• ప్రజాసమస్యల పరిష్కారానికి ముందుండే ప్రథమ పౌరుడిగా నన్ను ఆశీర్వదించండి: సందీప్

వేద న్యూస్, హన్మకొండ:

హనుమకొండ జిల్లా ధర్మసాగర్ మండల పరిధిలోని దేవునూరు గ్రామ సర్పంచ్‌గా బరిలోకి యువనేత దిగారు. ఆదివారం దేవునూరు గ్రామ వాసి, యువకుడు, విద్యావంతుడు, సమస్యలపై అవగాహన ఉన్న కొంగంటి సందీప్ నామినేషన్ దాఖలు చేశారు. 

ఈ సందర్భంగా సందీప్ కొంగంటి మాట్లాడుతూ.. గ్రామ ప్రథమ పౌరుడిగా ఉండే వ్యక్తి సమస్యలపై అవగాహన కలిగి ఉండి.. వాటి పరిష్కారానికి కృషి చేసే వారు అయి ఉంటేనే బాగుంటుందని పేర్కొన్నారు. 

గ్రామ అభివృద్ధి విషయంలో అందరి మద్దతుతో ముందుకు సాగుతూ.. అభివృద్ధి పథంలో ఊరు ఉండేలా తాను కృషి చేస్తానని పేర్కొన్నారు. గతంలో పలు విషయాలపై అధికారుల దృష్టికి తీసుకెళ్లి, వాటి పరిష్కారానికి సామాన్యుడిగా, ఊరివాసిగా తాను తన వంతు కృషి చేశానని వెల్లడించారు.

గ్రామ సర్పంచ్(ప్రథమ పౌరుడి)గా తనను ఎన్నుకుంటే.. శక్తి వంచన లేకుండా ప్రజా సమస్యల పరిష్కారమే ధ్యేయంగా ముందుకు సాగుతానని సందీప్ వెల్లడించారు. ప్రజాక్షేత్రంలో బరిలోకి దిగిన తనను ఆశీర్వదించాలని దేవునూరు గ్రామ ప్రజలన సందీప్ వినమ్రంగా అభ్యర్థించారు. 

ప్రజలు తమ ఓటును సమస్యలు పరిష్కరించే వారికి మాత్రమే వేయాలని వేడుకున్నారు. విద్యావంతుడైన తాను సమస్యల పరిష్కారం, గ్రామ అభివృద్ధి, యువతకు అవకాశాలు తో పాటు అన్ని విషయాలలో సాధ్యమైన మేరకు తనకు సర్పంచ్ గా  అవకాశం ఇస్తే.. చిత్తశుద్ధితో పని చేస్తానని చెప్పారు. గ్రామ సర్పంచ్ గా ఊరిని అభివృద్ధి పథంలో తీసుకెళ్లే నాయకుడిగా ముందుకెళ్తానని సందీప్ కొంగంటి స్పష్టం చేశారు. 

The post దేవునూరు గ్రామ సర్పంచ్‌గా బరిలో యువనేత కొంగంటి సందీప్ appeared first on VEDHA NEWS.

వేద న్యూస్, వరంగల్:

భారతీయ స్టేట్ బ్యాంకు (ఎస్బీఐ) – గ్రామీణ స్వయం ఉపాధి శిక్షణా సంస్థ వారు నిరుద్యోగ యువతులకు ఉపాధి కల్పనకు చక్కటి అవకాశం కల్పిస్తున్నట్టు పేర్కొన్నారు. బ్యూటీ పార్లర్ మేనేజ్‌మెంట్ కోర్సుకు సంబంధించి 35 రోజుల పాటు ట్రైనింగ్ ఇవ్వనున్నట్టు సంస్థ డైరెక్టర్ బాస రవి తెలిపారు. ఇందుకు అభ్యర్థులు వరంగల్ రూరల్, హనుమకొండ ,జయశంకర్ భూపాలపల్లి, జనగాం, ములుగు మహబూబాబాద్ జిల్లాల వారై ఉండాలని స్పష్టం చేశారు. ఆసక్తి గల వారు దీనికి అప్లయ్ చేసుకోవచ్చని వెల్లడించారు. 

క్యాండిడేట్స్ వయోపరిమితి 18-45 ఏండ్లు ఉండాలని,  తెలుగు లో చదవటం, రాయటం వచ్చి ఉండాలని,  చదువు కొనసాగిస్తున్న విద్యార్థులు అర్హులు కాదని,  తెలుపు రేషన్ కార్డ్ కలిగి ఉండాలని పేర్కొన్నారు. 

ఆసక్తి గల అభ్యర్థులు 4 పాస్స్ పోర్ట్ సైజు  ఫొటోలు, రేషన్ కార్డ్, ఆధార్ కార్దు, విద్యార్హత జిరాక్స్ కాపీలను తీసుకోని భారతీయ స్టేట్ బ్యాంకు – గ్రామీణ స్వయం ఉపాధి శిక్షణా సంస్థ (SBI RSETI)సంస్కృతి విహార్ టీటీడీసీ, హసన్‌పర్తి, వరంగల్ జిల్లా – 506 371, అడ్రస్‌ లో వచ్చే నెల 7 లోగా పేర్లు నమోదు చేసుకోవాలని స్పష్టం చేశారు. 

శిక్షణ కార్యక్రమం వచ్చే నెల 7 నుంచి ప్రారంభం కానుందని,  శిక్షణ కాలంలో ఉచిత భోజనం, వసతి సదుపాయం కల్పిస్తామని, కోర్సుకు సంబంధించిన మెటీరియల్ కూడా ఫ్రీగా ఇస్తామని చెప్పారు. శిక్షణ పూర్తి చేసిన అభ్యర్థులకు యోగ్యతా పత్రం (సర్టిఫికేట్) ఇవ్వనున్నట్టు వెల్లడించారు.  మరిన్ని వివరాలకు, 97040 56522 , 9849307873, 6281260878,9949108934 నంబర్లలో సంప్రదించొచ్చని స్పష్టం చేశారు. ఈ కోర్సులో జాయిన్ అయ్యేందుకు మున్సిపల్ నివాస ప్రాంత అభ్యర్థులు అనర్హులని పేర్కొన్నారు.  

The post నిరుద్యోగ యువతులకు గొప్ప సదవకాశం.. 35 రోజుల పాటు శిక్షణ, అనంతరం ఉపాధి.. ఎక్కడంటే? appeared first on VEDHA NEWS.