్ రషీద్ మాట్లాడుతూ లోక్ సభ ఎన్నికల నేపద్యం లో మెప్మా సిబ్బంది ప్రధానంగా ఆర్ పి లు ఎన్నికల ప్రవర్తనా నియమావళి (ఎలక్షన్ కోడ్) ను ఉల్లంఘించడానికి వీలు లేదని వివిధ రాజకీయ పార్టీలు నిర్వహించే  ఎన్నికల ర్యాలీలలో సమావేశాలు పాల్గొనడానికి అనుమతి లేదని,ఎవరైనా నిబంధనలు ఉల్లంఘిస్తే ఎన్నికల నిబంధనల మేరకు చర్యలు తీసుకోవడం జరుగుతుందని తెలిపారు.అనంతరం ఆర్ పి లతో పాటు సమావేశం లో పాల్గొన్న అధికారులు సిబ్బంది చేత ఎన్నికల ప్రతిజ్ఞ నిర్వహింపజేశారు. అంతకు ముందు సెమినార్ హాల్ నుండి మెడికల్ కళాశాల ప్రధాన ద్వార   కాకతీయ కళా తోరణం వరకు ఎన్నికల అవగాహన ర్యాలీ జరిగింది. ఈ కార్యక్రమంలో పిడబ్ల్యుడి జిల్లా నోడల్ అధికారి సత్యవాణి,  మెప్మా పిడి బద్రు నాయక్, వరంగల్ (తూర్పు) నియోజకవర్గ స్వీప్ నోడల్ అధికారి కోలా రాజేష్ కుమార్, డిప్యూటీ కమిషనర్ రవీందర్, తహసిల్దార్ లు ఇక్బాల్, నాగేశ్వరరావు టి ఎం సి రమేష్, మెప్మా సీఈవోలు తదితరులు పాల్గొన్నారు.

The post పోలింగ్ శాతం పెంచడానికి  కృషి చేయాలి : స్వీప్ నోడల్ అధికారిని భాగ్యలక్ష్మి appeared first on VEDHA NEWS.

వేద న్యూస్, వరంగల్ : 

18 సంవత్సరాలు నిండిన ప్రతి విద్యార్థి ఓటరుగా నమోదు చేసుకోవాలని వరంగల్ జిల్లా స్వీప్ నోడల్ అధికారి భాగ్యలక్ష్మి అన్నారు. సాధారణ లోక్ సభ ఎన్నికల నేపథ్యంలో స్వీప్-2024 (సిస్టమాటిక్ ఓటర్ ఎడ్యుకేషన్, ఎలక్ట్రల్ పార్టిసిపేషన్) కార్యక్రమం లో భాగంగా శనివారం వరంగల్ లోని ప్రభుత్వ మహిళ పాలిటెక్నిక్ కళాశాల కళావేదిక హల్ లో నిర్వహించిన కార్యక్రమానికి ముఖ్య అతిథిగా హాజరై ప్రసంగించారు. ఈ సందర్భంగా కళాశాల ప్రిన్సిపల్ శోభారాణి అధ్యక్షతన నిర్వహించిన కార్యక్రమంలో నోడల్ అధికారి మాట్లాడుతూ ఓటు హక్కు ద్వారా మాత్రమే ప్రజాస్వామ్యం బలోపేతం అవుతుందని అన్నారు. 1 ఏప్రిల్ 2024లోగా 18 సంవత్సరాలు నిండిన విద్యార్థినులు ఎపిక్ కార్డు కోసం దరఖాస్తు చేసుకోవాలని, కేవలం ఓటు మాత్రమే వేయడమే కాకుండా కుటుంబ సభ్యులు, బంధువులు ఓటు వేసే విధంగా వారిలో చైతన్యం తేవాలని ఈ సందర్భంగా ఆమె అన్నారు. ఈ కార్యక్రమంలో టిపిఆర్ఓ కోలా రాజేష్ కుమార్ గౌడ్ , లెక్చరర్లు మాలతి ,కృష్ణవేణి, అనురాధ, విజయ్, మోహన్ , తదితరులు పాల్గొన్నారు.

The post ఓటు హక్కు ద్వారానే ప్రజాస్వామ్యం బలోపేతం appeared first on VEDHA NEWS.