వేద న్యూస్, ఎల్కతుర్తి:
ఎల్కతుర్తి ది విశాల సహకార సంఘం క్యాలెండర్ 2024ను సొసైటీ అధ్యక్షులు శ్రీపతి రవీందర్ గౌడ్ ఆధ్వర్యంలో పాలకవర్గ సభ్యులు గురువారం సంఘం కార్యాలయంలో ఎల్కతుర్తి మండలకేంద్రంలో ఆవిష్కరించారు.

పాలకవర్గం ఏర్పడి నాలుగేండ్లు పూర్తి చేసుకున్నట్లు రవీందర్ గౌడ్ తెలిపారు. ఈ సందర్భంగా ఆయన మాట్లాడారు. పాలకవర్గం ఏర్పడిన నాటి నుంచి 1,279 మంది రైతులకు వ్యవసాయ రుణాలు ఇచ్చినట్లు తెలిపారు. మొత్తంగా రైతాంగానికి రూ.10 కోట్లకు పైగా రుణాలు ఇచ్చినట్లు స్పష్టం చేశారు.

సంఘం డిపాజిట్లు రూ.1 కోటి 40 లక్షలు ఉన్నట్లు వివరించారు. కార్యక్రమంలో సంఘం ఉపాధ్యక్షులు మునిగడప శేషగిరి, పాలక వర్గ సభ్యులు లోకిని సూరయ్య, వెంకట్రావు, కాగితాల శ్రీనివాస్, అయిలయ్య, మహేందర్, సంధ్య, సమ్మక్క, సమ్మయ్య, రాజిరెడ్డి, కృష్ణమూర్తి శర్మ, పోచయ్య, సంఘ కార్యదర్శి జనగాని తిరుపతి, సంఘం సిబ్బంది పాల్గొన్నారు.
 

The post ఎల్కతుర్తి విశాల సహకార సంఘం క్యాలెండర్ ఆవిష్కరణ appeared first on VEDHA NEWS.

వేద న్యూస్, సుల్తానాబాద్:
పెద్దపల్లి శాసనసభ్యులు చింతకుంట విజయరమణ రావు మంగళవారం పెద్దపల్లి పట్టణంలోని ఆర్ ఆర్ గార్డెన్స్ లో పెద్దపల్లి జిల్లా ప్రొగ్రెసివ్ రికగ్నైజ్డ్ టీచర్స్ యూనియన్ తెలంగాణ స్టేట్ (పీఆర్‌టీయూ టీఎస్) సంఘం క్యాలెండర్ ను ఆవిష్కరించారు.

ఈ సందర్భంగా ఆ సంఘం నాయకులు ఎమ్మెల్యే ఘనంగా సన్మానించి శుభాకాంక్షలు తెలిపారు. కార్యక్రమంలో ఎమ్మెల్సీ కూర రఘోత్తం రెడ్డి , జిల్లా అధ్యక్షులు కర్రు సురేష్ , జిల్లా ప్రధాన కార్యదర్శి గండు కృష్ణమూర్తి, టీచర్స్ యూనియన్ సభ్యులు, కాంగ్రెస్ పార్టీ నాయకులు తదితరులు పాల్గొన్నారు.

The post పీఆర్‌టీయూ టీఎస్ సంఘం క్యాలెండర్ ఆవిష్కరణ appeared first on VEDHA NEWS.

• రాష్ట్రవ్యాప్తంగా ఆరె విద్యావంతుల వేదికను నిర్మించాలి
• రుణ విమోచన కమిషన్ మాజీ చైర్మన్ నాగుర్ల వెంకటేశ్వర్లు

వేద న్యూస్, వరంగల్ ప్రతినిధి:
హనుమకొండ లోని ఇందిరానగర్ లో రాష్ట్ర రైతు రుణ విమోచన కమిషన్ మాజీ చైర్మన్ నాగుర్ల వెంకటేశ్వర్లు(వెంకన్న) నిలయంలో ఆరె కుల విద్యావంతుల వేదిక రాష్ట్ర అధ్యక్షులు మోటె చిరంజీవి ఆధ్వర్యంలో ఆదివారం ఆరెకుల విద్యావంతుల వేదిక ముఖ్య నాయకుల సమావేశాన్ని నిర్వహించారు. ఈ కార్యక్రమానికి ముఖ్యఅతిథిగా ఆరె కుల విద్యావంతుల వేదిక రాష్ట్ర గౌరవ అధ్యక్షులు నాగూర్ల వెంకటేశ్వర్లు హాజరై మాట్లాడారు.

ఆరెకుల విద్యావంతుల వేదిక ఆధ్వర్యంలో అనేక కార్యక్రమాల నిర్వహిస్తున్నారని చెప్పారు. ఇంకా అనేక కార్యక్రమాలు నిర్వహించాలని ఆకాంక్షించారు. తెలంగాణ రాష్ట్రవ్యాప్తంగా ఆరె కుల విద్యావంతుల వేదికను నిర్మాణం చేయాలని సూచించారు.

ఆరె కుల విద్యార్థినీ విద్యార్థులకు ఓబిసి సర్టిఫికెట్ లేనందున ఈ డబ్ల్యూ ఎస్ సర్టిఫికేట్ ను ఉన్నత చదువుల కోసం, ఉద్యోగాల కోసం ఉపయోగించుకోవాలని చెప్పారు. మన సంస్కృతీ సంప్రదాయాలను ప్రతీ గ్రామంలో విస్తరించేందుకు విద్యావంతులు ఎంతగానో కృషి చేయాలన్నారు.

వారికి ఎలాంటి సహాయ సహకారాలు అయినా తాను అందిస్తానని హామీనిచ్చారు. కార్యక్రమంలో ఆరెకుల విద్యావంతుల వేదిక రాష్ట్ర సలహాదారు పేర్వాల లింగమూర్తి, ఆస్నాల శ్రీనివాస్, మేకిరి దామోదర్, మారిజోడు నరసింహారావు, నాయకులు బాబురావు, అశోక్, శ్రీనివాస్, డాక్టర్ సంజీవ్, నాగరాజు, యుగంధర్, తిరుమల్, భాస్కర్, రాజు తదితరులు పాల్గొన్నారు.

The post ఆరె కుల విద్యావంతుల వేదిక క్యాలెండర్ ఆవిష్కరణ appeared first on VEDHA NEWS.