వేద న్యూస్, క్రైమ్:

రివాల్వర్ చూపించి తోటి మహిళా కానిస్టేబుల్‌ను బెదిరించి కాళేశ్వరం ఎస్ఐ రెండు సార్లు లైంగిక దాడి చేశారు. ఈ విషయం బుధవారం ఆలస్యంగా వెలుగులోకి వచ్చింది. తాను జిల్లాకు చెందిన ఓ మంత్రి మనిషిని అని చెప్పుకొని సిబ్బందిని సదరు ఎస్ఐ బెదిరించినట్టు తెలుస్తోంది.

వివరాల్లోకెళితే..భూపాలపల్లి జిల్లా కాటారం సబ్ డివిజన్ పరిధిలోని కాళేశ్వరం పోలీస్ స్టేషన్ ఎస్ఐ భవాని సేన్ గౌడ్ కు తన ఇంటి దగ్గరలో ఉండే ఓ మహిళా కానిస్టేబుల్‌కు ఇటీవల ఫోన్ చేశారు. “ఇంట్లో జారి పడి కాలు విరిగింది లేవలేకపోతున్నాను.. వచ్చి సాయం చేయమని” అడిగారు. దానిని ఆసరా చేసుకొని ఇంటికి వచ్చిన ఎస్ఐ ఆమెను సర్వీస్ రివాల్వర్ చూపించి బెదిరించి రేప్ చేశాడు.

ఎవరికైనా చెప్తే ఇదే నీ చివరి రోజు అని బెదిరించాడు. రెండు రోజుల క్రితం ఆ మహిళా కానిస్టేబుల్ ఇంట్లోకి చొరబడి మరోసారి రేప్ చేశాడు. తాను పని చేస్తున్న పోలీస్ స్టేషన్ పరిధిలో 15 చికెన్ సెంటర్లు ఉండగా, ప్రతిరోజూ ఒక చికెన్ సెంటర్ నుండి పావుకిలో చికెన్ పంపాలని ఎస్ ఐ హుకుం జారీ చేసినట్టు బలమైన ఆరోపణలు వినిపిస్తున్నాయి. ఆటో డ్రైవర్లు, చిల్లర వ్యాపారులను ఎవరినీ వదలకుండా రూ. 100 కూడా వదలకుండా ఎస్ఐ వసూలు చేస్తున్నట్టు విమర్శలున్నాయి .

The post తోటి మహిళా కానిస్టేబుల్ పై ఎస్ఐ లైంగిక దాడి! appeared first on VEDHA NEWS.